吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 係咪我做錯？好辛苦

婆媳關係今日: 1|主題: 27783

收藏本版

發帖

返回列表

跳至頁

查看: 4610 | 回覆: 44

係咪我做錯？好辛苦 [複製鏈接]

12 3

mimi26

子爵府

積分: 11716

1^#

發表於 08-12-29 13:29 |只看該作者 |正序瀏覽 |打印

各位媽媽，我同男朋友打算結婚，但佢呀媽由我地拍拖開始一路反對我地，用盡好多傷害我地既手法同行為，連佢個仔都唔中意，佢依家越來越過份，２年以來，佢做的事包括

１．因為我揾錢多過佢個仔，咁佢就要我地分手，佢個仔表示唔肯，佢就發火話個仔食軟飯
２．打去比佢個仔ｄ朋友，唱佢，話佢食軟飯，叫佢ｄ朋友勸佢同我分手
３．我同佢個仔曾經嗌交分手，之後一齊返，佢話我有前科，到中年個陣會唔要佢個仔，叫佢個仔分手
４．佢話我自小冇左老豆（父母離婚），性格怪難同人相處，有問題（係當面同我講）我呢ｄ咁有問題既人佢屋企接受唔到咁話
５．話我唔識ｃｏｏｋ，唔識照顧佢個仔
６．話我自閉，唔識對佢地好，唔識大方得体
７．話我地成日出街食飯晒錢，話我霸住佢個仔，唔比佢個仔返去食飯
８．打比我媽咪，話我纏住佢個仔唔放．

等等不能盡錄．其實為左佢，我地已經嗌過好多次交，我真係好唔開心，佢不嬲係有躁狂症，講野成日大大聲，郁ｄ就郁手郁腳，拍門拍枱咁，總之係要人聽佢支笛．我男朋友自小比佢咁樣高壓都好反感，但一唔聽佢講佢就會發癲，聽我男友講，佢曾經試過比佢老公話佢打麻雀而拎菜刀玩自殘．上次佢竟然迫佢個仔同我分開，否則話要跳樓．

點都好，最後我地一齊返，佢個仔都冇再聽佢講，佢都冇乎仲生勾勾，不過唔代表佢收聲，佢仲周不五時撞門入房，要個仔迫我做呢樣個樣，否則就要分手．其實我好反感，不過我一直忍冇回口過一句．點解要我學ｃｏｏｋ？我唔認為我既私人生活佢可以干涉，佢淨係講一句，我係長輩你就要聽，我真係頂到上心口，好惡頂，我亦明白我男友好辛苦夾係中間，佢明白我冇錯佢又唔係要個老婆為煮飯，但佢又係唔激得個類人，佢媽一嘈，佢地就吵到好大鑊．佢成日揾借口想我上去食飯，其實想當面同我攤牌，想揾個機會嘈我（我男友話），但我根本不想見佢，我唔會忍到口唔出聲．

0 0 0

私人傳訊

A.C.C.

大宅

積分: 3786

45^#

發表於 08-12-30 17:43 |只看該作者

原文章由 KiuShaBB 於 08-12-30 15:09 發表
呢個99又係另一個經典. 能人所不能, 想人所不會想, 你估超like就得咩? short架.

我奶奶都曾經試過努力......又努力......再努力......去將佢心目中嘅"好新抱"介紹俾我老公, 叫埋一大棚親戚朋友去相睇, 仲要同對方講, 佢個仔絕對冇拍拖......

點知我老公唔醒水, 又點極都唔明, 居然以為真係好似佢阿媽講:"一大堆人去食吓飯"之嘛, so~就拖埋我去

私人傳訊

小寶貝兒

珍珠宮

積分: 30295

44^#

發表於 08-12-30 15:21 |只看該作者

原文章由 KiuShaBB 於 08-12-30 15:09 發表

呢個99又係另一個經典. 能人所不能, 想人所不會想, 你估超like就得咩? short架.

真係得架!!

我99係我地指拖果幾年, 成日都同叫個仔同我分開, 又話介紹xxx(佢d朋友)既女比佢, 叫個仔同人地做下朋友, 又話做朋友唔緊要既!

直到上個post寫果件事(個仔宣告非我不娶)之後, 99先死心, 冇再提咋.....

