吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我累了，我想放棄了

夫婦情感今日: 2|主題: 42806

收藏本版

發帖

返回列表

跳至頁

查看: 14280 | 回覆: 50

我累了，我想放棄了 [複製鏈接]

12 3

mimiNbaby

男爵府

積分: 5888

陪月勳章

1^#

發表於 17-2-7 20:07 |只看該作者 |正序瀏覽 |打印

最近好迷惘，結左婚都十年以上，4年幾前婚姻曾經出現問題，當時我開始改變自己，調節自己心態，叫做好左啲。但呢2，3年，同老公既問題愈來愈大。呢幾年無法可以好好溝通。佢工作愈來愈忙，加上經濟壓力，要揹起頭家。我明白佢有好大壓力，所以我盡量唔煩佢，家中既事，我盡量自己處理，佢喺到時又盡量唔同佢投訴呢樣果樣，無謂增加佢既煩惱。宜家佢只有禮拜六日先喺屋企，不過佢好少花時間陪小朋友。我明，佢一至五做野辛苦，禮拜六日需要休息，但另一方面，我又睇到小朋友好需要爸爸既陪伴，好想爸爸可以陪佢地玩，但爸爸只願打機瞓覺，就算佢喺細路身邊，都係0參與，或者自己打機..... 如果啲細路一唔聽話，老公即刻惡得好緊要，一點耐性都冇，啲細路變成佢既出氣袋。

至於同老公既溝通，幾乎冇乜咁濟。一黎少見，就算佢喺屋企，啲細路瞓左，佢只係喺到打機，唔會有野講。早幾年，我試過安排二人既旅行，但佢唔太投入，關係並冇變得close番，安排過兩個食餐飯，佢都係掛住玩電話。有時趁禮拜六日細路瞓覺或上興趣班，叫老公落去飲杯咖啡，佢話佢唔想去，留喺屋企打機..... 我知佢未必知我想要乜，我試過同佢傾，佢即時封耳仔封咀唔答我.... 不過我覺得家中所有事，佢又唔可以完全唔知，有啲嚴重啲既，同佢講，佢總係冷言冷語的答我。

我係FTM,湊細路，都有好大既壓力，我盡量搵朋友傾訴，不過有時自己情緒都爆燈，忍唔住喺佢面前呻左出黎，佢即時再踩多我幾腳。

直到呢一年，問題嚴重了好多。我同佢提既問題，佢完全不願去理，去回應。其實我都想知佢諗法，想大家了解下對方，睇下有乜可配合或協調，但佢乜都唔肯講，仲對我愈來愈冷淡，最近更當我係出氣袋，少少事就串我話我，乜都講到係我錯咁。

早排大家鬥氣鬥左好長既時間，令我有好深既體會。我感覺唔到佢對我仲有愛，佢宜家只係負責拎錢返黎，其他野佢完全俾唔到我地/或者係唔想俾..... 我宜家覺得好辛苦，喺呢段關係中，我不被尊重，只係俾佢出氣，將啲煩惱壓力發洩喺我地每一個人身上。我係好唔捨得段婚姻，所以呢幾年我好努力去維繫，不過，經過幾年得我一個人單方面去維繫，我累了，我想放棄了，得一個人想去維繫，有乜意思。我想離婚，但又擔心啲仔女，怕會對佢地有好大既影響，但如果只係為左啲細路而夾硬留底，我又好辛苦。我唔知我可以點做....

0 0 0

私人傳訊

Gee2020

大宅

積分: 3836

51^#

發表於 17-3-9 04:53 |只看該作者

我情况其實同樓主有啲似，
老公夜返對家事唔投入，
講多兩句覺得我煩，
最好就放低家用之後乜都唔好煩佢...
返到屋企叫親我都係點我做嘢，
自己就一日機不離手，
有乜唔滿意就黑面，
以前佢夜返我會好緊張，好擔心
最近....好似無乜感覺了...
我同自己講，咪當同屋主囉，
現在盡量儲錢，
等等到小朋友大，可以獨立，
我就可以甩身，
到時可能我會選擇自己生活。
無期望，無失望。
做好自己本分，
得閒揾吓自己鍾意嘅活動，
時間好快就過...

私人傳訊

月牙兒♡

子爵府

積分: 11685

50^#

發表於 17-3-1 18:06 |只看該作者

mimiNbaby 發表於 17-2-7 21:36
點樣可以知佢有冇第三者? 佢死口唔認的話可以點? 我試過好多次講我感受，次次我一講，佢就落閘了，一句聲都 ...

有冇第三者唔重要，重要係佢已經唔愛妳。我都經歷過，講都冇用，仲會嫌我煩。分開就感覺重生了。但要安排好小朋友生活。

唔需要再有寄望。

私人傳訊

monIII

大宅

積分: 2639

49^#

發表於 17-3-1 16:45 |只看該作者

夏落特發表於 17-2-8 19:21
我同你情況好似，唔同嘅我係在職媽媽，為咗家庭我單方面嘗試努力改變，但我嘅付出換不到佢嘅專重，重覺得比 ...

反而我的角色係相反. 而家係被老公話唔關心佢. 有時佢問多2句. 佢又話我串佢. 又話我D 語氣可唔可以好少少... 只會關心D 小朋友...

私人傳訊

~小樹兒~

男爵府

積分: 6156

48^#

發表於 17-3-1 13:18 |只看該作者

mimiNbaby 發表於 17-3-1 12:54
我好傷心，最近發現每晚佢趁我瞓左，佢用另一部電話同人send msg. 有一晚我咁岩出廳佢收唔切電話，於是問佢 ...

你先冷靜一點，兩公婆感情不好，本身就很容易有第三者，如果你未有足夠準備離開，無需現在就再追查下去，除非你覺得有必要開始轉移資產。現在做的是想辦法脫離ftm，做好打算，努力改善關係，起碼到自己有能力離開(如現在還不行)，才再回來處理是否有第三者或該不該離開的問題吧

私人傳訊

kk6699

大宅

積分: 1400

47^#

發表於 17-3-1 13:16 |只看該作者

回覆 mimiNbaby 的帖子

如果一個男人咁夜又用另一部電話send msg,九成有另一個女人

私人傳訊

mimiNbaby

男爵府

積分: 5888

陪月勳章

46^#

發表於 17-3-1 12:54 |只看該作者

小小bb 發表於 17-2-9 13:14
如果佢真是忙得咁緊要可能真係會有情緒困擾，先要求佢嚴肅看待事情，同佢傾計，佢唔想陪小孩也要努力安排 ...

我好傷心，最近發現每晚佢趁我瞓左，佢用另一部電話同人send msg. 有一晚我咁岩出廳佢收唔切電話，於是問佢做乜有另一部電話，佢只話打機。我話使乜收埋，佢話我突然出黎嚇親佢。我叫佢拎俾我睇佢唔肯。我問佢係咪有第一個女人，佢只係好大聲肯定咁話冇喎，但佢唔肯講佢用電話做乜，唔肯俾我睇。
乜野信任都無了。我可以點