吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 阿哥被出櫃

少年成長今日: 0|主題: 16108

收藏本版

發帖

返回列表

跳至頁

查看: 58704 | 回覆: 28

阿哥被出櫃 [複製鏈接]

chowwan1

複式洋房

積分: 244

1^#

發表於 20-8-21 12:50 |只看該作者 |正序瀏覽 |打印

本帖最後由 chowwan1 於 20-8-22 12:48 編輯

屋企阿哥半年前比阿媽發現佢同男人網上聊天。佢認咗佢係hehe, 對我屋企人係十級驚嚇, 因為佢90%好似正常男人一樣。佢話自己中學先自發現鍾意男仔, 話係天生, 但開頭唔係好肯定, 只係嘗試過鍾意過一個普通嘅女仔。阿媽因為咁日日喊兼好傷心, 軟硬兼施勸佢遠離啲男人, 而老豆就無表示。阿哥佢極度抗拒, 兼話阿媽好x討厭叫佢收把死人聲, 又同啲同事和朋友唱衰阿媽同我話唔撐佢好"紋虱", 就算我只係問過佢有冇變嘅可能。客觀咁講, 佢性格自細已經好偏執, 只有自己啱哂, 而佢有段時間喺小學被男同學欺凌同自細睇女仔卡通模仿啲角色。佢而家喺網上識埋啲喺香港但嚟自第三世界嘅男人(四個), 又成日引用但嚴重曲解啲哲學家科學家嘅話去證明自己無錯(fact-check過), 對我哋嚟講想了解同幫佢感到好吃力兼夾無奈。我哋曾經天真諗佢做嘅行業會令佢睇到人生百態, 而佢亦講好多佢遇過好多類似個案但個人問題而悲劇收場。但佢偏向虎山行...

我哋明白hehe會有天生, 亦有後天環境同個人經歷對心智成長嘅影響（例如：一些男仔遭男人性侵後會導致佢對自己性別同性取向感到懷疑, 長期缺乏安全感, 膽小, 抑鬱焦慮, 不能做決定, 覺得自己個身體係屬於男人嘅）, 只係現時科學界對同志研究好有限因為同志平權同避免歧視。我同屋企人客觀深入傾過認為佢好大可能係後天生活上多種嘅原因(不作詳解)令佢對逆服癖瘦形男人有強烈興趣, 亦發現佢有好多曾受欺凌帶來嘅負面影響。當我哋對佢提出嗰啲可能嘅原因時, 就好似拮中哂佢啲死穴! 佢好抗拒, 唔肯聽, 唔肯諗, 不斷回避, 冷笑, 係咁死撐自己啱係天生, 而唔係自己批判思考嗰啲原因會唔會影響咗佢少年心智發展。我完全感受到做阿媽嗰種痛, 我哋唔知點做可以令佢反思同調整心態。
想知各位媽媽或爸爸有咩意見／見解？我明白呢個係一個難題, 外人好似做唔到啲乜或會避忌談及。但我願意聽取任何正反意見, 只想知作為細佬和家人可以點做, 或你代入我個角色又會點做。

謝！

0 0 0

私人傳訊

Apple_Li

複式洋房

積分: 252

29^#

發表於 22-4-21 17:29 |只看該作者

依個年代唔係 gay 都唔一定有小朋友, 其實唔駛睇得咁重

私人傳訊

lovececing

侯爵府

積分: 22319

28^#

發表於 22-4-21 15:55 |只看該作者

感覺上樓主係好想搵出原因去拗返直佢，但其實咁大個人咪由佢，管得幾多，男同女一齊都有機會被個女仔呃啦

我沒有很多朋友, 但有你們就足夠~~~我沒有很多錢,但我所擁有的東西已經比別人多~~~我沒有很多老公, 但有一個把我寵壞就已經足夠

私人傳訊

SunkidShek_FB

複式洋房

積分: 110

27^#

發表於 22-4-14 22:08 |只看該作者

唔好諗住去改變一個人

私人傳訊

kwhkwh

公爵府

積分: 29889

2026勳章 2025勳章蛇年勳章 2024年龍年勳章牛年勳章

26^#

發表於 21-11-23 09:32 |只看該作者

chowwan1 發表於 20-10-3 13:37
回覆啤梨腰小姐的帖子
我諗我哋係想揾出所有原因, 因為我姑姑嘅兩個仔...

