＋

婆媳關係

收藏本版
發帖
返回列表
跳至頁

首頁
12

尾頁
   1
mamaSTONE


大宅

積分: 1635


1#
發表於 08-12-22 12:22 |只看該作者
係咁嘅~
我媽搬左嚟同我住都有差不多4年啦~佢係因為我d家姐搬走晒,唔想同佢住,所以佢就喊苦喊忽打俾我話得返自己一個,我就叫佢搬嚟我到~[其實我都唔想同佢住,但始終係阿媽,我d家姐又唔理佢,我唯有叫佢同我住]
我a家姐都喺3年前搬左嚟我隔離屋住...
以前佢地都好尊重我一家4口[我,死佬,同兩個小朋友],有咩事都會同我地講聲...但近呢年幾佢地好似當我地死嘅咁,我c家姐放佢個b[歲幾,都好百厭]過嚟,只會通知我隔離屋嘅家姐,同我阿媽,我就只係佢地搵唔到我媽,佢要問我我媽去左邊,佢先講點解要搵佢,否則我係完全唔知.....
[果日我要湊大仔返學,接埋放學先會返,我細b[當時2個月到]要我媽湊住先,我媽跟本湊唔到兩個,佢話佢會湊細b入房瞓,我家姐個b由佢喺廳玩,佢一定搞得掂]
我就話我a家姐,點解成日都唔同我講,我可以湊埋細b出去,佢地就話通知左阿媽就ok~又唔係要我湊.....我覺得好荒謬,呢到係我屋企,點解唔駛通知我??

前日食飯又係咁,我老公問我你c家姐嚟唔嚟,我話唔嚟掛,佢地無講,點知我媽果日喺車到[去緊食晏],突然同我a家姐講點解佢地唔早d嚟飲茶呀,就當係通知左我,我即刻問我a家姐,佢地嚟咩?佢就好唔高興我問佢咁[up]下頭算數~
真係好想知,究竟係唔係我屋企嚟?完全可以唔駛理我感受~

我今朝send左個sms俾我c家姐,同佢表明我心入面好唔高興,佢無覆我,可能佢覺得我多事,我係最細果個唔雖要通知....
佢嚟緊好似結婚,佢又係唔同我講,只係喺我屋企同我媽坐埋一邊細細聲講,但我媽就大大聲答佢地[我諗佢又係當通知左我地啦掛?]

請問係唔係我太敏感,太小氣呢~
我心真係好唔高興呢~
私人傳訊

mamaSTONE


大宅

積分: 1635


23#
發表於 08-12-30 13:11 |只看該作者
原文章由 marg't 於 08-12-28 07:39 PM 發表
Hi,

我好同意Cat既講法.
綜觀你講既野, 你阿媽係個麻煩人, 相見好同住難, 所有家姐都知呢樣野. 所以個個斜膊! 同埋好鍾意比較. 女人好小氣, 可以嬲好多年!! 你媽會否常常對你家姐呻你/你老公對她唔好?

都幾難 ...



佢係超麻煩嘅人,但係佢始終係我媽,我又唔想好似佢另外d女咁,有事鐘無艷,無事夏迎春,我又唔狠心要我媽自己住,始終一個人對住4面牆,自己幻想到都好慘~佢而家有孫同佢住,佢都好開心,但係佢只會理佢另外d女嘅感受,我地就.....
私人傳訊

mamaSTONE


大宅

積分: 1635


22#
發表於 08-12-30 13:05 |只看該作者
原文章由 Casttle 於 08-12-29 03:16 AM 發表
我同你情況差唔多, 我係排第四, 我AR MUM又係成日當我冇到, 同其他仔女傾好晒幾時飲茶食飯出街都好小會通知我, 要我聽到佢廣電話問返佢先答, 佢話佢廣電話咁大聲我冇理由聽唔到佢地廣野喎, 有時AR 妹同家姐AR BROTHE ...


