婆媳關係 今日: 0 | 主題: 27784

積分: 372

1^#

發表於 09-4-13 00:22 |只看該作者 |正序瀏覽 |打印

我剛生左BB..是全職媽媽~
但湊BB好辛苦好累,我寧願返工又唔駛對住99
可是老公想我湊BB .. 同埋我依家都分身唔到去搵工,
只有繼續湊BB...
但我99真是好超級麻煩的人,成日俾說話我聽...有唔滿意就同個仔講....
我有時真是覺得好委屈

加上湊BB好累好辛苦,而且我一D都唔想過呢種生活.......

我竟然有想走的衝動,我是否好衰?

0 0 0

私人傳訊

溫柔

男爵府

積分: 6308

23^#

發表於 09-4-15 17:03 |只看該作者

係囉,同老公講下啦,你同佢講你亞媽成日上嚟,你又要招呼佢,佢係度你個人放鬆唔到,唔夠休息,好攰好辛苦,叫佢係你老公放假先上嚟,等你老公招呼返佢亞媽,等佢知佢亞媽有幾煩

原帖由 yvonne18 於 09-4-15 15:00 發表
同你老公講叫99唔好日日上來佢好影響你的情緒, 比佢知你個情況, 你泵奶佢看著你, 好有壓力點會多, 要放鬆心情至得, 可唔可以入房泵重要鎖門, 抱bb一斉入房泵, 如99要湊bb你同佢講姑娘話要看著bb可以泵到多d奶, 唔好 ...

私人傳訊

yvonne18

積分: 1276

好媽媽勳章

22^#

發表於 09-4-15 15:00 |只看該作者

同你老公講叫99唔好日日上來佢好影響你的情緒, 比佢知你個情況, 你泵奶佢看著你, 好有壓力點會多, 要放鬆心情至得, 可唔可以入房泵重要鎖門, 抱bb一斉入房泵, 如99要湊bb你同佢講姑娘話要看著bb可以泵到多d奶, 唔好忍有事都要出吓聲, 等佢都有d被"記", 做個開心靚媽媽.

私人傳訊

lauretta

子爵府

積分: 14529

好媽媽勳章醒目開學勳章睛靈勳章

21^#

發表於 09-4-15 14:19 |只看該作者

原帖由 紫水晶 於 09-4-15 14:01 發表

做人新抱就算幾努力去做,好似都係99心中是不滿意的!!
我湊bb都已經很累又辛苦,我是新手媽媽...唔識湊都好正常,佢就成日唔放心俾我湊,我冇返工去湊bb,佢又驚我湊得唔好想我請人湊而我就出返去做野~~
唉..頂佢唔順,樣 ...

紫水晶,

唔駛唔開心.好多99都係咁,我個太后都係一樣,無論我做咩,做得幾好佢都係唔滿意,好似我整野比佢食,同一樣野,個個食完都話好食,連最咀尖既62都讚不絕口,但太后可以響我面前不停撩到一PAT野咁,食左一啖即刻講:好難食WOR,咩黎嫁,人食嫁...(下刪N咁多個字),當然仲有做好多其他野啦,總之我就唔LIKE佢,不過,我會人前人後都比番應有既尊重佢,但佢既野我唔會再上心,佢講咩做咩都好,左耳入右耳出,總之唔好令我自己唔開心,你都係啊,剛剛生完BB要好好保重身體,呢D無謂人,由得佢囉,只要你平常心D唔好放響心上,就唔會再為佢唔開心嫁啦,加油啊

私人傳訊

積分: 372

20^#

發表於 09-4-15 14:17 |只看該作者

原帖由溫柔於 09-4-13 21:36 發表
有無可能搬開住呢?
我由5年前開始都變咗一個無娘家既人,不過我由始至終都未曾同佢C6既家人一齊住過,自己一家4口住係舒服好多,就算係幾辛苦都係值得 ...

