吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 邊有人唔想抱孫架.........

婆媳關係今日: 0|主題: 27785

收藏本版

發帖

返回列表

跳至頁

查看: 4485 | 回覆: 32

邊有人唔想抱孫架......... [複製鏈接]

MIMI_CHOW

複式洋房

積分: 114

1^#

發表於 09-5-14 12:00 |只看該作者 |正序瀏覽 |打印

大家快來評下理……..

今年25歲, 我個女一歲半了, 我結左婚後同老爺奶奶一齊住, 平時相處都ok,
係間唔中為左個女意見不合, 因為佢湊女既方式我唔認同,
但都唔會嘈交0既, 關係算唔錯. 由於我要工作, 所以湊女0既責任交比我奶奶,
佢差唔多65歲了, 身體非常健康! 但我老爺就患了肝癌,
今年年頭做左手術, 要長期出入醫院, 現在待康復中.

我本人非常想生多一個bb, 一黎自己好鐘意小朋友, 而且我想我個女有個伴,
同老公商量過, 如果再生的話, 都係幾年後0既事,
因為現在生活環境, 經濟各樣都唔許可, 所以plan 下幾年後生活會唔會好d再講.

呢件事我都冇同奶奶講過, 因為佢由我生完女女開始, 就已經暗示明示我生一個就夠了,
再生0既話邊個湊? 邊到咁有錢養多個bb….之類0既說話!!
成日有意無意間同d親戚朋友講 ‘ 唉, 生咁多做咩丫…..”

或者 “ 唔生咯, 一個夠咯….”

或者人地問我幾時再生bb,
佢就幫我搶答 “生多個邊個湊呀…”

頂…..佢成日幫我答哂, 有冇真正問過我地0既意思???
我覺得佢咁講, 好似好刻薄咁, 就算我再生, 又點 jei, 佢憑咩阻止我生, 我又唔使佢養, 唔使佢湊,
再講, 過多幾年佢都70歲,
邊有能力幫我湊, 就算佢肯湊, 我都唔放心交比一個70歲0既老人家湊bb,
我唔明點解佢要咁講, 係咪因為佢已經有2個孫女
(我老公家姐生左2個女), 咁我只可以生一個?
我媽咪成日問我, 幾時生多一個, 我知我媽咪仲好想抱孫, 我就同佢講, 遲多幾年先.

我眼我老爺奶奶都好錫我個女, 唔係唔鐘意小朋友,
但點解佢要講一d 咁0既說話!!!
我要生, 又關你咩事呀…..
我好鬼炆…….. 人地d 奶奶只會問d 媳婦幾時再生bb,
但我奶奶咁叫我唔好生….真搞笑… 我唔會理佢,
我會同我老公實現我地幾年後0既夢想!!

0 0 0

私人傳訊

christy1012

水晶宮

積分: 67546

2025勳章蛇年勳章 2024年龍年勳章 2023年兔年勳章醒目開學勳章畀面勳章 BK Milk勳章

33^#

發表於 09-5-16 11:52 |只看該作者

原帖由 我係好媽媽 於 09-5-16 11:07 發表
我奶奶又係咁, 乜都幫我答晒....親戚成日問我幾時生, 佢就幫我答, [邊個湊呀? 我唔湊架], [e+ 咁既時勢, 唔好生最好]..etc etc, 其實唸都冇唸過搵佢湊, 佢知我唔會搵佢湊, 我地亦都唔同住.....佢唔想抱孫者....就唔 ...

其實你99都係一番好意,怕你地負擔太大o者,
諗野唔好樣樣咁負面,一句說話唔同角度睇,
效果唔同,唔好因為同99唔妥,就覺得佢每句說話都唔o岩

私人傳訊

我係好媽媽

侯爵府

積分: 21324

好媽媽勳章畀面勳章 hashtag影視迷勳章

32^#

發表於 09-5-16 11:07 |只看該作者

我奶奶又係咁, 乜都幫我答晒....親戚成日問我幾時生, 佢就幫我答, [邊個湊呀? 我唔湊架], [e+ 咁既時勢, 唔好生最好]..etc etc, 其實唸都冇唸過搵佢湊, 佢知我唔會搵佢湊, 我地亦都唔同住.....佢唔想抱孫者....就唔比我生呀??

私人傳訊

bv1117

男爵府

積分: 6040

31^#

發表於 09-5-15 23:35 |只看該作者

你99都係唔想幫你湊0者...我99係唔想我地生, 一個都唔好生!! 我姑仔生第1個已經俾佢鬧到乜咁, 生第2個仲話多幾錢重...不過生左出黎, 佢又唔會話唔鐘意佢地0既, 只係有咩唔好叫佢幫手囉...

我地結婚時, 人地祝我地快D生BB, 祝佢快有孫抱, 佢話 : 嘿嘿, 呢D唔關我事, 我唔知...

前衛到呢.....

私人傳訊

A.C.C.

大宅

積分: 3786

30^#

發表於 09-5-15 10:58 |只看該作者

其實你奶奶算好開通, 佢得一個內孫女都唔迫你地生多個孫仔, 而且佢又肯湊你囡囡, 又錫你囡囡, 呢度好多媽咪望都望唔到有咁好嘅奶奶(包括我個奶奶, 我奶奶只會口講話點錫點錫, 但佢一D都唔關心個孫女)

老人家有時講嘢係粗魯D, 我阿媽都係, 有時會用唔係咁好嘅字眼, e.g.,細粒骰, 衰妹, 奀吱吱來形容我個女, 如果你覺得唔舒服, 可以試下婉轉D同佢講: 小朋友聽多會學大人講, 以後番學對住同學仔照講"食屎"就幣啦.....

