吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› C6話要亞仔請假去睇他細妹的BB－大家再睇我點解唔肯 ...

婆媳關係今日: 0|主題: 27779

收藏本版

發帖

返回列表

跳至頁

查看: 4754 | 回覆: 30

C6話要亞仔請假去睇他細妹的BB－大家再睇我點解唔肯 [複製鏈接]

channatung

別墅

積分: 944

1^#

發表於 09-4-6 14:53 |只看該作者 |正序瀏覽 |打印

亞仔今年9月開始返幼稚園，咁我姑仔（在馬來西亞）今年8月會生BB，我已經同我C6講咗我同亞仔唔去，因為要返學，講了兩個月都未有話唔可以，但昨天同我講，要我同亞仔去，仲要係9月的時候去，等我姑仔的BB滿月時候去，我話我同亞仔去黎做什麼，又冇嘢做又浪費錢（機票加學費），最大問題係亞仔已返學，剛返了兩星期學就要請假去馬來西亞探他細妹，跟住我繼續話唔去，我話亞仔到時剛適應幼稚園生活，學識用小坐廁小便，返學唔會喊（因為亞仔係由我湊的他非常黏我），你又帶他去馬來西亞，他回來又要再適應過，對小朋友唔好，我話又要同學校交信話唔返學咁麻煩，最重要係我同亞仔唔去都唔係好大問題，我哋去到都沒有嘢做，只係睇下她的BB

C6話唔去唔知幾時再見到面，我話新年，聖誕節去咪得，C6又話那時候去D機票會貴好多，我話你細妹遲D都會返來香港探親，到時候才睇，他死都話要去，跟住我發脾氣話我唔去架，跟住他話咁你唔好去啦，我咪又話要去你自己帶亞仔同你亞媽去，你仲要自己同學校講唔返學，我睇你點搞掂我個仔，最嬲係C6話返唔返學有什麼所謂，咁細個返去都係玩，我咪鬧他，現在的幼稚園唔係返去玩的係有好多嘢學，同埋返學日子請假去旅行係咪好唔得呀！

我問他肯定係他亞媽叫我同亞仔一齊去，C6話唔係，係佢自己話要去，我就唔係好信，我最怕係同99一齊去，因為已經令敎過她的麻煩，前年先因為我姑仔在馬來西亞結婚同99一齊去過，那次我非常唔開心，未見過D人咁麻煩，所以我今次死都唔去

因為我C6是褔建人，他們一家好迷信同好麻煩，所以我估是我99要我同亞仔都去，最搞笑係我99同62會响8月我姑仔生的時候過去，然后9月滿月時再去多一次，你哋話係咪多餘，我先到我C6講，你係咪都應該响BB出世的時侯去，而唔係滿月的時候去，人哋擺唔擺滿月酒都成問題（馬來西亞都唔知興唔興啦，雖然都係中國人，但人哋做生意的，對象都係馬拉人，都沒有什麼中國人）都唔知可以請什麼人，我話係他們一家自己一相情願人哋會擺滿月酒

大家有什麼方法可以令到C6唔洗我同亞仔去？

[ 本帖最後由 channatung 於 09-4-7 12:25 編輯 ]

0 0 0

私人傳訊

jacquesau

珍珠宮

積分: 35592

31^#

發表於 09-4-9 10:01 |只看該作者

原帖由 channatung 於 09-4-7 11:36 發表你哋都有所不知，如果換轉係我屋企人，我C6一定唔去，你哋會唔會估到我個仔3歲了但我都未去過我D親戚那裡拜年，因為係他唔想去，唔想去見其他人，那為什麼他又唔可以為我諗，擺滿月時只請了他自己的親戚，新年又唔去，我D親戚個個都未見過我個仔，我一個人又唔可以自己帶個仔去，因為他們住得太遠，我住柴灣，他們住天水圍，轉車都要好幾次

唔通你老公有車, 一齊去佢會車埋你？

如果唔係, 你自己帶個仔去有咩問題？

我自己都係咁帶住三歲既女由屯門去沙田, 要轉三轉車都係咁啦.....(如果我老公去佢可以車我, 半個鐘到, 但坐車要1.5hrs....但我老公唔去, 咁都無法架, 唔通佢唔去我邊度都唔洗去？)

你老公就係睇到你依附住佢咁...所以蝦你啦.....

