吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 想呻吓

婆媳關係今日: 0|主題: 27783

收藏本版

發帖

返回列表

跳至頁

查看: 3387 | 回覆: 27

想呻吓 [複製鏈接]

happyunhappy

民房

積分: 10

1^#

發表於 08-12-28 23:39 |只看該作者 |正序瀏覽 |打印

三年幾以來, 我一直無開心過, 因為同老爺奶奶之麻綠豆的小事; 我嫁入黎之後, 一如大部份新抱受了不少氣! 所以想搵個機會呻吓, 希望大家見諒!

(我阿爸唔係成日係屋企, 一如好多男人般有兩頭家而俾我發現, 而且得一個兄弟姐妹), 知道阿爸的事之後, 我唯有對阿媽更好... 嫁入呢個屋企之後, 我如常定期返阿媽度食飯...我大肚冇返工, 就更加多咗返, 因為老爺奶奶返工(我地同住), 而媽咪返夜, 好多時朝早我會返去同佢飲茶, 為咗顧及奶奶感受, 我都晚晚返屋企食飯... 奶奶都堅持會自己煮, 同買送, 不過...問題黎啦, 就算煮, 都10點幾至食, 有時我等到七點幾見未返, 打俾佢, 佢至話, 哎呀唔記得打俾你講我同朋友去街.. 註:佢份工冇定工作時間而且返唔返都得...唉, 十個頂, 因為我住果度咩都冇得買, 即係我要食公仔面...

又試過有次返屋企, 我件衫dirty咗, 阿媽幫我洗, 老公見十一點幾, 我都換咗屋企衫, 叫我不如係阿媽度訓一晚, 我同阿媽當然開心啦, 老公返到屋企奶奶唔見我, 發曬脾氣謂野又勁難聽, 結果老公竟然返黎叫我走; 果日開始我知道, 慢慢長路我有排過

囝囝出世早產, 我自己做做阿媽都唔想, 佢講得勁難聽, 又話我唔食野, 個仔係個肚度冇得食, 唔求你啦, 自己提早出黎食自己, 都未見過咁瘦的bb, (得4磅幾), 其實bb早產我同老公都唔想, 我自己都好難受, 仲同姑娘喊, 記得姑娘安慰我, 叫我唔洗怕, 早產bb的生存意志比其他bb高, 我當然精神返, 返到屋企後更打醒萬二分精神照顧佢, 自己唔訓唔食, 唔請工人....但可怕的事黎啦, 因為早產, bb情緒較差, 好易喊, 死啦, 奶奶話阿仔撞到dirty野, 唉, bb未滿月未出過街, 除非屋企有鬼啫, 我都死忍, 奶奶又明文定下未滿十二日唔俾我屋企人探, 但老公問, 咁姑奶算唔算, 奶奶話, 其實姑奶嫁咗都唔探得, 不過佢冇理由叫個女走... 可怕的係, 我出院當日, 姑奶經已上黎打牌, 唉... 我生完, 想訓啫...

(一)

0 0 0

私人傳訊

Leomummy

男爵府

積分: 7723

28^#

發表於 09-1-4 18:52 |只看該作者

吓﹗點解要搬咁近？仲要俾埋key？有搬等如冇搬﹗你應該一不做二不休，與其要搬，不如去盡d，有咁遠搬到咁遠，同佢哋絕少來往，你先得到安寧﹗而家‥‥唉‥‥唯有真係對佢哋强硬 d ，咪俾佢哋得寸進尺，蝦你蝦得咁過癮

私人傳訊

happyunhappy

民房

積分: 10

27^#

發表於 09-1-3 23:20 |只看該作者

多謝各位，我剛剛搬咗，不過好慘，因為同老爺奶奶住同一條村，基本上佢地日日都有借口黎我屋企，而且老公又俾定spare鎖匙放係佢地度，我唯有叫印印姐姐日日長期LOCK住對門，不過都制上唔到佢地上黎，而且佢地好差呀，有時我返媽咪度，但冇帶姐姐出去，佢地又特登上黎，姐姐同我講佢地走入我間房度架，不過唔知佢地搞咩，佢地其實明知我邊日一定返去架．

奶奶仲好笑，同我個仔講，嫲嫲遲啲搬黎住，囝囝ｓａｙ　ｎｏ，佢就鬧佢，要囝囝道歉而且要歡迎佢黎，佢話因為掛住個孫所以要黎住幾日．．．

我地係住係同一條村架．．．孫仔屋企即係嫲嫲屋企，嫲嫲屋企即係孫他屋企．．唉．．我想死呀．．．

我仲未同奶奶講我有咗，打算見肚再算，我同老公解釋係想等定啲至算，唉，不過時間有限，我怕佢真係搬黎陪我，又怕佢自把自為要湊細ｂ，今次我估我真係撐唔住啦

私人傳訊

123!@#

伯爵府

積分: 16607

26^#

發表於 09-1-2 10:08 |只看該作者

咁你搬左未呀? 最緊要你老公支持你.
唔好理你62,99啦. 由得佢地發脾氣.
自己好好安胎.
開心d, 生個肥肥白白既靚bb.