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

KiuShaBB

珍珠宮

積分: 31492

43^#

發表於 08-12-30 15:09 |只看該作者

原文章由 kit7266 於 08-12-30 14:38 發表
我朋友都係在99反對下結婚, 她以為結了婚已成定局, 99態度便會軟化, 因為老公係獨仔...結左婚8年, 99態度仍然強硬.

99超LIKE鄰居的女兒, 要亞仔娶她, 但亞仔+鄰居的女兒從來沒有拍過拖。 ...

呢個99又係另一個經典. 能人所不能, 想人所不會想, 你估超like就得咩? short架.

私人傳訊

kit7266

男爵府

積分: 9520

42^#

發表於 08-12-30 14:38 |只看該作者

我朋友都係在99反對下結婚, 她以為結了婚已成定局, 99態度便會軟化, 因為老公係獨仔...結左婚8年, 99態度仍然強硬.

他們以為生BB後, 可以解到這困局, 但....現在她有2個小朋友, 大女兒已經4歲多, 99仍然是有親戚飯局、結婚宴上, 有99, 便沒有新袍局面,或視新袍如透明, 姑仔的婚宴她也不可以參加。 99連孫兒也不願見，細囡歲半都未見過女麻女麻。
她老公現在終於

, 之前常抱大女兒去見99, 見多D改善關係, 但99望都唔望，更加唔會抱下個孫, 成日提住大姑奶個仔(3歲)有幾叻, 幾可愛，仲飛去英國照顧大姑奶+孫仔。

不喜歡朋友的原因是: 99超LIKE鄰居的女兒, 要亞仔娶她, 但亞仔+鄰居的女兒從來沒有拍過拖。

私人傳訊

pennykwan77

大宅

積分: 1690

41^#

發表於 08-12-30 13:35 |只看該作者

女人無男人唔會死嫁..

私人傳訊

Siuchoi

珍珠宮

積分: 32052

40^#

發表於 08-12-30 13:32 |只看該作者

雖然話女人係嫁比個男人, 但其實等於係嫁比個男人既家族~ 佢屋企人有問題, 又點唔會影響到自己既婚姻呢~

廿中又點? 唔通唔啱都要嫁? 咁忍到三十中才離婚? 三思呀樓主~~

私人傳訊

pennykwan77

大宅

積分: 1690

39^#

發表於 08-12-30 13:31 |只看該作者

由矩第一次打你,你都應該即時走啦..一個打女人的男人..唉..點可能再同矩相處呢?

私人傳訊

mimi26

子爵府

積分: 11716

38^#

發表於 08-12-30 13:20 |只看該作者

唉我都知好難搞但係依家我地仲好好我都係打算唔結婚住睇定d先好驚自己後悔一世

私人傳訊

TenWong

大宅

積分: 4492

好媽媽勳章

37^#

發表於 08-12-30 12:45 |只看該作者

我覺得各位媽咪真系好苦口婆心，講得好到肉。不過講到尾，一切都靠你自己，但你要堅強到可以承受後果。
祝你好運！

我愛我家！

私人傳訊

TenWong

大宅

積分: 4492

好媽媽勳章

36^#

發表於 08-12-30 12:42 |只看該作者

為左愛一個人一世都要抗爭，我認為唔值得，可能你宜家覺得值，愛情大于一切，但系婚后，你老公未必會好似宜家甘撐你，距會覺得你地煩，成日吵（男人都怕煩），到時你真系喊都無謂。

我愛我家！

私人傳訊

TenWong

大宅

積分: 4492

好媽媽勳章

35^#

發表於 08-12-30 12:36 |只看該作者

我都覺得，早走早著，因為你地甘樣就算結左婚都好容易離婚，你男友系無可能唔要距阿媽既，手尾太長了。
不如同你男友坐低傾清楚距，一系就定下規矩，分開住（肯定無可能俾距返阿媽度訓三晚啦，如果系仲嫁來做乜？），一系就忍痛分手算了，長痛不如短痛，BK媽咪都可以預見到結果啦～

我愛我家！

私人傳訊

女王大人

大宅

積分: 2657

34^#

發表於 08-12-30 12:28 |只看該作者

原文章由 mimi26 於 08-12-30 09:45 發表
我都有諗過唔結婚住係咪一個正確既決定,其實我地想結婚其中一個原因係想佢呀媽唔好再煩,結左冇理由叫佢個仔離婚掛?(我估)鍚個仔都唔會咁做啦
其實我男友都好鍚我既佢知好多野唔係我問題,冇迫我要我就佢呀 ...

