吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 嬰兒用品› 一個人湊孖仔。。求交流鼓勵

嬰兒用品今日: 0|主題: 93257

收藏本版

發帖

返回列表

跳至頁

查看: 101717 | 回覆: 46

12 3

積分: 35

1^#

發表於 17-10-10 02:03 |只看該作者 |正序瀏覽 |打印

本帖最後由 faye_tung 於 17-10-10 02:53 編輯

一個人湊孖仔，求各位媽媽比正能量我！亦想同相同處境媽媽交流下
由兩個月開始自己湊到現在半歲(其實可以話一生完已經自己搞掂) 簡短d講，開頭同99住，但比佢搞到我產前後抑鬱，嘈左好多次。重點係我有bb之前佢係咁叫我生，話幫我湊比我去工作，但生左後佢係愛理不理，我兩日冇訓過都唔幫我，有時應承幫我餵又冇餵，bb喊到我醒自己餵返。坐月時叫我唔好濕水但又唔洗奶樽焗我洗，拜神日又逼我一定要洗頭。唔肯煲湯，一煲就菜乾或綠豆沙。嘈交時講返，佢話特登既因為我唔識尊敬99,係道住唔幫手做家務…試過成個月同佢講野黑面唔睬，我受盡折磨，但要湊仔走又走唔出去，只可以每晚匿埋喊…佢仲要話我冇得訓係我自己唔去訓。兩個月已比佢趕走，只好返我媽度三仔乸逼沙發床，一個月後先揾到屋。
起初情緒依然好唔穩定，身體精神都到極限，真係諗過+嘗試過自殺無數次。慢慢先好轉，可能係冇左99不停刺激我，而且自己湊熟左，情緒自然冇咁波動。不過講真一個人湊邊會唔攰，根本應接不暇，做左基本餵奶換片等已經冇曬時間，更奢論同佢地玩下訓練佢地既發展。有時做唔足家務，又冇時間幫佢地清潔得咁足，見佢地生粒粒/奶癬，又或者剪指甲剪得唔夠密，搞到佢地抓損曬塊面……之類，真係好灰心，但係唔開心完唯有叫自己再努力下。
錢方面都好煩，老公揾2萬多，租屋已使一半，滿月時冇休息+食唔飽收左奶，所以奶粉錢都好甘…而家只買基本野都係岩岩好，自己每日都係輕食+晚餐正餐，更唔使講奢侈品。雖然有bb前有積蓄但真係唔多，產前後都使左筆，之前比家用99都唔少。呢樣都係壓力之一，如果要買玩具或要睇醫生，又要諗計再慳…
當然都有開心時候，見住佢地一日一日長大，覺得雙倍辛苦都有返雙倍回報。曾經我以為自己唔會有咁多母愛，因為以前係只顧工作養家，唔中意小朋友更加冇諗住結婚生仔既人。但係生完成個人係改變曬！
我對湊仔真係生手，邊湊邊學咋，好想知道有冇媽咪又係一打二。。可以教下我，同埋都想揾人呻下得到d鼓勵。。

0 0 0

私人傳訊

ccl_12

複式洋房

積分: 336

47^#

發表於 18-10-22 21:22 |只看該作者

本人都係俾99線左一鑊甘﹗生之前我地話請陪月，佢又唔想啲錢俾人賺，所以話唻幫手，幫左陣覺得辛苦就發我同bb脾氣(大聲scold, 當時阿b未足100日)，一走了之﹗我又返工又湊b真係好辛苦﹗老公仲要成日發我脾氣~唉!

私人傳訊

umininn2011

別墅

積分: 567

46^#

發表於 18-10-22 16:41 |只看該作者

我都有左孖B, 初初99 以為我會唔做野全職湊, 佢就話日日黎幫手 (仲打算係度訓做埋夜更, 不過比我Reject jor)~ 但我一講話之後要返工, 佢就呆左一輪, 到我地話請個姐姐幫手佢仍然都唔出聲無反應~
最後, 我直接佢講, 如果我唔做野, 要供樓、比家用你、我地自己家庭開支全部係曬你個仔,我老公身上~根本就係負擔唔到~佢先答應請姐姐幫手。
希望出年1 月卸貨後一切順利~

私人傳訊

MVlove0908

複式洋房

積分: 161

45^#

發表於 18-8-10 11:46 |只看該作者

kiwikiwibi 發表於 18-8-10 10:34
你bb 宜家幾大呀?

