吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 真不幸點解我會有d咁嘅奶奶

婆媳關係今日: 0|主題: 27784

收藏本版

發帖

返回列表

跳至頁

查看: 3984 | 回覆: 28

真不幸點解我會有d咁嘅奶奶 [複製鏈接]

ladybeauty

民房

積分: 28

1^#

發表於 09-6-3 00:21 |只看該作者 |正序瀏覽 |打印

其實之前我奶奶都無乜嘢，但我個仔出細之後，我就覺得佢人格好有問題，大姑奶生左兩個女一個四歲，另一個就十五個半月，而我個仔就歲半，我叔仔個老婆一年前陀住八個月大男嬰胎死腹中，我係自己湊個仔，奶奶同工人就湊兩個孫女，問題就嚟，每次見面她總多同我個仔比較，又比磅數，識字，動作....我個比較活潑四處走無時停，佢就話佢曳仲捉住我個仔隻手作狀打，又話麻麻'唔鍚你唔抱你抱表妹...又唔抵得我個仔晚九朝七作息，每日淨係早上七點飲奶再瞓到九點起身，下午一至三午睡，每日如事，因佢兩個孫女玩到半夜瞓，日夜顛倒，大個孫女仲一日飲起碼十枝奶，半夜仲飲瞓覺用尿片，個細孫女就成日要佢同工人抱，就算出街食飯都係，唔會比high chair佢自己坐，見兩個舅父會喊，自己爸爸剪完髮會喊，可以日日唔落街，除非睇醫生或家庭聚會，但家庭聚會一個月一次，有時耐個一個月，反而睇醫生就緊會一個一次或多個，十五個半月得十八磅，我個仔十三個月跟我地食大人飯，我老公問佢幾時比個細孫女食，佢話遲吓先，到現在佢都係食稀粥，d肉粒無比佢食淨係出味，有次聚會剛好我個仔識行就放佢落地自由活動，佢見到即刻放個孫女落地，孫女屈膝唔行佢就話佢唔肯行，連小朋友頭髮多少都要比，因我個仔隔一個月就要剪，細個孫女出世之今頭髮稀少，係最近先有頭髮剪少少，最衰係個叔仔兩公婆，自發現陀男嬰至個B胎死腹中前都不望不抱我個仔，我生完未出院兩公婆係大姑奶逼下先嚟醫院探我，跟著就係滿月酒先見，但佢兩公婆一樣禮物都無買比個姪仔，有次家聚有個親戚問個女陀b姓別,佢好大聲話係仔嚟架，但兩個月後個b胎死腹中，事發一個月後叔仔見到我個仔就逗佢玩同想抱佢，我即刻係奶奶手中攞返個仔，一來之前大半年對我個仔咁，現在自己個b走左就想埋嚟，二來佢個b走左一個月有人叫我唔好比佢地抱，因佢係醫院自然流產出嚟為惶慳錢叫醫院棄屍，無做法事同安葬佢，試問點可做得出，因個b巳成形，只係個女有地貧加為慳錢又唔食嘢，有左三個幾月仲著牛仔褲，仲有實在太多.....總之樣樣都要比較又比説話我聴，實在太難同佢地相處

0 0 0

私人傳訊

sandy1425

珍珠宮

積分: 41032

好媽媽勳章大廚勳章

29^#

發表於 09-6-4 09:30 |只看該作者

仲有,有d媽咪好煩ga,抱佢個b又話你無洗手,又話你吾識抱,又話你講野d口水噴到佢..etc...

吾抱又話吾理個bb,生個bb又話阿邊個吾送野比bb...甘生bb吾一定要有禮物/利是既啫..
呻完...

私人傳訊

sandy1425

珍珠宮

積分: 41032

好媽媽勳章大廚勳章

28^#

發表於 09-6-4 09:23 |只看該作者

原帖由 alik 於 09-6-4 08:01 發表
1. 無左個bb喊唔出唔奇, 每個人都有唔同反應, 或者人地驚其他家人擔心而唔在佢地面前喊, 返到屋企/房日喊夜喊呢?
2. 我都聽過大肚唔好抱其他bb或者小朋友,bb會小器. 另外有d媽媽好唔鍾意其他家人抱自己bb, 又話人地 ...

agree,所以我都好怕抱人地既bb...

私人傳訊

我愛Corina

瑪瑙宮

積分: 139652

2025勳章蛇年勳章 2024年龍年勳章好媽媽勳章醒目開學勳章環保接龍勳章

27^#

發表於 09-6-4 09:11 |只看該作者

乜咁樣算係同你個仔鬥叻緊ga?

死啦...我同我d cousins gathering,我見佢地小朋友落地玩走黎走去,我都叫我個女落地玩ga喎...諗住小朋友一齊玩,開心下je...

我都會問下d小朋友點樣,eg識講d咩,有幾隻牙,等等...止不過係大家小朋友年紀差唔多,大家傾下計,睇下大家有咩唔同/差唔多...拎個經驗ja喎....

