吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 新抱又點解要對老爺奶奶咁冷漠?

婆媳關係今日: 0|主題: 27784

收藏本版

發帖

返回列表

跳至頁

查看: 7943 | 回覆: 31

新抱又點解要對老爺奶奶咁冷漠? [複製鏈接]

燁燁媽

男爵府

積分: 8483

1^#

發表於 09-4-9 13:11 |只看該作者 |正序瀏覽 |打印

如題!
我見好多人都唔想見到奶奶!
唔通一個月見1,2次孫仔都唔得?
想唔想奶奶每次去你屋企都買手信比你or bb(如奶粉or 尿片)?
如上到你屋企, 會唔會整o的野食比奶奶食 (if 午餐)
我做人新抱(一齊住)but唔會冷漠, 做人女就覺得嫂子(分開住)好冷漠對我媽!

0 0 0

私人傳訊

abc_3212008

複式洋房

積分: 246

32^#

發表於 09-4-14 17:22 |只看該作者

原帖由 咕咕豬 於 09-4-14 13:50 發表

睇到好替你激心, 但點解你地要做好人呀, 米傻啦.

多謝你!我已經好感動啦!我以前就係覺得99慘,後來先知原來係自己蠢?
我而家不會咁傻啦!

私人傳訊

catlover2001526

大宅

積分: 1871

31^#

發表於 09-4-14 16:05 |只看該作者

點解冷漠? 因為如果唔係咁，就會有好多order落落黎!你就要照佢既方式去做!而呢d唔係你想要既生活方式!

不過如果你奶奶唔係咁既人，唔會干涉你既生活方式，唔會咁多意見，咪無問題lor!

邊個唔想好來好去!

私人傳訊

咕咕豬

大宅

積分: 2569

30^#

發表於 09-4-14 13:50 |只看該作者

原帖由 abc_3212008 於 09-4-9 19:51 發表
凡事都係有因有果,可能係今世,亦可能係前世?
有時我覺得
未嘗無道理?
至於樓主所講既更加係人人標準不同?
點樣為之?背後可能有莫大苦衷?
人同人之間既相處係一門好高深既學問(同年齡/學歷無直接關係);不同性格既人 ...

睇到好替你激心, 但點解你地要做好人呀, 米傻啦.

私人傳訊

060905

男爵府

積分: 6052

29^#

發表於 09-4-14 13:25 |只看該作者

唔通一個月見1,2次孫仔都唔得? 得, 不過見面時唔該唔好話我同我媽咪唔識湊, 每個人方法唔同, 無資格講。
想唔想奶奶每次去你屋企都買手信比你or bb(如奶粉or 尿片)? 無所謂, 但係唔想成日係人面前講, 我買左d乜乜乜, 以為好大把。
如上到你屋企, 會唔會整o的野食比奶奶食 (if 午餐) 以前會, 而家唔會, 因為我6299成日彈我地廣東人既野 (我6299係褔建人)
我做人新抱(一齊住)but唔會冷漠, 做人女就覺得嫂子(分開住)好冷漠對我媽!] << 相見好同住難, 如果一齊住面阻阻, 分開住會唔會好d呢??

私人傳訊

060905

男爵府

積分: 6052

28^#

發表於 09-4-14 13:21 |只看該作者

岩, 原先我都好想好好地對佢地, 係我62成日針住我, 又成日彈我外家, 真係好嬲, 係佢迫我對佢地咁冷淡, 再加上以前隔日隔日對住佢地, 返到屋企我成日同c6嘈, 而家一個星期見一次, 唔太過份, 我都忍左去算。

有句說話好岩, 相見好同住難呀！

原帖由 KoyeBaby 於 09-4-9 13:25 發表
講真我係唔鍾意見到我6299架,但係我唔係一開始就針對佢哋,我剛入門時有嘗試過同佢哋融洽相處,亦真心想同佢哋打好關係!但係當俾人潑過N次冷水,加上我個bb出世之後發生咗好多事,我就想同佢哋保持距離...但係唔代表我唔 ...

私人傳訊

Chamo

伯爵府

積分: 17463

27^#

發表於 09-4-14 12:26 |只看該作者

99 好鍾意懶衛生, 其實去最破壞公物唔衛生!!!

每次出街食飯, 一坐底, 就要開工洗碗碟洗快子洗杯洗湯匙.

