婆媳關係 今日: 0 | 主題: 27784

積分: 6052

1^#

發表於 09-4-23 12:11 |只看該作者 |正序瀏覽 |打印

我c6做三行既, 計日薪既, 有工返先有收入, 今年二月開始, c6就無工開, 直至三月尾先搵野做, 好衰唔衰個老闆又拖糧.... 呢幾個月都係靠我份糧(我一向支付阿女洗費+水電雜費)同埋靠c6既「谷種」(c6一向支付供樓+日常用品) 頂住

我62做裝修既, 不過半退休個隻, 個市又唔好, 一年都接唔到幾單生意, 早兩日我62接到單生意, 我62想獨吞生意, 唔想益外人, 打電話黎叫我c6幫手, 我老公就擔心我62條腰想過去幫手, 不過又驚如果而家做緊呢份行開十幾日, 又驚老闆到時搵到人做, 我c6幫完我62手, 想做都無得做......

我昨日放工個時, 我知道呢個消息, 我就暗示俾佢聽我擔心既野：都係怕佢幫完62手, 想做番而家呢份未必有得做 ,萬一佢老闆放假期間搵左人幫手, 未必再要c6, 又驚佢搵唔到第二份, 再食「谷種」有幾多可以食, 每個月都有基本開支：供樓, 阿女學費, 水電雜費+管理費+日常食用......

但係我放工返到黎, 我c6已經決定左幫我62手, 佢同而家個老闆講佢行開十幾日, 其實佢自己都擔心十幾日後老闆唔搵佢再返工, 不過佢又話擔心62條腰, 怕佢一個人搞唔掂..... 我已經對於佢呢個決定有d炆..... 佢仲要話佢都同佢死黨講「有時都覺得佢阿爸累死, 佢都知阿爸想搵多d錢, 所以有唔叫外人幫手, 我又放唔低阿爸, 成日為左佢搞到自己分分鐘無工做......」我忍唔住講句「阿爸原意係好, 想屋企搵多d錢, 但係佢無諗到個仔會因為咁搵少左錢呢！」

我都知佢孝順, 我都知62條腰唔好, 但係我覺得佢兩個好有問題囉, 一個明知自己屋企咩環境, 呢幾個月靠「谷種」黎維持家庭支出, 都堅持幫阿爸手, 有d低能.... 另外個果, 唔知諗乜, 呢個市道咁易搵工咩?? 都唔諗下個仔有頭家, 仲要供樓, 佢以為佢新抱搵幾萬蚊一個月呀, 叫個仔去幫手, 都唔請外人幫.....

我好擔心, 怕c6 十幾日後又無工做...........

0 0 0

私人傳訊

KiuShaBB

積分: 31492

39^#

發表於 09-4-25 12:08 |只看該作者

原帖由 060905 於 09-4-24 12:59 發表
為左個女好囉, 我個區(中西區)好既學校(一條龍)差唔到全部都係私小, 得兩間好既係津貼, 一間考唔入, 另外一間就教學方法我好唔鐘意, 所以我咪死慳死底留d錢俾佢女讀書囉！

我地本來儲到錢架, 我62電腦壞左 ...

未必係62唔體諒你地, 有可能係你c6無講晒你地情況俾佢地知, 有咩野都認頭夾錢, 令你62誤會你地仲有積蓄或其他.

因為我c6都係咁, 佢自己無錢, 都唔同佢呀媽講, 佢屋企要攪咩節目夾錢, 佢都一定無問題. 佢地福建人家庭好團結, 亦唔衰得好要面, 認為唔可以唔顧屋企, 係佢老豆老母呢個屋企, 唔係我地自己呢個屋企, 佢都認為我有私己收起, 有事我會頂住.