如果我d cousins好似你咁,佢地咪好憎我囉..以為我同佢地鬥緊...

私人傳訊

alik

公爵府

積分: 25507

26^#

發表於 09-6-4 08:01 |只看該作者

1. 無左個bb喊唔出唔奇, 每個人都有唔同反應, 或者人地驚其他家人擔心而唔在佢地面前喊, 返到屋企/房日喊夜喊呢?
2. 我都聽過大肚唔好抱其他bb或者小朋友,bb會小器. 另外有d媽媽好唔鍾意其他家人抱自己bb, 又話人地唔洗手就抱b錫b, 成日都要搶番來抱, 可能佢地怕左你呢.
3. 陀到咁6個月後若要流產, 通常醫生都唔會做手術拎出黎, 醫生都會打催生藥令產婦自然分娩出來, 佢地同普通媽媽經歷生產過程, 但差別在bb一生出來就係死胎, 做媽媽的那種傷心你體會到嗎? 係咪要特登做反應俾你睇? 你仲指三道四話人想慳錢, 有時唔到自己決定, 係醫生話事!
4. 叫醫院處理bb嬰屍, 可能係唔想再見到傷心事, 再觸景傷情!
5. 有d人無準備好有bb, 初時會諗下想唔要都唔奇, 佢最尾都妥協生啦, 你做乜仲要諗舊事呢? 可能佢一路陀個b, 一路體會到懷疑既快樂同奇妙呢!
6. 人地bb死左, 如果佢無那個信念或者唔覺得有需要既, 當然唔會做咩超渡儀式啦. 要做儀式係你或者你其他家人既諗法, 唔可以夾硬套在人地身上囉.

---------------------------
到最後, 請你珍惜下你所有嘢, 包括好同唔好既嘢, 同埋多d設身處地用人地個角度諗下嘢, 你會發現你放得自己既位置太重要.

[ 本帖最後由 alik 於 09-6-4 08:07 編輯 ]

私人傳訊

nanoruru

複式洋房

積分: 396

25^#

發表於 09-6-3 22:15 |只看該作者

你要選擇呢樣又唔仲意，果樣又覺得佢地唔好，辛苦的係你自己。
體諒吓d老人家，唔講d孫，唔通同你講經濟？佢又冇踩抵你個仔，有咩問題？
叔仔果度就更加無謂咁計較啦，就算佢真係有唔著，發生d咁的事，你又何必再去斤斤計較？

私人傳訊

mamihar

大宅

積分: 3012

24^#

發表於 09-6-3 15:17 |只看該作者

我意思係一家人咪當傾閒計.... ...be happy

原帖由 ladybeauty 於 09-6-3 10:12 發表

我想講我從來無係男家面前抬舉我個仔，發表內容係講例子亦無讚自己個仔，只係想表達個仔識做識行係發自佢自己，我無叫個仔係佢地面前表演，而係奶奶見我個仔識就即刻攞細孫女show ,奶奶問我個仔作息飲奶情況，我照講，跟著佢又 ...

私人傳訊

鈍豬925

男爵府

積分: 5959

23^#

發表於 09-6-3 13:49 |只看該作者

唔抱唔代表有問題,有d老人家話,如大肚抱bb,個bb會小氣架,你又知你叔無難過,無傷心咩,唔通要係你面前喊就叫有傷心難過咩,到而家人地抱你b你就唔比.會唔會係你自己有問題呀

私人傳訊

loyan246

大宅

積分: 2016

22^#

發表於 09-6-3 13:39 |只看該作者

其實一句到尾,
做人要放鬆d,睇開d先會開心架!
如果樣樣都睇唔過眼,
自己都會唔開心la!
努力學習一下!

私人傳訊

chloe_mandy

大宅

積分: 1320

21^#

發表於 09-6-3 13:30 |只看該作者

人地個女一日飲幾多枝奶..你都要理???
同埋我都想問下乜有左3個月著牛仔褲有問題咩??我陀我個女果陣著到差唔多4個月喎!!而家阿女咪又OK!

私人傳訊

yatau

大宅

積分: 1440

20^#

發表於 09-6-3 13:05 |只看該作者

我覺得妳叔仔兩公婆已經好慘啦, 陀到8個月無左, 大家1家人, 你唔體諒不特止, 點解重斤斤計較呢?

我有左都無抱過我老公個外甥,係怕佢踢到我個肚, 我姑仔都叫我唔好抱添. 到我生完我姑仔來醫院探我先第1次抱佢, 唔通咁都唔啱?

