吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 同奶奶住的生活點滴

婆媳關係今日: 2|主題: 27759

收藏本版

發帖

返回列表

跳至頁

查看: 8347 | 回覆: 37

同奶奶住的生活點滴 [複製鏈接]

picpicc

複式洋房

積分: 129

1^#

發表於 17-7-19 21:29 |只看該作者 |正序瀏覽 |打印

全令我不爽，全是芝麻小事，唔想再同c6講，其實佢已經好努力溝通，但有啲佢都冇計，我唔想令C6咁煩惱，更不想佢有一日覺得面對住個老婆係好煩嘅事…
1) 99成日自己抱BB 2-3個鐘都唔放低，我一抱BB就話我好成日抱，攪到個B一喊就要人抱

2) 姑奶 (奶奶個女) 有個女10歳同個仔4歳，而家放暑假，要住喺我哋屋企 (佢哋個個暑假都係咁…冇得問點解，只能接受…)成日入嚟我間房，問東問西，要搵我傾偈，我覺得好煩，有時間我會理佢哋，冇時間或者想休息，趕佢哋都唔出去。前日BB半夜喊，我成晚冇瞓，中午餵完奶想補眠。我喺張床換完片抱個BB去BB床想即瞓，個妹妹話一定要佢抱，我話BB瞓咗唔好抱，點知我抱完BB落BB床，佢抱返個BB出嚟，係咁話佢要抱…

3) 我見BB好精神，同BB講吓嘢，99就話 "去做你自己啲嘢啦，講咁多嘢做乜"

4) 我有一日出街，放咗BB喺企俾99睇住先，返嚟見到妹妹同BB瞓… 有一日我見到奶奶心情好好，我同佢傾開BB啲攪笑嘢，順便同佢講："不如以後俾呀B瞓返BB床…我睇好多新聞，BB同人瞓都好危險，果日見到妹妹同BB瞓…" 奶奶即刻好大反應話佢有住，瞓吓晏覺冇問題，係我過分緊張，佢湊大咁多個一定唔會有問題… 我叫c6同奶奶講咁係有問題的… 所以c6同99講多次，99唔耐煩地話以後唔會… 點知過幾日我哋出街返嚟，個妹妹同我講下晝99又俾佢同BB瞓… 我同c6講呢兩個月妹妹喺度住，不如出街都帶埋BB先…c6話BB咁細唔適宜成日出去

5) 妹妹喺公園捉啲蟲返屋企養，其實我已經好唔鍾意，都算了，佢養養吓隻蟲死咗，佢仲放喺飯枱上面話要等螞蟻食隻蟲…我想嘔…

6) 我喺房泵奶，唔想有人喺房，就算只喺細路都唔想…我逼妹妹同細佬出房，鎖門，佢哋嬲咗係咁整古我…惡意狂敲門，我一出房飲杯水佢哋就入我房，鎖我門唔俾我返入去，後嚟佢哋俾99罰，雖然冇再鎖我門，但係繼續惡意狂敲門，而且我一出房佢哋就用玩具打我，真係好煩… 我嬲話咗話佢地兩句，奶奶就話我做乜嬲啲細路仔…

7) 有日我落咗街買少少嘢，我BB喺BB床本身瞓好好哋變到瞓歪晒，個4歳細佬同我講佢將BB個頭拉向床邊，想同BB講嘢。我諗佢細個唔識，我同佢好好解釋咁係唔啱嘅，會危險BB會受傷，細佬話以後唔會，我諗住同奶奶講吓，等下次大家睇緊啲，點知出到廳我都未開口奶奶就話BB自己瞓瞓吓瞓歪咗，我話唔會架喎，得兩個月大唔識翻身唔會瞓歪架喎，奶奶堅持，我話細佬都認咗係佢拉BB個頭，奶奶繼續堅持，仲叫我唔好再嘈…

8) 我大肚果時，奶奶唔俾我買BB嘢，咩都話用佢個女啲小朋友留返嘅就好，本來冇所謂，但係呢…例如我問奶奶細佬之前有冇出街衫仔，可唔可以拎出嚟俾BB 著… BB得睡衣…奶奶話 "BB最好唔好出街… 舒服咪得囉，BB有乜分睡衣唔睡衣 (睡衣是沙布衣…很鬆的，出街衣過頭穿入去，件衫唔係歪來歪去…)" 我心諗…覆診打針都要出街卦，C6又每個星期都同朋友出去咁啱奶奶唔得閒睇住BB先，逼住要帶出去… BB其實睡衣都只有三件…我問奶奶，姪仔有冇大少少嘅睡衣，可唔可以拎俾BB? 佢而家大個，初生果啲太細件了…奶奶話拎話拎又唔記得…我問多幾次又好似催佢咁… 睡衣又要問幾次，出街唔知冇定唔肯俾…

