吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 世界上最差奶奶沒有之一

婆媳關係今日: 5|主題: 27758

收藏本版

發帖

返回列表

跳至頁

查看: 46026 | 回覆: 97

12 3 4 5

積分: 156

1^#

發表於 20-1-1 14:36 |只看該作者 |正序瀏覽 |打印

本帖最後由 Mantinmama 於 20-1-2 19:28 編輯

我同老公拍左拖一年之後意外有左想慳啲錢同埋我老公想照顧埋佢媽媽要同奶奶同住
點知就係惡夢嘅開始
首先講下未結婚前嘅騎呢野
佢睇電視話飲檸檬水對健康好佢諗住整俾個仔飲
但佢嫌買新鮮檸檬貴同麻煩佢去左阿信屋買煮食用嘅檸檬汁加落啲水到
我一睇檸檬汁嘅成份除左化學成份乜都冇

佢每晚唔到8點都唔開始煮飯佢話太早食飯會肚餓
因為佢平時朝早11點先起身下午3-4點先食下午茶所以佢覺得夜晚8-9點先食晚飯係岩嘅

好喇之後搞結婚啲嘢都搞到我唔想嫁
老公好配合但奶奶明玩野
最嬲係過大禮係過大禮前一個月見奶奶完全冇買過野又冇問我野覺得好奇怪
已經問洗唔洗陪佢買或者貴少少訂啲禮盒佢都話唔洗
到過大禮前四日佢話一樣野都買唔到又話過大禮啲野會惹蚊蟲話不如開張支票俾我呀媽算
我果下嬲到飛起講真你一開始話唔搞儀式化一開始俾支票我唔會嬲大家有商有量但唔係俾你一野翹起囉
最後我呀媽唔想我唔開心又想大家好好睇睇幫我左撲右撲先搵到鋪頭肯接呢張單一般過大禮鋪頭都最少要一個星期

到結婚果日我入門佢著住屋企衫屋又唔執
攝影師同班兄弟姊妹都O左嘴即刻9秒9幫手
攝影師叫佢著返對鞋好睇啲佢都唔肯
最抵死係證婚前先發現佢冇帶身分證
已經結婚前日提夜提仲有佢唔係第一次做證婚人
果刻我係新娘房乜都唔知全靠我哋啲兄弟姊妹幫手如果我果刻知道嘅話我真係婚都唔結

好長文.... 如果大家有興趣我會講埋婚後生活我一路陀b一路喊坐月更加係冇眼睇包大家越睇越眼火爆

0 0 0

私人傳訊

Kisskeni

別墅

積分: 730

98^#

發表於 20-11-4 03:00 |只看該作者

所謂一山還有一山低
一定有比你更差的99

私人傳訊

s_for_samantha

大宅

積分: 4431

97^#

發表於 20-9-30 18:17 |只看該作者

K12020 發表於 20-8-27 01:11
回覆 Mantinmama 的帖子

哎都是血淚史！我奶奶只有更差，我當初生嘅前一晚都在自己出錢出力買餸煮一家人 ...

真係慘，睇字都睇得出你幾辛苦。叫下外賣幾好呀

唔好逼得自己太緊

私人傳訊

s_for_samantha

大宅

積分: 4431

96^#

發表於 20-9-30 18:12 |只看該作者

darkgard 發表於 20-4-21 18:15
到我生左，仲坐月時，佢答應佢個仔會一早黎幫我坐月。勁，每日四點先到！佢見我洗奶樽，仲要打我隻手，鬧 ...

佢話你生先嚟，我都覺得無咩嘢。我覺得佢嚟同你日對夜對仲尷尬。
不過坐月炒埋飯比佢食又幾搞笑喎，你媽媽唔過嚟幫下手？

私人傳訊

s_for_samantha

大宅

積分: 4431

95^#

發表於 20-9-30 18:10 |只看該作者

Astronomy 發表於 20-6-12 02:19
我仲慘過你～我陀一個俾人趕走一次，足足俾趕走3次。我憎到99透！老公就只會幫住個阿媽！結果就係大住果肚 ...

就咁睇，你老公真係好廢。

私人傳訊

s_for_samantha

大宅

積分: 4431

94^#

發表於 20-9-30 17:59 |只看該作者

Mantinmama 發表於 20-1-2 19:33
唔好意思我表達能力唔好.... 我改返
我同老公都有正職
其實係因為比計劃中提前左有小朋友

本帖最後由 s_for_samantha 於 20-9-30 18:28 編輯

你哋供緊奶奶層樓

仲有閒錢儲錢比首期再買樓。

厲害

你老公幫手工就話啫，你唔好供埋一份啦。女人留返個錢比自己啦。

結咗婚，我老公話想我幫手供樓，但本身層樓有佢屋企人名，不過佢屋企人無份供。我話除咗佢名，我就一齊供啦。跟住我老公又話，不如加埋我名一次過搞。我本身都話唔洗，費事第時再置業要比雙倍印花稅。

但係我老爺未知，佢即刻驚死加我名，食飯時講話驚第時我哋離婚，影響我再買樓。

當時結婚未夠三個月。

最後我老公除咗名，但我又無一齊供。我同我老公講，因為我驚第時離婚，我無錢再買樓

佢知咩事，無聲出。

私人傳訊

s_for_samantha

大宅

積分: 4431

93^#

發表於 20-9-30 17:53 |只看該作者

Mantinmama 發表於 20-1-1 16:50
我結婚果時已經接近5個月除左有啲孕吐之外一直陀得唔錯咁我冇咩要求淨係好老實同老公講
我唔洗話每餐 ...