私人傳訊

ｙｏｂｉ

大宅

積分: 4710

畀面勳章大廚勳章

19^#

發表於 09-6-3 12:32 |只看該作者

[quote]原帖由 ladybeauty 於 09-6-3 10:39 發表

我不值佢為人自己老婆大肚，見到我個仔唔望唔抱，成大半年，到自己無左個仔就即刻埋嚟，你身為亞叔又係第一個姪仔，我想問佢係咪好有問題，朋友生b都會探人抱吓，每個父母無左個b都傷心，而仲係八個月胎死

有人真係話大肚唔好抱人bb~肚既bb同人地bb會小氣~~

二來佢個b走左一個月有人叫我唔好比佢地抱，<==你咪一樣係

私人傳訊

princessash

大宅

積分: 1529

18^#

發表於 09-6-3 11:28 |只看該作者

老人家係鐘意攞d孫仔孫女比較下, 而且聽你咁講, 你個仔樣樣都叻過, 好過姑奶嗰兩個女, 咁你嬲d乜啫? 你話你99"樣樣都要比較又比説話我聴", 但係你自己都有比較啦, 你再睇返你自己個 post, 全程你都係批評緊, 彈緊你嗰兩個女有幾唔好, 咁你諗下你同99有乜分別?

其實有時d說話唔啱聽, 聽完咪算囉, 你個仔又唔會少忽肉, 有女人既地方就有事非架啦~~

至於你叔仔兩公婆, 你有冇諗過佢唔想要BB可能係因為佢自己有地貧? 佢冇喺你面前喊唔代表佢唔傷心~~仲有, 你都識話佢兩公婆冇錢, 咁唔買禮物比你個仔係好正常喎! 就算係咁你都唔使話人 "最衰"?

放鬆d, 退一步海闊天空........

私人傳訊

123!@#

伯爵府

積分: 16607

17^#

發表於 09-6-3 11:22 |只看該作者

原帖由 ladybeauty 於 09-6-3 10:39 發表

我不值佢為人自己老婆大肚，見到我個仔唔望唔抱，成大半年，到自己無左個仔就即刻埋嚟，你身為亞叔又係第一個姪仔，我想問佢係咪好有問題，朋友生b都會探人抱吓，每個父母無左個b都傷心，而仲係八個月胎死腹中，但個女就喊都無喊表現 ...

睇唔出男家邊到無家教喎???
你叔仔2公婆當初唔抱你仔仔, 是否就係因為知道你性格, 所以唔敢去抱去望呀??? 到佢地死左個仔, 好傷心, 所以抱下你仔仔去慰藉下囉. 咁又係無家教呀???
嬸仔死左仔, 要不要日日打電話俾你, 係你面前喊苦喊忽呀?? 就算人地當初唔想要bb, 可能人地有佢既原因, 你知道嗎???
做人要放開d, 咁生活先開心.

私人傳訊

Melody_Che

大宅

積分: 4192

16^#

發表於 09-6-3 10:59 |只看該作者

人地可能鄉下唔可以自己有BB又抱人地果個呢, 唔明點解你個仔睇到天甘大.... 我老公阿哥有個女, 我地2公婆佢bb時都無抱過, 唔係我有bb, 而係我地真係唔想整親佢... 家庭有新成員梗係開心, 但唔會舉手拍掌甘興奮呀!! 仲有, 人地無bb心情點你知咩, 唔洗係你面前日日喊呀??

私人傳訊

ChingChing730

珍珠宮

積分: 34435

好媽媽勳章醒目開學勳章

15^#

發表於 09-6-3 10:47 |只看該作者

原帖由 ladybeauty 於 09-6-3 10:39 發表

我不值佢為人自己老婆大肚，見到我個仔唔望唔抱，成大半年，到自己無左個仔就即刻埋嚟，你身為亞叔又係第一個姪仔，我想問佢係咪好有問題，朋友生b都會探人抱吓，每個父母無左個b都傷心，而仲係八個月胎死腹中，但個女就喊都無喊表現 ...

SORRY，我真係覺得有問題o個個係你 law！

我覺得好多野係你自己諗出黎架 law，叔仔一開始唔抱你個仔，你有冇問過點解？會唔會係佢驚 nb 佢抱唔掂，唔想整到自己個姪仔呢？好喇，到佢咁不幸冇左自己個bb，難道已為人母嘅你，你唔同情佢咩？佢想懷念下自己個仔，難道又有錯？比小小同情心，得唔得？

私人傳訊

ladybeauty

民房

積分: 28

14^#

發表於 09-6-3 10:39 |只看該作者

原帖由 123!@# 於 09-6-3 09:38 發表
唔係好明你奶奶有咩問題喎.
叔仔2公婆死左個仔, 人地都已經好傷心, 但你就見到佢抱你個仔就搶回, 好似有點兒囉.
所以我都覺得唔係你不幸有呢個奶奶, 而係男家不幸有你呢個新抱.
...

我不值佢為人自己老婆大肚，見到我個仔唔望唔抱，成大半年，到自己無左個仔就即刻埋嚟，你身為亞叔又係第一個姪仔，我想問佢係咪好有問題，朋友生b都會探人抱吓，每個父母無左個b都傷心，而仲係八個月胎死腹中，但個女就喊都無喊表現平靜，聴奶奶事後講佢知自己有左就話無錢養想落仔，係你個仔唔比，乜佢有資格做媽咪咩，況且你無資格話我，我對奶奶家人情做足，係佢地自己無家教有問題

私人傳訊