婦女醫護 今日: 0 | 主題: 34304

積分: 11

263^#

發表於 24-5-27 15:04 |只看該作者

由頭到尾爬曬咁多頁文。。。

我2024年3月某天沖涼時發現右邊乳房有硬塊，而且有半個手掌咁大。（因為兩年前我左邊乳房有試過非哺乳性發炎，當時都係有好大塊硬塊，但無膿。即刻book 做乳房超聲波，報告出咗建議抽粗針，化驗報告係乳房發炎。西醫就話係冇藥食嘅，要等自身吸收就會好。之後轉介到公立跟進。隔咗幾個月覆診，醫生照咗超聲波同X光，話發炎位置已經好返。定期兩三年照一次就可以了）

當今次我以為自己有經驗等康復，每日都自我檢查發現硬塊係有不停縮細，一個月已縮細了一半，諗住放心啦，等下一次覆診先照。點知係放鬆嗰刻，因為有D節日慶祝活動，連續食咗幾餐豐富嘅海鮮餐。隔咗一個星期左右，發現乳暈開始有化膿跡象，開始戒口乜都唔敢食，點知都係撳唔住。四月尾睇咗個西醫，睇咗佢兩次，開咗兩個療程抗生素畀我，第三次覆診時佢話：「食咗兩個療程抗生素都唔係咁理想，於是轉介我去睇乳腺專科」。由於化膿個位好似就嚟要爆，急急約咗個專科醫生睇，5月2日佢幫我放咗第一次膿。抽咗啲組織去化驗同菌，報告返嚟係膿腫同無菌。
以為放完膿就冇事，點知5月19日谷M,又腫咗一大塊，3日時間就已經積滿膿液，5月21日又睇嗰個專科醫生，同一個地方第二次放膿，真係痛到死去活來。

睇曬咁多文，發現同大家病情都好似好驚反反覆覆又嚟過。第一次放膿手術後已經去睇中醫調理睡眠問題，因為幾個西醫都話呢個病痛睡眠好大關係，我就係瞓得唔好。
但係我不是睇郭醫師，朋友介紹嘅。食埋呢幾劑中藥再睇睇情況，睇下需唔需要轉中醫再睇。

私人傳訊

iriswonghk

洋房

積分: 52

262^#

發表於 24-3-16 12:49 |只看該作者

rui_rui_rui 發表於 22-12-7 21:37
我都係睇北角嘅郭醫師睇好咗肉芽腫性乳線炎的! 由2022年2月開始睇西醫，又引流出膿，又打埋抗生素針，仲切 ...

我都係係郭醫師個到睇開刀都已經開左三刀都做過抽膿
八月尾開始至十月都睇西醫斷續食左兩個月抗生素刀口洗傷口洗親都要止痛針止痛藥最後西醫建議我開第四刀的時候西醫只係叫我自己調節心情要接受繼續開刀到無膿為止好迷惘同無助無方向又無改善好才上網睇到有郭醫生診症郭醫生做左幾次火針一直介口食藥現時三月已經只剩少少同調理身體十分感謝郭醫師

私人傳訊

Man04

積分: 5746

261^#

發表於 24-1-4 20:50 |只看該作者

fionwan2000 發表於 23-12-14 22:47
回覆 Siumon87 的帖子

我睇到另一個post分享左關於肉芽腫乳腺發炎，回覆唔到，都想係呢度分享下我嘅經歷。 ...

請問乳腺炎多數是否有硬塊？現在我有胸痛，沒有硬塊。

私人傳訊

fionwan2000

積分: 23

260^#

發表於 23-12-14 22:47 |只看該作者

本帖最後由 fionwan2000 於 23-12-14 22:50 編輯

回覆 Siumon87 的帖子

我睇到另一個post分享左關於肉芽腫乳腺發炎，回覆唔到，都想係呢度分享下我嘅經歷。好慶幸遇到郭歌醫師，最後唔需要做手術。尤記得最初知道自己係非哺乳期乳腺炎嘅時候，好傍徨，好彩睇到其他有心人係BK嘅分享，所以希望同病相憐嘅姊妹如果見到呢個帖，都可以有返希望。
我係今年7月底嘅時候開始覺得胸好痛，一開始去睇西醫，醫生幫我抽針，之後就話驗到無菌，叫我等個病自己好。但係抽完針之後，其實冇好轉，好快又再覺得漲痛，於是我就再揾左另一個西醫。起初，醫生叫我試抽針，睇下會唔會好，但係抽左幾次之後情況依然冇好轉，於是就提議我做手術。但係細問之下，一來手術之後要每日清理傷口，上網睇d人話過程痛不欲生，而且仲唔係做完手術保證唔返發，二來我膿腫位置好大，如果手術疤痕至少有4-5cm，唔單止影響外觀，手術之後乳腺組織冇左，摸落去會係硬嘅，所以當時我好抗拒做手術。

好彩係我最無助果陣，係BK見到有關嘅post，揾到郭歌醫師。郭醫師好有經驗，第一次見佢嘅時候已經話我知醫好過好多同類嘅病人。就係咁我開始左睇中醫，治療嘅過程除左食藥之外，有做艾灸同火針，到宜家大約5個月時間，我已經好返9成，呢幾個月進展亦特別快。

好幸運遇到郭醫師，令我唔需要做手術，揾到一個可以根治嘅方法之外亦唔需要擔心手術後會復發。

私人傳訊

積分: 7232

259^#

發表於 23-10-29 23:49 |只看該作者

Siumon87 發表於 23-10-22 23:25
好灰… 我已經第3次慢性乳腺炎。係呢幾年入面，左右2邊胸都試過。請問大家點樣去克服局部麻醉下再做小手術 ...

