婆媳關係 今日: 0 | 主題: 27783

積分: 13

1^#

發表於 09-1-23 17:08 |只看該作者 |正序瀏覽 |打印

話說一向同男家的關係不是太好，老公對住6299又有野唔敢講，所以我上年有左bb，6299都係到我有左7個月先知，原本以為生左個女大家關係應該有改善......點知依家先係惡夢的開始.......
bb於1月9日出世，我同bb4日後出院，3日後我老公話99要一個鐘之後上來睇下個孫，99竟然帶左一行十幾人上來我家，我老公一開門就同佢地講要靜小小bb剛食完奶訓了，唔聽，一路大大聲講野，鞋又唔除手又唔洗，佢舅母就問都唔問我同老公沖左入我間房抱起左bb行左出廳，bb當然大哭啦，佢地唔理將我個女傳來傳去，終於bb嘔奶啦(我知其實未必關佢地事)，我終於忍唔住黑面問佢地捨得比番個女我未，之後我抱住bb行番入房鎖埋度門，99竟然大大聲問我老公，"佢咁係咩意思呀?個女有寶咩?咁縱佢，個孫係我家抱下都唔得"
佢地走左之後我問我老公可唔可以以後都唔好比佢d親戚上來，同埋以後只係大時大節先返99度?
我老公無答我......只係好無奈咁坐左係度!
剛剛老公同我講，99打來話2月1日要幫bb係上水擺滿月酒，訂左4圍，有2圍比女家，但果2圍女家自己比，比bb的禮歸男家!
大佬，我住天水圍呀，果日bb又未足月......
我好嬲咁同我老公講"如果咁樣唔好擺啦!我同我d屋企人一個都唔到!咁樣擺法仲要去上水，你阿媽唔理個大都顧下個細呀?"
之後老公就好down咁話一家人唔好咁啦!就cut左我線......
我咁樣係唔係好衰?我應唔應該為左老公而就佢地?

0 0 0

私人傳訊

Ling_Fai

積分: 110

47^#

發表於 09-1-30 19:13 |只看該作者

你做得好good!企硬!支持妳!

私人傳訊

NYmom

積分: 1724

46^#

發表於 09-1-29 14:10 |只看該作者

原帖由 bosch 於 09-1-25 00:55 發表

咁又幾好喎, 不過會唔會怪? D 人會唔會理?? 你地係多中國人黎探你地?

我咪當"揮春"咁貼law。

我d鞋已經放晒係門口，第一次有人黎，佢地（中國人）唔知點解入到屋先除，對鞋仲要放上地毯

，佢地走之後就製造張 notice

私人傳訊

積分: 13

45^#

發表於 09-1-29 10:53 |只看該作者

原帖由 ellako99 於 09-1-29 00:22 發表
樓主一d都唔衰, 你99叫咁多人上黎睇BB已經好有問題, 仲咁大聲講嘢, 又整到 BB喊, 真正衰格冇人格.

雖然擺滿月酒是男家決定, 但你99唔理BB同你gei健康, 又問都唔問就決定日子, 根本唔尊重你地, 但更cheap係佢竟然要 ...

咁你62又真係幾好，其實我62份人都無咩野，但佢唔多講野，又好怕99，所以擺滿月酒的事，62都有出聲話唔好係上水擺就番我同阿b，不過99反對，62就收左聲lu......

私人傳訊

積分: 13

44^#

發表於 09-1-29 10:50 |只看該作者

回覆 # 的文章

一出院就成班人上你家，我同我老公講佢都即刻'下'左好大聲。我跟住同佢講，人地樓主好好啦！比著我連門都未必開！

我都想唔開門，扮無人，可惜度門係c6開的.......如果得我一個人，我諗我應該會唔開門

私人傳訊

ellako99

子爵府

積分: 10291

43^#

發表於 09-1-29 00:22 |只看該作者

樓主一d都唔衰, 你99叫咁多人上黎睇BB已經好有問題, 仲咁大聲講嘢, 又整到 BB喊, 真正衰格冇人格.

雖然擺滿月酒是男家決定, 但你99唔理BB同你gei健康, 又問都唔問就決定日子, 根本唔尊重你地, 但更cheap係佢竟然要你外家認頭2圍, 但d禮要歸佢, 佢係咪痴線ga? 邊有人咁衰格ga? 我係你屋企人都唔黎la, 佢以為自己大晒咩????

我生完4條7時, 62話第一次抱孫, 所以要擺满月酒, 仲話佢比晒錢, 雖然係咁, 佢都同我地商量邊日同邊度擺, 結果就埋我媽咪在九龍灣擺, 仲請埋2圍比我ar媽 (男家都是2圍), 完全冇問我地攞錢, 原本我地想比返個日收到gei禮金62, 但佢一亳子都唔要, 話留返比BB用, 佢連我媽咪比佢gei禮金都比返我同c6, 叫我地留返比BB用, 所以, 我62真是好好人.

