吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 究竟為咗唔影響細路而唔行下一步，係咪啱嘅決定？ ...

夫婦情感今日: 12|主題: 42723

收藏本版

發帖

返回列表

跳至頁

查看: 19651 | 回覆: 100

究竟為咗唔影響細路而唔行下一步，係咪啱嘅決定？

[複製鏈接]

12 3 4 5...6

syc7

大宅

積分: 1801

1^#

發表於 19-11-2 21:04 |只看該作者 |正序瀏覽 |打印

C6心裡面有第二個，佢當時比我揭發時，有講到明佢係好愛呢個女仔，對我只係淨低感情，而我當時亦感受到佢為呢個女仔做咗好多嘢，改變晒佢自己，去愛呢個人。
東窗事發後，我同C6傾過，鬧過，哭過，事發已接近兩年，而家我同佢仍然一齊生活，表面和諧，出出入入仍然係一家人齊齊整整一齊，同佢仍然有傾計，不過係傾個女嘅嘢為主。我知係因為我哋有個女維繫住，以及我哋傾好咗，大家都以唔想太影響個女為前提，佢應承咗我同嗰個女仔斬欖。

但係到今日，我每日仍然諗起佢係點樣傷害我，最傷嘅係諗起佢心裡面愛嘅唔係我，我同佢接近20年嘅感情，都比唔上一個識咗冇耐嘅女仔？我知佢只係為咗唔想影響小朋友先選擇留喺個家，因為本身佢都係一個重視屋企嘅人，只怪小三嘅魔力太大，佢一直係好好先生，對屋企好好，我完全冇諗過佢會做對我唔住既事。而家耐唔耐我都仲會向佢發癲，要check佢要管佢，要佢畀信任我，呢件事上，我應承過畀多一次機會佢，但係其實響發生小三事件之前，我哋嘅感情已經開始淡，佢好照顧屋企，我自己太緊張個女而忽略咗佢。但係我自問我冇做錯過任何事。呢幾年黎我哋好少親密嘅身體接觸，而家發生啲咁嘅事更加可以話係冇。

另一方面，我見佢越嚟越沉默，好似好唔開心咁，咁其實佢係咪真係想留喺呢個屋企？定係我勉強緊佢？咁嘅生活點樣維持落去？阿女而家青春期，而且已開始懂事，佢都感受到我同爸爸嘅感情唔好。我每一日都過得好辛苦，好似喺個女面前做戲咁，好似呃緊佢咁。我係咪應該放手？唔放，但內心深處已經好難再信呢個枕邊人，咁又可以點？

0 0 0

私人傳訊

Adeva

大宅

積分: 1757

101^#

發表於 20-2-3 09:05 |只看該作者

syc7 發表於 20-2-3 01:54
我未有勇氣面對一個人或帶住個女嘅生活會點，經濟上係無問題，只係我同C6結婚咁多年嚟，咩都依賴佢做佢安 ...

不如試下先自己改變，開始諗下自己一個生活會點，慢慢你會覺得好多野其實都唔係想像中咁難，只係自己懶，尤其係你經濟上無問題，呢方面已經比好多人優勝。

自己既人生自己主導，唔好再俾人影響自己情緒。

私人傳訊

syc7

大宅

積分: 1801

100^#

發表於 20-2-3 01:54 |只看該作者

Adeva 發表於 20-1-24 10:45
如果未有勇氣走，先攪好自己再諗後路，見步行步
有小三男人係唔岩，我都唔明點解做小三可以咁理直氣狀咁拆 ...

我未有勇氣面對一個人或帶住個女嘅生活會點，經濟上係無問題，只係我同C6結婚咁多年嚟，咩都依賴佢做佢安排，所有屋企事務我唔多參與和做，甚至我嘅私人嘢好多都係佢幫我處理埋，我好似廢咗武功咁，我都驚呢啲嘢無咗佢，我自己會好唔慣。

我亦唔太多娘家和朋友嘅支援，總之咁多年來，生活只係圍住我哋自己三個人轉。

私人傳訊

Adeva

大宅

積分: 1757

99^#

發表於 20-1-24 10:45 |只看該作者

syc7 發表於 20-1-23 21:38
其實而家大致上已經係咁，但我同 C6感情嘅裂痕仍在，無咗親密，話題亦只有大家家人和個女，每天同一屋之下 ...

如果未有勇氣走，先攪好自己再諗後路，見步行步
有小三男人係唔岩，我都唔明點解做小三可以咁理直氣狀咁拆散人地。

私人傳訊

soso1227

珍珠宮

積分: 37354

醒目開學勳章畀面勳章

98^#

發表於 20-1-23 22:17 |只看該作者

syc7 發表於 20-1-23 21:38
其實而家大致上已經係咁，但我同 C6感情嘅裂痕仍在，無咗親密，話題亦只有大家家人和個女，每天同一屋之下 ...

如果兩公婆冇親密關係，遲早玩完

私人傳訊

syc7

大宅

積分: 1801

97^#

發表於 20-1-23 21:38 |只看該作者

Adeva 發表於 20-1-23 10:25
建議將重心放喺自己到，唔好再諗小三同老公，focus 自己同個女，例如扮靚或興趣方面，咁會令自己開心d。
...

其實而家大致上已經係咁，但我同 C6感情嘅裂痕仍在，無咗親密，話題亦只有大家家人和個女，每天同一屋之下，咁樣嘅感覺好差，日子好漫長

私人傳訊

syc7

大宅

積分: 1801

96^#

發表於 20-1-23 21:35 |只看該作者

vincat 發表於 20-1-22 17:11
回覆 syc7 的帖子

我個女都反叛期, 如果係我, 我唔會俾佢離開, 做戲都好, 要一家人, 到阿女大d再算 ...

我阿女已大，即使而家一家人齊齊整整，佢都因為我哋大人感情唔好而顯得唔開心，呃唔到佢喇

私人傳訊

Adeva

大宅

積分: 1757

95^#

發表於 20-1-23 10:25 |只看該作者

syc7 發表於 20-1-22 15:39
而家係佢無忘記過去，時間無沖淡佢對人嘅思念，我發現佢哋仲有聯絡，我根本唔可能當呢個小三已成過去

建議將重心放喺自己到，唔好再諗小三同老公，focus 自己同個女，例如扮靚或興趣方面，咁會令自己開心d。
當你自己開心，相信同另一半關係都會有改變。

私人傳訊

alicego62

公爵府

積分: 29943

94^#

發表於 20-1-22 21:15 |只看該作者

樓主，睇完你哋的post,感覺你其實好清楚自己心情。以下我講白D，不要介意
你死症，無得救
你老公當然不對，不用爭論，但你繼續抱住唔憤氣的心情，於是無誧。你其實想佢最愛你，但你好凊楚根本冇可能。
佢已經變咗心，就算個人返咗嚟，守行為，又點會重新再愛上你。余下都只是責任及無耐的選擇。
所以你心心不憤。又不捨得分開
情形就好似用自己私己，去貼一頭家，養一個男人，但又唔憤氣一樣。
所以一面貼錢，一面心存怨恨，一面控制唔到情緒，會諷剌對方。
你老公可以做的已做了，感情破裂好難變無事。一係你改變心態，一係走，帶埋著怨恨好難做夫妻終老