我都想好似你咁,但佢地知我唔駛做,日日喺屋企湊仔,所以次次都[林]時先通知我,因為我一定得閒......
因此,佢地永世都係即時[通知]我~
可能呢個係我嘅決點~
私人傳訊

mamaSTONE


大宅

積分: 1635


21#
發表於 08-12-30 13:02 |只看該作者
原文章由 HangPig 於 08-12-22 04:32 PM 發表
如是我會企硬,不會再這麼"善良"~這樣叫家人呀?朋友都不如啦,起碼知咩叫尊重,但她們....做就有你份,其他你想都不要想就最好


你講中我心聲,我唔係想要d咩~
我只係想佢地尊重下我....
如果我仲係好似以前咁,未結婚同阿媽住,佢地想點都唔理~
但而家唔係,我結左婚,呢到係我屋企[雖然阿媽同我住,呢到都係佢屋企,但係人物角色地位,已經唔同左,但係佢地唔會明,只會覺得我多餘,同麻煩~到今時今刻,佢地都唔覺得自己有問題]
至於,之前有人提過見面傾,我可以講句見面傾,會令我更加激氣,佢地d[妙咀妙舌]嘅咀臉,真係會令我送佢一巴掌~

我自問無得罪佢地,佢地講咩,我都盡量配合,我只想佢地尊重我而已~但係佢地咁對我係因為覺得我仲細,而且我係最細,無得要求同投訴,佢地亦都唔需要同我交代~就係咁多~

私人傳訊

ac321


侯爵府

積分: 24705

好媽媽勳章


20#
發表於 08-12-30 13:00 |只看該作者
so bad!!!
Luckly I haven't got any sisters!

原文章由 mamaSTONE 於 08-12-30 12:48 發表



唔好講夾錢~
我a家姐成日搵我笨~好似上次話0格x學英文,一人一半買兩套教材,每月供1200要供18個月,佢話喺我戶口扣,每月出糧俾返600我~點知一個仙都唔俾,過左幾個月覺得0格x呃人,原先講好有乜有物,點知最後乜都無, ...
私人傳訊

mamaSTONE


大宅

積分: 1635


19#
發表於 08-12-30 12:48 |只看該作者
原文章由 ABBC 於 08-12-28 02:22 PM 發表
我就覺得你好忍得加上好好脾氣添呀~~我脾氣都已經叫做好好~就算明知人地串我都好啦~我都唔會去串返人架喇~家姐佢地有咩事叫我都會去做,o係外人眼中就覺得我家姐好錫我~咩都肯幫我~但係永遠都唔會知道我平時有幾就佢 ...



唔好講夾錢~
我a家姐成日搵我笨~好似上次話0格x學英文,一人一半買兩套教材,每月供1200要供18個月,佢話喺我戶口扣,每月出糧俾返600我~點知一個仙都唔俾,過左幾個月覺得0格x呃人,原先講好有乜有物,點知最後乜都無,我話唔供,cut左個自動轉賬,跟住有人追數,我同佢地[0格x]講返件事....我再同a家姐傾,我話我想唔供,佢地呃人,我問佢套書有無用,佢話無,我就提議俾返兩套書佢地,我唔想再供,佢就即刻好大反應,話佢第二時會睇,死都唔肯俾,又唔會俾返錢我~
所以你話叫佢夾錢,難~
而且我媽永世都會覺得佢另外d女係無錢嘅,我老公就一定大把~我排最細[4個女],但係次次食飯一定係我老公俾,佢地一個二個拍下屎忽就走,我地有車就一定要俾佢地用[我媽同我d家姐係咁諗,你唔肯,係你有問題孤寒,寧願放喺度都唔俾人用,放一個鐘都唔得]
a家姐同佢條仔生日,我老公要俾利是佢,口雖然講唔駛,但隻手一早已經攞左同袋左,我地生日睬你有味~
最好笑,我教仔都要睇a家姐面色,我教仔做a,佢一定唱反調,同我仔講我係錯,b先啱....
好似,有一次,我老公話同我個仔去第二度買玩具,但我唔俾,我地當時要趕返屋企,而且我個仔已經買左好多玩具,我唔想咁短時間又買~點知我家姐黑口黑面,行過嚟,死都要拖我個仔,跟住同我個仔講,[我同你去買,叫佢地返屋企先~]最後都係要一齊去買左先得~
點解我唔俾佢單獨湊我個仔去,原因係試過有一次一齊去迪迪尼[果日好多人],佢本來拖住我大仔,我同細仔行佢地後幾個身位,我可以離遠見到大仔,點知行行下,佢放開我大仔隻手,佢自己行左去詢問處,我大仔行行下唔知發生咩事,只知唔見左我家姐,佢企左喺到周圍望,想喊咁~我即刻叫佢行過嚟,我問佢大e媽呢,佢話行行下佢放開手,唔知去左邊~我之後話佢有無搞錯,佢居然話你睇住架嘛!!
我最怕d大陸人"怪"帶d小朋友返大陸,所以出街我都會跟實我d仔,點知我家姐仲要喺勁多大陸人嘅地方咁樣放低我個仔~唉.....
私人傳訊

