吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 沒計傾

夫婦情感今日: 2|主題: 42777

收藏本版

發帖

返回列表

跳至頁

查看: 10323 | 回覆: 28

沒計傾 [複製鏈接]

kmbe

大宅

積分: 1641

1^#

發表於 19-10-11 03:41 |只看該作者 |正序瀏覽 |打印

本帖最後由 kmbe 於 19-10-11 04:00 編輯

結婚8年，有小朋友，雙職。
同C6因為99問題(99是典型的野蠻99，總之咩都係新抱問題，有時好委屈呻下，當然老公唔認同99問題，結果又鬧交)。有時討論小朋友的事，生活上的事，好多時大家意見不合問題又鬧交。我覺得我地價值觀唔同，幾年前都試過因為置業問題差D離婚 (我們當時有能力置業，3口子買個細細地單位，但就因為C6覺得唔需要，而我覺得有需要等問題，而鬧左好多次交)。
年幾前我感覺再咁落去感情就會轉淡，開口同c6講感受，但最後又因為意見不合，佢唔認同我看呿，亦唔去聽我感受而鬧交。唔想同佢正面沖突，之後用ws同佢講感受，結果都係一樣，只係沒正面鬧交。慢慢我已經唔再講了，因為每次一講，結果都係一樣。有幾次在小朋友面前用粗口鬧我，仲叫我攞刀斬佢。有次在街上鬧交，在小朋友面前推我埋牆，第一次出手，出手就去到我底線了，之後個心有條刺。

前排小朋友入學面試，因為學校需要面見家長，我想同佢傾下點答，佢都唔想，覺得到時隨意發揮，in 完，我自己都覺得好沒默契，好似累左個囝咁，我拍下佢，好呅自己，當時佢竟然大聲話我"做乜拍佢我啫"，感覺對住最親的人表達情緒，都要就住就住。
而家佢有時會去99家過夜，當佢晚上不在家的日子，我感覺反為輕鬆。

我們之間沒有第三者，大家都有合作照顧小朋友，不過就沒咩傾計，平時都係講下買家庭野，小朋友學校的情況。感受感覺的對話通通刪除，開心唔開心都唔會表現出來，唔會同對方分享，可能講完等於沒講，或者換左盤冷水。對方病左都只係問句有沒事咁。我同C6之間好似沒左愛咁，關係沒左靈魂，在一起又唔係，離開又唔係。

朋友話同C6好好地坐低傾下，試過，約法三章，唔可以鬧交，最後........又係意見不合。想過找第三者幫手，我地沒有共同朋友，而且唔想同朋友講家事。搵婚姻輔導，可能男人的面子，佢唔會去輔導。

唔想再係咁落去，但又唔知點好。

0 0 0

私人傳訊

Joeyli2583

洋房

積分: 51

29^#

發表於 19-10-24 22:40 |只看該作者

回覆樓主:

男人如出手一定有下一次

私人傳訊

ashleyheart

洋房

積分: 47

28^#

發表於 19-10-24 22:20 |只看該作者

回覆樓主:

出手已不可接受

私人傳訊

Fishma007

男爵府

積分: 6127

27^#

發表於 19-10-24 21:54 |只看該作者

kmbe 發表於 19-10-11 03:41
結婚8年，有小朋友，雙職。
同C6因為99問題(99是典型的野蠻99，總之咩都係新抱問題，有時好委屈呻下，當然 ...

你好.看到你的post好感觸
我同我先生識咗差不多20年
有兩個小朋友
而家感覺就好似好陌生
佢一見到佢阿媽
就好似身邊所有都唔係佢親人
佢阿媽才最重要
我而家同佢除咗仔囡
已經沒有話題
佢對屋企係有幫手、洗衫、家務全幫
佢覺得自己係好男人

但我想是佢關心我多啲?。

私人傳訊

貝貝920

大宅

積分: 1208

26^#

發表於 19-10-22 12:29 |只看該作者

回覆 alicego62 的帖子

中晒 point

私人傳訊

ill

子爵府

積分: 12740

25^#

發表於 19-10-20 13:05 |只看該作者

好明白樓主，同老公好似已經冇嘢好講，有時表達下自己嘅感受，佢會話我發脾氣，到最後都係嗌交，一鬧交，就說話非常刻薄，面目猙獰，當我好似狗咁鬧。大家冷靜一排，可能會冇事，但一次又一次，其實不斷傷害緊大家嘅感情。不斷破壞大家嘅關係。佢去外國出差，都會只係打電話返嚟搵仔女，而從來唔會搵我。我在他心目中是可有可無的。