私人傳訊

123!@#

伯爵府

積分: 16607

25^#

發表於 09-1-2 10:06 |只看該作者

咁你搬左未呀? 最緊要你老公支持你.
唔好理你62,99啦. 由得佢地發脾氣.
自己好好安胎.
開心d, 生個肥肥白白既靚bb.

私人傳訊

acheng

複式洋房

積分: 324

24^#

發表於 09-1-1 21:38 |只看該作者

樓主要勇敢啲，為咗BB同囝囝既將來，唔好理你 6299 講既嘢，把口喺人度，佢鐘意點講都得，就算你幾好都無用。

好在依家你老公都知道你 6299 湊仔有問題 (搞到囝囝入院)。

趁早快啲搬，好好安胎，生返個肥肥白白既BB好過啦。你喺依家咁既環境，咁唔開心，生出來 BB 都唔開心。

私人傳訊

happyunhappy

民房

積分: 10

23^#

發表於 08-12-31 12:51 |只看該作者

繼續第五篇故事:

講番我搬同bb的問題, 奶奶勁癲, 屋企唔夠住, 我地只住梗一般八百幾呎的家庭, 有老爺奶奶我老公阿仔工人, 仲要時阿老爺奶奶啲親戚朋友, 加間中阿姑奶啲... 唉...點住呢... 我話搬, 老公一直都話好難做好難開口... 直到搬啦, 奶奶發曬癲, 話老公有老婆就咩都唔理, 冇親戚冇朋友, 要搬咁巴閉, 又話屋企得番兩個自己死咗冇人知(註:兩老只係50歲咋)... 冇咩個仔...等... 好不知所謂的說話....

我嘗試站老公的立場睇, 真係幾難受... 不過講到底都要搬... 因為我依家又有咗bb啦, 我決定今次要好好安胎, 我要生個bb出黎, 我唔再要因為呢個人而影響得我地太多...

不過最近我心開始怕, 怕所有野都再黎一次, 怕生完bb後佢地又做野令我難受, 怕佢地又失驚無神走黎抱走我bb, 好彩上一次我冇事, 不過我今次都真係有啲怕...

[ 本帖最後由 happyunhappy 於 08-12-31 12:53 編輯 ]

私人傳訊

happyunhappy

民房

積分: 10

22^#

發表於 08-12-31 12:43 |只看該作者

繼續第四篇故事:

上年開始我地見個仔開始大個小小, 就成日周圍去, 去離島玩, 去大型公園, 去旅行, 兩老又黎啦, 一句我唔讚成唔俾去... 仲話要去你睇自己去, 個孫等佢地湊... 好, 我地都忍, 老公都話唔好俾佢地湊啦, 廢事出事...

(是關阿老爺奶奶試過搞到阿仔入院.... 我同老公仲要俾醫生鬧, 話我地唔識做人阿爸阿媽, 問題係當時我地唔在場至出事)...

後來兩老見我地次次玩完返黎咁開心, 又話要帶佢去旅行, 仲要兩個自己帶... 佢地都..傻架... 第一, 佢地唔識英文, 自己出國都有問題, 第二, 奶奶帶細路出街咩都唔鐘意帶, 口渴咩, 買水啦, 要開奶咩, 問人借熱水啦, 奶瓶只帶一個全日用, 盡量唔餵奶, 兩三個月大的bb也好, 係街買粥食飽佢就算, 去廁所手唔需要洗, 去公園玩要除鞋除襪, 盡量唔俾bb訓, 因為bb係街訓咗, 咁自己會悶...試問, 一個咁嘅奶奶我點放心佢湊我bb呢? 有次我忍唔住同姑奶呻, (其中一姑奶自己未有bb), 佢話我地細個時咪又係咁大, 係你自己巴閉啫... 好... 我再忍, 將來你有bb, 我又睇下點.... 結果, 佢bb出世後, 街唔夠膽去, bb一訓, 下令全屋人收聲... 我囝囝大聲叫, 立即抱自己bb入房訓, 我通通看在眼內, "巴閉"如果係用黎形容我, 咁佢自己呢? 試問有邊個父母唔緊張自己bb呢??

