吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 奶奶令我唔開心

婆媳關係今日: 0|主題: 27777

收藏本版

發帖

返回列表

跳至頁

查看: 5789 | 回覆: 52

奶奶令我唔開心 [複製鏈接]

12 3

shuuenki

大宅

積分: 1207

1^#

發表於 09-5-31 23:27 |只看該作者 |正序瀏覽 |打印

好唔開心，覺得係男家既感覺永遠是一個外人。

事緣，99有張燒肉券，咁今日我同老公去換，仍冇燒肉，話可以換四分一隻燒鵝，咁我地考慮左一陣，因為驚99唔知鐘唔鐘意，我就打電話問佢，佢冇聽。咁我地自己決定左要四分一隻燒鵝，返到屋企。99話點解唔加多小小錢要夠半隻，之後就嬲左我地。一直冇出聲，食完晚飯，我湊囡囡返婆婆度。老公就返屋企(我地同老爺奶奶一齊住)，之後我返到娘家，老公打比我話同99鬧完交，落左公園靜下。
99話我地唔識做，加多小小錢要夠半隻都唔加。覺得我地唔識做，其實我都知道可以加多D錢既，因為屋企多人，半隻都可以食。但個刻冇諗起，所以冇加。
之後就羅返之前D野黎話老公，話依家層樓佢地兩老羅左好多錢出黎幫手供(層樓我老公名，佢地係羅左好多錢出黎)，話我地平時除左老公羅$3000家用，就冇其他錢，我平時就冇比錢兩老，因為我份糧係負責囡囡日常用品同婆婆湊BB既家用。所以我自己淨得唔多。
每個月我都要老公比$3000，我就羅$2000，共$5000儲蓄，諗住我地一個家庭都需要積蓄，到依家都儲得唔多。但99知道老公都比我$3000，佢唔鐘意，話點解仲要比錢我，我知道真係覺得好唔開心，我99有咩都唔會同我講，有咩都係我唔係度時同個仔講。個仔講返我知，我聽完真係覺得好唔開心，點解佢要咁樣，我地都好辛苦，蓄左咁耐都蓄唔到錢。
我唔係羅晒黎用，係全部都儲起晒，佢講到我好似返工有份糧仲要羅晒老公D錢黎用。
我真係喊左成晚，我老公就層樓，話會轉返比佢地名，之後搬出去，如果佢今日因為覺得我唔識做，我想話打比99道歉，我老公叫我唔好打！叫我當冇事發生，咩都唔知咁，我覺得好唔開心。
而且99話到明我羅老公D錢，平時又冇咩買比佢地，連半隻鵝都唔羅錢買多d。講到我咁衰，我覺得好委屈呀！我每個月真係錢都唔多淨，我真係喊左好耐。佢地有咩事都唔會同我講，我結左婚3年，我都唔覺得屋企係我自己，同佢地一齊住，我成日都好驚做漏野，驚比佢地話。佢又唔會正面話你，但佢會同親戚講，所以我好唔想見到佢D親戚。我覺得佢地一定認定我係一個衰媳婦，我好DOWN。
唔知點算，成日都要對住，但大家就好假，我好唔鐘意咁。我想垣成，但老公叫我唔好講，話佢地思想唔同，攤牌仲衰。但我只係想同佢講清楚，如果我做錯可以同我講，唔洗背住我，我覺得咁想似自己人多D。依家咩都唔講，我覺得好似一個外人，佢地平時係屋企都係用福建話，我係聽唔明。

99平時要佢老公比$4000比佢，佢本身有樓收租，兩個仔都會比家用佢。我想知！佢可以叫佢老公比錢佢，點解佢個仔比左家用，比老婆就唔得，唔通佢想羅埋我個份。

好唔開心，我唔係個D扮演叻既人，我唔知點面對，我可以點樣呀！講真，佢要我做晒家務我都冇所謂。

[ 本帖最後由 shuuenki 於 09-5-31 23:41 編輯 ]

0 0 0

私人傳訊

PCCW2319

水晶宮

積分: 67993

53^#

發表於 09-6-7 22:26 |只看該作者

原帖由 shuuenki 於 09-6-5 14:32 發表
PCCW，我唔知你係誤解左我意思，定真係講到你話我咁，99貼埋我地。
可能我地真係比得少掛。但我想講清楚，我唔係唔想比，係自身難保了。依家其實冇儲到$5000已經有好耐了。

或者我可能冇講一件事出黎。老公係結婚之前借左錢要 ...

