吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 3歲或以上› 三歲仔日喊夜喊，喊到我好心煩

3歲或以上今日: 3|主題: 8853

收藏本版

發帖

返回列表

跳至頁

查看: 24887 | 回覆: 67

三歲仔日喊夜喊，喊到我好心煩 [複製鏈接]

12 3 4

我捨不得你

男爵府

積分: 5847

1^#

發表於 20-7-6 10:25 |只看該作者 |正序瀏覽 |打印

本帖最後由我捨不得你於 20-7-7 00:31 編輯

唉，佢日日最少喊兩次，朝早醒咗喺床要飲奶，有時叫佢等一陣就喊，我叫姐姐去開奶而唔係我開佢又喊，叫佢食野佢唔食又喊，瞓醒晏晝又喊，平時少少事又喊，夜晚半夜醒咗想又喊，嘈醒全家。
佢三歲仔一直無野係鐘意食的，喺無比任何零食下佢都絕食。咩方法都試過，餓佢一日一夜，限時收枱（唔使食佢仲開心），加飯素，獎勵，佢都係唔食，叫佢食野好似叫佢去死咁。身型明顯係瘦嘅，但好彩身體健康好少病。
究竟佢係咪有病？除咗有病都無咩原因佢係咁？睇咩醫生好，我同c6都無哂辦法，有時都唔迫佢，由佢餓，但佢食唔飽個肚又易扭計，跟住又喊，日日對住佢我真係好心煩

0 0 0

私人傳訊

simsimyan

複式洋房

積分: 325

68^#

發表於 20-10-5 09:11 |只看該作者

Nbs 發表於 20-7-6 19:46
我女都係好咀刁好多嘢都唔食，味覺臭覺好敏感，一碗白飯有一粒紅米/一碗麵有一粒蔥都唔食。餓佢一日，佢食 ...

我個仔都係咁，每次食飯時間我都好痛苦，薯條雜糧等就大大啖食，正餐(尤其係啲餸)可以含住喺個口半個鐘都唔咬唔吞(emoji)(emoji)‍♀️湯又唔肯飲.....唉....唔通真係抱住”餓唔死就得”嘅心態？都係想佢強壯啲身體健康啫(emoji)

私人傳訊

mandy952

琥珀宮

積分: 192493

馬年勳章

67^#

發表於 20-10-4 23:48 |只看該作者

我捨不得你發表於 20-7-6 12:41
本帖最後由我捨不得你於 20-7-6 12:42 編輯

佢好瞓得㗎

佢會唔會食唔夠所以先要訓多d

私人傳訊

babyfung61

男爵府

積分: 7538

2024年龍年勳章

66^#

發表於 20-9-21 00:22 |只看該作者

07048178d 發表於 20-9-20 00:05
唔好咁講，你都係好媽媽，如果唔係你都唔會咁關心小朋友情況。有時當自己覺得唔ok嘅時候，而小朋友又無危 ...

好多謝你耐心回覆，你講得啱與正面，就係有時大人太衝動而破壞親子雙方關係。我都好希望自己變得溫和啲。

私人傳訊

ayalick

男爵府

積分: 6288

65^#

發表於 20-9-20 00:20 |只看該作者

首先要接受亞仔食量係少既，佢無病無痛唔洗咁擔心啦

佢碗就好少量，起碼見到自己有食哂，可以滿足下

之後就成家食野都表現得好開心好好味，家長表情都好影響小朋友的喜好

疫情過左就帶佢運動

私人傳訊

07048178d

別墅

積分: 632

64^#

發表於 20-9-20 00:05 |只看該作者

babyfung61 發表於 20-9-17 17:52
你是一個好媽媽。
我而家如果遇到佢喊，已經唔多想理佢，因為佢喊到我心煩，我寧願自己冷靜吓。雖然我知道 ...

唔好咁講，你都係好媽媽，如果唔係你都唔會咁關心小朋友情況。有時當自己覺得唔ok嘅時候，而小朋友又無危險，可以真係自己都冷靜下先，咪由佢喊一陣囉。我自己都係媽媽，明白有時真係自己都有頂唔住嘅感覺。由佢喊一陣好過自己唔小心發個超大脾氣破壞親子關係。

你唔好自我否認先，咁樣你會好痛苦，覺得自己好失敗，小朋友都會感受到你嘅難受同負面，咪會更容易喊。加油，小朋友一個個階段，有時過一排佢又會自己好啲。

私人傳訊

babyfung61

男爵府

積分: 7538

2024年龍年勳章

63^#

發表於 20-9-17 17:52 |只看該作者

07048178d 發表於 20-9-16 15:49
喊其實係一種自我表達方式，你要睇睇究竟佢喊時大家俾咩反應佢，因為咁樣係會主宰佢決定咩時候用喊嘅方式。 ...

你是一個好媽媽。
我而家如果遇到佢喊，已經唔多想理佢，因為佢喊到我心煩，我寧願自己冷靜吓。雖然我知道咁樣係惡性循環，但係真係無辦法。果一刻連我自己都無心情去討好小朋友⋯更何況要冷靜去氹？我覺得湊小孩好疲累。

私人傳訊

babyfung61

男爵府

積分: 7538

2024年龍年勳章

62^#

發表於 20-9-17 17:41 |只看該作者

我捨不得你發表於 20-7-6 17:05
係呀，我發覺身邊有有呢類小朋友，好癲，我每日一到食飯時間就好大壓力。
我好有心機整一大輪野食，最後佢 ...

我諗你同我一樣都係無乜耐性嘅人嚟，哈哈。
我個小朋友同你嘅小朋友都有相同情況，佢又係固執易喊，一有咩唔順意就忟就喊，我都湊到好煩。食嘢就唔好講喇，十餐只有一餐願意自己揸羹食，其餘都無咩胃口咁，又食得慢同耐，明明已經落曬調味好好食⋯
我覺得一個小朋友嘅反應態度好影響我哋做父母嘅心情同埋選擇嘅教養方式。我都好迷惘⋯

私人傳訊

07048178d

別墅

積分: 632

61^#

發表於 20-9-16 15:49 |只看該作者

喊其實係一種自我表達方式，你要睇睇究竟佢喊時大家俾咩反應佢，因為咁樣係會主宰佢決定咩時候用喊嘅方式。同理佢感受，例如話佢知你知道佢好難過所以喊，但冷處理自己表情同反應，姐係你好冷靜咁同佢講媽咪會等你喊完慢慢講，你咁樣喊喊媽咪唔知道你想講咩喎。再用少少時間等佢自己平復但你唔好走開

我知係好難因為要好有耐性，同埋喺街都好尷尬，但係三歲係明白事理，你等佢知道喊媽咪係唔會明佢做咩，佢就會選擇其他方法。你可以提議如果佢難過可以抱抱媽咪再慢慢講。你越不耐煩越叫佢收聲，或者立即滿足佢只會令佢喊更多。

試一試，俾啲信心小朋友，你信佢佢先會做到