婆媳關係今日: 0|主題: 27766

收藏本版

發帖

返回列表

跳至頁

查看: 7711 | 回覆: 24

豬隊友真係好激氣~ [複製鏈接]

cindyyu73

男爵府

積分: 8688

2018復活節勳章

1^#

發表於 18-5-23 13:41 |只看該作者 |正序瀏覽 |打印

本帖最後由 cindyyu73 於 18-5-23 13:43 編輯

我C6果邊家庭其實真係好怪
但無直接影響到我既~ 我都唔太理~
但我62同叔仔真係豬隊友黎~ 我同C6補完一次又一次既鑊...
有時真係好累

1. 62退休都有30幾萬儲蓄, 但退休左唔夠一年, 戶口得返幾萬。激到我99死, 因為62亞妹(C6姑姐) 個仔唔養佢地我62問我99好唔好俾3萬佢地咁我99諗都OK LA (係30幾萬入面拎3萬唔過份) 點知我62係每個月俾3萬.....
真係激到我99想離婚.

2. 62唔識買生果, 但又要成日買叫我地拎返屋企。(我地住係我父母附近) 次次都俾人呃D買貴野, 但次次都係爛。試過200買5個桃, 5個一切開都係黑晒。叫佢唔好買生果, 佢就買十盒老婆餅。根本食唔晒。

可能好多人會鬧我, 人地買埋俾你想點。但當你每次返去, 見到大一堆野, 點拎返屋企已經係一個問題, 重要返到去D野唔係爛, 就一係唔食得。

3. 有一次亞仔上完PALYGROUP, 我地就應承左同62 99去睇大佛。62係咁問我老公有無借車, 又問我老豆去唔去。原來佢又無啦啦買個2個榴槤話拎出黎
(其實我地岩岩係上一個星期先返左去~ 62果時已經塞左2個大榴槤俾我地,我地都食唔晒, 只係放左上冰箱)
我老公聽到之後真係好嬲叫佢唔好拎出黎~ 去大佛又要熱又要曬, 重要上樓梯點拎? 我地重要抱亞仔呢?
有時真係覺得62做野真係唔會諗下。
咁最後果日62都唔敢拎出黎, 係咁叫我老公第2日好返去拎。

但其實我地真一個住東一個住西, 重要拎2個榴槤, 一係自己楂車, 一係自己搭的士。

我老公想唔返去拎, 俾個教訓62。因為之前我地講左唔好買咁多野, 因為一來根本食唔切, 好浪費。二來佢次次都俾人搵笨,買左好多都係爛既生果。

點知呢件事我亞媽知道左, 就話唔好, 堅拎第2日一家大細揸車去拎。
果2個榴槤真係貴, 來回油錢, 重有一家人來回時間。點知返到屋企一開, 又係爛。

4. 係62+叔仔 (蠢真係有遺傳)
咁我99後生果時已經同佢99(JA係62亞媽)不和, 咁年年只係年初一見,平時係唔會見。咁呢幾年因為麻麻身體差左, 62好多時放假都會去睇下佢, 點黎兩點左右就會返到屋企。
咁母親節前一個星期左右, 62都返去左探麻麻, 咁果日就差唔多夜晚7:00先返到屋企。
99見咁夜問佢做咩咁夜~ 62答佢同D兄弟姊妹傾計~
99就話:傾咁耐咁多野傾。
點知我62一句: 你外人點知咁多。
呢句野我99真係好嬲, 99都有打黎同我老公投訴, 咁我知道左我話不如我地同99佢地去食餐好D既母親節飯啦, 等佢開心下。
老公打去同叔仔講, 點知叔仔話99平時無野做, 佢又有俾家用, 做咩重要另外出去同99食~ 叫99煮咪得囉。

我聽完都想爆粗, 之後只係訂位訂左我地一家3口同62 99
叔仔又好野~ 果日又識跟出黎食

P.S 記者朋友請勿轉載!