私人傳訊

chowky

複式洋房

積分: 381

38^#

發表於 09-4-24 21:19 |只看該作者

原帖由 060905 於 09-4-24 12:59 發表
為左個女好囉, 我個區(中西區)好既學校(一條龍)差唔到全部都係私小, 得兩間好既係津貼, 一間考唔入, 另外一間就教學方法我好唔鐘意, 所以我咪死慳死底留d錢俾佢女讀書囉！

我地本來儲到錢架, 我62電腦壞左 ...

既然你都講你c6不斷俾錢佢阿爸同個妹...即係大把錢啦,唔難怪你62認為你地大把錢架?!贖樓又如何?遲早唔夠駛,你那愚孝c6一定按左層樓,將d錢俾哂佢地...

綜合黎講啦,既成事實,因為你c6已答應幫你老爺囉,都無得改架啦,你再反對只會傷害左夫妻感情,何必呢?

隨遇而安啦,所有事只能夠望天打救啦~希望公司體諒你c6,希望大家一齊唔好俾人炒啦~更希望你62不斷接job...

私人傳訊

十一月

積分: 1900

37^#

發表於 09-4-24 20:00 |只看該作者

原帖由 060905 於 09-4-24 13:01 發表
佢答我都驚架, 見步行步喎, 佢都係個句「我唔放心阿爸一個人裝潢, 怕佢會整親喎！」咁我仲可以講d咩呢！

咁點解唔叫佢老豆請個幫手呀, 咁個家的開支呢, 而家唔為個老婆, 都諗下個細路, 做唔到就唔好做羅, 無能力咪唔好接羅, 佢地點可以咁自私, 羅你頭家來較飛, 本身就可以唔駛見步行步, 老既唔識諗, 你c6本身就要識諗啦。

私人傳訊

LokLokMon

複式洋房

積分: 272

36^#

發表於 09-4-24 15:32 |只看該作者

其實會唔會你過份擔心呢, 可能你62做完呢份又有另一份呢, 返正份長工都拖量, 拖拖下無得出都會喎, 禁你又唔擔心咩, 有時D野, 你睇到禁灰既話, 不如睇開D啦, 反正個市禁差, 佢幫62都起碼有糧出, (老豆始終會睇住個他, 老闆就唔會啦, 佢都拖得糧, 即係老闆自已都唔掂啦, 一陣佢走埋老, 你C6無糧出不待止重要蝕埋車錢, 咪重唔底) 你話係唔係...

私人傳訊

jacquesau

積分: 35592

35^#

發表於 09-4-24 15:31 |只看該作者

原帖由 060905 於 09-4-24 12:59 發表
為左個女好囉, 我個區(中西區)好既學校(一條龍)差唔到全部都係私小, 得兩間好既係津貼, 一間考唔入, 另外一間就教學方法我好唔鐘意, 所以我咪死慳死底留d錢俾佢女讀書囉！

我地本來儲到錢架, 我62電腦壞左 ...

咁你男家果邊下下吸血怪咁...咁又真係好難頂既....

好好過每一天......

私人傳訊

積分: 6052

34^#

發表於 09-4-24 13:01 |只看該作者

佢答我都驚架, 見步行步喎, 佢都係個句「我唔放心阿爸一個人裝潢, 怕佢會整親喎！」咁我仲可以講d咩呢！

原帖由 十一月 於 09-4-24 12:45 發表

你老公會唔會過份D, 如果佢係對頭家好, 根本唔應該遲左份長工, 佢老豆唔請人, 咪幫佢請羅, 而家咩事勢, 你而家問返佢過左一個月後, 問佢到時有何打算? ...

私人傳訊

積分: 6052

33^#

發表於 09-4-24 12:59 |只看該作者

為左個女好囉, 我個區(中西區)好既學校(一條龍)差唔到全部都係私小, 得兩間好既係津貼, 一間考唔入, 另外一間就教學方法我好唔鐘意, 所以我咪死慳死底留d錢俾佢女讀書囉！

我地本來儲到錢架, 我62電腦壞左, 又係我c6俾錢買, 電視機壞左, 又係我c6出錢, 我姑仔好想要部相機/電話/去旅行全部都係我c6有份資助, 有錢都變無錢啦。

另外我捱多三年唔駛俾咁多錢外家, 因為我妹妹讀完大學, 可以幫手我負擔外家, 我可以多d錢剩。

原帖由 jacquesau 於 09-4-24 09:55 發表
同意szecicici的說法, 打呀爸工一定有糧出嘛！但我始終唔贊成父子檔囉, 唔計搵唔搵到job, 父子兵好多時都會為工作而有爭吵, 傷咗父子情就無謂啦....