最後, 奶奶又爭啦, 又要帶阿仔去玩, 聖誕節喎... 自把自為完全冇諗過我, 自己一句我要就打算帶出街, 後來老公開口話係就一齊, 一係一齊去海洋公園或者disneyland. 點知佢話好呀, 一齊入場, 我地兩個自己帶阿孫去玩, 你地兩個自己玩, 我咩人都冇預喎, .... 今次我真係又發嬲啦, 我問老公佢算咩意思, 咁講野好唔專重喎.... 奶奶想新抱專重自己服自己, 先要自己做事令人服先lor, 你自己講野都唔專重人, 何以要我專重你呢.... 結果, 我同老公講, 如果冇得同個仔一齊玩, 今次佢亦冇可能自己帶去... 至少我會叫印印姐姐死跟... (好彩我印印姐姐識做, 勁幫我)....

私人傳訊

happyunhappy

民房

積分: 10

21^#

發表於 08-12-31 12:23 |只看該作者

我忍, 係因為同老公結婚咁耐, 我地同個人都冇嘈過, 每次唔開心都只因為老爺奶奶, 我想過走, 當然我都有脾氣架, 不過我亦唔甘心, 奶奶明顯唔鐘意我, 係咁, 我咁容易俾佢激走, 我咪好唔底, 而且有次我走, 老公最後同我講決定搬, 佢自己話, 如果有日我同奶奶反面, 結果都係奶奶輸, 因為老公最後一定唔會唔要我同個仔... 有呢句, 我反而有咗啲信心...

私人傳訊

gloriawcwong

複式洋房

積分: 349

20^#

發表於 08-12-31 01:20 |只看該作者

俾我我同佢炒咗十世啦, 唔返屋企煮又唔話人知, 大肚婆食公仔麵, 早產個個都唔想, 但係你99都無做到一個99既本份呀, 都無好好照顧你!! 仲話你點解早產... 唔好理佢, 你要小心身體呀, 照顧好BB先係最重要呀!!!

我覺得99係啲好假既動物, 對住你係一個樣, 對住其他人係另一個樣 ... 好可怕! 又小氣 ...

私人傳訊

kayingivy

伯爵府

積分: 18129

好媽媽勳章醒目開學勳章

19^#

發表於 08-12-30 23:52 |只看該作者

原文章由 happyunhappy 於 08-12-30 16:29 發表
繼續第三篇故事:

因為好多問題, 奶奶愈來愈假, 我壓力愈多愈大, 老公唔明我, 我試過走, 返過屋企, 問題依然冇改變, 老公係可以改進, 但老爺奶奶屋企, 我總覺得受夠了....

後來有兩次我發覺自己有咗bb, 我清楚我唔 ...

因為咁而唔要兩個小朋友，仲要過咁耐先搬？掂解係有第二個小朋友時候唔搬，而選擇唔要？

私人傳訊

mother904

翡翠宮

積分: 82257

畀面勳章

18^#

發表於 08-12-30 18:41 |只看該作者

點解你仲要忍你呢個所謂99？

私人傳訊

心滿意足

男爵府

積分: 8910

好媽媽勳章

17^#

發表於 08-12-30 18:38 |只看該作者

唔好理佢地啦,咁衰格,理佢地都哂自己時間
你老公如肯幫你既,你都仲可以同佢地見下面當比面老公
如你老公都唔幫你既,不如自己帶埋個仔走人啦
做乜要受佢地氣喎

私人傳訊

wxxyxn

大宅

積分: 2339

16^#

發表於 08-12-30 18:11 |只看該作者

睇完我覺得好唔開心

私人傳訊

happyunhappy

民房

積分: 10

15^#

發表於 08-12-30 16:29 |只看該作者

繼續第三篇故事:

因為好多問題, 奶奶愈來愈假, 我壓力愈多愈大, 老公唔明我, 我試過走, 返過屋企, 問題依然冇改變, 老公係可以改進, 但老爺奶奶屋企, 我總覺得受夠了....

後來有兩次我發覺自己有咗bb, 我清楚我唔可以生住, 我地都仲未ready, 而且奶奶經已不知醜咁講, 如果我再生, 佢幫手湊, 我知道一定更有問題.... 結果兩個bb我地都冇要

後來我提出搬...

結果, 老爺奶奶認定我係罪人, 我一次過要佢地分開, 我同老公講, 如果我地一家三口唔可以開開心心, 咁即係我的問題, 係我要求太多, 還是真係如此係奶奶討厭, 我要搬, 如果唔搬, 咁我要走啦, 我受唔到落去, 的確如果我走, 我地都唔會開心, daddymummy, 要分開, 囝囝將來知道亦唔會開心....

結果老公肯搬, 但竟然冇勇氣同佢地講... 我提出, 佢地話以後就只得番佢地兩個, 有咩事都冇人知, 等等說話, 我受夠了, 亦清楚提出, 小朋友現在還細, 當然冇問題, 將來大啲, 兩老咁依賴佢佢亦會反感, 而且佢大咗, 我自己都要學放手, 做媽咪的要, 做阿爺阿嫲更要...

