吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› bb出世後，奶奶做咗以下行為。。。

婆媳關係今日: 1|主題: 27783

收藏本版

發帖

返回列表

跳至頁

查看: 8560 | 回覆: 26

bb出世後，奶奶做咗以下行為。。。 [複製鏈接]

guluball

複式洋房

積分: 186

1^#

發表於 17-5-29 18:52 |只看該作者 |正序瀏覽 |打印

我同99關係一向ok，但自從bb出世後，我越來越唔想對住佢，亦唔想bb成日對住佢，因為佢曾經：

1）我喺娘家坐月期間，日日不請自來玩b幾個鐘，玩到b瞓覺/扭計至走。曾暗示佢唔好嚟咁密，俾d時間我休息，佢就叫我照唞囉！佢唔係嚟睇我

2）事先已叫佢唔好幫b剪指甲，但話唔聽，結果剪到b幾隻手指爆晒血。c6話佢仲發爛咋走咗要人氹返佢

3）姐姐初到我屋打工時，99平日下晝會嚟睇住，不過一到我屋企就叫姐姐抱b入房湊，話唔好阻住佢睇電視，但我屋企個cam係裝喺廳，即係姐姐同bb做乜係無人睇到

4）極度鍾意睇電視，佢睇無問題，不過佢係抱住bb一齊睇。話睇電視對bb唔好，就反話bb有乜問題關佢乜事？又話就係我哋屋企靜先對bb唔好

5）長期唔俾褲仔bb著，話佢熱，但b上身明明著住長袖衫。其實係佢本人鍾意bb露脾

6）b好鍾意食自己腳仔，99將b就咁擺喺屋企地板扶住佢企，但事後玩完就算，完全無諗過要抹下b手腳

7）慣性自把自為，襯我同c6唔喺香港時話要燉豬肉汁俾b飲，事前完全無問過我哋，當時b先剛剛六個月大，身高體重都好理想，完全無需要飲。係有人通風報信我哋知先阻止咗佢

8）某日我喺屋企，c6買咗個榴櫣返嚟，我本人唔食，99就大大聲話：b呀～我哋姓x嘅全家人都食榴櫣嫁！你都要試下食嫁～
想餵b食，我即時阻止咗，嗰陣b得六個月大

9）細細個就同b講男仔粗魯d唔緊要嫁！打人好過俾人打。長期對住b大聲講嘢，教佢打同踢，仲話b唔認得佢就要打到佢記得

10）99曾經幫某親戚湊小朋友，當時個小朋友兩歲左右，佢同呢個小朋友換片時話人哋剛換完咁快又瀨濕，正一係臭x。事後個小朋友學識咗仲同返自己父母講。而99就當正笑話咁周圍同人分享

0 0 0

私人傳訊

yamaneko

侯爵府

積分: 20278

27^#

發表於 17-7-14 16:55 |只看該作者

guluball 發表於 17-7-14 09:41
不過奶奶最近又有新攪作！
俾我睇cam時見到佢自己咬咗個蘋果，就咁俾b原個啜。問返姐姐，話99之前仲試過自 ...

下次叫c6咬啖餸，話好味喎，跟手孝敬奶奶。

私人傳訊

guluball

複式洋房

積分: 186

26^#

發表於 17-7-14 09:51 |只看該作者

hhz 發表於 17-7-14 09:48
堅唔好呀，香港有一半人有幽門螺旋桿菌，係引致胃潰瘍，胃癌的主因。大人食過野俾bb食，係呢個病傳染嘅其 ...

係。。。正常人都唔會咁做啦
喺屋企有齊餐具姐姐又喺度，完全無需要咁樣餵食。佢純粹係貪得意囉！

私人傳訊

hhz

男爵府

積分: 8856

我的育兒心得勳章

25^#

發表於 17-7-14 09:48 |只看該作者

guluball 發表於 17-7-14 09:41
不過奶奶最近又有新攪作！
俾我睇cam時見到佢自己咬咗個蘋果，就咁俾b原個啜。問返姐姐，話99之前仲試過自 ...