我同99唔係一齊住,不過住好近,佢幾乎日日來咁滯....
佢咁得閒咁點解又唔幫手湊b,而又想我請個人來幫手

講真,我都唔想佢湊b,不過佢又要日日黎喎...唔知佢想點

私人傳訊

lauretta

子爵府

積分: 14529

好媽媽勳章醒目開學勳章睛靈勳章

19^#

發表於 09-4-15 14:12 |只看該作者

原帖由 hailey姐 於 09-4-13 07:12 發表
紫水晶：

唔好唔開心啦，婆媳之間問題成日都有，唔算大件事嚟

我家都有個老佛爺ｏ架（個名係佢女婿背住佢改嘅，你就知佢幾利害啦），我同佢一直都相處得好好. 你遇到嘅問題自然都時時發生啦, 不過, 我好少理佢, 做乜吓吓同佢計較啫 ...

咁橋既,我叫我家99做太后嫁(當然只響c6面前),99每次搵c6,我都會問:E,太后又有咩吩咐,係咪又講臣妾D咩呢,呵呵

私人傳訊

積分: 372

18^#

發表於 09-4-15 14:05 |只看該作者

原帖由 angel_cheng 於 09-4-13 03:55 發表
啱啱生完bb情緒係會有好大起伏架啦,而且揍bb又辛苦,又有好多人會係側邊俾意見,尤其係有經驗嘅老人家,我以前都係咁架,當時係表面無事,但係就覺得個個都討厭,夜晚又喊,同老公講,佢又話我食飽飯係屎痾,所以連佢都憎埋.. ...

我依家都成日喊...唔開心...!!
佢有經驗又唔代表一定啱,我都盡量服從佢啦..佢都要繼續多多野講...

私人傳訊

積分: 372

17^#

發表於 09-4-15 14:01 |只看該作者

原帖由 hailey姐 於 09-4-13 07:12 發表
紫水晶：

唔好唔開心啦，婆媳之間問題成日都有，唔算大件事嚟

我家都有個老佛爺ｏ架（個名係佢女婿背住佢改嘅，你就知佢幾利害啦），我同佢一直都相處得好好. 你遇到嘅問題自然都時時發生啦, 不過, 我好少理佢, 做乜吓吓同佢計較啫 ...

做人新抱就算幾努力去做,好似都係99心中是不滿意的!!
我湊bb都已經很累又辛苦,我是新手媽媽...唔識湊都好正常,佢就成日唔放心俾我湊,我冇返工去湊bb,佢又驚我湊得唔好想我請人湊而我就出返去做野~~
唉..頂佢唔順,樣樣野佢都想話哂事......

[ 本帖最後由紫水晶於 09-4-15 14:10 編輯 ]

私人傳訊

溫柔

男爵府

積分: 6308

16^#

發表於 09-4-13 21:36 |只看該作者

有無可能搬開住呢?
我由5年前開始都變咗一個無娘家既人,不過我由始至終都未曾同佢C6既家人一齊住過,自己一家4口住係舒服好多,就算係幾辛苦都係值得

私人傳訊

積分: 372

15^#

發表於 09-4-13 19:48 |只看該作者

多謝妳們~
其實我都是想傾訴一下,如果真係為左99就走..好似太衰~~
老公又不是對我不好,不過自己可能太辛苦鑽牛角尖啦...
我希望日子快D過,到時就輕鬆D

我都想同99和諧相處,不過99都是喜歡搵麻煩出來......唉

私人傳訊

Muimuipig

積分: 2361

好媽媽勳章醒目開學勳章

14^#

發表於 09-4-13 13:49 |只看該作者

啲99係咁啦，成日以為自己係最掂，只有佢先識湊BB，冇咗佢唔得咁。初初我99又係成日話我呢樣唔啱嗰樣錯，呢樣應該點點點，嗰樣咁咁咁...我一於唔理佢，我有我自己照顧BB。其實佢邊鬼識，淨係擺個99款，我睇書上網聽講座仲識得多過佢，佢見我冇理佢就收声啦!
紫水晶，我知道你好辛苦，但BB最需要嗰個係你，只有你最錫BB，冇人可以代替你，雖然係好辛苦，但只要你心機照顧BB，好快就見曙光。其它野你唔好理唔好諗，專注喺BB身上，多啲上黎BK分享，同屋企人朋友傾吓計，時間就過快，你睇住BB一日一日長大係好開心好滿足!加油呀!

私人傳訊

vvnip

積分: 310

13^#

發表於 09-4-13 13:20 |只看該作者

原帖由 mapomama 於 09-4-13 13:02 發表
我情形同你差唔多,同佢屋企人一齊住仲有兩個姑拉..個個都想幫我話事,想幫我楂主意,如果駁佢地就難嘞,我一把口人地三四把口..

