細佬係一個好守規矩好重視規矩嘅人，不論喺學校定平時喺屋企。唔理佢係驚罰又好抑或真係知道守規矩重要又好，其實佢肯守規矩示都接受規矩都係好事。有陣時佢喺我哋身邊仲好似個風紀咁，間中就會提醒我唔好違規。好似揸車咁，佢一睇到我架車超速佢就會即刻提我叫我唔好超速，又會提醒我邊度唔停得車，佢一上車就一定要扣好安全帶先至畀我哋開車。喺佢心目中趕時間同唔方便呢啲根本就唔係唔守規矩嘅原因。
我會諗小朋友細細個開始唔同嘅人都會教佢哋守規矩，佢哋亦都重視守規矩。但係唔知由幾時開始守規矩呢個概念係小朋友心目中會慢慢變得冇咁重要，方便自己可能更加重要。間唔中都會見到喺紅綠燈前面啲家長拖個小朋友紅燈都過馬路，呢啲情況小朋友都會開聲提佢哋紅燈唔好過。但係更加多嘅時候就係啲家長會話都冇車或者同埋趕時間咁就會夾硬拉咗個細路仔過馬路。又或者排緊隊嘅時候明明個個都係一個跟一個 ，但係唔知點解總會見到啲家長或者老人家會叫啲小朋友有空位就叫佢哋攝前啲，有空位就叫佢哋攝前啲。雖然我都見過有細路仔係唔肯仲大聲講話要一個跟一個，但係見得更加多嘅係啲家長叫咗啲細路仔上前然之後自己跟住攝咗上前面。大人心目中可能覺得要方便，覺得要就自己，更重要係怕蝕底，但係慢慢咁樣玩細路仔面前就會教到佢哋越嚟越冇規矩。眼見今日嘅香港越嚟越冇規矩，唔該唔好再同細路仔講乜嘢趕時間，乜嘢方便或者其他嘅原因唔守規矩，就係呢啲心態令到我哋嘅下一代越嚟越冇規矩令到我哋嘅香港越嚟越冇跌序越嚟越唔識守規矩。講到尾，懂得守規矩同願意守規矩都係一啲比較高嘅層次，有陣時唔同層次嘅人真係冇得講嘅。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
