為什麼你覺得你仔仔的男朋友品格有問題？你仔仔多大，有沒有同你講佢係雙性戀或同性戀？我仔仔一早就同我和前妻講咗，我過去一年透過學校guidance counsellor 同仔仔做心理輔導，學校對學生性取向非常開放，club and society 竟然有彩虹學會，仔仔無參加，因為他實在太忙了。你可以慢慢同仔仔傾，佢哋最怕爸爸媽媽𠵱𠵱哦哦，最好不經不覺地等佢自己講佢同男朋友嘅事，切忌用盤問策略。
我同意性向是天生的。你99算是開通了，換轉是我的爸爸媽媽，一定強烈反對。所以就算我有多少不認同，我並沒有將大仔同一個鬼仔拍拖的事告訴他們。這次大仔返來住（因為我和前妻共同撫養），好像很開心。前日告訴我他的男朋友很愛他，我只是聆聽而沒有認同，反而他的弟弟用他不擅長的廣東話罵哥哥是「死gay佬，and will eventually die of AIDS」，兩兄弟大打出手，平時兩兄弟感情不錯，竟然因為大仔同男同學拍拖而兩個反目相向。我將兩兄弟分開（我也挨了大仔原先打二仔幾拳），大仔就突然抱頭痛哭，話全世界都不能包容他與男友的關係，原來他在學校因性向被人欺凌。現在term break，我想我要去學校找他的guidance counselor 和dean了解一下。
發表於 
返回列表