就黎7個月～

私人傳訊

kiwikiwibi

複式洋房

積分: 482

44^#

發表於 18-8-10 10:34 |只看該作者

MVlove0908 發表於 18-6-5 18:55
我都係孖B～
我好彩d，我同我阿爸阿媽住～
開頭我都唔想生住，係奶奶係咁話幫我湊吹我先生，結果有左同埋係 ...

你bb 宜家幾大呀?

私人傳訊

Edelweiss88

男爵府

積分: 7829

43^#

發表於 18-7-21 23:08 |只看該作者

卡路人發表於 18-7-21 19:38
請問你沒有4大長老幫手，佢哋反學妳點反工？佢哋一病或打風要接。我昵方面好迷惘。

我依家有個新姐姐，托賴各方面都還可以

私人傳訊

卡路人

大宅

積分: 1627

42^#

發表於 18-7-21 19:38 |只看該作者

Edelweiss88 發表於 18-7-16 08:52
明白你嘅辛苦，我之前都係一個人湊兩個到佢哋一歲半，好有叫天不應叫地不聞嘅感覺。
我都冇四大長老幫手， ...

請問你沒有4大長老幫手，佢哋反學妳點反工？佢哋一病或打風要接。我昵方面好迷惘。

私人傳訊

Edelweiss88

男爵府

積分: 7829

41^#

發表於 18-7-16 08:52 |只看該作者

faye_tung 發表於 17-10-10 02:03
一個人湊孖仔，求各位媽媽比正能量我！亦想同相同處境媽媽交流下
由兩個月開始自己湊到現在半歲(其實可以話 ...

明白你嘅辛苦，我之前都係一個人湊兩個到佢哋一歲半，好有叫天不應叫地不聞嘅感覺。
我都冇四大長老幫手，之前請個姐姐第一個星期已經想炒，忍佢一個月結果前後用咗兩萬幾。
頭幾個月真係覺都冇得瞓，好彩係屋企附近搵咗個姨姨幫手每日睇幾粒鐘，先可以輕輕休息一下。每個星期俾錢都覺得肉痛，但係真係冇辦法有啲錢要洗就真係要洗。
依家佢哋已經接近三歲，返緊全日N班，所有野都唔同左，我已經出返嚟做嘢，財政壓力冇咁大，而家諗返之前行過嘅路都覺得自己同老公好犀利。
所以我想話俾你聽，所有嘅困難，沮喪，都會有過去嘅一日。如果諗唔掂，出聲搵人幫手，唔好自己一個收埋收埋。你快啲去排屋企附近嘅育嬰院或者係全日班，比多一個後備選擇自己

私人傳訊

shadow1015

洋房

積分: 38

40^#

發表於 18-7-12 01:08 |只看該作者

見到樓上很多位媽媽都很偉大！都是帶孖b，比起帶一個，你們的付出都是雙倍的。看到你們的留言我也深深被感動了，因為我是嫁過來香港，婆婆家自然是很不喜歡我，我以為他們只排斥外地的，沒想到你們本地的他們都是那麼不近人情！我現在帶一個，還好仔仔很乖很體貼，剛剛滿8個月，既然我們選擇了做媽媽，那就一起加油做個合格的好媽媽，不開心的不要去想，眼下重要的是把孩子好好帶大，我相信我們將來一定會活的比現在更好。

私人傳訊

beaute28

大宅

積分: 3637

39^#

發表於 18-6-27 12:53 |只看該作者

加油! 我都係孖B媽
你真係好叻!!! 一打二
好明白你既感受

叫老公放工返嚟盡量幫下你手

私人傳訊

MVlove0908

複式洋房

積分: 161

38^#

發表於 18-6-5 18:55 |只看該作者

回覆樓主

我都係孖B～
我好彩d，我同我阿爸阿媽住～
開頭我都唔想生住，係奶奶係咁話幫我湊吹我先生，結果有左同埋係孖即刻收聲～
其實我自己都唔太想佢湊，好彩我可以做全職媽媽但其實邊會唔辛苦，點好湊都好累。又要煲湯煮飯，孖B最煩就係兩個都扭你都唔知處理邊個先，不過都無計，要是但揀個先～
其實本身湊B都辛苦，孖B仲辛苦～