另外, 既然頭家既經濟都係剛剛好, 點解咁快決定要個女讀私小呢？好多 ...

[ 本帖最後由 060905 於 09-4-24 13:46 編輯 ]

私人傳訊

十一月

積分: 1900

32^#

發表於 09-4-24 12:45 |只看該作者

原帖由 060905 於 09-4-23 16:49 發表
我都唔明點解我62一家會成日覺得我地好有錢, 如果有錢既我都唔駛出黎做野啦, 我身體好差, 條頸有事, 又要返工又要湊女好辛苦, 一個月起碼睇四次醫生, 佢都唔係唔知我c6有「幾本事」, 我都係做文員仔, 可以搵幾多丫, ...

你老公會唔會過份D, 如果佢係對頭家好, 根本唔應該遲左份長工, 佢老豆唔請人, 咪幫佢請羅, 而家咩事勢, 你而家問返佢過左一個月後, 問佢到時有何打算?

私人傳訊

jacquesau

積分: 35592

31^#

發表於 09-4-24 09:55 |只看該作者

同意szecicici的說法, 打呀爸工一定有糧出嘛！但我始終唔贊成父子檔囉, 唔計搵唔搵到job, 父子兵好多時都會為工作而有爭吵, 傷咗父子情就無謂啦....

另外, 既然頭家既經濟都係剛剛好, 點解咁快決定要個女讀私小呢？好多津貼小學都好好架！唔係一定要俾錢先叫做好既！而且私小好多課外活動要額外俾錢架, 條數真係計唔清.....

好好過每一天......

私人傳訊

szecicici

積分: 2660

30^#

發表於 09-4-24 08:51 |只看該作者

其實如果你老公係孝順仔，你老爺出到聲，佢好難唔幫。如果你老公的公司果邊,成日拖糧, 可能佢都覺得唔舒服, 可能佢會諗與其係咁,不如幫番自己人啦, 雖然有機會比你老爺 '壓榨'下,總好過冇$收,要用積蓄,佢應該有諗過你同盈盈的,佢都唔想成日使你$ 的. 其實,你老公有冇諗過同你老爺父子檔自己接生意做?最多自己辛苦D.
而男人對金$ 的概念真係好一般, 所以點都要佢地比番D家用, 等佢地對個家有番D責任. 雖然話兩夫妻唔應該計較咁多,但點都要佢負番D責任.好似我老公咁,對$的概念係0, 佢可以搵幾多,使幾多, 奶奶從果時開始要佢強制儲$. 到我地結左婚E 幾個月, 佢一出糧,老公就會自動過戶去我ACCOUNT, 幫佢分配佢D $ 點用(我從來冇要求佢咁做). 其實,有時並唔係想拑制佢地D 咩,而係佢開始覺得要積穀防饑.
盈盈媽咪,你已經好硬淨架啦, 一個人掙咁耐.叫你老公對個家負番D責任, 希望可以令佢積極D,做番D野.　

私人傳訊

angel_cheng

積分: 2000

29^#

發表於 09-4-24 02:13 |只看該作者

原帖由 祖兒豬 於 09-4-23 16:38 發表
可能你62根本唔知道你地咁窄,以為你地仲有好多身家.你老公方面,佢孝順其實係一件好事,孝順的男人,對老婆一定唔會差得去邊,你咁樣唸會舒服d......(因為我都係過來人,我都係咁樣成日麻醉自已......) ...