[ 本帖最後由 jacquesau 於 09-4-9 10:05 編輯 ]

好好過每一天......

私人傳訊

123!@#

伯爵府

積分: 16607

30^#

發表於 09-4-9 09:55 |只看該作者

原帖由 driedpork 於 09-4-8 14:07 發表
如果就到唔使個仔請假咪去囉,
再唔係同c6 講話今次唔去飲滿月, 遲d到個仔放長假先去探佢囉!
另外, 我想講的係, 根本你兩公婆相處就有問題, 你老公唔見你d 親戚就得, 而你就一定要去, 當然, 兩夫婦唔係話要你做初一 ...

私人傳訊

littlesister

琥珀宮

積分: 158843

畀面勳章

29^#

發表於 09-4-8 23:44 |只看該作者

其實應該8月去, 小朋友剛開學又請假係好煩, 一係就情願遲少少開學囉

不過就算都要同你C6講數, 今次去都得, 以後過年都要去你d 親戚度拜年, 冇理由只係你就佢

私人傳訊

肥豬皇

大宅

積分: 3356

28^#

發表於 09-4-8 23:07 |只看該作者

原帖由 channatung 於 09-4-7 11:36 發表
你哋都有所不知，如果換轉係我屋企人，我C6一定唔去，你哋會唔會估到我個仔3歲了但我都未去過我D親戚那裡拜年，因為係他唔想去，唔想去見其他人，那為什麼他又唔可以為我諗，擺滿月時只請了他自己的親戚，新年又唔去，我D親戚個個都 ...

你c6唔同你去拜年, 你都可以自己去格, 點解嫁左比佢就要斷六親先~~佢唔去, 唔通你就唔去咩?! 奇怪

私人傳訊

姑姑

大宅

積分: 2712

27^#

發表於 09-4-8 21:45 |只看該作者

原帖由 channatung 於 09-4-8 12:50 發表
好多謝之后咁多位媽咪支持我，我第二日一睇我個post見到個個勁插我自私冇為我C6諗，我還以為我好有問題，原來都有好多人同我的睇法一樣，所以我有你哋及我D朋友的支持，我想我都會堅持

我會同C6講星期五去星期日返，咁亞仔就唔 ...

我都反對bb要請假去happy.....如果可以安排short trip 咁咪滿足吓佢哋囉.

私人傳訊

driedpork

禁止訪問

積分: 2182

26^#

發表於 09-4-8 14:07 |只看該作者

提示: 作者被禁止或刪除內容自動屏蔽

私人傳訊

vvtang

大宅

積分: 1075

25^#

發表於 09-4-8 13:42 |只看該作者

完全同意,我C6都系福建人,好似我嫁入他家,6299話要我學閩南話,平時講野用閩南話都5理我,我完全聽5明,仲要成日問我學會未,比佢吹漲阿
樓主5使5開心,既然你已經讓步,你c65肯的話就企硬:;pppp:

私人傳訊

channatung

別墅

積分: 944

24^#

發表於 09-4-8 12:50 |只看該作者

好多謝之后咁多位媽咪支持我，我第二日一睇我個post見到個個勁插我自私冇為我C6諗，我還以為我好有問題，原來都有好多人同我的睇法一樣，所以我有你哋及我D朋友的支持，我想我都會堅持

我會同C6講星期五去星期日返，咁亞仔就唔洗請假，他又可以去

不過我條氣都係唔太順，咁樣逼我去，不過為了兩夫妻的感情，我當那三天我是一個透明人，什麼都聴不見，什麼都看不到

私人傳訊

peggy@_@

男爵府

積分: 5707

23^#

發表於 09-4-8 03:39 |只看該作者

唉~~~嘥鬼氣啦同佢呢d咁自私嘢人講!
就算呀仔唔駛返學都唔去啦,呀仔又唔識又咁辛苦,而且佢地都會返hk啦!
我家姐係澳洲生兩個女都無話專登去飲滿月酒,反而係無人坐月就會過去,第一個家姐99,第二個就係我囉!e+ d人成日叫我帶埋呀女去探家姐,我都廢事一來要咁多錢,二來呀女又辛苦又唔會記得,而且年年家姐一家都會返hk一個月探99!