係呀, 我都有兩個姑9和99都成日幫我話事. 有次有個親戚問bb想學什麼樂器, 姑9竟然話 : 想乜都唔輪到bb話事, 係姑媽話事.
佢真係痴上腦

私人傳訊

mapomama

洋房

積分: 110

12^#

發表於 09-4-13 13:02 |只看該作者

我情形同你差唔多,同佢屋企人一齊住仲有兩個姑拉..個個都想幫我話事,想幫我楂主意,如果駁佢地就難嘞,我一把口人地三四把口..我曾經想過離開,但為咗阿B我又屈住喺度過..同老公鬧親交都係關佢屋企人事,已經影响好多我地之間既感情....
有時一個星期會返一次阿媽度,同阿媽講.佢話想幫都幫唔到我..我都明白....
阿二姑拉仲要偷睇我個BLOG...我之前寫咗啲唔開心既事佢睇到哂仲講埋比99聽..唔知係咪想我死.

私人傳訊

ross@hkbn

洋房

積分: 68

11^#

發表於 09-4-13 11:02 |只看該作者

想出去做野就唔好理佢地講咩喇
宜家唔去再過耐d
你想出去搵野做都難

私人傳訊

KoyeBaby

子爵府

積分: 12904

醒目開學勳章畀面勳章

10^#

發表於 09-4-13 08:59 |只看該作者

你啱啱生完,荷爾蒙改變之餘,對住個bb好多嘢需要摸索,心情唔好+煩躁梗有嘅~我當時對住個女咩都唔識,佢喊我又喊,我直情想掟佢落街算數(荷爾蒙影響)!不過湊耐咗,睇多d育嬰書,上網搵下資料,自己知識豐富咗就會放鬆好多!樓上位媽媽講得啱呀~3個月之後就好湊好多架啦!

加油呀~我諗你99係持住自己有經驗,所以多多意見!老人家係咁架,不過湊仔方法真係不斷更新中,事實上好多方法都已經out~你大可以同99講,係醫生教嘅,你只係跟醫生做法,好多99聽到都無聲出!適當時候係要表現出強硬架,有d事你明知唔做得就要企硬唔好容許99做!e.g.我6299喺bb4個月迫佢企,6個月迫佢行,我講到明唔可以,見一次我講一次,如果我唔出聲嘅,我個女對腳實出事呀!

其實你樂觀d諗,個bb係你一手一腳湊大,你可以見證住佢成長,將來可以大大聲同人講你湊bb嘅成就!同埋依家好彩係你自己湊,你99講乜唔啱嘅真係可以唔理,因為做嗰個係你!話事權喺你手,好過俾你99湊,明知佢湊得差都唔出得聲呀~

如果遇到唔開心/湊b問題上嚟講下呀,好多媽媽會支持你!發洩出嚟心情好d,湊bb都輕鬆d!!

私人傳訊

vvnip

積分: 310

9^#

發表於 09-4-13 08:45 |只看該作者

樓主: 湊bb和受99氣呢種辛苦, 講比c6或者沒有bb的朋友知是沒用的. 我講比c6知99好多說話, 佢話我多心想多左. 我同朋友傾訴, 佢地覺得我多餘, 有99幫仲嚮度多多事實. 我地做得好唔會有人讚. 做得唔好, 成屋人話你不是. 有時唔係想做錯, 只係我地新手媽咪, 點知咁多呢, 但係已經盡量做好, 卻換來比人投訴.
唔好同c6講太多99既壞話, 等佢在家時叫佢幫下手湊bb, 一來等佢知有幾辛苦, 二來男人既愛心要比佢參與至可以發揮, 佢湊bb多d, 自然會鍚bb和親身感受到你既辛勞.
上來呢度呻下啦, 只有同病相憐既人至會明白你既感受. 其實你都可以試下駁番99, 因為而家才剛剛開始, 現在不出聲, 日子耐左就當你無乜所謂, 講野唔會理你感受(呢個係我既經驗), 我地咪自己收埋收埋在谷氣囉.
加油呀, bb由你湊, 第日會好跟你, 成日媽媽媽媽咁叫你, 就心都甜晒啦~