我心諗, 我真係唔明白點解咁多老人家會咁, 自己小朋友湊大咗, 責任完成, 仔女有自己的家, 就應該自己負擔番自己的責任... 但我老爺奶奶, 我避佢地避到成日自己係房啫, 但就連我地房, 邊個柜放咩, 電視向邊要理, 電腦放係房要理, bb床放邊要理, 仲要提議我地將bb床放入佢地房.... 窗簾布顏色又要理....

我完全根本冇曬自由....

後來, 我決定要生第二胎啦, 今次決定餵人奶, 睇你地點湊... 可惜, 事與願違, bb離開咗我地....

奶奶竟然怪我, 保唔住個bb, 仲搵我媽咪鬧咗一餐, 我好心痛, 佢竟然將自己的氣發洩係我媽咪將上!

私人傳訊

happyunhappy

民房

積分: 10

14^#

發表於 08-12-30 16:02 |只看該作者

繼續第二篇故事:

結果, 頭一年我好慘, 日日係屋企喊, 係媽咪度一走又喊, 自己抱住阿囝坐巴士喊, 開始覺得自己精神好大壓力, 我同老公講, 生bb係開心, 我唔想咁而傻咗, 初初老公理我, 奶奶又做小動作, 大家係度時佢整好湯放埋係我面前俾我飲, 出街食番夾埋送俾我..... 大時大節買禮物俾我, 但一切我看在眼內, 我覺得佢好可怕...

老爺老公出咗去, 佢打俾朋友講我, 仲要大聲講, 話我八婆, 唔俾個孫佢湊, 自己收埋個仔, 又話我成日死返屋企替死, 咁鐘意自己搬返去住...

有次我同阿仔返阿媽度食飯, 都未開飯佢打黎, 我親戚黎咗香港, 你立即湊個仔出黎俾佢見吓, 我話係阿媽度食梗飯, 因為當時冇人, 佢話, 你係就自己湊, 唔係就我自己上黎湊走, 你咁鐘意返可以返到夠, 你可以唔食架, 係阿媽度食lor, 我都只係想要個孫啫... 我立即發火, 心諗, 你當我係咩, 我都忍, 打俾老公, 老公竟然唔信我... 我又一次做咗衰人...

囝囝六個月大仲未諗抬頭, 姑娘話係早產bb問題, 我見有時間, 就開始上playgroup, 買教材返黎睇, 結果奶奶話我想迫死個仔, 幾個月大呢樣果樣, 學人想要迫個仔成材, 其實要個仔去死...我心痛極了, 現今社會有邊位媽媽如負擔得起唔去做呢啲野! 當然我姑奶除外, 佢啲小朋友由出世佢一有時間就湊返大陸搵人湊, 又話小朋友幾歲學咁多野都唔記得, 學黎做咩.... 我心底當然明白, 但, 人一生有幾多機會去學去試, 唔係我自大, 不過囝囝現在的好奇心的確很重, 老師都讚成係因為佢可以見多啲有關....

私人傳訊

TenWong

大宅

積分: 4492

好媽媽勳章

13^#

發表於 08-12-30 15:59 |只看該作者

你姑奶甘過份？？甘你點？？？有咩反應？

我愛我家！

私人傳訊

happyunhappy

民房

積分: 10

12^#

發表於 08-12-30 15:45 |只看該作者

各位, 我囝囝依家好大啦, 就三歲, 不過愈來愈多問題, 我好辛苦都呻吓啫!

回應番大家, 我姑奶經已有兩個小朋友, 當時囝囝出世, 我堅持唔俾奶咀, 問心, 一家自有一家事, 你鐘意用奶咀, 唔代表我鐘意, 你俾自己小朋友用唔代表我要用, 囝囝第一天返屋企喊, 其實係太嘈, 佢一句入我房, 搵奶咀放入佢個口度, 囝囝唔要, 佢強行放, 仲話食奶咀就唔喊啦, 把口有野仲喊!

私人傳訊

A.C.C.

大宅

積分: 3786

11^#

發表於 08-12-30 12:10 |只看該作者

原文章由 happyunhappy 於 08-12-28 23:39 發表
三年幾以來, 我一直無開心過, 因為同老爺奶奶之麻綠豆的小事; 我嫁入黎之後, 一如大部份新抱受了不少氣! 所以想搵個機會呻吓, 希望大家見諒!

(我阿爸唔係成日係屋企, 一如好多男人般有兩頭家而俾我發現, 而且得一個 ...

係好多奶奶眼中, 新抱 = 妹仔 + 生仔機器 + 白食白住嘅女人, 所以樓主唔好覺得奶奶對你唔好就係你唔討佢歡心, 你當奶奶係同屋住就好啦, 其他大小事情就自己顧自己, 安心照顧好BB, 等到以後BB番學時就可以出去再搵工, 自己有經濟能力, 可以搬開住就唔需要睇人臉色