9) BB床頭放咗啲BB嘅藥，妹妹狂問呢啲咩嚟點食點餵，我怕佢又話佢要餵 (或者我哋唔喺度時佢以為自己識餵拎嚟餵)，我叫佢唔好攪，順手拎走啲藥放到好高…個妹妹不爽就同BB講 "你睇你媽咪幾惡，佢嚇親你了…真係衰…" 雖然佢只係細路，但我真係接受唔到有人喺BB面前講我壞話…

10) 佢哋屋企一放假就打牌…有一個weekend 我老公同屋企人打兩日麻將，每日只瞓4-5個鐘…得我一個睇住BB…但BB半夜都喊…日頭我又俾10歳同4歳嘅小鬼嘈住，其實我都瞓得好少… 星期日晚我本來想叫c6幫手，但想到佢其實都瞓好少，就算啦…點知我星期一就扁桃腺發炎發燒了…奶奶問我做乜，我話可能揍B有啲攰，99冷眼地說 "有幾辛苦呀…" 我心諗…其實我得一個仔…但因為你哋屋企咁happy打兩日牌，攪到我要一打三﹐咪咁辛苦囉…

11) 奶奶成日叫我哋俾多啲衫BB著…我同老公都話醫院啲護士教BB體溫高唔好著咁多… 有一日，BB好似肚仔唔舒服，一直喊，仲一個鐘便便三次…我見到佢咁細個唔舒服個心已經唔安樂… 奶奶一知道就係咁囉唆我…話我唔俾衫BB著…

12) 買啲咩做啲咩(例如買BB床，買BB車) 都好似要得奶奶同意咁，買之前做之前一定要同奶奶做好心理建設點解要買，唔係佢就會一直囉唆囉唆囉唆囉唆，雖然可以唔理佢照買，但好煩 (好想加粗口字，好X煩)… 就連買罐奶粉，奶奶都要管："又話食人奶，做乜買奶粉" 我話BB而家食好多奶，我有少少唔夠奶，一日要俾佢食一次奶粉，奶奶又問 "咁買咁大罐做乜…" 我話呢隻牌子冇細罐賣，同埋之前細罐果隻我哋一日餵一次奶粉，兩星期就食晒一罐了… 奶奶黑面話 "點會冇細罐賣…算啦…你鍾意點就點啦…"

13) 我哋唔可以唔同99住，因為間屋喺我老公嘅，我哋冇錢買多間更唔會徒錢出去租…但係我62已不在，做不出咁冇人性趕99走…

仲有好多好多小事… 我好想抱個BB返娘家休息幾日…但諗到返到嚟咪又係一樣… 休息完都唔會好啲… 我就開始抑鬱了…

0 0 0

私人傳訊

carmen_colourfu

大宅

積分: 4191

38^#

發表於 17-7-24 12:31 |只看該作者

Chickentailbun 發表於 17-7-19 23:57
盡可能全部時間自己陪住bb ，真係好難攪。個bb 咁細，比啲小朋友抱好危險，要嚴厲啲。
...

AGREE~!! 果2個小朋友真係睇你d字時都想打巴佢地!! 太曳!!!

私人傳訊

littlefafa

大宅

積分: 2619

37^#

發表於 17-7-23 23:41 |只看該作者

回覆樓主:

你都真係好忍得，為母則強，強硬啲
對嗰2隻小魔怪，唔使客氣啦，好聲好氣叫佢2個出去一次唔聽就好發惡啦，然後同啲細路講，唔可以再入你房

仲有，個妹妹下次再同bb講你壞話，你就好同返bb講: 媽媽係惡架，尤其是對啲頑皮唔聽話既小朋友。

bb衫方面，你有冇錢? 有錢自己買啦

99哦就千篇一律答案，"哦……" 問咩都係咁答，左耳入右耳出就好

反正你走唔甩，自己都唔保護自己同bb，真係無人可憐你架啦
記住人善被人欺呀

私人傳訊

CENMEITING

複式洋房

積分: 486

36^#

發表於 17-7-23 20:40 |只看該作者

picpicc 發表於 17-7-19 21:29
全令我不爽，全是芝麻小事，唔想再同c6講，其實佢已經好努力溝通，但有啲佢都冇計，我唔想令C6咁煩惱，更不 ...

