c.vieri 發表於 20-3-23 09:24 
無記錯姑姑同佢律師死擋講，當初係張乘乘百般勾引佢，佢先落搭 難聽d講句「牛唔飲水點襟得牛頭低」 ...
男人唔咸濕，一係基，二係病，第三種已絕種，呵呵，講下笑。
孫儷好多人話佢呢套做得麻麻，我就覺得反而似番個真人，呢個世界冇可能一人獨大，每個人都有弱點，房嘅弱點係爺爺，仲有潘貴雨同佢細佬，爺爺故之然喺個整個人生好重要，潘貴雨嘅親情綁架對於一個渴望親情嘅人嚟講，總好過完全冇親情，完全冇的話，完全被忽略的話，佢仲可以撇脫地過活，但時不時被撩撥，即係始終有牽掛，始終有個地方叫做屋企可以返，雖然唔想返，聽落好似好矛盾，但就係有人願打，有人願捱，大家各取所需，潘貴雨有個提款機，房似錦有個賺錢動力，因為要準備隨時被勒索，現實中又真係見過，有D甚至相愛相殺，真係冤孽。
閃閃派傳單又係好可愛，之前偷懶俾房店長捉，後來發現自己被拍上網，佢居然想到早知扮白雪公主（根本係伏筆，一個公主，一個王子，早就配對好），果幕表現閃閃真係萌蠢，個個知道房似錦想講咩，係得佢一個唔知會錯意。
其實整個劇嘅人物都有缺點，反而咁至真實，現實中邊個係完美？太完美反而冇人氣。
闞先生同闞太太果段都好睇，胡可幾狠，但又真係狠得有道理，付出只配俾值得嘅人，男人身痕三番四次見到棺材都唔識流眼淚，呢D就抵分佢身家，呢種男人度度都有，以前有，將來都會有，女人最緊要自強。宮蓓蓓果對我相信社會上好普遍，見到男人怨個老婆冇對自己感恩，點知自己先知係老馮果個，唉，真係代表無數女人心聲。
花旗太太生活在花旗國，留意時差，你問我未必即時答到。
上百度睇評語d人講到孫儷老啦，連行路姿勢、樣都大媽左好多，好彩真係佢同姑姑無親熱戲份，講真睇到大結局都完全唔覺佢地係cp
同埋一d都唔襯。
發表於 
返回列表
