少年成長今日: 2|主題: 16012

收藏本版

發帖

返回列表

跳至頁

查看: 3169 | 回覆: 0

Easy Easy 好小事 [複製鏈接]

csir3290

子爵府

積分: 11999

1^#

發表於 19-11-3 11:48 |只看該作者 |正序瀏覽 |打印

早幾晚返到屋企兩姊弟都已經做曬功課，當時兩子弟正在玩緊。細佬見到我返嚟就同我講佢學校今年又要開始做easy easy好小事，即係大約要佢哋每日寫低自己做過嘅好事咁啦。咁細佬問我今日寫乜好，我就同佢講要佢自己諗下今日做咗啲咩好事，點知佢話冇。跟住家姐就同佢講叫佢扮幫佢執擦子膠，家姐仲同佢講，嗱！我而家跌咗嚿擦子膠你幫我執啦。跟住細佬就幫佢執。之後就畫咾張圖畫當叫做做咗easy easy好小事嘅記錄。我沖完涼出嚟見到就問佢寫咗啲乜嘢佢就畀我睇，跟住我同佢講話你咁樣做唔得。因為其實你根本就冇做過好事只不過係作出嚟。點知細佬有少少發晦氣同我講話佢今日真係冇做過乜嘢好事咁點寫呢。我同佢講我話如果你今日真係諗唔到，你就應該係張記錄紙上面坦白咁寫低今日冇特別嘅好事可以紀錄，就算真係冇都唔應該講大話，因為佢而家個寫法根本就係作出嚟同埋講大話。我同佢解釋其實老師要佢做呢一份功課係希望佢知道好事唔分大事同小事，就算只係幫屋企人掃地或者執好自己嘅嘢都算係一件好事，希望佢哋培養每日做好事嘅習慣。我同佢講我寧願你唔寫我都唔鍾意你講大話，話自己有做過好事。

我望到佢個樣其實我知佢唔開心，仲有少少發脾氣。不過佢冇發出嚟因為驚畀我哋鬧，但係跟住落嚟嗰半個鐘頭佢就一路望住張工作紙喺度諗，跟住我同佢講我話你而家入去幫姨姨開飯食完飯嘅時候幫手執碗，咁你咪可以做咗今日嘅好事。跟住佢好似發現咗解決問題嘅方法咁，就好開心就入去幫手。幫完手之後佢突然間醒起同我講話今日其實佢有幫姨姨洗米同埋執嘢。跟住我咪就叫佢寫低呢啲紀錄，我話其實呢個就係老師嘅目的囉。老師就係希望佢哋由小處著眼，其實幫人唔一定要係好大件事，就算係小事或者係做好自己嘅事減少對人哋嘅麻煩都係一啲好事。我同佢講唔理嗰件係一件幾少嘅事，總言之幫咗人或者幫咗自己就係一件好事。但係講大話作出嚟就絕對唔係一件好事，老師唔係想睇你作故仔，老師係想你反省自己每一天有冇做好自己嘅本份，有冇嘗試去幫人。