Baby Kingdom - 親子王國 香港 討論區 › 首頁 › 少年成長› 功課不見了

少年成長

收藏本版
發帖
返回列表
跳至頁
功課不見了 [複製鏈接]

首頁
1

尾頁
   0
csir3290


子爵府

積分: 12051


1#
發表於 19-9-8 11:06 |只看該作者
放完暑假前，雖然佢兩個都一早已經做曬啲功課，但係我都會叫佢哋再檢查多次執好返曬啲嘢，忽然家姐諗起佢份閱讀報告仲有幾本書名未寫，諗住攞返張工作紙出嚟寫返曬啲書名，但係搵極都搵唔到。其實幾日之前都見過份工作紙亦都提過家姐要擺番好，家姐當然冇理啦！最後搵咗幾個鐘都搵唔到，而且發現可能係早一日連埋啲廢紙一齊丟咗。我哋當然有話佢幾句啦，因為成日都提佢擺好啲嘢，細佬都同樣要做呢份工作紙同埋暑期作業，但係就聽話一做好就將份工作紙夾咗喺本暑期作業度然之後擺咗喺書櫃。

其實家姐今次已經唔係第一次唔見咗啲功課，上一次又係一張工作紙又係咁樣嘅情況搵唔到，終於要我老婆喺啲家長群組度問有冇同學可以借張工作紙畀佢影印嚟做過。今次又係咁，但最慘嘅係今次份工作紙有成十幾張紙咁多。其實放暑假第2日家姐已經做好曬，今次要補做就要用多好多時間。但係今次我哋冇幫佢解決呢個問題，因為已經發生過一次，所以我今次我哋要佢自己解決呢個問題。我同佢講一係就第二日我車佢返學校，佢自己入去校務處問老師有冇可能有第二份工作紙畀佢重新做過。如果唔係佢就要自己問同學，請人哋嘅家長幫佢手。

呢個時間見到家姐已經好緊張驚到有啲想喊，我哋都知道鬧佢亦都冇用。我哋只係想佢汲取教訓，所以只係提供咗啲可行嘅方法佢自己去選擇。最後佢自己喺個家長群組度錄音，問有邊個同學未做好或者有邊個同學可以借份工作紙畀佢印，終於佢都搵到同學借份工作紙畀佢影印。跟住我就帶咗佢去同學嗰度，佢自己問同學攞咗份功課仲要唔該人哋家長幫佢印咗，跟住返屋企先用塗改液塗咗人地啲答案，再好快咁做咗嗰十幾張工作紙。最後我仲要佢親自打電話唔該個同學同埋個佢個家長。

其實幫佢搵工作紙嘅時候我個心情都係唔好亦都係有啲嬲，因為已經提過佢好多次佢都唔上心，但係都已經唔見咗，喺嗰段時間其實鬧都冇用。又再一次話俾自己聽其實做家長EQ真係好緊要，只係不停鬧唔幫佢一齊諗方法，其實解決唔到問題。反而提供啲方法畀佢，佢自己解決咗之後先至再同佢傾，可能個效果仲好。佢亦都會更加記得呢個教訓。講真就算鬧完，都係要搵方法幫佢，咁不如收起啲火先，同佢一齊解決個問題可能大家嘅關係仲會好啲。呢一次做完咗嗰十幾張工作紙之後佢就好緊張咁放好。臨開學我叫佢執咗個書櫃將啲唔要嘅書同埋簿丟咗佢，我就見到佢今次真係好小心逐本逐本檢查睇清楚啲嘢先丟。其實有陣時錯已經發生咗，我哋最希望細路仔可以喺錯誤中汲取教訓去改善之後自己嘅做法。我唔係唔話佢哋，但係真係要適可而止。
私人傳訊

CMMANDY


珍珠宮

積分: 30291

母親節2025勳章 2025勳章 2025勳章蛇年勳章 牛年勳章


4#
發表於 19-9-8 22:46 |只看該作者
csir3290 發表於 19-9-8 22:09
回覆 CMMANDY 的帖子

其實我正正就係想講鬧都冇用，反而係要佢都學習承擔後果同解決問題。另外，令你誤會 ...


小孩還小，父母，係最肯有耐性去放手，讓小孩長大，可以讓小孩錯，吾怕他錯，才是真正愛她，愛一個人，吾單止愛她成功，而係可以接受她的失敗，陪她渡過任何難關舆傷痛。加油呀！
私人傳訊

csir3290


子爵府

積分: 12051


3#
發表於 19-9-8 22:09 |只看該作者
回覆 CMMANDY 的帖子

其實我正正就係想講鬧都冇用，反而係要佢都學習承擔後果同解決問題。另外，令你誤會咗我見到呀女有啲想喊我覺得好威可能我啲文筆都有改善嘅空間。至於我用乜嘢方法教對仔女，可以睇番我以前啲文章就知，多謝你的寶貴意見!!!
私人傳訊

CMMANDY


珍珠宮

積分: 30291

母親節2025勳章 2025勳章 2025勳章蛇年勳章 牛年勳章


2#
發表於 19-9-8 19:21 |只看該作者
小小年纪，她能夠在放暑假一，二日，已經完成功課，吾簡單，亦代表她有耍求，並且知道父母有耍求，吾見功課，找左幾個鐘，她非常吾開心，不安，妳們怪她吾放好，提左妳也吾醒目，她內心會点感受呢？好明白耍太太，無哂面子，找其他家長幫手，就好像臨急抱佛腳，交功課前先做？吓，X 太，妳点可以咁教囡架？........

最後，妳覺得個囡想哭咁口，識驚？你看來好像有些威水添

我告訴你，你咁樣搞到佢焦慮，担心，係非常非常之錯的，小小年纪，重新重做功課，內心多麽吾開心呢？如果你係佢，咁细個，一路俾人鬧，欠句死蠢未講咋，唉！ 如果我用詞傷了你，我說声Sorry, 我只想你明白，孩子非常吾開心，你快去氹番佢，say sorry, 吾好令她討厭自己怪自己呀！

私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見