懷孕前後今日: 1|主題: 330650

收藏本版

發帖

返回列表

跳至頁

查看: 78499 | 回覆: 53

廣華醫院IVF試管嬰兒 2020 詳情 [複製鏈接]

12 3

KANAM2017

複式洋房

積分: 175

1^#

發表於 20-9-22 12:23 |只看該作者 |正序瀏覽 |打印

本帖最後由 KANAM2017 於 20-10-3 12:09 編輯

希望分享親身經歷幫到各位做IVF的準媽媽

我2017年自然流產一次，之後試左一年都未有消息，所以去左QE排不育科，到確定我合資格做IVF試管嬰兒之後，就轉介左1去廣華醫院，以下是我記錄的時間。

2018年7月去婦科診所請醫生照超聲波，開轉介信，同日拎住封信去QE排不育科，比完資料就走得，會比個期你返黎。
2018年8月第一次返醫院，磅重，比多次文件醫生睇，簡單問下行狀況，就排期女方黎m之後返黎抽兩次血，男方驗精。

2018年9月女方去抽血，好似係第3日同第6日，唔記得,只記得兩次,抽完走得。
2018年10月男方驗精，因為想快d,所以自行去指定診所驗
2018年12月19日回醫院取報告，女方第一次要檢查🩺，男醫生，講解一輪就叫我地去廣華排期。

2018年同日 12月19日2點一收到醫生叫我地去廣華排期，即刻飛的過去，好多大陸媽媽排，心諗都有排等...交左轉介信2睇完一入資料，就排期下次6月返黎
我開頭以為2019年6月,心諗都好快丫半年, 到2019年先發現原來係2020年6月

————————————
2019 ✖️✖️✖️✖️✖️✖️
———————————-
2020年2月，發生新冠肺炎疫情，我重擔心會唔會停上非緊急服務，點知有一日，姑娘突然打比我問我想唔想提早

緊係好啦!!!! 本來6月，而家提早4月去!!!! 男方要早1個月驗多次精。

2020年3月先生驗精
2020年4月帶結婚証書，見男醫生👨‍⚕️🩺要做全身檢查，都好尷尬..💉先生要再驗多次精，係第3次，女方抽血，話我2018年QE報告話我無左麻疹抗體要即刻打返,打完3個月要避孕......QE當時無同我講....一出醫院就即刻上網搵邊度有得打，同日即刻去!!

2020年5月返醫院照超聲波，睇下有無水泡水瘤咁。
2020年5月先生驗精報告正常
2020年8月聽講座，見醫生
（因疫情再次提早左一個月，疫情限聚關係，所以講座變左網上版，唔需要回醫院，去少一次）

2020年9月食荷爾蒙藥8日，食完第6日回醫院見醫生。
2020年9月xx日(黎m第3日)原本今日去醫院交$4000，抽血，超聲波，之後可以開針!!期待已久，點知話我有1個水泡

要抽多支血，如果驗血有問題就要遲多3個月做,等自然吸收個水泡..........叫我聽日再返黎，姑娘會教我點做，
好想喊,姑娘問係咪食中藥呀？定食左補品，

我有做好多資料搜集知道做之前唔食得中藥(大家要緊記!!)，我只係半年前開始減肥輕左20磅，而家115磅，
10日前開始飲雞精，食蛋,飲豆漿，原來都會增生水泡架!!!!!
大家一定要注意，唔好突然改變生活習慣同飲食
驚左一晚.........

2020年9月xx日(黎m第4日) 今日返去都打定輸數，點知一入到去,姑娘就話教我打針!!

開始第一針啦，話驗血無事，不過唔好再補住，感謝主!! 我終於打到第一針啦，雖然學起來有d難，重有d痛...但反到呢度，頂硬上呀!!!!

再打多8日針，就返黎見醫生照超聲波，一路困擾我係點樣同公司請假，好困擾，重要而家疫情好易比人炒，
而且唔想同事知道我做IVF，驚好大壓力，諗住有咩事當病假咁。

但好感恩，暫時一日假都未請過的， 8:00回醫院，我7:15到醫院排第一位，咁就可以第一個入去，醫生同埋交錢果度都係開8:30，如果排後一個已經要等多幾個字，星期一三五六係特別多人的，我返9:30, 暫時兩日都無遲到, 9點離開醫院。

註* 因為我試過自然流產所以不用照輸卵管。
正常要做3次IUI先可以做IVF，因為個別問題所以直接可以做IVF。

希望以上資料幫到大家