yeunghung 發表於 20-8-5 07:28 
咁可以睇吓小說，劇應該幾十集，無心機追。
劇未知幾多集，但點都唔會太少，剪都剪多幾集賣多D廣告贊助，書就61章，唔算係好長果種，未播追咗書先都好。不過追完書，唔好同劇比較，聽講劇魔改，連名都由有匪改到有翡，當同名同姓，如有雷同，實屬巧合就好。
劇外八卦：有書粉不滿趙麗穎演有翡，話佢個樣唔似書中周翡，而且佢生得嬌滴滴，太甜唔夠冷，但我又覺得不能單憑樣去判斷，或者表相真不同於書中人，但或者演出嚟感覺唔同，堅強傲氣應該冇問題，趙麗穎之前演楚喬傳，親身上陣拍打戲，相信周翡呢個南刀傳人角色佢都可以演得到。
話說之前選角出過好多花邊新聞，部份組合真係匪夷所思，例如：
周冬雨、李易峰
周冬雨、高偉光
周冬雨、肖戰、朱亞文、尹正
周冬雨、朱亞文、谷嘉誠
關曉彤、竇驍
關曉彤、王鶴棣
金晨、羅晉、朱一龍
金晨、胡一天
倪妮
睇完上面嘅人選，真係。。。幾多炒作成份！
劇中周翡出場時只有十七八歲，倪妮？唔係好得喎，關曉彤係真後生，但打戲應該難少少，周冬雨？唔好啦啩，佢個古裝樣真係。。。謝允廿多歲，羅晉、高偉光、竇驍、朱亞文都唔得啦，胡一天冇演技，肖戰冇期。
花旗太太生活在花旗國，留意時差，你問我未必即時答到。
發表於 
見d姐姐好努力排舞同練舞、唱歌，真係覺得藝人都唔易做。
返回列表