Casttle


民房

積分: 1


18#
發表於 08-12-29 03:16 |只看該作者
我同你情況差唔多, 我係排第四, 我AR MUM又係成日當我冇到, 同其他仔女傾好晒幾時飲茶食飯出街都好小會通知我, 要我聽到佢廣電話問返佢先答, 佢話佢廣電話咁大聲我冇理由聽唔到佢地廣野喎, 有時AR 妹同家姐AR BROTHER都係咁, 整整下我咪唔理佢地, 佢地有咩聚會如果唔通知我一律唔出席, 當返佢地冇到, 佢地問起我點解唔到咪照直廣囉, 整整下依家都有改善LA, 我AR MUM同D兄弟姐妹依家都會主動咁通知埋我地, MAYBE你都可以TRY下呢個方法
私人傳訊

marg't


民房

積分: 12


17#
發表於 08-12-28 19:39 |只看該作者
Hi,

我好同意Cat既講法.
綜觀你講既野, 你阿媽係個麻煩人, 相見好同住難, 所有家姐都知呢樣野. 所以個個斜膊! 同埋好鍾意比較. 女人好小氣, 可以嬲好多年!! 你媽會否常常對你家姐呻你/你老公對她唔好?

都幾難去1對1傾, 因你家姐一定知會媽, 互相唆擺.
不過你一定要直接問幾時結婚, 禮貌上扮下野都要做.

Mar


原文章由 Cat1218 於 08-12-22 13:16 發表

第一件事,樓主你要相信女人係一種好麻煩的動物(我都係 ),你都有兩個小朋友了,都係成年人啦~佢地有咩事都唔通知你,但又會麻煩到你的~
1)可能妒忌你嫁得好,or你比佢地靚
2)你太就得人,無脾氣,佢地要你做咩,你 ...
私人傳訊

ABBC


子爵府

積分: 13533


16#
發表於 08-12-28 14:22 |只看該作者
我就覺得你好忍得加上好好脾氣添呀~~我脾氣都已經叫做好好~就算明知人地串我都好啦~我都唔會去串返人架喇~家姐佢地有咩事叫我都會去做,o係外人眼中就覺得我家姐好錫我~咩都肯幫我~但係永遠都唔會知道我平時有幾就佢錫呢個家姐先得架!!但係我都會有底線囉~就係唔可以有關我既事都唔同我講加唔通知我囉~因為我會感覺到我既唔存在架嘛~!!呢個係有來有往既時代囉~你對我好我對你好囉~!樓主~既然你地幾個家姐都唔想同阿媽住~why你唔建議佢地夾錢搵個地方俾阿媽住呀?阿媽大家都有份~你阿媽又唔係特別錫你果下抵死喎~如果你阿媽特別錫你既話,你o的家姐做既行為都可以惡得講~但係又唔係...變相咪一人夾一份囉~同埋佢地又未結婚~~照顧阿媽既責任其實係佢地多o的架喎~不過都要睇樓主~你夠唔夠狠心同你媽咪講,你唔想同佢住啦~因為佢根本就無尊重過你~當你係屋主同埋家人~一齊住都係無意思~唔想有一日連見面都唔想啦
私人傳訊

canies


翡翠宮

積分: 97317


15#
發表於 08-12-28 05:20 |只看該作者
oh m god~ ---

以前佢地都好尊重我一家4口[我,死佬,同兩個小朋友],有咩事都會同我地講聲...但近呢年幾佢地好似當我地死嘅咁---------------
if they were respect your whole family before mother move in...
so she is the reason!!!