私人傳訊

wing1028

伯爵府

積分: 16855

好媽媽勳章畀面勳章

22^#

發表於 09-4-7 21:37 |只看該作者

原帖由 driedpork 於 09-4-6 22:58 發表
我都同意以上幾位媽咪的講法, 負擔到的咪去囉, 如果話真係無錢就無得好講, 可能你C6同個妹感情好好呢? 即使係你99叫, 牛唔飲水唔禁得牛頭低, 你C6 都應該係好想去, 一係好似有位媽媽咁講, FRI 放學時間去, SUN 晚番, ...

樓主兩面難做人呀

[ 本帖最後由 wing1028 於 09-4-7 21:39 編輯 ]

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

21^#

發表於 09-4-7 17:24 |只看該作者

原帖由 littlecarey 於 09-4-7 03:46 PM 發表
做人父母應該想清楚點樣教仔。
不論小朋友有多大，返學根本就唔應該請假去馬來西亞，做人父母應該要小朋友知道返學係佢哋的責任，除非係嚴重事情(例如生病、至親過身等...)才可以不用返學。
為了自己的喜好(妳c6同阿妹親), ...

完全同意!!!!
正正就係我想講既野!

私人傳訊

muby

複式洋房

積分: 363

20^#

發表於 09-4-7 17:03 |只看該作者

原帖由 littlecarey 於 09-4-7 15:46 發表
做人父母應該想清楚點樣教仔。
不論小朋友有多大，返學根本就唔應該請假去馬來西亞，做人父母應該要小朋友知道返學係佢哋的責任，除非係嚴重事情(例如生病、至親過身等...)才可以不用返學。
為了自己的喜好(妳c6同阿妹親), ...

我都同意，事分輕重，如果大家堅持，不如在不影響小朋友的學業情況下去做，兩公婆的嘢，有時候真的沒有的計較。如果真的ok，就早一些買機票解決問題。

私人傳訊

iampaulineko

男爵府

積分: 5756

19^#

發表於 09-4-7 16:55 |只看該作者

其實我覺係有冇心的問題, 唔關遠唔遠, 如果佢c6係唔想陪佢同bb去探佢d親友, 根本住几近都係咁.不過好大機會同個99有關. 因為福建人家屬, d99係唔想屋企人同個新抱外家有聯絡.

我c6個堂阿哥, 住係元郎,過時過節都會出來香港, 九龍同d男女家的親友食飯. 而我地有時都會入去探佢地.做人就係咁簡單, 你識去為對方著想, 咁你的另一半一定又會為你.

原帖由 SaSaHon 於 09-4-7 16:38 發表

原來如此! 咁俾著係我，我都會諗好多借口推搪。

至於你自己親戚，你家人都係住得好遠? 可唔可以叫你家人陪你一齊去探親友呢? 又或者可唔可以試吓約一個大家方便既地方出來飲茶見面。 ...

私人傳訊

iampaulineko

男爵府

積分: 5756

18^#

發表於 09-4-7 16:48 |只看該作者

係呀, 如果樓主你咁樣就完佢一次又一次, 你係果個屋企就唔會有地方, 果d人就係咁哀, 永遠都要將個新抱彩低. 唔會俾佢地有話事權, 我大伯個老婆又係福建人, 係屋企6299, 大伯話東佢唔敢去西. 因為佢仲未落香港, 要依靠佢地. 所以咩都唔敢反對. 我咁入門果時, 佢地又想咁對我. 我彩佢地先傻. 我同c6講, 我依家唔係要你養, 我點解要睇你地全家臉色做人. 咁辛苦, 我結個婚來做咩.