私人傳訊

anniesakam

複式洋房

積分: 268

24^#

發表於 19-10-17 12:53 |只看該作者

我覺得其實睇下禁樣落去你會唔會開心舒服
因為你既心情同埋父母關係其實都影響到子女
當然如果真係好頂唔順既，一定要囉出黎傾，但男人有時就覺得傾就係逼佢，好易鬧交。

私人傳訊

babebobo

複式洋房

積分: 448

23^#

發表於 19-10-15 11:38 |只看該作者

acskphc 發表於 19-10-14 02:42
我一樣！我C6 曾經是我的soulmate, 每天每樣細節都可傾一大餐。自發生了一些事及小朋友出世後，磨擦多了， ...

完全同意，生完小朋友，我地既感情越嚟越淡，淡到自己野都無再講，我講佢都無心機聽，令我直頭唔想/唔覺得要同佢講，再加上我係佢心目中都係白痴一個，最近是非黑白既問題，我同老公既距離都拉到好遠好遠，或者⋯無機會拉番黎⋯
睇到近日既新聞都已經心痛，而家有心如刀割，在幻想緊⋯如果我被離婚會點，點樣可以令自己無咁痛⋯

私人傳訊

Ekf

別墅

積分: 651

22^#

發表於 19-10-14 18:21 |只看該作者

回覆樓主:

看了你情況完全是我寫照,不同是我更嚴重,發生一次嚴重家暴,有1次家暴到差d無命,之後4次家暴竟然同輔導員講冇之前咁嚴重, 我突然覺得呢段婚姻冇得留戀

如果你再發生一定要安全下離開吾好刺激佢
我現在正搞緊離婚

私人傳訊

acskphc

大宅

積分: 2595

21^#

發表於 19-10-14 02:42 |只看該作者

回覆樓主：

本帖最後由 acskphc 於 19-10-14 02:44 編輯

我一樣！我C6 曾經是我的soulmate, 每天每樣細節都可傾一大餐。自發生了一些事及小朋友出世後，磨擦多了，心也遂漸愈來愈遠。話題窮得只圍繞小朋友事情。有時我直情覺得私事唔想同佢傾或分享。。。現在我也只投放感情在細路身上多。

發覺身邊很多朋友生咗小朋友後也跟C6感情差了。

私人傳訊

kmbe

大宅

積分: 1641

20^#

發表於 19-10-14 02:19 |只看該作者

回覆 mendy118 的帖子

咁有好多問題係結婚時或婚後先會有。例如99問題，婚前不會有。
又例如置業，其實得買 or 唔買，意見唔啱好難認同 (澄清：我不是要佢買比我住或者寫我個名，係我自己買或是一齊買)
再例如子女升學，我在子女性格適合方面出發選擇，而C6在唔想煩，求其入一間最易入的3線都ok。

如你是女人或是媽媽，我估我既想法唔係特別奇怪

私人傳訊

花花b

侯爵府

積分: 21431

19^#

發表於 19-10-14 01:09 |只看該作者

好明白，我都試過要WS我老公去表達感受先得！知佢有睇，但唔會回.......如果傾往往係嘈交....呢點我真係好明白。唔知係咪男人表達能力係弱，有問題只會覺得好煩唔好煩到佢所以唔想理。而女人總想立即解決。

不過到左呢D位，試下唔好理....唔想傾唔想問就唔好理，自己放鬆d去開心下去下旅行行街玩下。唔好執著呢個問題，冷靜下。

私人傳訊

mendy118

複式洋房

積分: 138

18^#

發表於 19-10-14 00:02 |只看該作者

kmbe 發表於 19-10-11 03:41
結婚8年，有小朋友，雙職。
同C6因為99問題(99是典型的野蠻99，總之咩都係新抱問題，有時好委屈呻下，當然 ...

本帖最後由 mendy118 於 19-10-14 00:08 編輯

睇黎你同你c6都系比較固執的人，我系米可以甘理解，其實你不妨冷靜d分析大家講的有冇理由，而你又可唔可以認同佢既理念？另外，如果未結婚前，佢都系甘既人，甘點解而家你先同佢無計傾呢？不妨叫佢都回憶下當初你地點相處，可否回到原點？