母乳餵哺 今日: 0 | 主題: 85707

積分: 1228

1^#

發表於 18-8-10 21:07 |只看該作者 |正序瀏覽 |打印

bb而家4個月大，已經厭奶兩三個星期，啜兩三分鐘就停，又隔3至4個鐘先肯食，個胸之前都會谷下，而家直情長期好林，冇乜谷嘅感覺，bb啜時都冇乜feel倒奶陣，感覺好少奶咁，試過半夜佢耐冇食，隔左8，9個鐘都係泵得1，2安，點搞，係咪由佢，屋企人叫我早d加固，好想繼續餵人奶，有冇人可以教我點做？

0 1 0

私人傳訊回覆引用

marcochris1

積分: 1193

27^#

發表於 19-5-1 13:16 |只看該作者

厭奶期正常的

私人傳訊回覆引用

積分: 1228

26^#

發表於 18-9-2 22:32 |只看該作者

艾森發表於 18-9-2 21:59
瞓住埋身係壞習慣，因為bb啜住乳頭入睡，到佢淺睡時發現無咗人肉奶咀就會醒同喊，嚴重影響bb睡眠質素同建 ...

好多謝你嘅回覆呀…我諗果排係厭奶加上病先冇乜胃口食，加上又黎m，奶量少左好多，不過而家好左好多喇，冇厭奶，大概3個鐘食一次，不過都係食5,6分鐘就停，4個半月去打針，見佢磅數ok就冇理佢喇，同埋而家識得啜到差吾多，放落床自己訓，有時吾使啜都可以自己訓着添

私人傳訊回覆引用

積分: 11164

25^#

發表於 18-9-2 21:59 |只看該作者

daisymomo 發表於 18-8-19 07:35
哈哈，我試過企喺度，一邊搖或者un住，佢又肯食下喎，又試過訓喺度餵……總之就一得閒就俾佢食，好似好dd ...

瞓住埋身係壞習慣，因為bb啜住乳頭入睡，到佢淺睡時發現無咗人肉奶咀就會醒同喊，嚴重影響bb睡眠質素同建立壞習慣。5個月大絕對可以4個鐘一餐，如果bb習慣咗經常要埋身安撫，而唔係肚餓先埋身，你嘅埋身路會好辛苦，bb都會因為慣咗有人肉奶咀不停想埋身而喊。

果幅生長線圖係奶粉bb數據，全埋身人奶bb同奶粉bb係唔會一樣咁生長。人奶著重腦部同免疫系統健康發展，你完全唔需要因為體型而擔心bb食唔夠/唔夠營養。全埋身已經將最好營養提供比bb，全埋身係bb自行調節食量。

私人傳訊回覆引用

積分: 11164

24^#

發表於 18-9-2 21:44 |只看該作者

wendy0101 發表於 18-8-19 06:54
我唔打算提早加固呀，大仔都係差不多六個月先加。

至於生長曲線，我覺得都幾煩，健康院唔係淨係睇條curve ...

本帖最後由艾森於 18-9-2 21:47 編輯

正確！bb食量真係會自己調節

我早前已經經歷過呢個階段，bb生長線由一出世50，之後慢慢跌到10，每次返健康院都令我好沮喪。我被轉介去見營養師仲叫我加餐奶粉，人奶優質過奶粉係不爭事實，我有人奶當然繼續全埋身。後來bb慢慢大生長線上返25，到依加兩歲健康活潑，我已經無理條生長線

香港幅生長線圖係根據當年bb生長而定，當年奶粉盛行好少bb飲人奶。人奶營養著重bb腦部同免疫系統發展，而且埋身係bb做主導，由bb自己控制食量。
做得全埋身媽媽已經將最好營養比bb，唔需要比奶粉bb數據影響到，更加唔好盲目地追生長線。
一個bb健康與否生長線唔能夠完全反映唔到，果幅圖係比提供數據醫護人員參考。人奶著重係bb腦部同免疫系統發展，生長線圖係唔會反映到。