哦 ! 即係除左$3000家用, 你地仲要俾$3000供樓+電費(假設$800) = $6,800 咁都唔算少.

希望你老公早日還清債務, 可以儲番多少錢傍身.

[ 本帖最後由 PCCW2319 於 09-6-7 22:48 編輯 ]

天空之城, 快樂之地

私人傳訊

KiuShaBB

珍珠宮

積分: 31492

52^#

發表於 09-6-5 15:31 |只看該作者

我唔講錢住, 我就覺得樓主做得唔錯, 出發點都係好, 只係有d地方未想通, 唔明點解99咁對自己.

其實99同新抱, 真係好少做到當對方係自己人, 大家來自唔同背景, 每個人思想亦唔同. 由其係福建人, 佢地好多係歧視廣東人, 好執著.

佢地好慳, 最好你將所有錢攞晒出嚟俾佢分配. 62同我講過, 以前俾咗家用99之後, 99就當呢d係佢自己錢, 要62買日用品唔會俾返錢, 其餘至由99俾, 因為老公俾錢老婆係應份. 但係唔會倒轉頭咁諗, 我同c6都有夾份俾自己頭家既家用, 再分別俾錢自己父母, 我99都知, 但係都話我仲有錢剩, 點解唔攞埋出嚟頭家到? 話我大駛, 其實佢好多野都唔知, 我都好激氣, 我自己認為攞完家用出嚟, 自己儲起少少, 其餘我自己點駛都無問題, 唔需要同佢交侍.

d99當然係鍚仔, 新抱唔係自己個女, 唔會理你咁多. 樓主你話99有咩都唔同你講, 係好事嚟, 好過有咩事起上嚟, 正面衝突仲死, 就算你同佢解釋, 佢都未必會聽得入耳, 大家都主觀嘛. 你主動去講仲衰, 佢以為你去鬧佢添, 可能佢會咁同親戚講, 你c6叫你唔好講係啱既. d親戚講咩咪由佢囉, 又唔係要日日對住, 俾人寃枉? 實有架, 同一件事, 每個人都可以有唔同睇法, 解釋都有排解, 何況佢地係99既人?

唔好太介意人地點講, 如果你c6話搬出去, 呢個係好好既辦法, 預咗又會有其他野聽喎, 你搶咗人個仔呀咁... 見少d係會少d衝突.

私人傳訊

123!@#

伯爵府

積分: 16607

51^#

發表於 09-6-5 14:41 |只看該作者

原帖由 shuuenki 於 09-6-5 14:32 發表
PCCW，我唔知你係誤解左我意思，定真係講到你話我咁，99貼埋我地。
可能我地真係比得少掛。但我想講清楚，我唔係唔想比，係自身難保了。依家其實冇儲到$5000已經有好耐了。

或者我可能冇講一件事出黎。老公係結婚之前借左錢要 ...

如果樓主係每月供樓$3000+電費+99家用$3000, 咁我覺得就好合理.
至於你老公結婚前/後d債務, 就真係唔關99事囉, 唔可以因為你地要還債而俾少99家用.
我明白每個女人都想自己頭家有多少少餘錢for緊急用, 不過大家都要體諒大家.
所以我覺得你都肯妥協, 俾多$1000家用99, 你都係好新抱.

