婆媳關係 今日: 0 | 主題: 27765

積分: 9263

1^#

發表於 17-10-2 15:09 |只看該作者 |正序瀏覽 |打印

純呻。
話說叔仔老婆係男家冇乜人緣，所以大家好似唔係好care佢同佢地一家三口飲茶食飯、過時過節出唔出現。
至於我，因為我個小朋友比較得人歡心（比叔仔個小朋友只係大幾個月），而我又比較易話圍，所以每次都指定我地必須要到，而且飲茶搵位都係我去，不論當時我係大肚定係帶住幾個月大既b都一樣，當然叔仔一家無論幾時都係我地有位佢地先會到，搵位俾長輩飲茶都合理，但我地兩個都係新抱，差不多時間大肚生b，點解每次都係要我負責搵位呢？我知道佢地係覺得叔仔一家可能又放飛機，最後係唔會蒲頭，但下下問都唔問就打黎要我搵位……
琴晚，佢地話中秋節叫細新抱同個女可以唔洗返去食飯，因為收工返去太夜，又住得遠，怕佢同小朋友辛苦…… （當年我收工即刻仆返去仲俾人鬧點解唔可以早d返到）
我地一樣收工返去，一樣住得遠，我帶住唔夠兩歲既小朋友，又剛剛有左bb（成日見暈），但係冇人會問我辛唔辛苦，只係叫我地一定要返，雖然我本來都買哂野諗住中秋返去同佢地食飯，我冇諗過咩借口唔返，但琴晚見佢地對我同對細新抱講既野完全唔同，個心就覺得好唔舒服……
我心入面明白佢地好想見我個小朋友所以先話要我地一定要返，佢地對叔仔個小朋友好少見冇乜感情，覺得大孫返細孫唔返都冇所謂，jm唔好鬧我身在福中不知福，多人錫我個小朋友唔好咩，我只係覺得唔開心佢地冇諗過問下我帶小朋友舟車勞頓辛唔辛苦，但就好似怕細新抱辛苦主動叫佢地可以唔返去……
我知道佢地好唔鍾意細新抱，但其實佢地做到表面鍾意我，我唔覺佢地對我又有幾好，似乎只係怕冇得見大孫……

0 0 0

私人傳訊

evahui619

積分: 7118

畀面勳章叻叻勳章 wyeth冷知識勳章

69^#

發表於 17-11-12 22:11 |只看該作者

回覆樓主

老老實實講，咩比較得人鐘意？
有人隨傳隨到，雙手奉上孫比佢地玩，飲茶大肚都要攞埋位，比我都次次要指名見到你。唔係咩原因，有阿四點會唔洗？

如果做得唔開心就做少d, 反正你唔係咁天真覺得真係掛住你？你唔係度食唔落飯？

私人傳訊

channba31

禁止訪問

積分: 42056

68^#

發表於 17-11-12 14:16 |只看該作者

回覆樓主：

提示: 作者被禁止或刪除內容自動屏蔽

私人傳訊

積分: 9263

67^#

發表於 17-11-7 18:32 |只看該作者

美之選468 發表於 17-11-7 16:53
半夜4點 call ? 你老公不用返工?

好彩第二朝係星期日咋！試過平日無lala又搞d野逼我老公返去小住3-4日……

私人傳訊

美之選468

公爵府

積分: 26519

66^#

發表於 17-11-7 16:53 |只看該作者

EudyptulaMinor 發表於 17-11-7 15:39
真係事無大小都搵我老公架，試過半夜4點急call我老公過去，只係去處理工人問題咋，我老公飛的返去都要半個 ...

半夜4點 call ? 你老公不用返工?

私人傳訊

積分: 9263

65^#

發表於 17-11-7 15:39 |只看該作者

Loveucpy 發表於 17-11-7 12:16
其實樓主我覺得你某d情況同我都好有相似地方，我老公有一妹，佢做大，父母有咩都依賴個仔，我地分开開住 ...