私人傳訊回覆引用

krichan

禁止訪問

積分: 251

23^#

發表於 18-8-21 19:13 |只看該作者

提示: 作者被禁止或刪除內容自動屏蔽

私人傳訊回覆引用

積分: 1228

22^#

發表於 18-8-19 07:35 |只看該作者

wendy0101 發表於 18-8-19 06:54
我唔打算提早加固呀，大仔都係差不多六個月先加。

至於生長曲線，我覺得都幾煩，健康院唔係淨係睇條curve ...

哈哈，我試過企喺度，一邊搖或者un住，佢又肯食下喎，又試過訓喺度餵……總之就一得閒就俾佢食，好似好dd，起碼都肯啜下

私人傳訊回覆引用

wendy0101

積分: 1105

21^#

發表於 18-8-19 06:54 |只看該作者

daisymomo 發表於 18-8-19 04:06
前幾日去健康院打針，個護士長話呢d係坊間d人講嘅厭奶，其實bb吾係真係厭奶，只係大左，吾再需要咁多奶量 ...

我唔打算提早加固呀，大仔都係差不多六個月先加。

至於生長曲線，我覺得都幾煩，健康院唔係淨係睇條curve，而係要個BB跟返足出世時條生長線先叫做最好喎。我除左第一個月之外，每次返親健康院都俾姑娘鵝，因為我個女嘅生長線頭一個月係50，之後跌落25，上次仲跌到10，佢keep唔到喺50果條線，但其實佢三個半月之前食奶都食得幾好，但吸收到幾多、體重增加速度呢啲邊到我地控制丫，我都覺得夠濕片咪得囉

四個月時返健康院，姑娘就話佢生長線跌落10，要我餵多幾餐，唔好隔三四個鐘先餵，要得閒就埋身，但其實我都講左佢濕片數量都ok，咁啱佢仲遇上厭奶，就算我肯兩個鐘餵一次佢都唔肯食咁密啦，BB食量真係會自己調節架麻，所以我次次俾佢地鵝我都覺得好煩，仲話我唔餵返密啲奶要佢食好啲，佢到時加固加得唔好，食奶又食得差就麻煩喎，唉... 好frustrated，唔通佢唔肯食都要繼續要佢食，永遠都要好似初生咁兩個鐘食一次，瞓緊都要摷醒佢要佢食？！所以我都好努力諗盡方法等佢食耐啲，但都係隔返四個鐘先餵，佢根本係夠飽唔會提早嗌肚餓

私人傳訊回覆引用

積分: 1228

20^#

發表於 18-8-19 04:06 |只看該作者

wendy0101 發表於 18-8-19 00:15
我個又係四個幾月，一樣有厭奶問題，最嚴重時三四個鐘食一次，只食三分鐘就離口推開我喊爆，如果要佢少食多 ...

前幾日去健康院打針，個護士長話呢d係坊間d人講嘅厭奶，其實bb吾係真係厭奶，只係大左，吾再需要咁多奶量，佢話剛出世頭一兩個月，bb急速發展，所以食得好密，生長得好快，到大d就會自然慢落黎，所以就食得冇咁多，佢教我睇條生長線，佢話條線都吾係一直係咁好直咁向上，的而且條線真係頭兩個月向上斜得好勁，到三個月後就慢慢放返平，然後先慢慢咁少少斜上去，bb會跟住呢條生長線成長，所以吾使咁擔心，如果濕片同體重ok，都吾需要提早加固

私人傳訊回覆引用

wendy0101

積分: 1105

19^#

發表於 18-8-19 00:15 |只看該作者

回覆樓主

我個又係四個幾月，一樣有厭奶問題，最嚴重時三四個鐘食一次，只食三分鐘就離口推開我喊爆，如果要佢少食多餐隔兩個鐘就食，佢會唔肯開口，仲試過有一晚六點後一啖奶都唔食，點質都唔肯仲吐返哂啲奶出黎，隔左十個鐘到清晨四點先肯食返