私人傳訊

shuuenki

大宅

積分: 1207

50^#

發表於 09-6-5 14:39 |只看該作者

可能大家好多因素唔同，所以會有人贊成我做法，亦有不贊成我既做法。

其實我覺得，都真係好睇家庭狀況，收入好的，自然可以比得多。其實仲有好多好多因素........不過一齊住，就一定會出現問題。

私人傳訊

shuuenki

大宅

積分: 1207

49^#

發表於 09-6-5 14:35 |只看該作者

你既諗法就係好似我媽媽，所以佢幫我湊女女，減輕左我負擔，我媽媽有同我講過，叫我地兩公婆放假去行下街啦！bb帶返去比99湊一陣都得呀！唔係兩個日做夜做，我覺得我媽媽真係好好！但相反，我地出左一陣返去，我99就話：出晒街要佢湊。
大家思想唔同呢﹖

原帖由 十一月 於 09-6-2 23:51 發表
我覺得自己人駛唔駛用錢來衡量呀, 如果樓主有能力仲會唔會同99一齊住呢, 如果99唔係等嗰一二千蚊開反, 咁我覺得比幾多都係個心意啫。正常老人家都會叫後生在有能力時儲多個錢, 以備不時之需, 我媽媽幫我湊仔都係象徵 ...

私人傳訊

shuuenki

大宅

積分: 1207

48^#

發表於 09-6-5 14:32 |只看該作者

PCCW，我唔知你係誤解左我意思，定真係講到你話我咁，99貼埋我地。
可能我地真係比得少掛。但我想講清楚，我唔係唔想比，係自身難保了。依家其實冇儲到$5000已經有好耐了。

或者我可能冇講一件事出黎。老公係結婚之前借左錢要還錢比銀行，每月$4000，還左成兩年幾，每月仲要供樓$3000+電費+99家用$3000。我結婚前既錢已經冇晒了。我唔係藉住呢度好似要比自己一個公道，只係我自己覺得好冇安全感，我冇做過d咩對唔住既事，點解變成依家咁，老公不善理財，我覺得要這樣，個家先可以儲到錢，我真係唔知佢幾時會有錢身痕........唉..........

我諗過最後決定，多小小就多小小，雖然可能加$1000佢未必睇得上眼，但希望99會開心d，我叫老公加多小小比99，但老公竟然答我：「我極限係咁多！我唔會加多比佢。」我都估唔到佢會咁答我。我叫佢係我呢度扣，佢都唔肯。

原帖由 PCCW2319 於 09-6-2 23:15 發表

agree ! 層樓仲要係寫佢老公個名添. 你諗下$3000出去租屋都唔夠啦.

99 有62 & 其他仔俾$$係佢地既事, 無理由叫佢地補貼你架. 將心俾己啦, 比你媽咪做唔做得到. 咁你比幾多$$係媽咪湊囡丫?

如果99直接同你同講, ...

私人傳訊

十一月

大宅

積分: 1900

47^#

發表於 09-6-3 00:32 |只看該作者

原帖由 NicoleTszChing 於 09-6-3 00:19 發表
十一月,o係度見到你~~

都唔係個個老人家咁體貼~
我囡囡出世時都有諗過比我媽咪湊,
我自己搵野做,
但我媽咪本身又唔係有錢,
講到明每個月要比$4000~$5000佢,
仲未計bb o既雜費喎...
所以我計下,自己返工都唔 ...

我都好開心係度見到你, 我99知道我比阿媽湊時, 99勁鬧c6, 佢地話即使唔比佢湊b, 都要照比返咁多佢, 養老豆老母都要啦, 我聽到嗰刻勁嬲, 係, 養老豆老母都要, 但佢地唔係出自真心湊阿b, 湊阿b 因為可以收多d錢, 所以到而家我都無正視望過佢地一眼

私人傳訊

NicoleTszChing

大宅

積分: 2333

46^#

發表於 09-6-3 00:24 |只看該作者

嘩,一個月儲到$1000都幾好啦!
有好多人都係月月清!
我自己個個月死慳死抵儲落咪又係o係節日比返長輩.
甚麼母親節,父親節,daddy,mummy,99生日,過年....
一鋪清袋!