dun mean to be offence, I believe your mother complain you in front of the sisters.
私人傳訊

TenWong


大宅

積分: 4492

好媽媽勳章


14#
發表於 08-12-22 16:43 |只看該作者
以其人之道還至其人之身咯，樓主你可能就系太順得人，你應該俾距地知道你立場嘛，下下甘根本當你無到。
我愛我家！
私人傳訊

HangPig


別墅

積分: 517


13#
發表於 08-12-22 16:32 |只看該作者
如是我會企硬,不會再這麼"善良"~這樣叫家人呀?朋友都不如啦,起碼知咩叫尊重,但她們....做就有你份,其他你想都不要想就最好
私人傳訊

ac321


侯爵府

積分: 24705

好媽媽勳章


12#
發表於 08-12-22 15:55 |只看該作者
I am the one => 我媽好驚佢個寶貝女 Hehehe.....
However, I never give trouble to my brother's family!

原文章由 mamaSTONE 於 08-12-22 13:46 發表

你就好啦~
我媽好驚佢個寶貝女[我b家姐]嬲佢,佢點舞我媽都得,掉轉係我地[我,a家姐同c家姐],理得你死,我地個個都痴線嘅,最正常係佢自己同佢乖女,b女婿,我今年5月生細佬,佢居然叫我落左佢同紥埋佢,佢話我老公好黑人憎 ...
私人傳訊

shannnb


水晶宮

積分: 59166


11#
發表於 08-12-22 13:58 |只看該作者
你唔係小氣 你係正常
我會比你更絕
唔通知 唔俾入屋
理得佢係邊位丫, 激得我嬲嬲地, 黎到都唔俾入屋, 有親又點呀, 冇禮貌既人 列入拒絕來往顧。如果你阿媽認為咁樣唔得, 佢咪搬走 搬去一個佢想點咪點既地方囉! 佢係佢自己屋企 佢做女皇都得! 最憎d人麻麻煩煩, 係佢自己屋企 我話之佢係女皇定大帝丫, 走到我屋企 就咩都假!
私人傳訊

mamaSTONE


大宅

積分: 1635


10#
發表於 08-12-22 13:46 |只看該作者
原文章由 ac321 於 08-12-22 01:10 PM 發表
Yes, my mother 好勁. She is 7x now.
My mother never worry his son (my 哥哥)嬲佢 or not. Just don't give any trouble to her is OK!

Now, I am sure my brother, as well as his wife ar ...

你就好啦~
我媽好驚佢個寶貝女[我b家姐]嬲佢,佢點舞我媽都得,掉轉係我地[我,a家姐同c家姐],理得你死,我地個個都痴線嘅,最正常係佢自己同佢乖女,b女婿,我今年5月生細佬,佢居然叫我落左佢同紥埋佢,佢話我老公好黑人憎wow~我a同c家姐d男友,佢都唔鐘意架,佢都成日叫佢地分手嘅,我地無一個好過佢寶貝~[我媽最鍚嘅女[我b家姐],但佢一定唔會同我媽住,之前佢生左bb,諗住叫我媽陪佢坐月,日日去煮嘢佢食,又諗住叫我媽做免費工人,辭左份工日日幫佢湊女,夜晚就叫佢返嚟我到瞓,點知我媽會錯意,以為佢叫佢去佢到住[[但我媽仲諗住hold住我間房]],佢就即刻辭職,點知我b家姐知佢會錯意之後,即刻轉太,話請左陪月,同搵左ee湊,叫佢返公司問上司攞返封信]

你mami都好錫你wow~
私人傳訊

Cat1218


大宅

積分: 1690


9#
發表於 08-12-22 13:16 |只看該作者
原文章由 mamaSTONE 於 08-12-22 13:02 發表

我都想,我尋日問我a家姐,佢地幾時結婚,我想扮晒嘢安排果日有嘢做,免得佢叫我攞架車俾佢做花車,或者要我地做司機,點知a家姐一句話[唔知,佢地無講],就當答左我......