問題係有濕紙巾係檯, 佢都唔抺下對手先!!! 佢以為佢自己對手無時無刻都好乾淨!!! 人地 d 碗碟最污濁.

ok, 你要洗你既事, 千祈唔好拿我既來洗. 我後尾對住老公講, 99 下次想洗我既碗你就話叫我自己洗.

再講我研究過點解 99 一坐底就即刻洗唔切 d 碗咁既款. 係因為佢自己會做到好核突咁去弄污濁 d 碗, 所以要咁即刻洗!!!

話說佢好多時食完甜嘢, 都要用茶 '朗下'口. 咁好多人都係咁既啦. 但係, 好多人會飲埋落肚. 不過, 佢就最特別, 係要吐出來碗到呀!!! 核突死未??? 嚇死未???

因為積積埋埋見佢地咁多呢 d 黑人憎行為, 你話點樣可以唔冷漠?

[ 本帖最後由 Chamo 於 09-4-14 12:27 編輯 ]

私人傳訊

Chamo

伯爵府

積分: 17463

26^#

發表於 09-4-14 12:13 |只看該作者

6299 都鍾意係碟送上面柬來柬去 ....

本來一家人食飯, 食到對方口水在所難免. 好似你夾送時會唔覺意碰到隔離件食物, 唔係問題.

但佢地真係會係到用快子夾住來柬!!! 昨晚吃雞, 數住 99 夾到第四件先至滿意要左. 前兩日飲茶食咸菜豬肚, 99 又先一路洗快子柬豬肚, 夾完再洗快子柬咸菜. 我真係睇唔出同一碟既豬肚同咸菜有咩分別, 要咁樣柬???

好多時碟送就算係附有湯匙, 明明係用湯匙'不'會方便 d, 佢都鍾意放快子落去係咁'朗'來夾, 如昨晚吃細隻既辣酒煮田螺.

依家我真係忍無可忍, 每次有新送來到, 我隔10秒見佢地未掂新送, 我即係夾左來食先. 見到佢地有柬過既送, 我唔會再食.....

前兩日飲茶, 老公見最後仲有件豬肚, 即時好心想俾埋我, 不過我本能反應係好火滾衝口而出渴住話"唔要呀" 點知老公唔知我咩事咁惡, 嬲左我添 .....

[ 本帖最後由 Chamo 於 09-4-14 12:29 編輯 ]

私人傳訊

carebeauty

大宅

積分: 1133

25^#

發表於 09-4-14 11:38 |只看該作者

一家唔知一家事,你梗係冇試過好熱情對佢,佢一盤冷水照頭淋嘅滋味,所以以後都唔好要我對佢有好面色

私人傳訊

Chamo

伯爵府

積分: 17463

24^#

發表於 09-4-14 11:14 |只看該作者

我自認對 6299 好冷漠.

我新婚前清潔吉屋時, 佢地已急不及待拿一些殘舊而唔捨得掉既碗碟, 煲來我屋企, 我很生氣..... 個時就算啦, 收哂入灶底廚櫃咪算, 佢地搬來都辛苦 .....

還要一入屋, 見到一塊似尿布既白布放係我靚靚既新飯檯上 .... 個時就算啦, 收起咪得囉 ....

之後陸續有來, 我老公每星期上去食兩次飯, 每次都有物品要帶回家..... 首先是生果. 但我老公唔係點食 99 買既生果, 因為不好吃. 咁我同老公講, 你係食先好拿回來. 次次拿回來就放埋一邊唔食唔理 ..... 不時放到: 我唔知袋嘢係咩, 郁下就見出哂水, 仲有小蠅蠅飛出, 嚇鬼死人 .... 前幾日老公瞓醒出廳, 仲要同我講有垃圾味!!! 我一出房, 即時火滾咪話: 係你 d 芒果呀!!!

仲要不時有牙膏, 洗面膏, 蒸餾水 (大特價), 營養食品:三脂甘油酸, 螺旋藻, 前幾日仲係老公車尾箱見什麼腿黑色素(我老公已經係唔敢再俾我見到任何無用物品), cheap cheap 特價零食 (唔識牌子, 如果奶類製品一定有三聚青胺!)