真係事無大小都搵我老公架，試過半夜4點急call我老公過去，只係去處理工人問題咋，我老公飛的返去都要半個鐘，點解唔搵個住得近既呢？我諗極都唔明……

私人傳訊

Loveucpy

積分: 1640

64^#

發表於 17-11-7 12:16 |只看該作者

EudyptulaMinor 發表於 17-10-2 15:09
純呻。
話說叔仔老婆係男家冇乜人緣，所以大家好似唔係好care佢同佢地一家三口飲茶食飯、過時過節出唔出現 ...

其實樓主我覺得你某d情況同我都好有相似地方，我老公有一妹，佢做大，父母有咩都依賴個仔，我地分开開住，但佢地日常生活中事無大小咩都搵我老公，屋企上唔到綱，唔舒服入院check野都要我老公請假陪佢入院. 陪佢出院，但個女就從來唔洗做呢d野，因為佢覺得自己俾過錢個仔買樓俾左d首期，就覺得個仔應該回報佢，咩都叫曬佢做，個妹就可以咩都唔使做，每個星期都要返一次佢屋企，如果有一個星期冇返佢就會嬲個仔，但係妹唔洗個個星期番，就算唔番都唔會嬲佢，表面上實話係錫我個仔，上好少見個孫多啲，但其實我好唔仲意個個星期要番，我都想有自己一家三口家庭日多d，我有時都會好埋怨我老公點解要個個星期番佢媽度，就係我唔番，佢就自己係都要帶我仔番，我其實唔仲意番我奶奶度因為佢成日會黑面，我唔明做咩仲要番去受.我情願我地俾番當初果d錢佢，唔好覺得佢有恩我地，就咩都叫我老公做，我

私人傳訊

dativebond

積分: 4224

63^#

發表於 17-11-6 14:49 |只看該作者

EudyptulaMinor 發表於 17-10-2 15:09
純呻。
話說叔仔老婆係男家冇乜人緣，所以大家好似唔係好care佢同佢地一家三口飲茶食飯、過時過節出唔出現 ...

我聽咁耐覺得男家中意你地，唔中意叔仔一家。你想要公平，即係要男家都唔中意你地？

有時，你覺得辛苦，就搵老公去做。但男家想見到你地一家係好明顯，佢地中意你地，應該高興。

私人傳訊

積分: 9263

62^#

發表於 17-11-5 17:35 |只看該作者

bananaGi 發表於 17-11-1 18:03
我覺得你幾enjoy佢地「重視」你喎

大b出世前係ok架，我覺得一家人有時少少犧牲冇所謂，不過當小朋友出世佢地咁「重視」真係好難頂，而且佢地唔係重視我，係我老公同個女，我就好似做乜都錯…… 真係無辦法enjoy囉

私人傳訊

baby_suki

別墅

積分: 828

61^#

發表於 17-11-2 18:53 |只看該作者

回覆樓主

其實倒返轉他們下下叫你5來，5 care 你的存在，你是咪會5開心?

同他們溝通多D，拿個平衡，你5講他們真是5會知道

私人傳訊

bananaGi

珍珠宮

積分: 31616

60^#

發表於 17-11-1 18:03 |只看該作者

EudyptulaMinor 發表於 17-10-2 15:09
純呻。
話說叔仔老婆係男家冇乜人緣，所以大家好似唔係好care佢同佢地一家三口飲茶食飯、過時過節出唔出現 ...

我覺得你幾enjoy佢地「重視」你喎

私人傳訊

littlechuhk

積分: 1702

59^#

發表於 17-10-30 17:40 |只看該作者

要見個孫咪佢地嚟你家見囉, 你又唔洗出出入入, 幾好呀!

私人傳訊

美之選468

公爵府

積分: 26519

58^#

發表於 17-10-11 18:16 |只看該作者

EudyptulaMinor 發表於 17-10-11 15:50
我都諗過趁大肚咋形，我同老公講唔會搵位飲茶，唔會四圍撲，因為堅係成日見暈，下次又呃我老公去做阿四， ...

如果你大肚都不能食住佢地?等你生完B就更加無位企。

私人傳訊

dolphinhay

積分: 1270

57^#

發表於 17-10-11 16:13 |只看該作者

EudyptulaMinor 發表於 17-10-11 15:50
我都諗過趁大肚咋形，我同老公講唔會搵位飲茶，唔會四圍撲，因為堅係成日見暈，下次又呃我老公去做阿四， ...