你似為啖氣(唔甘心)而結婚咁喎.
你都知你未來99唔係人咁品, 所以唔係一般一既思路-唔好以為佢做唔出迫個仔離婚.
仲有...D99成日以"愛"之名, 去干預人地既婚姻...實質同愛冇關, 根本係霸道.
你男友都曾經屈服於佢媽媽既淫威下同過你分手, 邊個可以保證佢唔會再犯?!
講到尾, D好有"家教"既99會由細就灌輸-「一世人得一個阿媽, 女人冇左咪再搵過」既乖仔, 成家都反對..... 妥協係遲早既事.

私人傳訊

KiuShaBB

珍珠宮

積分: 31492

33^#

發表於 08-12-30 10:50 |只看該作者

原文章由 mimi26 於 08-12-30 09:45 發表
我都有諗過唔結婚住係咪一個正確既決定,其實我地想結婚其中一個原因係想佢呀媽唔好再煩,結左冇理由叫佢個仔離婚掛?(我估)鍚個仔都唔會咁做啦
其實我男友都好鍚我既佢知好多野唔係我問題,冇迫我要我就佢呀 ...

如果你有咁嘅諗法, 將來你一定會好可憐, 每日都會喺你99的魔掌下生活, 你C6到時仲幫唔幫你, 真係好難講. 我份人比較負面, 睇野要睇長遠D, 你試吓喺另一面想一想我既諗法, 會唔會令你睇多D野?

你試吓用多D時間睇吓BK以前的POST, 你會發覺好多99(自以為)為咗鍚個仔, 唔鐘意個仔娶個自己唔滿意既新抱番嚟, 攪好多小動作, 大動作, 喺個仔面前扮可憐, 話個新抱唔好, 講好多大話, 其實都係想個仔同個新抱離婚, 講到出口要佢地離婚的, 都有唔少, 佢地唔會話結咗婚就唔想個仔離婚, 佢地認為做咁多野出嚟, 都係為咗個仔好, 唔好要呢個唔好既老婆...

你未來99而家都可以打電話俾個仔的朋友唱衰你, 都令個仔好無面吖? 佢鍚個仔都唔應該咁做, 將來? 你地結婚咪即係同佢攪對抗, 你未來99係大晒既鬧氣專家, 唔激死人既野唔做, 根本無得講道理, 你地一定好唔得閒, 除非你好想同佢玩...

而家你男友未同你結婚, 梗係就你啦, 到真係結咗婚你就要服侍佢, 唔似得而家係佢呀媽服侍佢, 你就要做永遠都做唔完既家務; 而家佢仲同屋企人住, 梗係覺得佢呀媽煩啦, 管住晒, 又關大掣, 又鬧佢..., 到你地搬開住, 佢見少咗屋企人, 就會變成掛住佢地, 久唔久/幾日至見吓面, 囉唆都變關心, 佢而家都唔想介入你地中間做磨心, 寧願你地自己傾, 將來你男友仲係咪會幫你呢? 唔敢講.

俾多少少時間大家睇清楚, 係咪可以做得到為咗呢個鍾意既男仔, 可以相安無事同99相處? 日日為咗99而嗌交, 絕對會影響到你地既感情, 會唔會有委屈? 會唔會有少少鬥氣成份? 廿幾歲仲好後生, 唔駛咁快諗結婚住喎.

如果唔啱聽既, 請勿介意. 多口問一句? 你地拍咗幾耐拖?

[ 本文章最後由 KiuShaBB 於 08-12-30 10:51 編輯 ]

私人傳訊

mimi26

子爵府

積分: 11716

32^#

發表於 08-12-30 09:45 |只看該作者

我都有諗過唔結婚住係咪一個正確既決定,其實我地想結婚其中一個原因係想佢呀媽唔好再煩,結左冇理由叫佢個仔離婚掛?(我估)鍚個仔都唔會咁做啦

其實我男友都好鍚我既佢知好多野唔係我問題,冇迫我要我就佢呀媽,好多時好幫住我,所以先搞到同家人吵大鑊,但係佢搞唔店自己呀媽又係真,我諗呢個世界都冇咩人可以搞得佢店