終之, 我會尊重你屋企人, 但佢地都要尊重我. 唔好得佢地講冇我講, 如果有咁的一日, 我一定唔會理你屋企人, 丑話講左先..費事有咩事又話我地錯.

私人傳訊

SaSaHon

大宅

積分: 1268

17^#

發表於 09-4-7 16:38 |只看該作者

原帖由 channatung 於 09-4-7 11:36 發表
你哋都有所不知，如果換轉係我屋企人，我C6一定唔去，你哋會唔會估到我個仔3歲了但我都未去過我D親戚那裡拜年，因為係他唔想去，唔想去見其他人，那為什麼他又唔可以為我諗，擺滿月時只請了他自己的親戚，新年又唔去，我D親戚個個都 ...

原來如此! 咁俾著係我，我都會諗好多借口推搪。

至於你自己親戚，你家人都係住得好遠? 可唔可以叫你家人陪你一齊去探親友呢? 又或者可唔可以試吓約一個大家方便既地方出來飲茶見面。

私人傳訊

littlecarey

男爵府

積分: 8097

育兒性格勳章畀面勳章

16^#

發表於 09-4-7 15:46 |只看該作者

做人父母應該想清楚點樣教仔。
不論小朋友有多大，返學根本就唔應該請假去馬來西亞，做人父母應該要小朋友知道返學係佢哋的責任，除非係嚴重事情(例如生病、至親過身等...)才可以不用返學。
為了自己的喜好(妳c6同阿妹親),就要阿仔同老婆一齊去,簡直係自私的行為
姑仔生bb係普通事，妳哋一家人有空就一齊去，唔得閑就叫c6自己去lor,來日方長,總有見面的機會。

私人傳訊

littlecarey

男爵府

積分: 8097

育兒性格勳章畀面勳章

15^#

發表於 09-4-7 15:31 |只看該作者

原帖由 iampaulineko 於 09-4-7 11:58 發表
其實如果唔得閑的話, 又唔需要去, 我自己都係福建人, 都明白d人的思想, 但係有時d野都係要幫人諗下,其實有你c6做代表都ok, 我二哥結婚果時, 我大哥一家都冇來香港, 因為個bb又係要反學, 覺個bb周歲擺酒果時, 我地都 ...

完成同意。兩夫婦應該互相尊重，平等對待。

私人傳訊

iampaulineko

男爵府

積分: 5756

14^#

發表於 09-4-7 11:58 |只看該作者

其實如果唔得閑的話, 又唔需要去, 我自己都係福建人, 都明白d人的思想, 但係有時d野都係要幫人諗下,其實有你c6做代表都ok, 我二哥結婚果時, 我大哥一家都冇來香港, 因為個bb又係要反學, 覺個bb周歲擺酒果時, 我地都冇全部反去,因為屋企人有d反工都忙. 又唔會話特登反去飲, 大家有個心就ok..

再者, 如果你c6對你屋企人咁的態度, 我就更加唔會去. 佢一味只識要你對佢屋企人好, 又唔會以同樣的態度去對你屋企人. 咁點解要下下就佢地. 等自己咩話事權都冇. 我c6又係福建人. 我99又係要求我要對佢屋企好好,但從來都唔會care我屋企人. 跟住我埋同我c6講, 你唔對我屋企人好都唔好指意我會對你屋企人好. 我嫁入你屋企, 唔係賣身俾佢地, 我都係有父母生, 都有兄弟.你地唔識來尊重我, 我亦都唔會去尊重你果d親友.

舊年拜年果時, 99要我初一上佢果邊順便去親戚果d拜理. 我同c6講先上99同邊冇問題, 但第二個要上我媽咪果邊, 一定要先同屋企人拜晒年, 如果唔係唔好指意我去同你地d親友拜..

channatung好多野, 你真係唔好下下就佢地, 雖然我本人都係福建人, 但係我都知有d人都係好過份, 永遠都只有佢地要求你去做, 但唔會去幫你諗. 如果你永遠都服從佢地. 你就會好辛苦..