婆媳關係 今日: 1 | 主題: 27784

積分: 966

1^#

發表於 09-3-9 16:44 |只看該作者 |正序瀏覽 |打印

我好辛苦呀!!你地俾我呻下..屈左年幾..篇野都長左d.

我識我老公果時.我奶奶已經唔在生.只有老爺.姑奶.同兩個叔仔.我同我老公拍拖唔夠兩個月就結婚.雖然無係咩大酒店擺返6.70圍.但衰衰都叫做正式註冊結婚,當晚係酒樓擺返十圍.男女家親戚+朋友.都有著下婚紗.晚裝同d親友影下相!!總算向親友有個交代.我媽咪都不至於係靜悄悄地嫁左個女出去無人知啦!!
講真..唯一最令我老公唔開心.係無特別俾禮金我媽咪.因為當初我地無打算擺酒.只打算最多兩家食餐飯!
但我媽咪話要向親友一個交代.唔緊要.都係應該既.但佢知我地無錢.媽咪好好.話人情用黎賣單.ok咁更加無問題!! 佢係人地面前話禮金唔駛特別俾.但我話晒嫁左個女出去你點都要封返一封利是俾我.但如果你係對我依個外母有心既.你以後對我個女好d或者我都唔介意你多d黎同我飲茶.. 一個媽咪做到咁. 我當時真係好感動!! 但問題亦都開始出現!!

由圍數.一開口同我老公講起碼都一百幾十圍.我食緊飯都差d噴埋出黎.(心諗:乜我地有咁多親戚咩?)當然我都無咁笨真係俾咁多圍佢.我自己私低下預過條數.訂左12圍.佢話我當佢講野死既!!
【結果: 女家十圍坐唔晒】
由餅卡.一開口係咁咦都3,400先啦.唔夠再同你地講.
我買左200張佢話咁少.點夠呀.同你講左起碼都300架啦.我同佢講.我買果時聖xx唔夠咁多張.你唔夠派出聲.我地再買啦!!
【結果: 200張都派唔晒】
主家席: 一開口預我地女家兩圍主席先啦.佢將坐位預算圖.我同我老公去左女家果圍.跟我同佢講.我應該要坐我男家果邊.佢好大聲問我點解.我唯有直說:因為係我嫁過去.佢即刻.ok無問題囉.嫁過去緊係幫返人地架啦.真係覺得好激氣.
但我地都係預一圍主家席.因為佢想預埋我d契媽契爺.阿姨.舅父.等等...佢話既長輩住主家席.但我覺得主家席應該係主人家坐.唔係代表長輩坐.我結婚時廿歲.如果講長輩.差唔多全部親戚都係.咁咪全部做埋主家席囉?
【結果: 一張岩岩好】

因為我老豆話.唔好即場拆利是賣單.借住幾萬銀俾我地.我地自己都有d.加埋賣完單.第二日先俾返佢.我果刻真係好想大聲thank佢..!! 結果..
食完飯走喇!! 我同我老公返屋企.佢地繼續去飲酒盡慶.佢週圍同人講我地擺圍既錢都係佢出.我真係好唔開心.當晚返到我屋企..我喊左好耐.你飲醉你既事.但你唔可以y曲事實.我老公好嬲.第二日即刻過返d錢俾佢.但當然佢無同人解釋返.直到今日我d親友仲以為我地結婚係老豆出錢.but not.之後結婚一星期我老公同我返去食飯.我媽咪話結婚幫我拜神等等..出左$5000 我老公俾返一萬蚊佢.再俾一萬蚊老豆.加多一句【當咩都好啦】
但直到上個月返屋企食飯. 忽然聽到我老豆問我老公記唔記爭佢錢.我真係好嬲.因為根本就無爭佢錢!! 佢話你地d利是我一封都無袋過. 係. 你地係一封都無袋過. 但都係君子約定. 我地人情賣單擺酒俾交代親友.而且都係你地提出依個做法. 今時今日你拎返黎講. 話無收過我地禮金and利是. 講真. 當初你話要依兩樣野 .我地會照俾. 但就擺唔到酒. 最後大家商量後認為擺酒好d.. 但點解我到今日會聽到.你同我老公講【女家人情好應該由我地女家代返.當時你地話無錢擺酒.我借住俾你地.但女家既人情都應該要還返俾我地?】我地當晚借賣單的早早就還左..者係你今日追的是人情?我真係好想問有無攪錯 ? 當日你地講過乜野你地仲記唔記得?

