吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 分享食玩買的6日5夜在宜蘭台北

親子旅遊今日: 18|主題: 161646

收藏本版

發帖

返回列表

跳至頁

查看: 54414 | 回覆: 363

12 3 4 5...19

家希

積分: 2179

1^#

發表於 17-8-12 00:14 |只看該作者 |正序瀏覽 |打印

本帖最後由家希於 17-8-12 00:14 編輯

終於的起心肝寫番復活節去宜蘭台北的遊記, plan行程時喺呢度攞左唔少料, 依家回饋少少, 希望大家都有個愉快o既旅程 :)

出發前知道宜蘭台北o既天氣會唔多好, 愁爆, 因為喺宜蘭將會有好多戶外活動; 但慶幸天公做美, 我地多數喺車時落雨, 到埗就停雨, 所以所有計劃左o既行程都可以去到。我地喺宜蘭有包車, 細心o既司機姐姐 - 森森 (佢係宜蘭人), 令我地成個行程好順利, 好安心, 我地一共包車3日, 佢收費TWD10,000, 我覺得價錢合理, 加上佢超細心, 又做埋我地攝影師, 幫我地影左勁多相, 所以我地end up俾多左TWD1,000。我2個女番到香港都成日問住幾時去探森森姐姐!

Day 1: 森森喺桃園機場接機 > 食正好鮮肉小籠包 > check in 蘭城晶英酒店 > 紅樓食櫻桃鴨 (晚餐)
我地喺蘭城晶英住8/F花朵奇堡樓層, 我2個女喪揸車, 去窩窩樂任食任飲任玩玩具, 去露天廣場sir滑梯同跳彈床 (但可能o個幾日吽落雨, 個廣場開左天幕, 所以好谷), 出左去景點都成日叫住要番酒店!

Day 2: 蔥仔寮 > 蜡藝彩繪館 > 番割田甕缸雞 (午餐) > 羅東夜市
本身plan左一早先去蜡藝館, 再去蔥仔寮, 但森森見一朝早有太陽就建議我地先去蔥仔寮進行戶外活動。我十分推介呢個DIY活動,好好玩, 我D女落田拔蔥, 去洗蔥, 再去猜粉團整蔥油餅 (我細女細個可以免費入場, 但森森幫我地問蔥仔寮拎多左一個粉團, 等我細女都有得玩!)。本身我D女係唔食蔥, 但個蔥油餅真係好好味, D蔥係清甜o既, 所以佢地清哂! 之前開車去蜡藝館就落雨! 去到蜡藝館, 森森同我d女一齊玩油顏色, o個日蜡藝館好多人, 嘈到我地完全聽唔到工作人員講解, 好彩有森森喺度, 佢帶住我地去整蠟筆同水筆, 結果我地大約一個鐘就玩哂! 我地一路掛住玩唔記得要食飯, 森森就介紹我地去附近o既番割田甕缸雞, 好味抵食! 森森建議我地唔好咁夜去夜市, 因為我地拖住小朋友, 所以我地5,6點就去左羅東夜市, 但我覺得冇咩特別小食, 叫到此一遊, 加上又落雨啦, 我地就打道回府繼續飊車。

Day 3: 幾米廣場及火車站影相 > 幸福轉運站> 橘之鄉蜜餞形象館 > 亞典蛋糕密碼館及山寨村買手信 > 可達羊場 > 十分放天燈 > 回台北 > check in 西門町意舍
因為落雨, 我地誤打誤撞入左幸福轉運站避雨, 但原來入面好好玩, 我D女玩波波池, 我老公就玩VR。之後就去橘之鄉蜜餞形象館同好大張枱同好大張櫈影相, 跟住就去隔離亞典蛋糕密碼館及山寨村買手信。入蛋糕館前, 森森俾我地溫馨提示, 佢話放喺雪櫃入面o既蛋糕係好好味架, 但因為買左就要放雪櫃, 而我地就重要繼續行程, 所以佢叫我地要問d職員拎俾我地試食, 哈哈! 之後本身係諗住去宜農牧場, 但怕落雨, 所以森森車左我地去一個室內牧場 -- 可達羊場。佢話呢個牧場多數係本地人至去, 我地去o個日係平日, 所以包場。可達羊場可以話係麻雀雖小, 但五臟俱全, o個度有得餵羊、兔仔, 重有得揸羊奶, 喺牧場老細力勸下, 我同我老公試左細細啖, 真係唔蘇喎! 之前打定輸數去唔到放天燈架啦, 但森森問一問佢d司機朋友話十分好好天喎, 所以我地即刻出發! 不得不讚下森森手車, 好定, 去十分條路係多彎路, 但我地一d都唔覺得辛苦。其實放天燈係今次旅程o既重點活動, 我d女好期待, 佢地一見個天燈就好興奮, 咩都寫上去。有小朋友o既, 不坊帶佢地去玩下! 玩完就出發番台北, 今次住西門町意舍。

Day 4: 意舍食早餐 > 去食養山房午餐 > 親子餐廳Money Jump 晚餐
去到台北就join埋老公o既朋友一齊玩, 一共6大4小。食養山房o既位置可以用山頭野岭去形容, 十分偏僻幽靜。佢食o既係無菜單料理, 食物o既presentation好靚, 但可能期望過高, 我個人覺得味道一般。好彩我地o個日被安排到一間尾房食飯, 所以就算o個4位小朋友喺度大叫大笑, 我地都冇被投訴。夜晚我地去左親子餐廳Money Jump食飯。我覺得Money Jump係少見有誠意o既親子餐廳, 食物水準唔錯, 設施亦多元化, 有旋轉木馬、隨道、動力沙池 (隔離已經有得洗手, 好細心) 等等。

Day 5: 貝兒絲樂園 (板橋店) > 穆記牛肉麵 > 西門町夜市作最後血併
我好推介穆記牛肉麵, 佢o既半根半肉牛肉麵同d涼菜都好好味, 諗起都流口水!

Day 6: 早機回港

點評

Cheuk2012

發表於 17-12-2 00:29

0 0 0

私人傳訊

Mmyy2013

別墅

積分: 851

364^#

發表於 18-4-23 02:35 |只看該作者

回覆樓主

請問可以比森森資料我嗎，謝謝

私人傳訊

ckykerry

大宅

積分: 1795

363^#

發表於 18-4-20 22:20 |只看該作者

回覆家希的帖子

可否pm 司機資料，謝謝。

私人傳訊

heilamc

複式洋房

積分: 186

362^#

發表於 18-4-20 18:16 |只看該作者

回覆樓主：

本帖最後由 heilamc 於 18-4-20 18:27 編輯

請問可否pm森森姐姐資料，我6月會去，thx

私人傳訊

Mingbeechan

大宅

積分: 1818

361^#

發表於 18-4-20 14:34 |只看該作者

家希發表於 18-4-20 14:28
回覆 Mingbeechan 的帖子

第一日森森喺桃園機場接我地, 大約12pm, 之後去食d嘢, 去到宜蘭大約3點! 第2同3 ...

唔該曬

私人傳訊

家希

大宅

積分: 2179

360^#

發表於 18-4-20 14:28 |只看該作者

回覆 Mingbeechan 的帖子

第一日森森喺桃園機場接我地, 大約12pm, 之後去食d嘢, 去到宜蘭大約3點! 第2同3日, 森森大約9am黎接我地, 玩到大約7pm至散band!

睇番依家滙率, TWD10,000 =約HKD2,600 - 2,700。我個價係舊年架啦, 最好直接聯絡森森報價!