私人傳訊

hailey姐

洋房

積分: 82

8^#

發表於 09-4-13 07:12 |只看該作者

紫水晶：

唔好唔開心啦，婆媳之間問題成日都有，唔算大件事嚟

我家都有個老佛爺ｏ架（個名係佢女婿背住佢改嘅，你就知佢幾利害啦），我同佢一直都相處得好好. 你遇到嘅問題自然都時時發生啦, 不過, 我好少理佢, 做乜吓吓同佢計較啫, 我地係大方嘅人嚟, 唔好同佢一樣咁小氣啦, 當聽唔到咪算囉

其實佢都唔見得開心ｏ架，到底兩個本來唔相干嘅人因為一個男人（佢個仔．你個老公）嘅緣故而要被迫朝夕相對喎，多多少少都有啲怨氣嘅，咁你咪敬老包容吓佢囉！

我就選擇咗自己做足一百分，唔會被機會佢入到位鬧嘞！雖然好鬼辛苦，但係屋企氣氛就好好，大家客客氣氣咁，哎．．．　算係okay啦！

佢個大新抱話服咗我咁忍得佢喎（佢哋兩個成日嘈．．．好煩．．．），唉，我唔係遷就佢而係催眠自己鍚佢同包容佢啫，點講佢都係我老公嘅亞媽，唔睇僧面都要睇佛面嘛，再講：橫豎都要同佢日對夜對嘅，我希望自己啲日子過得開心啲啫，佢都咁老咯，仲佢計較咁多做乜啫，真係好唔開心嘅時候，我就會返房聽一陣輕音樂，通常都會好快無事嘅．不如你都搵啲方法減壓吖，做個開開心心的新抱好過啦！

我真係明白錯不一定在於你，但係你大人有大量，唔好嬲咁多啦．．．．

唔開心就睇吓個ｂｂ，你會開心返好多ｏ架　＝）

老公唔幫你係正常ｏ架，怕煩嘛，所以唔好旨意佢呀！自己解決啦，千祈唔好因為奶奶影響兩公婆感情，唔值得．．．

仲有，我同你一樣都係無娘家可以返去呻ｏ架，不過，盡量令自己開心啦，就唔需要娘家support 啦

我哋都會　support　ｏ架！

[ 本帖最後由 hailey姐於 09-4-13 07:21 編輯 ]

私人傳訊

angel_cheng

積分: 2000

7^#

發表於 09-4-13 03:55 |只看該作者

啱啱生完bb情緒係會有好大起伏架啦,而且揍bb又辛苦,又有好多人會係側邊俾意見,尤其係有經驗嘅老人家,我以前都係咁架,當時係表面無事,但係就覺得個個都討厭,夜晚又喊,同老公講,佢又話我食飽飯係屎痾,所以連佢都憎埋...
不過到bb3個月時比較好揍,咁我就慢慢無事啦,仲好奇怪自己之前嘅行為,之後去健康院,先知自己有輕微產後抑鬱,不過都係因為生完之後身體荷爾蒙嘅改變先會咁...
最好嘅方法就係遠離一d妳討厭嘅人同事,將內心嘅想法同c6講,希望佢配合,而且盡量多d休息,如果妳99想揍就俾佢揍飽佢,自己去瞓覺,雖然佢一定會比說話妳聽,但係都好過情緒一直處於緊繃嘅狀態,咁樣自己好容易會影響身體健康同揍bb嘅質素...
我之前就係因為成日收收埋埋,所以攪到輕微產後抑鬱,仲有埋厭食症,之後又因為發燒入左醫院住4日,到而家身體都一直唔好,所以我希望妳盡快解決妳嘅心結,可以開開心心揍bb...

私人傳訊

Cat1218

積分: 1690

6^#

發表於 09-4-13 00:40 |只看該作者

你一定要試下講,因為d99就係"ha"你唔夠膽講呢d說話,但你講左都無咩唔正確呀,如果佢同你c6投訴,你就話:"無呀,我同99講唔好咁操勞,照顧阿b咁辛苦嘅野係應該由我自己做返.有唔正確咩,對你阿媽好都俾佢話呀?咁老公你教我點做喇?"

私人傳訊

Cat1218