樓主C6係孝子, 所以最好呃埋C6. 唔好係佢面前complaint, 扮到自己都好無柰咁, 等佢企埋你果邊.

私人傳訊

積分: 9263

56^#

發表於 17-10-11 15:50 |只看該作者

dolphinhay 發表於 17-10-11 15:31
樓主應該趁大肚反擊. 唔係話要反晒面, 但認同上面jm講, 你同C6講話大肚唔咁早出去攞位, 你同大仔晏D出去joi ...

我都諗過趁大肚咋形，我同老公講唔會搵位飲茶，唔會四圍撲，因為堅係成日見暈，下次又呃我老公去做阿四，我諗我會扮唔舒服話老公要照顧我，叫佢去搵叔仔！

私人傳訊

dolphinhay

積分: 1270

55^#

發表於 17-10-11 15:31 |只看該作者

樓主應該趁大肚反擊. 唔係話要反晒面, 但認同上面jm講, 你同C6講話大肚唔咁早出去攞位, 你同大仔晏D出去join佢地. 佢要做孝子, 等佢自己去. 計返時間, 打比你C6同佢講話好暈出唔到門口. 你唔出, 佢都奈你唔何. 試多2次, 男家同你老公就唔會咁迫你. 佢地想見孫, 就會話自己去搵位, 叫你C6等埋你同你同大仔一齊出門口.
我依家大咗肚, 平時男家食飯次次都就叔仔, 佢放工放得晏, 我會體諒, 但做節食飯果D, 佢10日有9月日都話唔得, 要迫你一定要係佢選個日食飯, 然後又要就佢放工好夜先食. 我唔出聲, 但去食飯前, 就會同C6講肚餓, 要食野. 上到去, 人人食野, 我就話太夜食飯, 大肚婆捱唔到咁夜, 所以食咗野先上黎. 起碼等佢地知你嫌夜. 另外, 我已經同C6講定, 話BB出世後, 可能同唔到佢屋企人做節, 話BB唔可以咁夜仲係街, 亦唔會咁夜瞓. 叫C6快D學識自己湊BB, 平時佢放假可以湊BB返去見爺爺嬤嬤. (C6放假放平日, 我放假放週六日. ) 我同C6講明, 佢一個月先得一日機會放星期六或日, 所以果日係我地一家3口family day, 2邊長老都唔會見.

私人傳訊

積分: 9263

54^#

發表於 17-10-10 17:32 |只看該作者

回覆樓主

琴日99又打黎，無事不登三寶典呀，c6阿嫲個工人炒左仲未請返，呢段時間冇人照顧，99打黎暗示要我c6返去同阿嫲住一排，99係明知我宜家湊一個陀一個仲要返工（日頭個女俾婆婆湊），屋企冇工人既情況下打黎同c6講，我知道左當然嬲，不過c6拒絕左佢，c6話最多weekend返去睇一下唔會過夜，其實我好嬲佢地，點解咁多個孫唔搵就要搵我老公，有孫未結婚單身，可以返去同阿嫲住架，99要扮好新抱，咁叫62去囉，再唔係叫叔仔都得，叔仔老婆係ftm湊一個女（佢地一家搬去住都得），點都比我地方便啦。再次感受到佢地唔當我係人，就因為我同c6都林善！

私人傳訊

mandy952

琥珀宮

積分: 178424

53^#

發表於 17-10-10 14:33 |只看該作者

EudyptulaMinor 發表於 17-10-2 15:09
純呻。
話說叔仔老婆係男家冇乜人緣，所以大家好似唔係好care佢同佢地一家三口飲茶食飯、過時過節出唔出現 ...

事實係你自己都講左，易話為嘛，唔舒服就唔去囉，有咩問題，做節唔可以病嘅咩

私人傳訊

做個靚太

水晶宮

積分: 50464

52^#

發表於 17-10-8 20:48 |只看該作者

回覆樓主:

咁你要做好人，尼啲被需求係預左！
細新抱唔介意做醜人（至少係你地口中已經唔係好新抱），咪換到自己想要嘅自由囉！
尼個世界，有得必有失架啦～正常喎

私人傳訊

YoYoHello