仲要前兩日, 姑奶仲要問我老公飲邊隻牌子咖啡 (惠康就已經有), 要買俾我老公喎!!!

你估我屋企飢荒, 要你地咁接濟??? 時時將 d 隨手就買到既嘢或無用物品拿來拿去???? 我老公每次拿回家就係咁攤哂 d 嘢係度唔用唔理 ....

如果我係大貪, 我會 welcome 去地買咁多嘢俾我地 ....

不過, 依家就係唔夾 ....

呢個只係其一小例子.

冷漠係真係唔夾, 人夾人緣問題.

私人傳訊

bbiibbii

大宅

積分: 1997

BK Milk勳章

23^#

發表於 09-4-11 14:14 |只看該作者

我知道99一開始是不太喜歡我,我一直對99都好客氣,有時傾下..有時冇咩講野..
不過我發覺99好喜歡搵問題..耐唔耐就搵機會話我....!!
好地地又要搵麻煩出黎.....

愛情是：當感覺、熱情和浪漫統統拿掉之後，你仍然珍惜對方．

私人傳訊

A.C.C.

大宅

積分: 3786

22^#

發表於 09-4-11 11:54 |只看該作者

原帖由 燁燁媽 於 09-4-9 13:11 發表
如題!
我見好多人都唔想見到奶奶!
唔通一個月見1,2次孫仔都唔得?
想唔想奶奶每次去你屋企都買手信比你or bb(如奶粉or 尿片)?
如上到你屋企, 會唔會整o的野食比奶奶食 (if 午餐)
我做人新抱(一齊住)but唔會冷漠, 做人 ...

如果你老爺曾經咒過剛剛出世嘅孫女"去死", 相信你都唔會好熱情咁對佢地

樓主, 你有對容易相處嘅老爺奶奶係你福氣, 但唔係人人都會咁幸運, 呢度有好多新抱俾老爺奶奶蝦到死, 有D會慫恿個仔離婚, 有D有咗BB會俾奶奶叫佢"落咗", 有D長年累月俾人當提款機或者妹仔, 難道我地仍然要E起棚牙去對住呢D人???????

私人傳訊

姑姑

大宅

積分: 2712

21^#

發表於 09-4-10 12:45 |只看該作者

基本上唔同背景,唔同生活習慣一齊生活已經要時間適應同溝通....

你知啦,唔係自己骨肉講同一句都有好唔同感受同意會.....唔係話單方面對人好人哋就會受晒.

小小一句毫無殺傷力嘅說話可以整到老人家喊晒.....老實講,我受唔起,亦冇資格. 都係保持距離好啲.

私人傳訊

princessmocha

別墅

積分: 683

20^#

發表於 09-4-9 23:17 |只看該作者

原帖由 iampaulineko 於 09-4-9 15:46 發表
因為果個唔係我地媽咪, 我地永遠冇可以對佢地好像對我地自己媽咪咁, 而佢地亦都冇可能好像媽咪咁錫我地, 始終我地係媽咪生的..所以99一有小小野, 我地就會反晒感, 但如果果個係媽咪, 我地又好快當冇野!

有可能有d ...

agree!
可能，唔係冷淡，而係對佢地客氣Ｄ，比較像客人多過家人

[ 本帖最後由 princessmocha 於 09-4-10 07:24 編輯 ]

私人傳訊

lauretta

子爵府

積分: 14525

好媽媽勳章醒目開學勳章睛靈勳章

19^#

發表於 09-4-9 22:47 |只看該作者

原帖由 freestar 於 09-4-9 21:49 發表

你打咁長一定係受左好多氣lu, 咁你奶奶打比你老公投訴你, 咁之後你老公又會唔會話埋你一份?有時d老人家要求真係好高, 要你咩都就佢, 幫佢, 有好多唔合理既要求, 亦唔會諗下其實人地唔係唔想幫, 而係真係有時有野做. ...

