想生BB 今日: 3|主題: 109519

收藏本版

發帖

返回列表

跳至頁

查看: 55247 | 回覆: 88

關於無精個案的真實分享，衷心希望可以幫到有需要既人

[複製鏈接]

12 3 4 5

littletangerine

別墅

積分: 873

1^#

發表於 19-5-17 07:58 |只看該作者 |正序瀏覽 |打印

第一次係BK留言關於發生係我同我先生既真實故事。
好希望呢個POST能夠幫到依家正處於我地三年前面對過既困難。

早於15年，我同我先生都準備想要小朋友。經過一年既努力，
用哂所有紅D，CB去捉住黃金時間。最後都係失敗而回。
眼見身邊D朋友仔陸陸續續都成功地懷上左，到最後都不得不屈服16年既5月要去睇不孕科。
本身我未嫁比我先生前，因為工作壓力，好多時都會有經痛。有時係痛到要死個種
但自此，我移民黎美國前，係香港都係睇開一位係屯門執業既姓盧中醫師。
因為自己知自己事，所以我一直都好聽話食中藥調理。
而睇左差唔多一年，我既月經變得幾準，同埋再無經痛。

我同我先生係美國睇不孕科時，我做哂所有檢查包括驗血同照子宮內膜。
一切正常。主診醫生話我比同齡既女人既身體狀況都要好。
但當我先生份驗血報告一出，先發現佢既FSH升到26點幾，
而最可怕既消息係佢既精液報告係完全搵唔到一條精子。
本身我先生工作壓力幾大，成日要用腦。本身又少好運動
亦因為係竹升仔，完全唔信中醫養生一套。無時無刻都係飲冰水既人
醫生前後安排左三次驗精安排。當做左第二次驗精後仍然係一條都無。
再加上FSH太高既關係，醫生認為我先生失去左造精能力
不育科醫生就將我先生轉介到泌尿科，準備排期做睪丸活檢手術。
嘗試搜索式咁搵精子再做IVF。搏一個希望

其實當第一次驗精報告出左，我就同我先生立即飛返香港搵一直follow我既盧醫師
盧醫師聽完我地情況同睇哂我地既荷爾蒙指數之後
佢話情況有D嚴峻，但仍然可以一試
最主要佢把脈後覺得我先生腎元未話去到無得救。
但因為我話先生工作壓力十分大，壓力會令到FSH上升，
同女人一樣
FSH越高，証明睪丸調精能力越低
第一件事係要先將佢整個人放鬆
而我先生因為工作壓力問題，好多時都有便秘問題，
所以醫師亦都幫佢清理身體積積埋埋既廢物。
如事者，我先生就由16年九月開始用中藥調理。

最不可思議既係泌尿科醫生同我地講
係美國實在太多人要做睪丸活檢手術
所以佢將手術安排到17年既8月中
而我一向好阿Q精神
我覺得有差唔多一年既時間去準備呢個手術係好事
主要係即使即刻可以做活檢，都未必百份百搵到精子
所以用一年時間去調理身體未嘗係壞事

因為中藥幫助下，我先生上廁所習慣好左好多
肚入面積聚已久既廢物真係排左唔少
呢五個月，佢減左差唔多有十磅。（我先生本身5尺10, 未調理前180幾磅）

如是者，過左5個月。17年2月某一日，
因緣際會下我鄰居邀請我去聽一位
來自台灣旅居美國既自然醫學營養治療師 (賴宇凡老師)舉行既飲食講座
整個講坐圍繞住血糖震蕩跟身體發炎既關係
賴老師經常提到好既油脂同蛋白質係修復身體同製造荷爾蒙既材料

聽完成個講座，我突然間意識到「身體發炎」有可能亦係令到問題既其中一個原因
因為有時候，洗衫時會發現先生既底底會有D血絲既痕跡
而因為賴老師，我地兩公婆跟隨左《根治飲食》
我地既飲食習慣遺史無前例咁進一個大癲倒
簡單一D《根治飲食》就係40%蛋白質同好油，40%蔬菜同不多於20%既澱粉質
跟住呢個比例,我先生日日大魚大肉
我先生就由170幾磅好輕鬆就減到145磅。
而且賴老師經常提到好既油脂同蛋白質係身體自我修復同製造荷爾蒙既材料
而因為美國呢邊，我同先生亦都好容易奉行呢個飲食理念

又如事者又過幾個月，直到17年既七月中
我叫我先生做手術前做埋醫生安排既第三次驗精
原先我先生都諗住放棄做呢個TEST，把心一橫等做手術
最後都係乖乖聽老婆話
點知，當日既下晝收到醫生電話
Laboratory係樣本搵到6條精子。
醫生証明我先生有返造精能力。
直接將我交返去返IVF部門，盡快進行IVF 手術。
我地兩公婆聽完電話後，真係開心到大叫。
因為我地都知睪丸活檢手術唔係百份百保証搵到。
而搵到亦未必夠強壯去走一系列既IVF挑戰。

我同我先生好感思找到對既人去幫助我地面對同解決左呢個非常棘手既問題。
我相信我地管用既方法未必適合每對依家經歷既同一個問題既夫婦。
希望我呢個少少既分享能夠幫到有緣既人。:)
亦希望可以比到一D正能量比現時經歷緊同一困難既大家。

祝福大家。:)