最唔開心..我地連bb都有埋都就黎出世喇!!
唔開心唔係小b 而係我知道日後仲有大把問題發生!!
我媽咪份人勁怪. 好似我結婚我乜野都話自己攪掂..
佢唔開心同人講女大女世界喇咩都話唔駛我..
唉..咁調返轉明明攪得掂都俾返d野佢做啦!!
佢又話你老公果邊d人死架? 我嫁女咋佢地娶新抱呀.少少表示都無!! 唉我應該點對你好呀..媽!!!

每個阿媽都希望個女嫁得好. 老公,老爺奶奶錫晒佢!!
我阿媽就調返轉佢望都望我同我老公離婚.因為佢一直不滿我老公襯我唔起(我老公大我十年有多).週圍同人講佢唔識佢女"世"..
我老公個個星期都有同我返去食飯.母親節就陪我媽咪.父親節就陪我老豆.連新年做節.正日都同我屋企做完.自己屋企再後補.年初一去女家拜年..初二先返男家!!
究竟你仲想你女"世"公點你先滿意? 係咪要我離婚你就開心?

媽咪你知唔知如果你再係咁野蠻仲要成日大吵大鬧落去..我真係會怕左你!!!我唔想有依一日呀你知嘛..??
全世界都讚你係一個好媽媽.仆心仆命為仔女.連你都話自己係為我地而生.為我地而死.健康養大我地就係你生既職責.有你依位媽咪我真係感到好自豪.但有邊個知道.. 近依三.四年.你真係變得好恐怖.錯又唔認.又野蠻.講一套做一套.由得你.你唔知自己有錯.話你.你又話自己食鹽多過我地食米.成日話自己做左幾十年人..咁又點? 做左幾十年人就唔可以有錯嗎? 你好似d恐怖奶奶"黑"薄d新抱(我老公)咁呀!!

又話個女"世"差.又話佢對你唔好.又話佢唔陪你.又話佢點又話佢點.真係好想問返究竟你想點?日日唔返工黎陪你好唔好? 到時你又話佢無出息架啦!!
仲講明..唔準我叫我老爺做老爺.唔準我理佢.連我同佢講我老爺對我好好.叫佢放心.佢地男家唔會恰我.點知我媽咪同我講.駛咩佢咁好心對你咁好呀.佢買俾你d野掉左佢..唉!! 我真係覺得男家都算對我唔錯!! 仲好似朋友咁.. 有講有笑.. 仲想點?

到我老公有所不滿..都唔知幫邊面好..
一邊自己阿媽..一邊自己老公!! 明知自己阿媽唔岩..又唔想委屈個老公. 兩邊哄又哄唔到咁多..
好辛苦呀.. 真係好想好大聲同媽咪講你當可憐下我啦

0 0 0

私人傳訊

Leomummy

積分: 7723

61^#

發表於 09-3-17 21:21 |只看該作者

原帖由 coffeelam 於 09-3-17 18:24 發表
已經有兩個星期無返到娘家喇!!我自己都連續好幾日無再打過返屋企.從來都未試過咁.當然都有係阿妹口中得知佢既情況,但仍然係日日鬧人啦!!如果佢變返以前個阿媽咁就好喇..我就可以返屋企!!我前日發夢..佢死左mouth:mouth:" /> ...

我阿媽都好似你阿媽咁，日日就係度閙，係度咀咒我哋，我都有諗過，佢都咁大年紀，仲有幾多年吖﹗不如吞咗去，忍埋佢呢幾年喇，但我哋一忍就忍咗佢十幾年，不單無改變，仲變本加厲，迫到我哋埋牆角，咁可以點？咪最多都係一句說話都唔同佢講﹗成年喇，佢都仲係咁，死性不改，而家仲進步到生安白造﹗
你阿媽就同我阿媽一樣，永遠唔會檢討自己問題，只會將問題及責任推俾人﹗佢哋永遠都覺得自己為個家付出咗，仔大女大就係佢哋既收成期，事事必須要以佢為先，無論大小事情都最好要問過佢，得佢同意先可行﹗
我哋係佢生既，真係無辦法，唯有認命，但我哋既另一半，真係無必要陪我哋一齊咁委屈，咁受氣架﹗
所以你一係返去繼續忍受你媽既專橫，一係就少 d 見面，只做應做既野，盡咗本份，就問心無愧﹗

私人傳訊

積分: 966

60^#

發表於 09-3-17 18:24 |只看該作者

已經有兩個星期無返到娘家喇!!我自己都連續好幾日無再打過返屋企.從來都未試過咁.當然都有係阿妹口中得知佢既情況,但仍然係日日鬧人啦!!如果佢變返以前個阿媽咁就好喇..我就可以返屋企!!我前日發夢..佢死左

mouth: 可能我成日都諗..我依家嬲佢.萬一大吉利是(人好化學者)咁我就會後悔..但佢依家好人好者.我又頂佢唔順!!真係唔開心..點解要迫我咁樣對你

私人傳訊

積分: 966

59^#

發表於 09-3-16 20:21 |只看該作者

我媽咪成日話,我依家都就算做人阿媽.到我做左人阿媽我就會明白佢依家既感受!!..但我同佢講. 第時我對住個仔.就算好多野唔願意.(唔願意個仔離開我.唔願意佢拍拖.唔願意佢去玩.唔願意佢出夜街.唔願意佢對第二個女人好過對我.唔願意好多好多....) 我都唔會忘記依一刻.我俾自己個阿媽口口聲聲為我地好.而做盡一切極度野蠻行為迫到我地幾咁辛苦!!

原帖由 wahhaha 於 09-3-16 19:12 發表
丫,係咪好多呢輩媽咪果d年紀都係咁心態呢??都係不停要用各種方法去糟質子女去證明她們是仍然重要,仍然係得到仔女的重視依賴? 唉.. 連埋我自己,我好多朋友都有呢d問題...估不到個topic一開,又有好多人回應...

真要不 ...

私人傳訊

積分: 966

58^#

發表於 09-3-16 20:14 |只看該作者

原帖由 SHIRLEYLAM330 於 09-3-16 17:02 發表
唔怕話你知:　我媽媽同你媽媽相似度有９成９
聽我講：只要你硬起心腸,你就可以得(救)

堅持!!!!

我哥哥都硬起心腸走左成十年啦!! 佢一樣係咁..佢仲成日同人講佢個仔咁對佢.佢唯有委屈自己當生少個..唉!!依家都唔知邊個委屈邊個喇...
最慘我媽咪仲有細佬妹企佢果邊..佢地緊係無所謂啦!!都唔係一齊住.最多耐唔耐做下佢聆聽者..跟住幫下口叫我地就下個阿媽..或者佢地都知道我媽咪既問題.但只係想大事化少.其實佢兩個細佬妹同我地感情都不錯.可以話係一齊長大.(同我地相差唔夠十年).所以未必會完全偏幫個家姐.但無奈佢地覺得只要我地肯就下佢.就咩事都無..唉!!個阿媽就覺得有人幫佢,者係問題唔係佢身上..
所以我諗堅持都未必有用.因為太多人縱容佢.佢都唔覺得係佢問題.一個無錯既人(以為)又點會去改過呢

私人傳訊

wahhaha

積分: 826

57^#

發表於 09-3-16 19:12 |只看該作者

丫,係咪好多呢輩媽咪果d年紀都係咁心態呢??都係不停要用各種方法去糟質子女去證明她們是仍然重要,仍然係得到仔女的重視依賴? 唉.. 連埋我自己,我好多朋友都有呢d問題...估不到個topic一開,又有好多人回應...

真要不停警醒自己第時做人99或外母時,都應該記住自己的位置....更重要的是--記住不要把不必要的期望放在子女身上,盞雙方痛苦~~

原帖由 SHIRLEYLAM330 於 09-3-16 17:02 發表
唔怕話你知:　我媽媽同你媽媽相似度有９成９
聽我講：只要你硬起心腸,你就可以得(救)

堅持!!!!

私人傳訊

SHIRLEYLAM330

積分: 5909

畀面勳章

56^#

發表於 09-3-16 17:02 |只看該作者

唔怕話你知:　我媽媽同你媽媽相似度有９成９
聽我講：只要你硬起心腸,你就可以得(救)

堅持!!!!

私人傳訊

積分: 966

55^#

發表於 09-3-16 16:05 |只看該作者

原帖由 gming 於 09-3-16 03:09 發表
唔識點講好 , 如果係我...我會選擇暫時唔見佢地, 究竟佢地有無為仔女著想過.

如果以我媽咪為例..當然有喔~佢認為佢自己所做既野..任何一件事正正係為左仔女著想而去做!! 但相反到我地不滿..佢就會問點解佢做咁多野.得唔到仔女既認同?點解做咁多野仔女都唔開心?將個問題歸落我地身上.然後週圍同人講佢幾咁可憐.真係俾佢吹到波咁脹!!!

私人傳訊

gming

積分: 701

54^#

發表於 09-3-16 03:09 |只看該作者

唔識點講好 , 如果係我...我會選擇暫時唔見佢地, 究竟佢地有無為仔女著想過.

私人傳訊

Leomummy

積分: 7723

53^#

發表於 09-3-16 02:42 |只看該作者

原帖由 coffeelam 於 09-3-15 21:19 發表

無錯!!講真..每個人都有自己既問題.要人地絕對接受到自己果一套,真係除非有兩個自己..但唔會有可能!!
但佢地最大既問題就係根本唔知自己有問題,依下先係最難攪既問題!! 解決喎..點解決..?我d親戚成日話掛住係口邊. ... 總之做人難..做人個女更難(已經唔係做人老母難喇)唉.. 因為依家d媽媽太一絕喇!!

所以我最初發現我阿媽原來都係甘草演員既時候，真係好難接受，簡直傷心透頂，最初講俾人知都無人相信會有做阿媽既去屈自己個女，開始懷疑佢有冇當過我係佢生既﹗
其實我都未算最委屈，最委屈果個應該係我老公，佢一早都提過我，我阿媽唔係我想像中咁真心對我哋好，而我就好似其他婆媳糾紛入面個仔既角色，唔相信自己阿媽會咁憎個新抱咁﹗令佢惡頂咗咁多年

最後我知道真相既時候，才醒覺點解其他人同我哋講 d 說話好似有骨咁，甚至連樓下個看更都用 d 鄙視既眼光望我哋，原來我哋個背後早已俾人插到開花

而家我哋唔會忍，d 人再扮正義走黎話我哋時，我哋只會說真話唔會再俾佢屈，到底信唔信就由返佢哋自己決定，我都費時再三解釋，因為 d 三姑六婆食飽飯無所事事，唔八呢 d 就真係無乜細藝好做

你講得都冇錯，而家我哋呢代做人阿女真係好艱難

其他人我唔知吖﹗剩係睇我 99 同我阿媽，係佢哋有小朋友之後都冇老人家長輩係度干涉佢哋教仔女方法，挑撥夫妻間感情，更無機會受 99 氣，所以根本就唔知我哋而家夾係中間有幾咁難受

私人傳訊

ross@hkbn

洋房

積分: 68

52^#

發表於 09-3-15 22:35 |只看該作者

咁咪見小d
返小去d
講小兩句
問題咪又小d lor
唔想煩...就唯有係咁做
佢地既性格又唔會變既

私人傳訊

積分: 966

51^#

發表於 09-3-15 21:19 |只看該作者

原帖由 Leomummy 於 09-3-15 11:02 發表

coffeelam,

睇完你以上講既各點，真係同我阿媽一模一樣

同人講話我哋唔知乜野居心，專登唔間房俾佢，又話一搬過黎佢已經係度住，實情係未搬前佢已經懶開心咁以為可以係個二仔度終老，點知最後俾我二嫂趕返黎，同我住都 ...

無錯!!講真..每個人都有自己既問題.要人地絕對接受到自己果一套,真係除非有兩個自己..但唔會有可能!!
但佢地最大既問題就係根本唔知自己有問題,依下先係最難攪既問題!! 解決喎..點解決..?我d親戚成日話掛住係口邊..算啦!!話晒阿媽.就下佢啦.佢鐘意咪由得佢囉!!因為佢地根本就唔明.佢地係睇戲既角色.我阿媽係做戲.我阿媽正正就係做緊戲俾佢地睇.咁佢地當然睇唔到當中佢既問題.唔通佢會專登做衰自己咩? 但我地..要哭訴..只會搵返同輩.再蠢都唔會搵阿媽d細佬妹黎數個阿媽不是啦!! 佢地眼中我地就係成日唔聲唔聲激到個阿媽死死下..佢地成日話你地唔激個阿媽.阿媽邊會咁嬲..真係勁無奈. 因為事實上就係真係無人激佢.佢自己諗d野出黎嬲..
錯果個.就個個排住隊黎幫..受害果d就個個排住輪住黎插,
都唔知咩世界喇! 不過有時諗落都係既..我自己都有細妹.遲d我俾自己個仔激親一定搵個妹訴苦.難道佢會出聲話我依家家姐有問題咩..最後可能都係叫我個仔忍讓下我!! 總之做人難..做人個女更難(已經唔係做人老母難喇)唉.. 因為依家d媽媽太一絕喇!!

私人傳訊

Leomummy

積分: 7723

50^#

發表於 09-3-15 11:02 |只看該作者

原帖由 coffeelam 於 09-3-14 17:15 發表
補充返~早幾日返屋企果次.因為我返左去佢又專登煲湯.仲唔出聲入埋樽放住枱度叫我拎埋返黎俾我老公飲..你地話..佢算點?阿爸仲同我講.拿~你阿媽算係咁啦!嬲還嬲都煲埋湯俾你!! 依下..究竟又係一個真心還是一個假意!! ...

coffeelam,

睇完你以上講既各點，真係同我阿媽一模一樣

同人講話我哋唔知乜野居心，專登唔間房俾佢，又話一搬過黎佢已經係度住，實情係未搬前佢已經懶開心咁以為可以係個二仔度終老，點知最後俾我二嫂趕返黎，同我住都係呢十五年時間﹗
同人講就好關心我哋，好識同我哋慳錢，事實就係我哋野家務都唔俾做之後發現，剩係水費既差距都好大，以前佢搶住做時代，水費大約要六佰元，而家大約二佰伍元，都唔知果時有幾慳？
佢因為入院，咁好理所當然佢 d 醫藥費就要我哋三個仔女共付喇，我計好晒數咪同 d 阿哥講每家幾錢，佢又周圍同人講，我不停打電話追 d 大佬找醫院筆數，話我哋縮骨諗住自己唔駛俾﹗
開飯時，已擺好位預備開飯，佢先係呢個時候走落街買個飯盒上黎食，事後周圍同人講我哋食唔晒 d 飯餸倒咗去都唔留俾我。
阿仔生日切蛋糕，第一件攞俾佢食先，遞咗幾次都話唔食，但第二日又同人講，我哋叫都唔叫佢食，c 就有得佢食噃﹗
最好笑係新年時，好彩過年前已同大嫂講咗，唔想睇我媽做戲，所以今年我哋唔會咁早過黎拜年，點知有一日我同大嫂講電話，佢就以為我哋要黎拜年，即刻走入廚房煎糕點，大嫂話俾佢知無人過黎拜年噃，佢先話~~我知架喇，我係度佢哋係唔會過黎架喇﹗連大嫂都話既然咁憎我哋，又駛乜係我大佬面扮對我哋好噃﹗
明明識用部新洗衣機，仲要偷偷用黎洗兩條褲，咁老公咪收埋個插頭，唔俾佢自己開，果晚佢就發爛渣，自己手洗，仲要唔扭水，就咁放係電視上滴水，我哋都唔出聲嘈，點知第二日佢可以厚顏到叫我教佢用洗衣機，我咪話佢學乜野，一直都係有衫要洗就放入洗衣籃架喇，點解做人要咁陰毒，專登要滴壞 d 電器？
總之就好多好多，講十日十夜都講唔晒，我阿媽同你阿媽係咪好似呢？我哋而家都係唔睬佢，咁又點，佢都係唔覺自己有問題，佢只會將個責任推晒去我哋身上咋，我都放棄，唔再冀望佢會醒覺 lu

私人傳訊

積分: 966

49^#

發表於 09-3-14 17:15 |只看該作者

補充返~早幾日返屋企果次.因為我返左去佢又專登煲湯.仲唔出聲入埋樽放住枱度叫我拎埋返黎俾我老公飲..你地話..佢算點?阿爸仲同我講.拿~你阿媽算係咁啦!嬲還嬲都煲埋湯俾你!! 依下..究竟又係一個真心還是一個假意!! 依家就黎攪到我都是非不分喇!!

私人傳訊

積分: 966

48^#

發表於 09-3-14 17:06 |只看該作者

我上星期堅持左一星期.早幾日終於忍唔住自己返左屋企.諗住探下佢.等佢唔駛咁悶..點知換返黎係兩個字.後悔.因為我聽到我妹話我媽咪好唔開心咁同佢講.我成個星期無返去.唔知我有無事.唔知夠唔夠衫著.夠唔夠錢用.唔知有無煲水飲.一時心軟返左去.但返到去見到既又係另一個樣.連我叫佢.都要俾佢窒.算.去飲茶.全程黑口黑面唔同我講野.但對住人就專登笑得好開心.ok.唔同你講野.我係咁食係咁食.食完埋單.都有食埋晚飯先走,但全程唔同佢講野.!!真係..過x份!! 發神經咩依家..對住人就一個樣.單獨對住我又另一個樣.頂..好彩我個妹都佢份人者.唔係我又賴晒野啦!!直頭好似d好憎細路仔既人..係人面前就對個細路仔又攬又錫.一擰轉面就大巴大巴咁打佢.真係唔知佢想搏乜野..好似思覺失調咁!!真係激死...

琴晚仲嬲呀!!我妹通風報信..話聽到佢同人傾計.又講返我結婚既事.最好笑話我地結婚既錢都係佢出.真係oh no唔好玩啦!!咩事呀依家又.. 真係忽大左咩!!之前都係將d事發大黎嘈者..依家講左成年講到無野講..玩埋無中生有!!so我已經決定左有一段時間我都唔會再理佢.仲有我一定要同自己同老公澄清返.唔可以再俾佢亂黎.我要一個一個親戚.一個一個阿媽既朋友咁打俾佢地.遂個遂個咁同佢講返晒件事..如果唔係我老公仲駛見人既? 依家佢講到女家利是佢一封佢無袋我老公.之餘仲要我地結婚既錢都係佢出.容不易遲d講講話我老公個仔(我肚個臭b)都係佢代我地生架!!

私人傳訊