私人傳訊

@Ting@

男爵府

積分: 8148

31^#

發表於 08-12-30 06:54 |只看該作者

原文章由 mimi26 於 08-12-29 13:29 發表 <a href="http://forum.baby-kingdom.com/redirect.php?goto=findpost&pid=30018465&ptid=1952673" target="_blank"><img src="http://forum.baby-kingdom.com/images/common/back.gif" border="0" onload="if(this.width>screen.width*0.7) {this.resized=true; this.width=screen.width*0.7; this.alt='Click here to open new window\nCTRL+Mouse wheel to zoom in/out';}" onmouseover="if(this.width>screen.width*0.7) {this.resized=true; this.width=screen.width*0.7; this.style.cursor='hand'; this.alt='Click here to open new window\nCTRL+Mouse wheel to zoom in/out';}" onclick="if(!this.resized) {return true;} else {window.open(this.src);}" onmousewheel="return imgzoom(this);" alt="" /></a> 各位媽媽，我同男朋友打算結婚，但佢呀媽由我地拍拖開始一路反對我地，用盡好多傷害我地既手法同行為，連佢個仔都唔中意，佢依家越來越過份，２年以來，佢做的事包括 １．因為我揾錢多過佢個仔，咁佢就要我地分手，佢個仔表示唔肯，佢就發火話 ...

好話唔好聽你地結埋婚唔同佢住...佢耐得你咩何..我就唔信佢真係自殺佢大你之麻,男朋友都企係自己果邊就完全唔洗理佢感受啦

[ 本文章最後由 @Ting@ 於 08-12-30 06:57 編輯 ]

私人傳訊

大豬既老婆

伯爵府

積分: 17545

30^#

發表於 08-12-30 04:41 |只看該作者

其實樓主我覺得你撈埋2樣吾同既野黎講。
拍拖可以系2個人既事﹐ 只要距中意你﹐ 你中意距。你地就可以拍拖。距阿媽憎你吾代表你要同距分手。
但!!! 吾分手系吾系要結婚呢? 結婚就再吾系2個人既事﹐ 結婚系2家既既事﹐ 結婚之後距系你99﹐ 你就同距有著不可分割既關係。吾系話你男朋友現在一句話之後搬開住可以解決。老實講﹐ 你雖然話你男朋友吾算愚孝﹐ 但好明顯既事系距搞吾掂距阿媽。當有一日距終於頂吾順距阿媽既時候﹐ 好大可能放棄個個就系你。

私人傳訊

小寶貝兒

珍珠宮

積分: 30295

29^#

發表於 08-12-30 03:36 |只看該作者

樓主, 你情況就似我幾年前未結婚時咁樣!

99行為差不多, 又係有精神病, 唔激得, 但又成日隔2日就失控鬧人, 癲左咁樣! 明明唔關我事都可以鬧到我都痴埋線咁濟!
又係鐘意管住個仔, 控制個仔, 又講埋好多野黎屈我, 話我勾引佢個仔, 令到佢個寶貝仔唔再聽晒佢話, 話我係壞女人, 又肥又醜又冇學歷, 配唔起佢個仔咁話!
臨到結婚前2個月, 忽然又一哭2鬧3上吊, 要求個仔同我分手, 又話娶左我的話, 阿媽不如死左佢好過!
當時老公打電話黎比我, 好唔開心咁同我講呢件事, 我用好平靜溫柔的聲線同佢講, 無論點, 我都支持佢, 無論佢做咩決定我都會跟隨, 即使最後都要分手, 我都會仍然深愛佢, 終身不嫁!
佢聽完好感動, 立即同佢阿媽講:"無論如何, 阿x都會係我老婆, 娶唔到佢, 我終身不娶!"
佢阿媽立即嚇到收聲(寶貝仔唔結婚, 咪即係冇長孫抱?!), 不敢再提要求我地分手既說話!!

好彩既係我老公真係好愛我, 亦都從來冇打我, 所以我為左佢忍氣吞聲, 佢亦都知道我受既苦而更加愛我!

我方法我覺得work, 但真係要忍得好辛苦, 加上要非常小女人, 百煉鋼化作繞指柔一樣纏到老公再也離不開你, 纏到老公覺得老婆先係世界上最重要, 最愛鍚, 最須要保護的人, 你就成功了!

如果你不想改變自己黎爭取你男友既愛同支持, 咁我都建議, 不如分手啦! 而家分手, 只係浪費幾年既時光, 但結左婚自黎離婚, 浪費既時間起碼在十年以上, 你最青春, 最寶貴既歲月就咁冇晒, 仲要最後搞到自己傷痕累累! 何必呢.....