樓主你口口聲聲話尊重，但又想「搵出所有原因」，我是不喜歡hehe，但都替你阿哥覺得你哋好反感。

與其搵原因，不如擔心佢誤交損友好過啦。

還有，選得呢條路，難行難走係預左，唔好走出來要什麼平權就好。

請勿轉載。搬字過紙不是記者的工作，未經同意, 即屬抄襲。

私人傳訊

peggypigpig

大宅

積分: 2921

牛年勳章

25^#

發表於 21-11-22 13:25 |只看該作者

睇你既立場已經覺得佢係同性戀係一個大問題，想拗返直佢，將自己既性向價值觀投射左落佢身上
其實先天又好後天又好，佢做得呢個決定就有佢既原因
揀左，佢自己又覺得舒服自在，點解唔可以比佢自己選擇自己想成為一個點既人
父母係照顧角色，而唔係操控者，何況呢個年代同性戀並唔係咩大問題
開放d 啦

私人傳訊

jenny10

男爵府

積分: 8216

24^#

發表於 21-11-17 09:41 |只看該作者

仔係hehe真係無辦法，為有接受，唔通想無左個仔？

私人傳訊

goosy83

男爵府

積分: 8032

23^#

發表於 21-1-26 01:25 |只看該作者

回覆樓主：

本帖最後由 goosy83 於 21-1-26 01:28 編輯

Del

私人傳訊

goosy83

男爵府

積分: 8032

22^#

發表於 21-1-26 01:21 |只看該作者

回覆樓主：

本帖最後由 goosy83 於 21-1-26 01:27 編輯

Del

私人傳訊

CYCheung_FB

大宅

積分: 1786

21^#

發表於 21-1-11 01:53 |只看該作者

alicego62 發表於 20-9-17 15:50
Hehe有咩問題

係呀人地鍾意紅色定黑色自己選擇

私人傳訊

Seanachoy

禁止訪問

積分: 1167

20^#

發表於 20-10-8 12:29 |只看該作者

提示: 作者被禁止或刪除內容自動屏蔽

私人傳訊

Seanachoy

禁止訪問

積分: 1167

19^#

發表於 20-10-8 12:29 |只看該作者

提示: 作者被禁止或刪除內容自動屏蔽

私人傳訊

laiyuen

公爵府

積分: 25238

18^#

發表於 20-10-6 20:23 |只看該作者

Jasmine-4711 發表於 20-10-4 00:22
佢天生又好,後天心理原因又好,
佢都已是成年人,十幾廿年累積下來的性取向,你地想undo?

好同意
我自己係基督徒，都好唔同意同性戀。但係我地唔能夠將自己既諗法強加喺人身上，你地話唔想佢受傷害，但你地不斷去否定佢，轟炸佢，咪已經傷害緊佢囉。作為家人，你地已講過又話過佢都企硬，就不如學習接受佢吧。咁樣你地仲可以喺佢身邊support住佢，萬一佢有咩事都仲有人可以幫佢同聽佢傾訴，如果你地再係咁樣，佢一定會越行越遠，第時萬一有咩發生，佢都唔會俾你地知，你地更加無機會去幫佢。放手吧啦，接受同祝福佢，咁大家仲可以保持良好關係

私人傳訊

(Samantha)

水晶宮

積分: 63993

畀面勳章

17^#

發表於 20-10-5 11:15 |只看該作者

回覆樓主:

是但啦，咪當佢單身到老，但有個好好嘅朋友。

私人傳訊

Jasmine-4711

翡翠宮

積分: 93757

2025勳章蛇年勳章 2024年龍年勳章牛年勳章

16^#

發表於 20-10-4 00:22 |只看該作者

回覆樓主:

佢天生又好,後天心理原因又好,
佢都已是成年人,十幾廿年累積下來的性取向,你地想undo?

