吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› BB day 36 好想放棄餵人奶

母乳餵哺今日: 0|主題: 85709

收藏本版

回覆發帖

返回列表

跳至頁

查看: 9847 | 回覆: 9

BB day 36 好想放棄餵人奶 [複製鏈接]

szemanlsm

複式洋房

積分: 459

1^#

發表於 20-1-19 16:07 |只看該作者 |正序瀏覽 |打印

BB day 36.... 我依家好想放棄餵人奶啦.....

因為頭幾日生完我要留產房觀察同 bb 分開，佢醫院食開樽餵，之後已經唔肯埋身啦。我依家做左泵媽，又泵又餵又洗.....

我本身無工人，坐月時有陪月幫手，依家要自己面對，照顧初生 BB，每日又泵又餵又洗，又做家務，仲要照顧/陪哥哥，半夜就算 BB 未醒，我又要定時泵奶以免塞奶，轉頭又到 BB 食夜奶，跟本無得瞓，日頭有時又忙，忙緊湊 B或照顧哥哥或做家務，又唔得閒泵奶，搞到樣樣都做得唔好，好想放棄人奶！

食奶粉起碼我唔駛花時間去泵同擔心塞奶，好似少樣煩惱，可專心做家務同照顧兩個小朋友。

我依家情緒好差..…..

0 0 0

私人傳訊回覆引用

netbb

子爵府

積分: 10048

10^#

發表於 20-2-7 15:19 |只看該作者

回覆 szemanlsm 的帖子

加油啊、我bb 開頭都唔肯埋身、一個月後先肯、不要放棄、我而家餵到一崴la ,心情差時記得搵人傾訴,

私人傳訊回覆引用

Joyfulmak

大宅

積分: 4019

9^#

發表於 20-1-24 14:41 |只看該作者

回覆樓主：

本帖最後由 Joyfulmak 於 20-1-24 14:43 編輯

全泵真係好辛苦，加油呀媽媽！
我泵完奶會把喇叭沖下熱水再放雪櫃，一日洗一次，都夠乾淨。
怕塞奶可以試下每日食兩粒卵磷脂，幾有效。

私人傳訊回覆引用

bosch

瑪瑙宮

積分: 128510

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

8^#

發表於 20-1-23 08:24 |只看該作者

szemanlsm 發表於 20-1-19 16:07
BB day 36.... 我依家好想放棄餵人奶啦.....

因為頭幾日生完我要留產房觀察同 bb 分開，佢醫院食開樽餵， ...

儘力而為啦. 湊2個係好忙, 餵到幾多就幾多, 唔駛一刀切.

家務唔駛做得咁好, 做基本野就夠. 做得好唔重要, 識 multi-tasking 更緊要. 細b 仲係初生, 日夜癲倒又要密密餵, 你都要學時間管理, 遲d 上左軌道會好好多.

私人傳訊回覆引用

Wy1007

複式洋房

積分: 108

7^#

發表於 20-1-21 10:10 |只看該作者

唔好俾壓力自己，如果餵唔到人奶餵奶粉都無問題架。我地細個都係飲奶粉大，咪又係咁。儘左力就好！加油💪🏻

私人傳訊回覆引用

麻辣媽咪

大宅

積分: 4555

6^#

發表於 20-1-21 08:43 |只看該作者

szemanlsm 發表於 20-1-21 05:51
多謝你嘅理解，我真係好攰呀！
你話用過奶泵唔駛次次洗，我考慮下跟你方法做。
得閒先泵又怕塞奶/無奶，但 ...

梗係明白，我生第二胎嗰陣喺外國，自己一湊二，啱啱開始唔夠奶，bb重得唔好，醫院話要追，叫我埋身餵完再bump再補餵，我攰到癲，知道呢個方法唔適合我，就改為半人奶半粉。有時係會塞，同埋人奶慢慢愈來愈少，但我冇畀自己一定要餵人奶嘅壓力，咁情況真係唔許可嘛。結果我餵到7個月，算係咁，自己一個家庭喺外國，冇媽咪奶奶工人，要照顧個大，仲要煮飯做家務，盡咗力㗎啦。你放鬆啲，覺得開始塞就bump吓，久唔久又試吓埋身，埋到身會輕鬆好多。加油呀！

私人傳訊回覆引用

szemanlsm

複式洋房

積分: 459

5^#

發表於 20-1-21 05:51 |只看該作者

麻辣媽咪發表於 20-1-20 23:42
你嘅情況不太可能做泵媽，太忙碌，你會唔夠休息。如果係我會再試埋身，真係唔得就半奶粉半人奶，得閒先泵， ...

多謝你嘅理解，我真係好攰呀！
你話用過奶泵唔駛次次洗，我考慮下跟你方法做。
得閒先泵又怕塞奶/無奶，但的確俾得一餐就一餐，我會加油！

私人傳訊回覆引用

麻辣媽咪

大宅

積分: 4555

4^#

發表於 20-1-20 23:42 |只看該作者

szemanlsm 發表於 20-1-20 00:55
試過多次，BB 唔肯，大喊+推開，心都碎，無謂同佢搏鬥，泵出嚟餵啦。

你嘅情況不太可能做泵媽，太忙碌，你會唔夠休息。如果係我會再試埋身，真係唔得就半奶粉半人奶，得閒先泵，餵得幾多得幾多，又唔會好似全泵咁大壓力。其實你唔駛每次泵完都洗，我朋友教我，泵完奶用保鮮盒裝住個泵放入雪櫃，下次再泵可以直接用，個泵一日只需洗一次。人奶對初生係好㗎，一日一兩餐都可以畀到抗體bb，又唔需要一刀切嘅。