錯哂啦...呢度不知有幾多孝順仔對個老婆唔好,孝順唔等於鍚老婆...

反而有好多反骨仔好錫老婆架喎...:;pppp:

私人傳訊

ahbocat

別墅

積分: 924

28^#

發表於 09-4-23 23:46 |只看該作者

其實有冇辦法兩邊都返？同老板講做住十幾日半晝因為屋企有事，同老爺講因為要keep住份工只可以幫半日？兩邊都唔好得失。

私人傳訊

積分: 6052

27^#

發表於 09-4-23 23:15 |只看該作者

原帖由 chole_bb 於 09-4-23 18:46 發表
咁嗰個始終係佢老豆,冇理由唔幫啫.

但都要衡量下自己屋企架！

私人傳訊

chole_bb

伯爵府

積分: 17451

好媽媽勳章

26^#

發表於 09-4-23 18:46 |只看該作者

咁嗰個始終係佢老豆,冇理由唔幫啫.

私人傳訊

KiuShaBB

積分: 31492

25^#

發表於 09-4-23 17:07 |只看該作者

原帖由 060905 於 09-4-23 17:00 發表
我都知你c6大男人, 我都記得, 我c6唔算太大男人, 不過有時覺得佢太愚孝同埋諗野太簡單太細路仔。

我話c6大男人, 係話佢唔肯聽我講既野. 同你c6一樣, 我都覺得佢太愚孝同埋諗野太簡單太細路仔. 所以我覺得你同佢講道理, 佢都未必會理你. 呢一刻佢想幫你62, 真係好難改變. 而家份工做咗野又無錢收, 你又暗示過屋企情況, 同你想點佢都唔聽, 我會由得佢自己話事, 真係無得夾硬嚟.

私人傳訊

積分: 6052

24^#

發表於 09-4-23 17:00 |只看該作者

原帖由 KiuShaBB 於 09-4-23 16:58 發表

其實俾人拖糧呢樣野我都好明喎. 我c6有幾大男人, 你都應該有印象, 佢上年又係咁, 佢做運輸, 係日日有野做, 不過人地拖住唔肯俾錢, c6無錢又問我借錢, 又呻, 我都叫佢, 情寧唔好做, 做咗又無錢又唔開心. 不過佢唔聽 ...

我都知你c6大男人, 我都記得, 我c6唔算太大男人, 不過有時覺得佢太愚孝同埋諗野太簡單太細路仔。

私人傳訊

KiuShaBB

積分: 31492

23^#

發表於 09-4-23 16:58 |只看該作者

原帖由 060905 於 09-4-23 16:51 發表
其實佢而家返緊呢份雖然係拖糧, 但係都算正職黎麻, 起碼日日有工開, 好過日日係屋企丫。我c6又唔掂做家務, 除左煮飯同洗碗外, 佢放假其他家務都唔會點幫我做架！
...

其實俾人拖糧呢樣野我都好明喎. 我c6有幾大男人, 你都應該有印象, 佢上年又係咁, 佢做運輸, 係日日有野做, 不過人地拖住唔肯俾錢, c6無錢又問我借錢, 又呻, 我都叫佢, 情寧唔好做, 做咗又無錢又唔開心. 不過佢唔聽我講, 而家就話後悔.

[ 本帖最後由 KiuShaBB 於 09-4-23 16:59 編輯 ]

私人傳訊

積分: 6052

22^#

發表於 09-4-23 16:52 |只看該作者

原帖由 KiuShaBB 於 09-4-23 16:50 發表
其實你c6一向個心都向住6299果邊啦, 你叫佢唔幫62, 就算你幾有理由, 佢都未必會聽. 而家佢已經同老細講咗行開10幾日, 唯有到時睇吓點先啦. 未必有事既, 佢份工又唔係咁多野做, 真係唔擔心得咁多, 有時d男人係無嘜遠 ...

我就係費時做千古罪人, 所以我點都唔會開口叫佢唔好幫62, 希望我擔心係多餘。

私人傳訊