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

29^#

發表於 09-5-15 10:44 |只看該作者

原帖由 MIMI_CHOW 於 09-5-14 17:25 發表
我原本收入都唔錯, 都有萬二蚊一個月, 但公司裁員後我搵個份工就比人壓低幾千蚊.... 冇計~ 為生計都要做住先~

估唔到咁多人都覺得我奶奶咁好, 你地唔知架喇,
有時佢把口講d野好衰架.
好似我個女食朱古力食到成 ...

如果幾千蚊人工, 要請工人湊真係白做, 絕對支持你自己湊番. 不過, 到時得你老公一個揾錢, 佢壓力都幾大. 你地要好努力儲錢先得. 我都想自己湊番, 但唔知幾時先儲夠錢...
有d老人家講嘢好不拘小節, 你唔好咁上心. 只要佢做嘅嘢冇傷害到小朋友, 咁就ok架喇.

私人傳訊

牛精仔

琥珀宮

積分: 157928

玩具勳章好媽媽勳章醒目開學勳章畀面勳章叻叻勳章 2011精緻種植勳章環保接龍勳章 BK猜猜猜慶中秋 BK Milk勳章

28^#

發表於 09-5-15 00:01 |只看該作者

覺得樓主應該即刻請工人湊自己個女同幫99手照顧62, 99年紀咁大, 要照顧一個cancer老公, 真係好辛苦, 唔止係肉體, 精神上都係, 仲要幫樓主你睇埋bb, 真係好辛苦的, 佢咁講都人之常情。

私人傳訊

MIMI_CHOW

複式洋房

積分: 114

27^#

發表於 09-5-14 17:45 |只看該作者

你講得好0岩. 我就係上左黎BK, 睇左咁多媽媽0既意見,
我先再識去諗多D...而家我冇咁唔開心了...

原帖由 我愛Corina 於 09-5-14 17:41 發表

咁你應該睇開d...自然會開心d...
每個人做事既方法,說話/教養都唔同..好多野都不能稱心如意...唔睇開d,自己會成日唔開心ga...

私人傳訊

我愛Corina

瑪瑙宮

積分: 139650

2025勳章蛇年勳章 2024年龍年勳章好媽媽勳章醒目開學勳章環保接龍勳章

26^#

發表於 09-5-14 17:41 |只看該作者

原帖由 MIMI_CHOW 於 09-5-14 09:33 發表
大家都係討論下件事jei... 個個理由或者接受程序都唔一樣. 我又唔係要點挑我奶奶d咩錯,
人人都有想呻0既時候架啦~

咁你應該睇開d...自然會開心d...
每個人做事既方法,說話/教養都唔同..好多野都不能稱心如意...唔睇開d,自己會成日唔開心ga...

私人傳訊

MIMI_CHOW

複式洋房

積分: 114

25^#

發表於 09-5-14 17:33 |只看該作者

大家都係討論下件事jei... 個個理由或者接受程序都唔一樣. 我又唔係要點挑我奶奶d咩錯,
人人都有想呻0既時候架啦~

原帖由 我愛Corina 於 09-5-14 17:29 發表

如果你要係雞蛋裡面挑骨頭,點睇,你奶奶都係衰...

私人傳訊

我愛Corina

瑪瑙宮

積分: 139650

2025勳章蛇年勳章 2024年龍年勳章好媽媽勳章醒目開學勳章環保接龍勳章

24^#

發表於 09-5-14 17:29 |只看該作者

原帖由 MIMI_CHOW 於 09-5-14 09:25 發表
我原本收入都唔錯, 都有萬二蚊一個月, 但公司裁員後我搵個份工就比人壓低幾千蚊.... 冇計~ 為生計都要做住先~

估唔到咁多人都覺得我奶奶咁好, 你地唔知架喇,
有時佢把口講d野好衰架.
好似我個女食朱古力食到成 ...

如果你要係雞蛋裡面挑骨頭,點睇,你奶奶都係衰...

私人傳訊

我愛Corina

瑪瑙宮

積分: 139650

2025勳章蛇年勳章 2024年龍年勳章好媽媽勳章醒目開學勳章環保接龍勳章

23^#

發表於 09-5-14 17:26 |只看該作者

我都係25歲,我都有個女歲半,都同老爺奶奶住...不過我係Ft mami...

我奶奶得50歲,都唔幫我湊,佢係屋企好得閒ga..

不過我無責怪佢唔幫我湊,因為自己生出黎既,係要自己付責,人地無必要幫你,孫又點?
同埋湊一個小朋友真係好辛苦ga,而家佢地開始T2時期,係十分難攪...如果得一個人睇住,真係有時連廁所都去唔到...

有時d朋友問我幾時再生,奶奶都會答,一個已經夠煩....我又唔會嬲,仲有d開心,佢冇迫我生tim..

你問我想唔想多一個小朋友陪亞女,我會話答'想'...但而家屋都冇間,我有冇能力生多個係一個問題...

私人傳訊

MIMI_CHOW

複式洋房

積分: 114

22^#

發表於 09-5-14 17:25 |只看該作者

我原本收入都唔錯, 都有萬二蚊一個月, 但公司裁員後我搵個份工就比人壓低幾千蚊.... 冇計~ 為生計都要做住先~

估唔到咁多人都覺得我奶奶咁好, 你地唔知架喇,
有時佢把口講d野好衰架.
好似我個女食朱古力食到成面都係,
咁佢就話我個女"你食屎黎呀..."
雖然佢可能冇心, 但聽者有意,,,,
唉. 你地唔怪得我對佢講0既野咁敏感!