個心好難受
唔知可以講俾邊個知 (唔好意思
好長篇)
我同老公結婚7年
拍拖6年半
有3個小朋友
最細既小朋友今年先出世
一路有請開工人姐姐
而家哩個姐姐喺小朋友出世前剛黎到香港
姐姐做野好識偷雞
同好識氹我老公
但對住我就好無禮貌
上年請佢係照顧兩個大既小朋友
當時我未大肚
因為疫情
佢到今年7月先黎到香港
而細B一路係由我照顧
因為姐姐做左冇幾日就我講
佢唔會湊我細B
我細B好易嘔奶
出世頭一個月成日嘔
嘔到成身成地
每次姐姐响則邊經過
都無視我
掂行掂過
無話幫下我抹身抹地
如果係我老公抱B 就算只係換尿片
姐姐都會企我老公隔離 2個人4隻手一齊換一片尿片
哩D係我睇cam發現既
仲有俾我發現佢
洗BB既奶樽奶咀全部都係漬
我好聲好氣同佢講
都未講完
佢黑面走左去
之後我再同佢講
佢話無污漕
當時我老公响我隔離
姐姐唔應我
但我老公居然無幫我出聲話佢
但問題係我老公都見到D奶樽真係洗唔乾淨
有一次姐姐一路洗奶樽
一路偷食我d野(有油既食物）俾我睇cam發現
我話俾我老公知
我老公居然帶個姐姐入我地房 2個人關門响入面
話同佢講返件事
我當時在場
等我老公出返黎
我同佢講咁樣唔係幾好
佢仲話返我
話覺得咁樣無問題
好多時
照顧細B 只係訓得一兩個鐘
我老公無話幫下手
我同佢都要返工
全部野包括小朋友既功課都只係我一個人跟進
好幾次佢一放工返黎
唔係關心我一睇三攰唔攰
而第一句同我講既說話
竟然係係問我 “點解個工人好似唔開心
你有冇鬧佢” 我根本就無
連大聲話佢都無試過
另外因為我餵B 好多時都食無定時
好多次我未食曉
我老公都無問我食左未
居然走去問姐姐先 “你食左飯未呀”
個姐姐黎左冇幾耐
有一日無啦啦同我老公講
其實尋日佢生日
我老公居然話要送個大約一千蚊既銀包俾佢
我問我老公
咁下年係咪要買個真皮袋俾佢呀
重點係我生日
我老公咩禮物都無送俾我
姐姐試過無啦啦響我老公面前喊
原因係話
見我我個女攬住我喊
諗起自己家鄉個亞媽
但我女喊已經係朝早既事
當時我老公唔在場
點解到我老公响到
佢先無啦啦咁講
老公對住姐姐
仲有好多好奇怪既野都無講
我唔知究竟係我敏感
定一或佢地真係有D野
我同我老公講過好多次
我因為佢既行為
同姐姐唔尊重我
我好唔開心
亦都喊過
但佢無一次理過我
無一次正面回應過我
我只係我老公唔好寵容個工人
攪到個工人以為就算做錯事
都無人可以話佢
而我都想有人關心下
氹下我2句
我咁樣過份嗎
係咪我既錯？！我屈埋真係好唔開心
有時覺得自己連工人都不如
發表於 
返回列表