你們亦勸過佢又分析過可能的原因俾佢聽,講左很多次佢對抗拒,
咁係時候你們要接受佢.

曲同直,不是三言两語或接受輔導就可改變的事,亦不是“對與錯”的問題.如你地唔學懂尊重佢的性取向,逼佢改變,只會令關係惡化,甚至令佢煩到搬走,及很久都不想回家探你地,怕你地又“轟炸”佢.

只要佢不是濫交又識防止被網騙（網上交友）,放過佢啦

私人傳訊

chowwan1

複式洋房

積分: 244

15^#

發表於 20-10-3 13:37 |只看該作者

本帖最後由 chowwan1 於 20-10-3 13:45 編輯

回覆啤梨腰小姐的帖子

感謝咁多位對作為家人嘅諒解同意見。當然佢咁大個人做咩都要自己負責, 旁人只可比意見, 最後是禍是福與任何人無尤。我亦有同阿媽講類似嘅説話。也許在家人角度是在乎他和對他有期望吧, 很難做到話唔理就真係做到不聞不問。我亦有話就算佢肯轉直都非常困難, 因為要佢自己不停揾方法去提起佢對女性嘅興趣。我認同任何人包括hehe也需要尊重。我諗我哋係想揾出所有原因, 因為我姑姑嘅兩個仔都係hehe, 但佢哋唔係孖生。而二伯個女男性特徵明顯但佢有男友(低音, 毛多, 男性面相)。如果係家族基因嘅, 我哋當然無計, 要接受。如果係後天環境影響, 咁喺家人角度一定係會想揾出原因或想佢自己嘗試變返原本嘅想法。雖然有研究話hehe個腦構造係唔同平常人, 但正唔正常我就唔太執着, 就好似有啲人出世有缺陷一樣, 亦對事無太大幫助。我親戚多亦係傳統家庭。如阿爺知道, 劏咗佢都有份。阿爸阿媽只係唔想佢喺工作同感情世界受到排斥, 希望佢變返常人咁, 因為佢周圍同人唱佢自己hehe...

我哋已轉為聆聽方式去問佢open questions。但佢唔願答只係提過只想透過網上揾真愛, 性愛其次。但佢對人係零機心, 諗嘢某情度純真過小學雞, 話社會同佢個行業好接受, 法律亦都開始改變, 當然大家睇到嘅亦未必係真係咁open。例如加拿大係LGBT friendly同合法, 但個政府調查發現佢哋喺職場係好普遍被排斥同難找工作。其實動物天性係會因為長相, 聲音, 氣味同行為不同而排斥對方在外, 法例都保障唔到咁多。佢由細好討厭亦唔識講大話, 但呢排成日作故仔講大話。我諗我哋係唔想佢比佢嘅情感令佢自己受傷害。我哋會繼續聆聽佢心底話去儘量做到幾多得幾多。

私人傳訊

啤梨腰小姐

別墅

積分: 678

14^#

發表於 20-9-25 12:08 |只看該作者

chowwan1 發表於 20-8-21 12:50
屋企阿哥半年前比阿媽發現佢同男人網上聊天。佢認咗佢係hehe, 對我屋企人係十級驚嚇, 因為佢90%好似正常男 ...

好感受到摟主的煩惱.....
你同媽媽/其他屋企人會盡一切的力，希望哥哥會好、將來開心、唔想佢會經歷悲劇收場
唔知道樓主有無留意到而家家庭關係的僵持下，對你、對媽媽、對哥哥、對大家有甚麼影響？
可能你想哥哥聽你地既意見，呢種方式有幾大效用？
會不會考慮轉變溝通的方式、氣氛、環境(例如專業人士社工/輔導員)或者情緒狀態等等？