試左中醫未？我見政府醫生無藥無手術幫我，試下郭醫師，估唔到效果咁好

私人傳訊

積分: 7232

258^#

發表於 23-10-29 23:48 |只看該作者

ray1984 發表於 23-10-19 09:52
回覆 kissapplegirl 的帖子

請問醫師話戒口，包括有咩唔食得？

胡椒辣椒，蝦蟹無鄰魚，羊肉，生冷食物，熱性水果榴槤芒果，小食甜食

私人傳訊

Siumon87

洋房

積分: 81

257^#

發表於 23-10-22 23:25 |只看該作者

好灰… 我已經第3次慢性乳腺炎。係呢幾年入面，左右2邊胸都試過。請問大家點樣去克服局部麻醉下再做小手術時嘅痛楚？今年6月尾發病，9月尾抽咗2次膿，最後都係要開刀放膿🥹好彩，洗咗傷口2星期，已經開始好返。但係另一位置又開始谷🥹究竟仲要折磨我幾耐…

私人傳訊

ray1984

大宅

積分: 1910

256^#

發表於 23-10-19 09:52 |只看該作者

回覆 kissapplegirl 的帖子

請問醫師話戒口，包括有咩唔食得？

私人傳訊

積分: 7232

255^#

發表於 23-10-10 11:07 |只看該作者

看了郭醫師不足1個月，今天覆診，醫師說我的慢性乳線炎尾已康復9成，堅持每星期覆診一次中醫及戒口

今天覆診在診所認識到一位同樣有肉芽腫乳線炎的病人，佢係小郭醫師主診，佢7月發炎睇西醫話要做手術切除，然後佢上小紅書搵到香港有中醫睇，佢睇左2個月，做過火針，近乎完全康復

私人傳訊

積分: 7232

254^#

發表於 23-9-25 19:34 |只看該作者

Update一下情況，我9月14日第1次郭醫師，16日膿腫有個破口流出好多液體，25日胸部無再發炎，仍有腫塊但變小變散左

私人傳訊

積分: 7232

253^#

發表於 23-9-15 15:00 |只看該作者

2023年2月發現左邊乳房有腫痛，政府醫院做粗針檢查到係肉芽腫乳線炎，反反覆覆咁發炎紅腫，而家胸表皮又紅又薄，脫皮，但政府既醫生話無藥可以食，都唔洗做手術，好無奈，前日第1次去睇郭醫師，希望有用！

私人傳訊

sherrykwa

積分: 8

252^#

發表於 23-8-28 23:10 |只看該作者

本帖最後由 sherrykwa 於 23-8-28 23:26 編輯

Doro-Doro 發表於 23-7-31 19:38
火針即係用火呀？
睇個名好似好痛甘😱😱
會唔會整傷皮膚？

火針係燒熱支針，不過過程好快我唔覺得好痛，應該同針炙差不多感覺。

私人傳訊

Doro-Doro

積分: 6

251^#

發表於 23-7-31 19:38 |只看該作者

sherrykwa 發表於 23-6-10 01:56
我係肉芽腫性慢性乳腺炎，初時好嚴重睇醫生都叫我做手術但我不想做手術，之後去了睇一位出名既乳腺科醫生， ...

火針即係用火呀？
睇個名好似好痛甘😱😱
會唔會整傷皮膚？

私人傳訊

lalaming

大宅

積分: 1216

250^#

發表於 23-6-23 23:16 |只看該作者

想請教咁多位jm點樣斷定是有膿？我乳房都長期一邊痛，有無經期都痛，黎時更痛，
1年多前做完良性纖維瘤手術，現在連那個位置也痛，摸落去有d野咁，
仲似做完手術有膿水系裡面既情況，想請教一下咁多位。謝謝

私人傳訊

sherrykwa

積分: 8

249^#

發表於 23-6-10 01:56 |只看該作者

本帖最後由 sherrykwa 於 23-6-10 02:02 編輯

我係肉芽腫性慢性乳腺炎，初時好嚴重睇醫生都叫我做手術但我不想做手術，之後去了睇一位出名既乳腺科醫生，幾次超聲波抽膿及食類固醇後情況有很大改善，之後去睇北角嘅郭醫師服食了半年中藥及有做火針，情況就愈來愈好大致痊愈了！

私人傳訊

rui_rui_rui

積分: 4

248^#

發表於 22-12-7 21:37 |只看該作者

我都係睇北角嘅郭醫師睇好咗肉芽腫性乳線炎的! 由2022年2月開始睇西醫，又引流出膿，又打埋抗生素針，仲切除埋啲組織，反反覆覆睇咗差不多半年，心態已接近崩潰! 後尾去搵郭醫師，食左中藥第二個星期後，傷口已不再出膿..睇左一個半月，病情已基本痊愈！！！真係好開心，可以唔洗再洗傷口度日！

私人傳訊

2vv2vvvv

複式洋房

積分: 161

247^#

發表於 22-3-12 02:11 |只看該作者

sasachow05 發表於 21-12-11 06:58
回覆書蟲的帖子

我都係非哺乳乳腺炎（漿細胞乳腺炎），呢種病香港醫生十個9個醫不懂得醫，或許可能係我 ...

本帖最後由 2vv2vvvv 於 22-3-12 22:20 編輯

del

私人傳訊

melody1823