各位媽媽真係要加油！

私人傳訊

whitwhit123

複式洋房

積分: 223

37^#

發表於 18-5-17 14:35 |只看該作者

我而家有兩個仔仔，一個兩歲一個四歲，我同老公都要番工，番左工都係工人姐姐同媽咪睇住，而家陀緊孖女，出左世之後會請多個工人，但係真係好驚湊唔到四個

私人傳訊

網上輔導員

複式洋房

積分: 147

36^#

發表於 18-5-14 22:09 |只看該作者

樓主加油!! 做媽媽係好辛苦, 更何況打孖上, 你好叻架啦! 好快仔仔就會大個報答你

私人傳訊

faithgao

大宅

積分: 1259

35^#

發表於 18-5-12 13:02 |只看該作者

回覆樓主

99肯湊只係少數，從來唔信佢講嘢

私人傳訊

Doggymixed

別墅

積分: 951

34^#

發表於 18-5-9 17:08 |只看該作者

我都係一對三，有個3歲仔仔同一對剛13個月大的孖女。我是在職媽媽,平時有阿爺睇個仔,工人姐姐睇其中一個大孖,另有一個本地ee睇另外個细孖先叫ok. 但星期六日放假時就我同老公二睇三，好辛苦。

私人傳訊

bwife

大宅

積分: 1325

33^#

發表於 18-4-30 15:00 |只看該作者

faye_tung 發表於 18-1-7 03:05
多謝大家既留言，原諒我沒有一一回覆，我全部都有睇過了，謝謝大家。由我第一次出post到現在都好耐了，一來 ...

於你對上一次既留言又過左幾個月了, 你最近點呀? 情緒可安定一點? 有咩唔開心, 上返來呻下啦。
我孖寶一歲了。你孖實應該都大個左好多, 一歲未?

私人傳訊

安逸童年

別墅

積分: 988

32^#

發表於 18-4-13 16:03 |只看該作者

我都就快生.
之後一對三.頭痛
但時間好快.堅持頭5年會好好

私人傳訊

meko~

水晶宮

積分: 60020

好媽媽勳章大廚勳章

31^#

發表於 18-1-21 02:14 |只看該作者

faye_tung 發表於 18-1-7 03:05
多謝大家既留言，原諒我沒有一一回覆，我全部都有睇過了，謝謝大家。由我第一次出post到現在都好耐了，一來 ...

我好快就一對二5個月孖仔啦都，其中一個仲係喊包添，希望付付碌碌健康長大就得了
現在反而係擔心如果自己一個同2B，自己忽然有咩意外暈左，2B有危險

---生命無價,請支持領養---

私人傳訊

瑩mama

大宅

積分: 1939

30^#

發表於 18-1-17 21:52 |只看該作者

回覆樓主:

唔係孖b，但一湊三。手就得一對，做唔足不足為奇，唔好自責。有時候屋企亂d，唔夠時間煮飯，細路清潔理唔到，唔係咩大事。又唔會死人，最緊要活得開心，唔洗忍氣吞聲，咁先係對自己同對家人最好。大家一齊加油

私人傳訊

faye_tung

洋房

積分: 35

29^#

發表於 18-1-7 03:05 |只看該作者

回覆樓主:

多謝大家既留言，原諒我沒有一一回覆，我全部都有睇過了，謝謝大家。由我第一次出post到現在都好耐了，一來由於太忙，想靜下心來慢慢回覆都抽唔到時間，二來情緒一直反反覆覆，甚至有段時間跌至谷底。
近來呢2點都未改善到，不過諗野稍為實際左，會諗一d積極方法，例如打算睇下中醫調理返坐月坐唔好出現既毛病，亦認真打算去健康院幫助我既產後抑鬱。希望自己唔好一拖再拖，的起心肝解決好佢。
以前從冇諗過上網揾人傾計，但係睇左大家既鼓勵同分享，的確有舒服左d。雖然有試過揾身邊姊妹傾訴(有d生過b, 有d未) ，但可能佢地始終未生過孖，未必能設身處地。老公同朋友都好愛護我，偶然亦有同我分擔工作，不過佢地始終會覺得係我唔諗開d, 我唔去控制自己的情緒，覺得我咁燥都冇用。比既建議亦都紙上談兵，例如叫我擺低bb比人湊下輕鬆下，唔好咁懶保養下自己，趁bb訓就多d休息。。之類，唉，又談何容易！我都知道佢地有心，只係苦處大概只有同處境既人先明白呢。所以有時難免會收埋左自己，好怕同人傾訴，就怕佢地會用左湊一個b既角度套落我度，令我更感孤獨。
希望大家將來久唔久再比我呻下啦，好感激雖為陌生人但有種互憐互勉既感覺。就算短短一句留言我都會記係心，繼續加油，努力同抑鬱對抗！

私人傳訊

12 3

跳至頁

返回列表

上一主題 • 下一主題

回覆

發帖

頻道

討論區

熱門搜尋：

嬰兒用品 今日: 0|主題: 93257

回覆樓主

回覆樓主

回覆樓主:

回覆樓主:

嬰兒用品今日: 0|主題: 93257