堅唔好呀，香港有一半人有幽門螺旋桿菌，係引致胃潰瘍，胃癌的主因。大人食過野俾bb食，係呢個病傳染嘅其中一個辦法。就算無呢隻菌，都好唔衛生啦。

我c6就係細個時，人地咬開啲餸餵佢惹返來，隻菌仲要有抗藥性，我地而家都好煩呀。

私人傳訊

guluball

複式洋房

積分: 186

24^#

發表於 17-7-14 09:41 |只看該作者

回覆樓主

不過奶奶最近又有新攪作！
俾我睇cam時見到佢自己咬咗個蘋果，就咁俾b原個啜。問返姐姐，話99之前仲試過自己食頭啖蕉，之後就b原條蕉咁食

由於衛生問題，c6叫佢唔好再咁做，99竟然發誨氣話：好巴閉咩？！跟手就發脾氣cut線

私人傳訊

guluball

複式洋房

積分: 186

23^#

發表於 17-7-14 09:36 |只看該作者

做個靚太發表於 17-7-14 09:07
就係尼樣，怕99唔開心，覺得99可憐，我老公話過，個男人唔夠惡，婆媳問題就會惡化，係真架~
我老公以前同 ...

b出世初期真係令我好無助，對c6好失望
好在而家佢開始睇到99嗰一套係有d問題，亦明白自己再唔出d力，大家感情會越嚟越差。
見到佢肯企過嚟我呢邊，開聲叫99唔好對b做某d行為，我條氣先順返d

私人傳訊

做個靚太

水晶宮

積分: 51146

22^#

發表於 17-7-14 09:07 |只看該作者

guluball 發表於 17-5-29 21:35
c6唔想佢媽唔開心，嘈過佢好多次先有行動温提99。但事後佢有意無意間表達99好可憐委屈，我係惡新抱。

以 ...

就係尼樣，怕99唔開心，覺得99可憐，我老公話過，個男人唔夠惡，婆媳問題就會惡化，係真架~
我老公以前同我乜都氹99，就算嬲，都係我地讓步先，因為唔想hurt到99，怕99唔開心，結果我99完全目中無人，想點就點，總之大家反晒面，所以我老公話，如果當初佢惡啲，要99停就要停，起碼99識尊重佢，唔會搞成咁~

私人傳訊

fungwongphie

珍珠宮

積分: 46803

趣教勳章畀面勳章貢獻勳章大廚勳章遊學勳章冬日勳章春季勳章 BK Milk勳章 hashtag影視迷勳章月餅勳章開心吸收勳章

21^#

發表於 17-7-14 08:11 |只看該作者

guluball 發表於 17-5-31 14:01
99本身心地唔壞，但大家文化唔同，又慣性自把自為。未有小朋友時覺得佢無乜嘢，而家有小朋友真係怕咗佢。 ...

好彩

Please do not quote any information posted by fungwongphie.
不誠實使用電腦會構成罪行，切勿以身試法。
何謂不誠實使用電腦??

私人傳訊

Mini429

別墅

積分: 624

20^#

發表於 17-7-14 03:34 |只看該作者

寄然你老公唔識體諒你,你就借姐姐口一齊比說話你老公聽,同你99豆煩

你999幫b剪指甲,結果剪到b幾隻手指爆晒血,下次你當無知,係老公和姐姐面前講邊個剪成咁,係咪想呀仔死(同姐姐夾咪,一定要姐姐講係你99做)

呀b有無病過?有的話,你又可以發惡,問點解會咁,又要洗錢睇醫生不但止,係咪又想害死呀仔,等你老公知道bb其實好脆弱

99有無你家鎖匙?有,就叫姐姐整壞屋企門,親機換門,99上來時,叫姐姐唔好開門比佢,由佢叮噹門口,雖然避得一時避唔到一世,但99要匙,叫你老公自己配,比佢知,佢呀媽有幾煩

私人傳訊

pinkochang

男爵府

積分: 8075

19^#

發表於 17-6-1 15:43 |只看該作者

回覆 guluball 的帖子

痴孖筋,仲要屈你阿媽!
我試過剪到我個仔流血已經心痛左兩日,
如果佢係我奶奶我實心痛到喊死!!!仲要三隻!!!

私人傳訊

feifei_baby

公爵府

積分: 27305

18^#

發表於 17-5-31 22:20 |只看該作者

guluball 發表於 17-5-31 14:01
99本身心地唔壞，但大家文化唔同，又慣性自把自為。未有小朋友時覺得佢無乜嘢，而家有小朋友真係怕咗佢。 ...

99本身心地唔壞，但大家文化唔同，又慣性自把自為

我99都係咁，總之就係思想言行都同我走分叉路，有時明明係佢理虧，佢個仔婉轉同佢講又白燕上身全世界最可憐佢，明明係佢挑機先，我先係受害者，搞到好似我唔啱、我蝦佢咁... 除咗佢我好少勁唔妥一個人，唔係憎佢，但覺得好煩厭...

私人傳訊

guluball

複式洋房

積分: 186

17^#

發表於 17-5-31 18:44 |只看該作者

pinkochang 發表於 17-5-31 17:24
剪指甲指到流晒血
bb好陰公!! !