本帖最後由 s_for_samantha 於 20-9-30 18:20 編輯

睇到呢度就覺得你奶奶好癲，你食即係佢個孫食。午餐肉同豆豉鯪魚都講得出口...

如果可以，自己煮自己食啦，又唔啱時間又唔啱口味，一係食咗飯先返。唔好辛苦佢，又辛苦自己。

私人傳訊

s_for_samantha

大宅

積分: 4431

92^#

發表於 20-9-30 16:47 |只看該作者

Mantinmama 發表於 20-1-1 14:36
我同老公拍左拖一年之後意外有左想慳啲錢同埋我老公想照顧埋佢媽媽要同奶奶同住
點知就係惡夢嘅開始
首 ...

係咁㗎啦。
我結婚嘅時候，我過大禮全部嘢，兩家嘅場地佈置，到當日佢由頭到腳嘅化妝同服裝，都係我自己搞晒。佢只需要人到，影兩張相就得。我都唔洗同唔想勞煩佢搞任何嘢

私人傳訊

Astra00

水晶宮

積分: 64739

91^#

發表於 20-9-29 18:29 |只看該作者

darkgard 發表於 20-4-21 18:15
到我生左，仲坐月時，佢答應佢個仔會一早黎幫我坐月。勁，每日四點先到！佢見我洗奶樽，仲要打我隻手，鬧 ...

你個件奶奶都叫有出現過，做下樣。我件野錢就收晒，不比我請陪月，我那時本來預左工人做，但工人未到任，完全沒理我坐月一湊二。我本身仲有個大仔。好在個仔都照顧到自己。想起都一面眼淚。

私人傳訊

bobo0223

大宅

積分: 1148

90^#

發表於 20-9-28 02:23 |只看該作者

Mantinmama 發表於 20-1-1 17:51
太多冤屈氣
冇心機打埋標點🙇🏼‍♀️🙇🏼‍♀️🙇🏼‍♀️
...

支持你快啲返娘家或搬出去，呢啲死老嘢對住佢真係命都短幾年！呢啲99根本唔值得你去尊重

私人傳訊

iammonkeyching

複式洋房

積分: 460

89^#

發表於 20-8-27 07:50 |只看該作者

其實我唔覺得個奶奶有幾唔好同樓主有受左幾大委屈，生得仔唔係三十幾都廿幾，醒下啦, 唔好再幼稚啦。

過大禮唔知點解要關奶奶事？一般人過大禮都係同老公自己買自己送自己比錢，啲傳統儀式現代人能夠跟幾多？既然最初樓主係唔Care 有無過大禮，咁後期點解confirmed 要做個儀式又變左嫌棄個奶奶唔做野唔送野？奶奶肯出埋支票仲想點？你expect 個奶奶要花幾多心思響人地個女度。

另外有關食飯煮飯時間，講真，樓主唔鐘意遲食飯就去自己煮囉，買外賣囉。驚細路餓親？自己定時定候整比細路食囉。唔想個仔食到立雜野？即時阻止個奶奶餵佢囉。你出去住既時候，呢啲全部都要媽媽你去做嫁，唔係奶奶做嫁。

比果萬幾家用係咪好多？我諗你就係知出面食住好甘先肯住奶奶度姐，既然呢個係你意願,你係決定寄人籬下就係要遷就，你宜家遷就唔到不特止仲要投訴佢服務唔好，講真，唔係奉旨要提供服務嫁喎，佢錫個仔先仲幫手煮飯，錫個仔先比你全家響度食響度住，錫個仔先幫手湊埋個孫。

始終做媽媽係要有 obligation嫁，大個女嫁啦。。。

私人傳訊

K12020

洋房

積分: 44

88^#

發表於 20-8-27 01:11 |只看該作者

回覆 Mantinmama 的帖子

哎都是血淚史！我奶奶只有更差，我當初生嘅前一晚都在自己出錢出力買餸煮一家人飯，然後月子她大概煮半個月我﹐自己兩周後開始帶手套洗碗洗鍋然後開始自己煮雞蛋面，我剖腹產，每天都累生累死，煮幾個月一家人飯，果陣BB又難湊，每日一餐都是BB的眼淚同自己的心滴緊血，每日買餸都要快要暈倒的感覺，煮飯開始4餸，後來3餸大大碟，本來準備1-2個鐘要弄成3-4個鐘，BB抱下做下，每天都告訴自己還沒死，過陣產後抑鬱有幾次站在我住呢層樓梯口欄杆位，還有買餸經過的天橋邊想抱個B跳下去，望下個B都系唔忍心，後來好長一段時間都唔想去回想果斷，包括我打呢段文字都會眼淚情不自禁會泳出來。我想同你講，做左媽媽一定要堅強，經歷過最難的時候以後還有什麼是過不去的呢？還有就是告誡自己唔可以一路卑人蝦爾唔反擊，有時候在想如果時光倒流自己會叫外賣然後可以更好的照顧BB爾自己可以有得休息。任何一段關係如果唔系彼此尊重，那麼要來做咩？一世很漫長，可以忍多久，有些事情其實男人比女人看到更清楚，我個b出世時候老公話個保險受益人要改成我（之前他媽）