私人傳訊

vvnip

複式洋房

積分: 310

42^#

發表於 09-1-26 18:23 |只看該作者

恭喜你成功, 你老公又幫你個邊~

看你之前講結婚d野, 加上今次滿月的事, 知你99都係麻煩搞事個隻. d 99心理不平衡, 成日覺得d 新抱要比佢地指指點點, 要我地屈服於

佢至順氣.
剛剛生完係好易喊, 最緊要有不開心要發出來, 不要屈住.我個時都係咁, 99日日上來就問我有無比多d奶bb食, 要食多d ,嘜嘜77....食人奶點知食左幾多呀,我實會比佢食, 唔通我想餓親自己個b咩! 餵餵下咪喊囉, 終於我c6見到我喊就話佢阿媽, 咁先無再講.
生bb之前仲衰, 唔好話補身湯水一次都無, 連白連蘇咁easy既都無煲過比我, 我自己煲囉. 生完又係無野補身, 比節瓜湯我飲, d花膠係我媽帶來放入煲好既湯裹. 呢d野就睇得出99係咪錫自己... 不過佢勁錫bb, 仲成日講: 『我bb...嘜嘜物物...』個b係我架, 唔係你架, 99!!!

私人傳訊

See

伯爵府

積分: 18804

好媽媽勳章

41^#

發表於 09-1-25 22:45 |只看該作者

兩星期人仔，你又未坐完月，咁凍唔好出街！凍親大件事！
一出院就成班人上你家，我同我老公講佢都即刻'下'左好大聲。我跟住同佢講，人地樓主好好啦！比著我連門都未必開！
你99都好自私人，完全無理你同BB的感受！

原帖由 ching_carrie 於 09-1-25 20:34 發表

非常同意你咁講，我99又係，知道我有左問都唔問下，我有左6，7個月之後成日見紅係醫院出出入入都冇理過我，做冬果時去食飯，62叫99煲d野比我飲下，補下同去胎毒，99話"人地阿媽煲law!我唔識煲"
生左出來之後，就大聲夾惡話個女係我家 ...

全世界都在看你家的笑話，騙不過天地，沒不了良心。即管繼續下去，總有一天自己受！

私人傳訊

積分: 13

40^#

發表於 09-1-25 20:34 |只看該作者

原帖由 akj 於 09-1-25 00:48 發表

我生完bb後又係比99攪到我喊左幾次!有次我仲忍唔住當住我全家話佢添!(99上來女家食飯)(但以前就算佢點衰我都忍得住),但我唔覺得我有間題,話之佢,唔係佢衰先我又邊會咁!所以你唔駛咁自責喎!仲要攪到bb嘔奶,同佢撐到 ... d6299都白痴架啦,未生之前一句問侯都無,生完之後就成日話個孫係佢,食屎啦!

非常同意你咁講，我99又係，知道我有左問都唔問下，我有左6，7個月之後成日見紅係醫院出出入入都冇理過我，做冬果時去食飯，62叫99煲d野比我飲下，補下同去胎毒，99話"人地阿媽煲law!我唔識煲"
生左出來之後，就大聲夾惡話個女係我家，要點要點!
真的想

頭先打來比c6話一個鐘後要我地抱埋個b去食團年飯，我個b得兩星期人仔，點去，我見c6好為難個樣，咪叫佢比我講，順便講埋餐滿月酒，如果係上水擺，就佢自己同d親戚食埋佢啦!而女家d親戚唔會去，會係正日擺!之後88 cut 線，熄埋手提，哈!真是個心即刻舒服曬!
我問c6有冇怪我，佢話佢都知99唔啱，但佢唔知點同佢講好，仲話以後會試下為左我同阿b，推掉99的不合理要求，依家真係開心返曬!
多謝咁多位媽咪聽我申，同比意見我，我希望c6會做到應承左我的事啦!

私人傳訊

積分: 13

39^#

發表於 09-1-25 20:06 |只看該作者

回覆 # 的文章

無計，最初同C6一起其中之一的原因係佢孝順!

這都係我肯嫁比c6的原因之一，不過真的希望佢懂得分別咩係孝順，咩係愚孝，就好lu!

私人傳訊

pinkykwlui

積分: 1095

38^#

發表於 09-1-25 19:42 |只看該作者

都唔夠我c6同c9衰

你知唔知個陣時連我地擺酒我個c9都要理呀....都算啦, 算從亞仔出咗細之後, 我個c6就完全唔同哂....到亞仔現在3歲半仲越來越衰口忝....好次今晚咁年三十晚, 年年都一定要去c9到食飯....又唔見個c6俾面我亞媽上去我亞媽到食團年飯....於是我今晚終於頂佢唔順作出反抗...就係我冇想c9到食飯....俾佢自已感受吓.....我個c6有時衰到我個仔同姑奶d仔一齊玩...佢地乜都要我個仔遷就佢地....我個c6一句聲都唔出, 都只係話自己個仔不對....你見過呢d人未呀....真係好想同佢離婚.....