以前99未咁過份果陣,就算99投訴,c6都係好心平氣和就咁同我講99講咩,唔會話我(就艋而家都唔會),因為c6知道我實自動自覺打去同99 say sorry,而家99咁過份,c6好多時聽完就算,因為佢知道99攪到我成日都喊,佢唔想比我知,驚我唔開心,但99係專登等c6響屋企,我又響度果陣講,咁我點會唔知丫,我以前都成日想知佢話我咩,但c6同我講既然聽左都唔會開心既,當佢發神經算啦,唔好理佢,不過,過後傾開計,c6都會同我講返既,但就一定叫我唔好放響心上,當聽故事囉,所以而家99講我d咩我都冇咁上心,係有時佢兜口兜面咁band埋黎就難頂d姐,所以我算係好彩,有個明事理而且會分黑白既老公囉

ps:我99絕對唔算老,佢得50歲咋,打扮仲in到爆,呢,最鍾意就係戴住副黑超,著到超in,拎個名牌袋扮闊太,又唔係唔知62負債超嚴重(我62負責幾十萬),都仲要買成萬銀個袋都仲要同62去macau賭錢(我最憎佢成日講:我駛得開心駛得高興咪得囉,好過益出面d女人丫),仲要成日食到貴一貴,2個人煮餐飯都可以幾碟唔平既送,擺到明食唔晒要倒都係咁,好喇,fing完之後又要呻窮,都唔知咩人黎,最憎呢就係佢自己買名牌袋都算,成日寸c6買唔起比我,c6同佢講我唔鍾意呢d野,因為覺得唔值,佢就話:呵,乜有女人會唔鍾意既咩,你地買唔起咋....大姐,你得一粒仔咋,唔好成日踐踏個仔d自尊啦,我的確係唔鍾意名牌,因為覺得冇咩大不了,又要錫住用,咪攪我添呀,仲有我地交租都要$5500,仲有雜費呢,有錢都儲起佢,要黎比女女不時之需啦,買埋呢d非必要既野做咩,成日講話我唔出去做野係懶,大姐你又唔幫我湊女(佢肯我都唔想比佢湊,費事教到我個女好物質主義),我媽咪就要返工,咁請工人,呵呵,我出去做番野人工都係唔過1萬(我做開地產clerk),我出去做野份人工都比晒工人,咁我不如自己湊啦,一早講左話等女女上小學就搵part-time(女女而家k3),又呢樣果樣,又唔係唔知佢自己個仔唔想我出去做野,想我好好照顧個女照顧頭家(原因咪就係c6出世之後係婆婆湊,99同62唔係幾理佢,只係識鬧同打,到99唔做野喇,99連c6發燒都攪唔掂要搵婆婆,c6覺得6299根本冇比過愛佢,只係一味鬧同打,從來冇問過c6究竟想要咩,認為有飯你食有屋你住仲想點?可能就係因為咁,所以c6唔想個女都好似佢細個咁,所以要求我唔好做野住,好好照顧左女女先,情願自己辛苦d,見到個老公咁偉大,真係好感動嫁,所以好多野我都聽晒佢講,盡量都唔比麻煩佢,作為對佢既報答),
總之講99d野,講成晚都講唔晒嫁喇

私人傳訊

freestar

大宅

積分: 1212

18^#

發表於 09-4-9 21:49 |只看該作者

原帖由 lauretta 於 09-4-9 15:34 發表
唉,我都唔想憎我99,可惜係..當你做所有關於自己同外家既野都比佢話你唔0岩,當你真係有事唔得閒幫佢一早一晚整d寵物(注意,我都有養寵物,但我從來唔會好似99咁為左去玩而唔理佢地,我99係個個星期同62去幾日macau賭$), ...

你打咁長一定係受左好多氣lu, 咁你奶奶打比你老公投訴你, 咁之後你老公又會唔會話埋你一份?有時d老人家要求真係好高, 要你咩都就佢, 幫佢, 有好多唔合理既要求, 亦唔會諗下其實人地唔係唔想幫, 而係真係有時有野做.

做女人真係好多野煩呀, 嫁左個老公之後仲要同事多左好多親人(自己既家人唔啱都可以同佢講, 但係老公個邊d人就只可以打不還手, 罵不還口...

私人傳訊

EVA222

禁止訪問

積分: 73927

17^#

發表於 09-4-9 20:05 |只看該作者

提示: 作者被禁止或刪除內容自動屏蔽

私人傳訊

abc_3212008

複式洋房

積分: 246

16^#

發表於 09-4-9 19:51 |只看該作者

凡事都係有因有果,可能係今世,亦可能係前世?
有時我覺得<君子之交淡如水,小人之交甜如蜜>
未嘗無道理?
至於樓主所講既<冷淡>更加係人人標準不同?
點樣為之<冷淡>?<冷淡>背後可能有莫大苦衷?
人同人之間既相處係一門好高深既學問(同年齡/學歷無直接關係);不同性格既人都有不同既相處方法,而且更加係雙方面都願意先可以!
有啲人對99既冷淡可能係因為不想<鬧交>,係當事人未領會到更好既相處之道以前,未嘗不係一個好方法!