原帖由 shuuenki 於 09-6-2 12:46 發表
其實由3月開始，我裁員後，新工人工少左$2000，我地依家每個月都係儲得老公既$3000，如果再加多小小比99，我地仲可以儲幾多呀！
真係我地唔岩呀！真係要加多d比99，其實我阿媽每月都係比$2000ja，大家都估到我地一個月搵幾多。

我計過 ...

私人傳訊

NicoleTszChing

大宅

積分: 2333

45^#

發表於 09-6-3 00:19 |只看該作者

十一月,o係度見到你~~

都唔係個個老人家咁體貼~
我囡囡出世時都有諗過比我媽咪湊,
我自己搵野做,
但我媽咪本身又唔係有錢,
講到明每個月要比$4000~$5000佢,
仲未計bb o既雜費喎...
所以我計下,自己返工都唔會搵多好多先自己湊~~

原帖由 十一月 於 09-6-2 23:51 發表
我覺得自己人駛唔駛用錢來衡量呀, 如果樓主有能力仲會唔會同99一齊住呢, 如果99唔係等嗰一二千蚊開反, 咁我覺得比幾多都係個心意啫。正常老人家都會叫後生在有能力時儲多個錢, 以備不時之需, 我媽媽幫我湊仔都係象徵 ...

私人傳訊

十一月

大宅

積分: 1900

44^#

發表於 09-6-2 23:51 |只看該作者

我覺得自己人駛唔駛用錢來衡量呀, 如果樓主有能力仲會唔會同99一齊住呢, 如果99唔係等嗰一二千蚊開反, 咁我覺得比幾多都係個心意啫。正常老人家都會叫後生在有能力時儲多個錢, 以備不時之需, 我媽媽幫我湊仔都係象徵式收少少。

私人傳訊

sky_blue618

男爵府

積分: 6732

43^#

發表於 09-6-2 23:32 |只看該作者

始終都係0個句,相見好同住難,福建99+廣東新抱呢個配搭已經可以擦出不少"火花"(我就係其中之一),再加埋層樓佢地有份,問題就會更加複雜
都係考慮下搬開住啦,就算你做幾多家務,比幾多錢,只要佢唔鐘意你,點都會有位可以入,最重要係c6明白你的情況,記著,睇開d,如果99真係唔識欣賞你,做好自己本份就算,唔好令自己唔開心呀!!

私人傳訊

PCCW2319

水晶宮

積分: 67993

42^#

發表於 09-6-2 23:15 |只看該作者

原帖由 ankle 於 09-6-1 11:32 發表
你自己一個月儲五千, 但係俾99得三千,
仲要住埋一齊, 真係好過份~~
唔怪知你99話你唔識做人啦~~
如果自己搬出去住, 一個月基本開支都唔只呢個數啦~

agree ! 層樓仲要係寫佢老公個名添. 你諗下$3000出去租屋都唔夠啦.

99 有62 & 其他仔俾$$係佢地既事, 無理由叫佢地補貼你架. 將心俾己啦, 比你媽咪做唔做得到. 咁你比幾多$$係媽咪湊囡丫?

如果99直接同你同講, 到時你咪又會話你99比說話你聽,

你架啦. 我寧願佢唔直接同我講, 經個仔講, 大家都搵到下台階.

而且, 你99直接叫你比多些家用, 你會點呢? 你倆公婆儲$5000/月, 都可以話儲唔到$$或無$$ 淨, 真係難為你99要咩起頭家. 想問, 你知唔知間屋要月供幾多$$呀?

當你諗用$3-4000可以包食住水電煤, 真係超值架.