之後我試下每次餵完奶都同佢玩耐啲等佢消耗體力，tummy time、轉身、練習坐、又郁動下腳仔，跟住先俾佢瞓，佢瞓醒再餵下餐奶就會食返耐啲，但真係唔懶得，每餐都食完就要同佢玩起碼30-45分鐘

初期厭奶我試過轉姿勢餵，都work過一輪，可以試下唔同方法

我都係FTM湊住兩個，真係完全無時間又泵又洗

私人傳訊回覆引用

積分: 1228

18^#

發表於 18-8-17 20:50 |只看該作者

sioni 發表於 18-8-17 19:08
我又係，4個月左右開始厭奶，真係3、4個鐘先肯食，啜幾分鐘就停！連尿量都好少，超擔心佢連水份都唔夠，其 ...

我女呢兩日好左d，肯食，不過都係要佢肚餓先肯啜，試過隔4個鐘先肯食，但啜都係5分鐘左右，有時耐dd，尿都多返d，每日都有大便，之前厭奶，幾日先有大便，仲要勁少尿，擔心死我，希望快d過厭奶期，不過我覺得我女吾係特別中意啜果d，因我見有d bb天生就好中意啜又好中意食媽媽奶

私人傳訊回覆引用

sioni

民房

積分: 29

17^#

發表於 18-8-17 19:08 |只看該作者

回覆樓主

我又係，4個月左右開始厭奶，真係3、4個鐘先肯食，啜幾分鐘就停！連尿量都好少，超擔心佢連水份都唔夠，其實個陣有屈伏加固比佢，但佢又唔食，好似練丹咁，體重冇升但亦冇跌，只能做到少食多餐，（但實際做到嘅係少食少餐，因為都唔肯啜(emoji)(emoji)）我都唔知呢兩個月點捱過黎...日日就擔心佢食咁少，而加六個月，加左少少米糊佢食，體重有升d，但奶都係一樣食咁少，持續厭奶...
好量方面，反正佢都係厭奶，所以唔覺得唔夠，但真係埋身餵好，一得閑就比佢啜吧，個陣一天到晚嘅活動就係攬住佢啜奶...(emoji)

私人傳訊回覆引用

積分: 1228

16^#

發表於 18-8-17 15:45 |只看該作者

艾森發表於 18-8-17 15:18
唔洗客氣建議你多睇母乳資料，會更清楚了解埋身對bb成長嘅重要性。
當年我每次帶bb去檢查，生長線 ...

好，多謝你嘅建議，我會好似你咁，繼續堅持

私人傳訊回覆引用

積分: 11164

15^#

發表於 18-8-17 15:18 |只看該作者

daisymomo 發表於 18-8-16 15:36
好多謝你，聽完你講，我都有返信心，希望可以做到自然離乳呢個目標

唔洗客氣

建議你多睇母乳資料，會更清楚了解埋身對bb成長嘅重要性。
當年我每次帶bb去檢查，生長線下跌要轉介見營養師，我都質疑過自己。不過我睇完好多埋身餵資料就繼續全埋身。依加呀女兩歲半都會早晚埋身，托賴健康活潑同抵抗力好

當初覺得埋身路好似好長，過後轉眼間已經步入尾段，更慶幸自己堅持全埋身

私人傳訊回覆引用

積分: 1228

14^#

發表於 18-8-16 15:36 |只看該作者

艾森發表於 18-8-16 14:58
堅持全埋身正確
試想想泵奶器、奶粉、奶樽等人造物只是近一百多年才出現，幾千年來人類一直以全埋身 ...

好多謝你，聽完你講，我都有返信心，希望可以做到自然離乳呢個目標

私人傳訊回覆引用