我曾經同99一齊住,番工揍女亦有經常帶個女同99飲茶,
帶99去睇醫生,同佢一齊去街市買餸,
99一年內有成十個月都招呼啲外地來既親戚係我屋企住,我從沒有半句埋怨or黑面;首期,供樓,水電一切雜費都係老公出,99最主要負責晚飯;99不煮我地亦不會話佢!

老公就算公司欠糧比99既家用從來未試過欠,99話親戚來住不夠錢使問老公借(其實即係比因為係無得還既)!
好辛苦死慳死抵都慳啲錢比佢,只係不想佢無錢使,
不想咁老都要為生活憂心!不過99重來只係當應份!

後來99個妹不抵得靜靜地話我知,就算比多多佢都不會夠!
原來99將我地好辛苦慳比佢既家用,攞來比佢最重視既長子同新抱話做生意欠人錢要還,但係佢兩公婆手帶金勞/揸名貴歐洲車,長子咁多年來無家用比99;99更加話長子真係窮所以無得比

如果有人話佢既長子不好99更加係加句你呀哥不係咁既人!

以下係個人經歷一部份,點解對99冷淡?

事緣我老公啲呀哥好鐘意問佢借錢,可能以前問開有就個個都鐘意問佢借,其中一個呀哥更加欠成十萬銀,十年都不還連利息都係我同c6自己還比銀行,

最慘係佢個呀哥對我同c6態度都好差

好似我地欠佢錢咁?但係99咁多年都不話吓佢個仔?

而c6個家姐開舖要我同c6帶埋個女幫手做免費勞工,連搭車食飯都係食自己,我地平時一至六都要開工,只係放星期日都比99叫左去幫手,斷斷續續都有好幾年;

後來一次因c6有一些小事做得不啱姑9老公心水(其實係好小事),比姑9個老公鬧到死死吓!

當時99同姑9在場睇住成件事發生,99一句都不幫我老公即係佢自己個仔,可能99驚自己都比人鬧埋一份?
做免費勞工都要比人咁樣鬧法?

我好不開心覺得如果我不去老公就一定不會去,咁就不使累佢比人鬧?後來回想起可能我地兩公婆就係太落力,不使錢都成日去幫手!人地老公誤會我地想喉住佢老婆啲錢掛?所以後來費時人地誤會?個次之後我地都好小去幫佢手!
個次99既冷眼旁觀真係令我既心寒亦心傷

後來過左一排,99同我老公講人地話你無兄弟情(99一時話係女講,一時話女婿講)指我地不去姑9舖頭幫手!當時老公立即火起,咁樣幫佢地法都叫無兄弟情?
老公話我係拉仔反而個個呀哥家姐都要我幫,自己重來無埋怨做拉仔無人幫,而家更加係比人惡人先告狀!佢地都好過份窩,你不記得人地先前點鬧我啦,我不使咁賤比人鬧都要去做免費工人嗎?我同老婆都要番工揍女,一星期放個一日假,休息吓都得掛?
99見c6咁嬲,於是立即轉口係咁同你講話有人咁講不係話你係咁樣?
c6都話如果你不係認為佢講既嘢啱,你根本就不會同我地講?即係你都認同啦?99都無晒聲出!
自此我對99更加係死晒心

而家我對佢真係冷淡左?其實之後斷斷續續都發生好多事,令我對99真係切底失望!

可能我真係好小氣,我承認自己不夠大方!
老實講我從來不覺得自己好好,不過我係好用心好努力希望自己可以做得好好好好,我已經盡晒力;可能我真係無天份?

而家99係想對我熱情,可能佢良心發現掛?可能佢不想無左個老襯掛?不過我都已經做不到啦!
好驚面對佢地屋企人,個個都好自私,好驚再受傷害!

我同老公講過你知不知道你屋企人比我最多既係咩嘢?
c6不知? 答案係: 眼淚