[ 本帖最後由 PCCW2319 於 09-6-2 23:23 編輯 ]

天空之城, 快樂之地

私人傳訊

nokia6300

大宅

積分: 2888

41^#

發表於 09-6-2 17:36 |只看該作者

回覆 40# shuuenki 的文章

其賁唔計$,你都錫 99 了,$3,000 多唔多???就真係好 depends on 你地搵幾多既,我地都係冇$ save 都要比 $ 佢,我一向family 都係窮,我睇看一點,但住埋唔開心,就唔係 $ 既問題了,我..................一定唔會plan同99去 travel lor

私人傳訊

shuuenki

大宅

積分: 1207

40^#

發表於 09-6-2 16:22 |只看該作者

如果你話要計個$3000就係包食飯lor，我平時都有買日用品返去的，油米個d，佢地就唔洗我買，話我地一定唔識買。氹下佢，我冇試過咩，佢都唔受，我話同埋bb一齊出去行下街啦，咁我打算帶佢去行下，飲下茶，睇岩既買下等等.....但佢都好似唔想出咁。
去旅行(近近地大陸個d)我都試過問啦，不過佢好似唔想，可能覺得大陸差掛，想塔飛機掛。唔知，遲d暑假，我都打算想去玩一兩日，睇下佢想唔想去啦。

原帖由 chaklongma 於 09-6-2 15:08 發表
$3000包晒, 你99算係咁喇喎
就算你同個仔唔係成日住
但你老公係呀ma

你試諗吓
如果自己住一家三口, 唔計屋租, 三千夠唔夠~~~~~~
而且點解加比99又要加比亞媽呢?
你同亞媽住?
呢d$$唔係比99洗喎, 係你地向呢個家嘅洗 ...

私人傳訊

chaklongma

男爵府

積分: 5958

39^#

發表於 09-6-2 15:08 |只看該作者

$3000包晒, 你99算係咁喇喎
就算你同個仔唔係成日住
但你老公係呀ma

你試諗吓
如果自己住一家三口, 唔計屋租, 三千夠唔夠~~~~~~
而且點解加比99又要加比亞媽呢?
你同亞媽住?
呢d$$唔係比99洗喎, 係你地向呢個家嘅洗貴喎~~~~~~~

有時有d野要你氹吓我, 我氹吓你架ma
下次你咪醒目, 買多少少
得閒又買d野比佢囉, 唔一定要貴野架

你地一齊住, 盡量為對方諗吓
如果唔係"棧"辛苦自己

私人傳訊

shuuenki

大宅

積分: 1207

38^#

發表於 09-6-2 12:46 |只看該作者

其實由3月開始，我裁員後，新工人工少左$2000，我地依家每個月都係儲得老公既$3000，如果再加多小小比99，我地仲可以儲幾多呀！
真係我地唔岩呀！真係要加多d比99，其實我阿媽每月都係比$2000ja，大家都估到我地一個月搵幾多。

我計過如果比99$4000，媽媽$3000，計埋學費、電費、供樓等等...我地一個月可以儲到$1000左右。
一年先可以儲到$10000，新年比錢兩老，仲有大陸既老人家，真係連$10000都冇埋了。

[ 本帖最後由 shuuenki 於 09-6-2 12:53 編輯 ]

私人傳訊

shuuenki

大宅

積分: 1207

37^#

發表於 09-6-2 12:24 |只看該作者

實際上得我老公自己長住

原帖由 麟媽媽 於 09-6-1 15:00 發表
$3000 一家三口係度食同住，
咁樣點算比家用養兩老呢？
$3000 全包你地，兩老要貼你地呢，
如果買燒肉加料都比埋卷你地去換，
都只係換1/4 隻鵝，又真係太唔識做了，
人同人相處都要互tum 吓既，
你老公仲同兩老嘈，點怪得兩老怨呢？ ...

私人傳訊

shuuenki

大宅

積分: 1207

36^#

發表於 09-6-2 12:22 |只看該作者

我99成日都羅層樓出黎講。
點解我要每個月儲$5000，係因為我要諗定將來子女讀書之餘。仲有兩老有咩事，可能突然羅錢出黎。
佢之後又成日話我地儲唔到錢，夠唔到個仔。但佢地既思想係仔一定要養兩老，我自己都贊成既，因為我地搵錢唔多。
加上結左婚3年，我都係上年先開始每個儲$5000，之前個個月清袋，因為要幫老公還債，呢D就係62,99唔知既事，所以我前兩年覺得好辛苦，想羅錢出黎都冇呀！依家就係要爭取返之前冇儲既，要儲返多D。