你都幾好記性wow....我都唔想成日煩大家,要你地 ...

第一件事,樓主你要相信女人係一種好麻煩的動物(我都係 ),你都有兩個小朋友了,都係成年人啦~佢地有咩事都唔通知你,但又會麻煩到你的~
1)可能妒忌你嫁得好,or你比佢地靚
2)你太就得人,無脾氣,佢地要你做咩,你從無托手x,俾佢地認定左你無所謂
3)你曾經做過d野令佢地憎左你{問下你媽咪},可能之間有d誤會
4)你年紀細到得20歲
大家係親姊妹,你一定要搞番清楚,唔可以糊塗做人,唔好用sms,直接約家姐出來傾,逐個約,唔好一齊傾,一對一,佢先會講出真心說話
私人傳訊

ac321


侯爵府

積分: 24705

好媽媽勳章


8#
發表於 08-12-22 13:10 |只看該作者
Yes, my mother 好勁. She is 7x now.
My mother never worry his son (my 哥哥)嬲佢 or not. Just don't give any trouble to her is OK!

Now, I am sure my brother, as well as his wife are angry with my mother!

Tell the truth, my mother don't love my brother's kid. However, she loves my kids very much.


原文章由 mamaSTONE 於 08-12-22 12:53 發表

你媽咪好勁~
佢唔怕你哥哥嬲佢呀?
私人傳訊

mamaSTONE


大宅

積分: 1635


7#
發表於 08-12-22 13:10 |只看該作者
原文章由 sbandliz 於 08-12-22 12:48 PM 發表


佢地無同你講-當唔知,最好你全家去旅行-人情都唔使做.

佢地無當你係自己人-你亦可以當佢地係陌生人.
同d家姐講-阿媽同你住4年,輪到佢地同阿媽住la. ...


你話叫佢地同阿媽住??
我媽試過話去a家姐到住,我a家姐即刻閃,我媽同佢講嘢即刻扮陳生[聾耳陳],又即刻唔出聲,哩入我電腦房~

佢地理得你,我同阿媽嘈交,打俾佢地傾下咋,即刻當我係衰人,咩都係我錯.....佢地驚我同佢嘈完,我趕阿媽去佢地到,話唔同佢住嘛,無論係咩事,佢地都唔理我,唔想聽我講嘢!
私人傳訊

mamaSTONE


大宅

積分: 1635


6#
發表於 08-12-22 13:02 |只看該作者
原文章由 sbandliz 於 08-12-22 12:48 PM 發表


佢地無同你講-當唔知,最好你全家去旅行-人情都唔使做.

佢地無當你係自己人-你亦可以當佢地係陌生人.
同d家姐講-阿媽同你住4年,輪到佢地同阿媽住la. ...

我都想,我尋日問我a家姐,佢地幾時結婚,我想扮晒嘢安排果日有嘢做,免得佢叫我攞架車俾佢做花車,或者要我地做司機,點知a家姐一句話[唔知,佢地無講],就當答左我......

你都幾好記性wow....我都唔想成日煩大家,要你地幫我諗,但真係無人可以傾.....唉!有時俾佢地搞到我都唔知自己啱家錯~因為我永遠是錯的,我媽永遠是對的,我d家姐...永遠置身事外,你有事自己搞掂,我有事你就一定要幫,但唔需要通知你~
私人傳訊

mamaSTONE


大宅

積分: 1635


5#
發表於 08-12-22 12:53 |只看該作者
原文章由 ac321 於 08-12-22 12:41 PM 發表
請問係唔係我太敏感,太小氣呢~=>No, you are not!
First, you should make sure is this your mother's idea? or your sister's idea?

I think I am小氣 than you.

I did the same some days before.
My mothe ...

你媽咪好勁~
佢唔怕你哥哥嬲佢呀?
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy