我的第一次自然iui完成了,由4月初診,5月(Day 11)覆診及決定做自然iui, 5月(Day 13)做iui,成件事黎得好快又好順利,感謝神的安排讓我遇上周醫生,佢好尊業,又好有耐性對我呢個內診時非常不合作的麻煩病人,令我好有信心踏上iui之路,雖然未知會唔會一次就bingo(dd是28/5),但對有陰道痙攣既我黎講,做到陰超,做到iui,我覺得自己上左一課,為左生BB,要拿出勇氣去面對自己的恐懼….我做到了~~今次的經歷要好好記低…..
Day 11:老公早上返仁安驗精,當天早上我用大衛紅d check得淺線亦無分泌物,
下午見醫生睇報告,今次結果好好,之後醫生用陰超check埋我既卵,有粒14mm,佢話size ok,以我週期應該Day 13,14,15最有可能排卵,叫我Day 13早上自己check 排卵,如果深粗,就要打返去診所,當天就安排做iui,醫生分析過我地情況,可以先試自然iui,我地當天就決定了~
Day 12: 當天早上我用大衛紅d check,條線深色左但又未到深粗,而用cb check就已經有哈哈笑,開始有拉絲分泌物但唔係好多,所以我地覺得明天應該是做iui了~
Day 13:早上6點幾去完晨尿,之後飲左2杯水,8點就check 排卵情況,
點知一check發現紅d同cb都超淺色無哈哈笑,我即同老公講粒卵排左喇,點算好,果刻的我是非常激動的,人地已經ready了不想再煎熬地等下一個cycle…冷靜下來後我地打去仁安問可以點,姑娘問完醫生後就問我地依家可唔可以即刻去大圍仁安見醫生,我地即刻話去去去….第一次去大圍仁安,我發覺大圍d姑娘好似友善d,量完血壓就見周醫生,再一次照陰超>,<周醫生話粒卵未排仲生長到18mm,要即時做iui,我問周醫生點解今朝用紅d同cb都超淺色,佢話飲得水多會溝淡尿液會導致測試唔準~~應該係我飲左2杯水所以咁,嚇死寶寶了!~!之後老公去放精(老公話前2日先放完,今天又放,有d驚唔夠貨,haha),老公finished,姑娘cfm 精子ok後,我地吃個早餐11點先上返去,同時要急vv,其實我已經無咩胃口,早上已經嚇餐飽,希望快d做完iui,個人先可以放鬆下來….11點上返去姑娘話如果太急要放一杯小便出來,果刻仲ok,當天都有幾對夫妻做iui,等待期間同另一pair夫妻傾左幾句,原來大家都是第一次做iui,我地都有為對方加油,希望大家都可以一次就bingo 啦~到11:45am真係急到屎,放左半杯尿就比姑娘叫入手術房,
姑娘先幫我照肚超(太好了!!!!!!!不是陰超),我同姑娘講我好驚呀,鴨咀鉗好得人驚呀, 個姑娘好好人,佢話佢自己都好驚鴨咀鉗,叫我放鬆d過程好快完架喇~之後訓上張床,老公就入黎陪我,果刻覺得自己好似係產房等生仔咁,haha~~無幾耐周醫生同另一位姑娘入左黎又再照肚超,照完ok,iui開始了,
周醫生好好,佢記得我要用bb鉗至得,一開始未放鉗時我已經驚到夾腿, 經過一輪周醫生同姑娘的安撫,我捉住老公手臂又再嘗試,終於放到隻鉗入去,我今次feel到周醫生係慢慢放,所以無第一次check宮頸咁辛苦(當然我今次又例牌地慘叫一輪啦)幸好放精果part無咩感覺,大約5分鐘就完成,做完個人好似完成左什麼創舉咁個人好激動,係咁多謝醫生同姑娘,但真心真係好感激遇到佢地…做完灘左15分鐘就走得,由於我係自然iui,醫生沒有俾藥我,係比左支驗孕棒叫我28/5自己驗,中唔中都要打返去診所~做完個人無咩特別感覺,返到屋企好奇下用紅d又再check下,點知係深粗呀!!!!!
當天下午多左好多拉絲分泌物,而三角位的右面好扯住扯住咁痛,唔知係咪人地話的排卵痛呢?
Day 14:早上我用大衛紅d check,依然深粗,三角位的右面的扯住痛又強烈左
Day 15:早上我用大衛紅d check,已經淡左一半色了, 三角位的右面的扯住痛輕微左好多
28/5派彩,希望可以一次就中啦~~~
發表於 
返回列表
