親子旅遊今日: 0|主題: 161705

收藏本版

發帖

返回列表

跳至頁

查看: 60003 | 回覆: 323

[台灣] 8月24日至29日高雄墾丁分享...分享.....(有點長)

12 3 4 5...17

積分: 6313

1^#

發表於 17-8-30 15:36 |只看該作者 |正序瀏覽 |打印

本帖最後由 cindy_kaki 於 17-8-30 15:39 編輯

三年前已分享過一次高雄墾丁之旅...終於今年可以再帶小朋友重遊一次啦....
今次我哋係六個大人,一個七歲及一個兩歲小朋友.....用返上次個好好司機....令到今次旅程超正超開心..雖然禽日先落機.....已經好掛住依個地方啦....

23號香港打八號颱風...一直擔心....第二日航班一問題...所以提早四點出發去機場CHECK IN....

24號朝....好彩飛機無延誤....準時八點起飛....拎埋行李...搞埋電話咭....十點九左右就上車啦.....司機當然好準時.....三年前講廣東話只係聽到大部份....今次見面...大部份旅程都用廣東話同我哋溝通....搞到我媽咪同小朋友...都可以嘻哈大笑....一上車...佢就車我哋墾丁....民宿先....第一晚選擇咗司機嘅自家民宿住....係恆春...獨立屋...有花園...有泳池....放低行李....就車咗我哋去食嘢....依個舖老闆娘係香港人..超後生....食咗好多嘢...雞...月亮蝦餅...炸腸...仲有好多...好味...之後就玩碰碰車....高卡車.....再去超市買定嘢...夜晚係民宿BBQ.....返到民宿....大小朋友大玩水戰.....玩到六點左右....司機車我哋去墾丁大街行吓....到八點再車返我哋去民宿BBQ.....

25號朝我哋十點出發...送返行李去墾丁嘅民宿.....跟住小杜包子...買包係車度上..買咗獅子頭包,起士包,紅豆包,麻糬泡芺包.....正...正..正呀!!跟住向海生館(門票司機代買...有折扣)出發....係香港已經預約咗入後場睇生態....入場後....就係服務台登記.....之後就入場館睇魚...好多好多魚呀....小朋友睇到嘩嘩嘩聲.....夠鐘就跟職員入後場囉....睇小丑魚BB.鯊魚BB...仲有好多魚...仲可以餵魚....睇完後場....就出咗去兩個池玩水....大約玩到一點半....我哋又去食嘢啦....食陽春撈麵.....正.....食完我哋去玩正宗飆沙...點解我會話係正宗.....因為墾丁有好多飆沙其實都係呃人嘅....我直家去果間...係直係係沙漠裡面玩.....我同大女渣一架沙灘車...我媽咪同細女坐吉普車牌(有司機的)....好刺激呀....大女玩到唔捨得走...話要仲玩....當然司機幫我哋講吓價....又有小小折頭啦....玩完成個鐘之後...再去吊橋......飲芒果沙冰.....我哋太攰啦...返咗民宿抖下....再自己落街逛夜市...

26號....朝早八點半..三個大人加大女....先去玩浮潛....換好衫(店有提供薄潛水衫...我哋加多見泳衣係裡面一齊著)就係岸邊教我哋點換氣....教練會確保我哋識先會帶我哋落水.....水好清......好多魚....教練仲私人帶相機同我哋影相...又拎包比我哋餵魚....玩咗一個鐘左右就上水....之後換衫返民宿沖涼...再出去.....跟住鵞鑾鼻燈塔.....食牛肉麵...好味....再去睇梅花鹿(可以好近距離摸同餵....鹿係你附近周圍走)......睇完去咗龍磐國家公園(睇海同發現有好多怕羞草)......出火(有架車買爆谷,可以買一盤係出火地方燒).....跟住又一日行程啦...返民宿了

27號....今日要出返高雄.....朝早十點出發...先去土地廟...買出名蕃鬼荔枝....超大個...平....跟住去東港食海鮮(海鮮係街市入面買....再去店加工)都幾平同新鮮....食完開車去酒店放底行李....之後去駁二玩泡泡....坐小火車...原本諗住再行吓...點知開始落雨...就上返車....去瑞豐夜市....到咗變咗落大雨.....就過咗隔進巨蛋嘅商場....飲飲食食...買手信......跟住返酒店

28號...最後一天....我哋九點出發....車我哋去食魚湯米線...淨園農場...睇飛機升降....睇動物.....再去大魯閣玩(裡面好似兒童遊樂場咁)同行....之後去咗家樂福買手信....去食烤肉....再行返去六合夜市....比小朋友玩係檔攤....再行返去酒店.....

29號...一早十點出發去機場.....搭一點三機...諗住睇晏啲去機場逛吓同食早餐....點知去到CHECK IN....話十一點四有位問我哋上唔上...反正都要等...我哋諗都唔諗就搭早咗一班機返.....仲有專人帶我哋過關......

個旅程啲時間過得超快...每日都唔夠時間用.....最重要搵到個好司機...唔咸唔淡嘅廣東話.....係車上面完全無悶場...大小朋友都笑到KAKA聲....仲要照顧埋兩個小朋友同我媽咪.....今次行程機本上我無點諗過去邊去邊...全部都係佢諗....仲因為天氣幫我改時間...唔係定實一日....食嘢都係司機帶...又平又抵又好食....仲要沿途繼續請嘢我哋食.....

我哋會再去架!!真係超正超開心.....