你都忍得辛苦咯。我何嘗吾係想帶個BB返外家，一走了之。

私人傳訊

Gengen4321

大宅

積分: 1581

35^#

發表於 17-7-23 01:12 |只看該作者

我非常明白你，同我99一樣，咩都管，我每次買咩返黎都要睇下咩黎，買左d咩，我點湊個b都係錯，佢湊就最岩，講野一時一樣，加上幾個侄仔侄女回來時候，真係人都癲

私人傳訊

BoBo_Peach

複式洋房

積分: 284

34^#

發表於 17-7-22 18:45 |只看該作者

回覆樓主：

本帖最後由 BoBo_Peach 於 17-7-22 18:45 編輯

你唔夠惡，連細路都蝦你

私人傳訊

ricky0223

男爵府

積分: 9456

33^#

發表於 17-7-22 16:47 |只看該作者

回覆樓主

你老公全家都好難頂，唔識得尊重人，老公又唔撐你，感覺你好淋善，但你係媽媽，點都要好好保護自己子女，小朋友唔識就力，萬一整傷bb，可能好大鍋，我一定睇實，唔希望令自己後悔，有人要傷害我小朋友，我一定同佢死過！
我生完，老公個姪女又係咁，我鎖門佢都係咁拍門，細聲講好多次都係咁，又成日攪bb，我果時放緊產假，鬧左佢一次，加怒啤佢之後就唔敢，我無興趣幫人教仔女，但請唔好過份影響到我以及傷害到我仔，我明白唔應該同個細路女計較，但佢真係好討厭

私人傳訊

ch14kwok

大宅

積分: 3732

32^#

發表於 17-7-22 01:09 |只看該作者

回覆樓主:

俾我一定爆兩個細佬囉！奶奶幫口再爆埋奶奶！你扮產後抑鬱發惡乜都好，係呀！我係咁惡架，依家整親阿b麻！再攪信唔信我再鬧你，d細路擺明蝦你唔出聲唔出聲，俾人將個仔當玩具玩。出街用揹帶揹埋阿b出去，奶奶講乜你聽乜，個b你生架麻，你都唔保護個b，仲有邊個理？每次睇到呢d情況都好激動。老公唔出聲，你出聲。老公怕影響關係，唔該佢做下野，唔好乜都怪老婆。

私人傳訊

mossfishh

別墅

積分: 825

31^#

發表於 17-7-22 00:34 |只看該作者

你對你奶奶真好....我真係忍唔到

私人傳訊

picpicc

複式洋房

積分: 129

30^#

發表於 17-7-21 18:28 |只看該作者

Joey20110426 發表於 17-7-21 17:20
我同你差不多情況，平時大伯個仔都會黎我屋企訓，又係好鐘意入我房玩，真係少少私人空間都冇，我問題就係 ...

對 !! 為什麼不能尊重一下真正是媽媽的人 !

私人傳訊

yatmanchris

男爵府

積分: 7263

29^#

發表於 17-7-21 18:27 |只看該作者

picpicc 發表於 17-7-19 21:29
全令我不爽，全是芝麻小事，唔想再同c6講，其實佢已經好努力溝通，但有啲佢都冇計，我唔想令C6咁煩惱，更不 ...

果兩隻邪惡小人比我會兇佢地囉 d細路好衰欺善怕惡同佢講道理都晒氣比我會兇到佢地唔夠膽再黎住囉間屋係我既唔比你黎住未唔比囉

私人傳訊

Sobored

大宅

積分: 2859

開心吸收勳章

28^#

發表於 17-7-21 18:22 |只看該作者

picpicc 發表於 17-7-20 14:05
頭先c6同妹妹講（非常好語氣）話我哋好錫佢但係佢要聽話要尊重我哋唔可以唔合佢要求就惡作劇

佢 ...

我諗我會打佢。。。。太過份

私人傳訊

Joey20110426

複式洋房

積分: 438

27^#

發表於 17-7-21 17:20 |只看該作者

picpicc 發表於 17-7-19 21:29
全令我不爽，全是芝麻小事，唔想再同c6講，其實佢已經好努力溝通，但有啲佢都冇計，我唔想令C6咁煩惱，更不 ...