當日我要返工，唔喺現場，嗰時姐姐仲未上工。

事發前99同我媽咪講有把唔知乜嘢指甲鉗可以拎嚟同b剪，我媽阻止佢話留返俾父母剪啦！而且我哋有把bb指甲剪

到我媽走後佢就私自幫b剪手甲，呢個時候c6返到嚟，好聲好氣叫佢唔好剪啦！佢仲懶醒話自己一個剪都得啦！又批評我哋剪得唔夠貼。

之後唔洗幾分鐘就出事啦！剪到三隻手指爆晒血，bb爆喊。c6見到咁爆咗佢一大鑊，99幾好嘢！反屈係我媽咪話佢知有把bb剪，佢先攞嚟用之嘛！之後仲發爛咋話唔嚟湊孫，走咗返佢自己屋企。

嗰日c6之後仲有嘢做，要99睇住bb，結果c6孭住bb走上奶奶度氹返佢（我哋住得好近，行五分鐘就到）

我有d慶幸當時不在場，如果我見到，我肯定會即時反面，就算99嬲咗亦一定唔會好似c6咁氹返佢囉

私人傳訊

pinkochang

男爵府

積分: 8075

16^#

發表於 17-5-31 17:24 |只看該作者

剪指甲指到流晒血

bb好陰公!! !

私人傳訊

minimickey

禁止訪問

積分: 788

15^#

發表於 17-5-31 16:07 |只看該作者

提示: 作者被禁止或刪除內容自動屏蔽

私人傳訊

guluball

複式洋房

積分: 186

14^#

發表於 17-5-31 14:01 |只看該作者

neing0103 發表於 17-5-31 09:17
嘩！你99真係極品囉！教個孫打人！
我覺得佢呢d人真係要等到個孫出事先識驚！

99本身心地唔壞，但大家文化唔同，又慣性自把自為。未有小朋友時覺得佢無乜嘢，而家有小朋友真係怕咗佢。。。

我有返工。早期我放完產假，姐姐未上工時，我唔想我媽咪太辛苦，加上知99想成日見到bb，所以協議咗媽咪99嚟我屋企各湊半晝，我收工就自己接手。

99湊嗰半晝主要係氹b瞓晏覺，餵一餐奶同換片，其他嘢完全唔洗佢攪。我感激佢幫忙嘅！d粗重工夫唔想打攪佢。不過佢就同我d姑仔呻話湊bb好攰好辛苦，攪到姑仔試過同c6嘈交。諗住叫佢唞下嚟少d，又話見唔到bb唔開心

未生前我哋話會請姐姐，99多次叫我哋唔好請，話佢可以辭職全職幫我哋湊b。c6都有d心動，好在我死都堅持要請姐姐！如果唔係我諗我會人都癲！

私人傳訊

ycbbluvbb

複式洋房

積分: 289

13^#

發表於 17-5-31 11:44 |只看該作者

我6299又係好鐘意向人地屋企坐成日,
以前未結婚佢已經叫我留間睡房比佢, 當然彩佢都有味,
到之後呀b出世, 冇幫過手, 上到黎行行企企睇電視, 指指點點,
成日帶朋友上我屋企, 又話我陪月唔煮佢飯.
成日想向我度訓, 我頂唔順, 落左order 唔比佢再上我屋企,
我有工人姐姐, 係會唔太放心, 但都好過日日見到佢!
你唔發惡佢只會得寸進尸,
不過大前題係你冇野要佢幫手lor.
其實冇老人家幫係辛苦d,但起碼唔洗勞氣

私人傳訊

neing0103

別墅

積分: 512

12^#

發表於 17-5-31 09:17 |只看該作者

嘩！你99真係極品囉！教個孫打人！
我覺得佢呢d人真係要等到個孫出事先識驚！

你可吳可以叫你媽媽上黎湊或者睇住呀？你係番工？

第一佢教小朋友打或踢呢d行為極度吳岩囉！大d既話佢一遇到吳岩既野就打人甚至爆粗，我覺得超有問題！

第二，6個月雖然可以食固體野！但吳係亂食囉！萬一有敏感好大鑊！

電視可吳可以拎走哂插蘇吳鬼俾佢搵到，等佢開吳到！睇電視番自己屋企睇啦！？睇電視對bb眼仔吳好之余！佢地好易自閉！

最緊要老公企吳企你身邊！
不過都要明白老公夾係中間都好難做！平心正氣大家坐低傾下！你做既野都係對b好！！大家都吳想b出左事先後悔囉！bb有咩病痛真係好慘！！

加油呀！！吳好因為99呢個人傷左你同你老公感情！最好彩係你吳係同99同住！