諾諾媽....

原帖由 ching_carrie 於 09-1-23 17:08 發表
話說一向同男家的關係不是太好，老公對住6299又有野唔敢講，所以我上年有左bb，6299都係到我有左7個月先知，原本以為生左個女大家關係應該有改善......點知依家先係惡夢的開始.......
bb於1月9日出世，我同bb4日後出院，3日後我 ...

私人傳訊

mamihar

積分: 3012

37^#

發表於 09-1-25 14:43 |只看該作者

C6好要face，開頭佢認為同BB沖涼好小事!點知... ... 現在C6一放假便同BB沖涼，按摩及換(便)

佢終於明白這樣係親子活動之一。

最近因為我太唔妥99所為，C6知我頂唔順，便同我道歉!

無計，最初同C6一起其中之一的原因係佢孝順!

[ 本帖最後由 mamihar 於 09-1-25 14:52 編輯 ]

私人傳訊

cherrielovely

男爵府

積分: 6003

好媽媽勳章

36^#

發表於 09-1-25 08:34 |只看該作者

原帖由 mamihar 於 09-1-24 23:06 發表
我生完BB情緒都有起伏，特別開刀後出院C6唔夠詹膽同BB沖涼及沒講99太耐無BB沖涼已唔識沖，我一時mouth:mouth:" /> 話C6(心想之前都話怕佢幸苦請陪月啦，C6話我唔應該看小佢)，最後佢2個話我有本事咪自己同BB沖涼:;pppp:
... ...

你老公咁賤既..

私人傳訊

cherrielovely

男爵府

積分: 6003

好媽媽勳章

35^#

發表於 09-1-25 08:33 |只看該作者

我生完時都係情緒低落, 冇事無啦啦會望住bb喊架....
平時雖然覺得99好煩, 但一定唔會開聲話佢, 但果次生完真係控制唔到自己, 係我阿媽面前鬧q佢.... 真勇敢..

私人傳訊

bosch

瑪瑙宮

積分: 128559

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

34^#

發表於 09-1-25 00:59 |只看該作者

原帖由 mamihar 於 09-1-24 23:06 發表
我生完BB情緒都有起伏，特別開刀後出院C6唔夠詹膽同BB沖涼及沒講99太耐無BB沖涼已唔識沖，我一時mouth:mouth:" /> 話C6(心想之前都話怕佢幸苦請陪月啦，C6話我唔應該看小佢)，最後佢2個話我有本事咪自己同BB沖涼:;pppp:
... ...

做到老豆點可以咁架!!!!!

私人傳訊

bosch

瑪瑙宮

積分: 128559

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

33^#

發表於 09-1-25 00:55 |只看該作者

原帖由 NYmom 於 09-1-24 02:39 發表

我都住係外國，我會係自己apartment 的門前貼 "入屋前請脫鞋" && "內有 bb，入屋後請洗手" (中 & 英)

咁又幾好喎, 不過會唔會怪? D 人會唔會理?? 你地係多中國人黎探你地?

私人傳訊

akj

男爵府

積分: 6628

32^#

發表於 09-1-25 00:48 |只看該作者

原帖由 ching_carrie 於 09-1-24 11:21 發表

其實我都唔知點解果日會咁失控!鎖自己同個女係房!我事後都覺得自己有d過火，應該有更好的處理方法。
平時我都係99話做節呀叫我地先上去食飯，一年都唔知有冇4，5次(c6就多d)每次上親去單單打打，我都可以忍到唔黑面笑笑口( ...

我生完bb後又係比99攪到我喊左幾次!有次我仲忍唔住當住我全家話佢添!(99上來女家食飯)(但以前就算佢點衰我都忍得住),但我唔覺得我有間題,話之佢,唔係佢衰先我又邊會咁!所以你唔駛咁自責喎!仲要攪到bb嘔奶,同佢撐到底!!
你唔駛太擔心,可能只係生完bb荷爾蒙的變化啫!可能bb剛出世,緊張d啫!唔會咁易抑屈嘅!不過有乜唔開心真係要同人講,唔好屈喺心!
我都係男女家分開擺滿月酒!我同我老公仲無同6299講添,費事佢地多多聲氣!
d6299都白痴架啦,未生之前一句問侯都無,生完之後就成日話個孫係佢,食屎啦!
唉,你99同我99都係咁有問題!佢邊會就你同bb吖,最緊要佢自己開心過'引'!我未坐完月我99要我同bb走黎走去!(目的係喺我家玩b唔過引)!滿月咪又要我由大埔去屯門!ed野我永遠都記得!

[ 本帖最後由 akj 於 09-1-25 00:52 編輯 ]

私人傳訊

mamihar