我同你差不多情況，平時大伯個仔都會黎我屋企訓，又係好鐘意入我房玩，真係少少私人空間都冇，我問題就係已經請姐姐係屋企幫手湊b同做家務，99同姐姐平時雞同鴨講好難溝通，99最鐘意係背後講我同姐姐是非（屋企已裝cam),有次俾我係電話聽到佢講我同姐姐不是，佢有不滿既地方點解唔當面講呢，有時99會爆一兩句姐姐平時做錯野俾62聽，尋晚終於62，99嘈左幾句，62話99你要放手交俾姐姐做，仲有你思想要變，99之後冇出聲，真係唔知99明唔明佢自己有問題呢？自從阿仔俾99湊左差不多三個月，阿仔已經病左兩次，第一次仲要病到入院，當時好想爆99樽。

我仔所有衫都係姪仔著過，99成日話好多衫唔好買衫仔

，有時覺得我係阿仔褓母多過係佢媽媽，好多野都唔係我做媽咪決定，99仲要姪仔用過既野我仔都要跟住用，越來越討厭男家所有人

私人傳訊

sytse

大宅

積分: 4073

26^#

發表於 17-7-21 11:51 |只看該作者

就是啊！買乜都唔需要佢同意

私人傳訊

ariariel

男爵府

積分: 5069

25^#

發表於 17-7-21 00:54 |只看該作者

picpicc 發表於 17-7-19 21:29
全令我不爽，全是芝麻小事，唔想再同c6講，其實佢已經好努力溝通，但有啲佢都冇計，我唔想令C6咁煩惱，更不 ...

嗰兩個細路完全不能接受

如果我係你，明明已經好聲好氣勸過都係咁，我會發惡爆佢哋一鑊，爆到佢哋驚咗我更好！但之後再不能留 bb 獨自比佢哋睇，難保你 99 睇唔緊比嗰兩隻豆釘傷害到！

仲有要買衫比 bb 使乜你 99 同意，比著我理都唔會理佢

又唔係使佢錢，得幾件替換都唔夠，一日嘔多兩次奶爆多兩次屎都冇衫換，唔通剝光豬咩

私人傳訊

minipinky017

大宅

積分: 1712

24^#

發表於 17-7-21 00:26 |只看該作者

picpicc 發表於 17-7-19 21:29
全令我不爽，全是芝麻小事，唔想再同c6講，其實佢已經好努力溝通，但有啲佢都冇計，我唔想令C6咁煩惱，更不 ...

俾我會爆
話我就咩都得
我會忍
但唔好搞我bb
我一定反面

私人傳訊

picpicc

複式洋房

積分: 129

23^#

發表於 17-7-20 20:27 |只看該作者

Mandc 發表於 17-7-20 18:54
俾我會趕兩個細佬返自己屋企⋯今時唔同往日⋯家中有bb謝絕探訪⋯99想陪兩個孫放暑假嘅可以去佢個女度⋯夜晚 ...

99話佢兩個識照顧bb 死都話佢有睇住成家都不能溝通的 !

私人傳訊

三國1

珍珠宮

積分: 35634

22^#

發表於 17-7-20 20:13 |只看該作者

回覆 picpicc 的帖子

樓主，你一定好和善，連兩個細佬都搞唔掂

私人傳訊

Mandc

大宅

積分: 3236

21^#

發表於 17-7-20 18:54 |只看該作者

俾我會趕兩個細佬返自己屋企⋯今時唔同往日⋯家中有bb謝絕探訪⋯99想陪兩個孫放暑假嘅可以去佢個女度⋯夜晚先返來瞓

私人傳訊

sytse

大宅

積分: 4073

20^#

發表於 17-7-20 18:18 |只看該作者

其實我是一個沒什麼耐性的人，我可以用1.5小時餵飯，用1小時同個仔寫ABC，但如果d仔曳，一而再再而三，我會即刻著火，火山大爆發，爆到佢地驚，可能會打少少（2至3下），冇大打過。人地d仔女我好少出手，因為人地父母可能唔鍾意陌生人出口呢~人家沒家教唔關我事。如果我係你，傷到BB既事，佢地一而再我就一定冇情講，就算唔打佢都大爆佢地一次，等小朋友知道舅母都唔係善男順女，再有下次就大打一次，唔洗多一下勁既都夠佢刻骨銘心，包佢地唔咁亂黎。你... ...太仁慈係保護唔到BB架，你唔保護BB，唔通靠老公同奶奶咩？！出街就帶BB一齊出，唔帶B就同老公講唔去，意外一之就夠啦～一次就致命架啦！唔通報警拉個小朋友咩～怨個奶奶唔睇住個B?唔好好睇住d細佬?最大責任都係父母！你老公真係比個“勁”佢，佢都好放心放低個B走去2人世界。我做唔出囉～