吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公話個第三者係佢理想型

夫婦情感今日: 56|主題: 42729

收藏本版

發帖

返回列表

跳至頁

查看: 24579 | 回覆: 87

12 3 4 5

積分: 23

1^#

發表於 20-11-30 00:54 |只看該作者 |正序瀏覽 |打印

超長文……

我同我老公今年已經一齊第十九年，喺我哋拍拖第八個月時，佢有第三者，
佢選擇同第三者一齊要同我分手。

我同我老公都係對方嘅初戀，
我哋同年，我外貌中上，有身材c cup，
性格平易近人，一直都好多人追，
但係我鍾意我老公，所以我選擇咗佢。

第三者大我哋四年，外貌可以用醜嚟形容，
外表比真實年齡大八歲以上，
衣著打扮亦有師奶feel，而且係飛機場。
（唔係因為佢係第三者就故意踩低佢，佢的確外表係咁差，老公都認同。）

我老公同第三者識咗一個星期就選擇同佢一齊，
當時我問我老公，我有咩比唔上個第三者，
佢話第三者成日讚佢，讚到佢好好，
第三者令到佢好有虛榮心，依啲嘢係我畀唔到佢。

呢件事令到我有抑鬱症，我自殺，
老公知道咗之後搵返我，佢覺得要負責，所以同返我一齊，
雖然係同我一齊返，但嗰兩個月佢日日喺我面前同第三者傾電話，
有一日仲問我，放佢同第三者一齊一個月，之後再同返我一齊得唔得，
我當然唔畀，佢再問我，咁佢哋做兄妹可唔可以，
然後嗰晚佢哋仲見咗面，當晚我再自殺，
老公之後話好後悔，唔會再同第三者見面聯絡。

喺之後嘅日子，佢對我真係好好，冇再對我唔住，
成日讚我，話我份人真係好好，
啲同事都好羨慕佢老婆咁好，
佢仲成日讚我身材好，讚我靚，
我依十幾年一直覺得好幸福。

我因為有抑鬱症，之後發展成抑鬱＋驚恐＋焦慮症，
加上體弱多病，所以我十幾年嚟都返唔到工，亦生唔到小朋友。

幾日前同老公傾計，傾大家嘅理想型，
佢話當初個第三者完全係佢嘅理想型，
唔靚，唔會多人追，個胸平平地夠可愛，一直唔鍾意大胸，
而且性格一流夠開朗，願意工作又願意生小朋友。

我聽到之後好心寒，
一直以嚟佢讚我性格好，讚我靚讚我身材好，
但原來都唔係佢所鍾意，
我唔想開朗咩？係佢令到我有抑鬱㗎，
我唔想工作唔想生小朋友咩？我都想我身體健康啊！

我突然間覺得佢好陌生，佢同我一齊係咪因為責任啊…
我喊到癲咗，佢仲話選擇咗同我一齊咪得囉，唔覺得有咩問題。

0 0 0

私人傳訊

cindychanmum

複式洋房

積分: 178

88^#

發表於 20-12-19 16:26 |只看該作者

唔好諗咁多，佢對你好就得啦

私人傳訊

huilai88

子爵府

積分: 12205

87^#

發表於 20-12-18 23:36 |只看該作者

回覆 Flower-kid 的帖子

嗯，呢個姊妹講得好好。當然，樓主也要關心自己的身體健康！加油！

私人傳訊

Bibibut

公爵府

積分: 26454

86^#

發表於 20-12-18 12:43 |只看該作者

beckyng444 發表於 20-11-30 01:08
回覆 fungbee 的帖子

我冇諗過自殺威脅佢同返我一齊，我當時真係難過到想死，

你思想上無諗過用自殺來威脅佢，但實際上你的行為已代表係，這是沒有分別的，吾通大家仲有時間去討論，去問你係咪威脅咩。放過你自己啦，你自己先幫到自己，去搵份工，個世界吾係得c6一個。

私人傳訊

StellaIp0706

大宅

積分: 3544

85^#

發表於 20-12-17 09:14 |只看該作者

fungbee 發表於 20-12-17 08:38
所以我都想知當年為乜自殺
又話唔係想留住佢
咁自乜鬼殺

我已經在樓上回過2次？又是一道法國大餐？

私人傳訊

fungbee

大宅

積分: 1664

84^#

發表於 20-12-17 08:38 |只看該作者

tansyneko 發表於 20-12-16 03:44
用自殺留住人樓主話唔係本意，但如果個男人知道又繼續同第三者一齊，樓主會點？係會放下定繼續自 ...

所以我都想知當年為乜自殺
又話唔係想留住佢
咁自乜鬼殺

私人傳訊

tansyneko

琥珀宮

積分: 152982

83^#

發表於 20-12-16 03:44 |只看該作者

回覆樓主：

本帖最後由 tansyneko 於 20-12-16 03:45 編輯

用自殺留住人

樓主話唔係本意，但如果個男人知道又繼續同第三者一齊，樓主會點？係會放下定繼續自殺？答案顯然而見，因為樓主有第二次自殺，如果男人當時唔理樓主，就係今日的廖x儀，咁個男人仲可以點？

算啦，n年前的事，傾咩理想型啫，如果要傾就當閒計唔好上心，否則就唔好傾

私人傳訊

858D

珍珠宮

積分: 37934

82^#

發表於 20-12-16 03:28 |只看該作者

MandyPigg 發表於 20-12-16 02:56
我同意呀。

樓主，你老公話理想型係個位，但行動上都同左你一齊啦，最寶貴嘅時間青春都擺咗係你身上，你 ...

你對樓主講解得好好！
我先生都有好幾位理想型嘅知名女士啦。仲同我講埋如果嗰啲名人話要同佢上床嘅，佢一定LUR飯應。
佢今日解析道：因為幻想同實際係分析到嘅，就係因為實際發生嘅機會係近乎零，嗰腦計過risk management, 幻想無妨，咪盡情幻想，享受當下囉。在佢同前妻還是夫妻時，有次酒會中，佢剛認識一位日裔聰慧又有成就的女士，聊了十五分鐘，他發現她正是他的理想型。好快他的腦袋在轉在計數，立時抽身，不再和她有任何互動。因為他知道他還想繼續當個好老公，好父親。
認識我那時情況不同了，他已經與前妻試盡了不同溝通，磨合方式足以證明對他無效，而且已經協商了Open Marriage, 同屋住，大家都想以當父母這角色為重，等到子女成年獨立後才分居。
即使如此，佢前妻都賺咗啦。正如你道出嘅：我先生最寶貴的青春，最高的生計能力，最輝煌的生活都已經擺咗0係佢前妻和她的子女身上。
雷同，我對我前夫雷同，佢已經賺咗了。將來，我連自己的養老金都畀埋佢。

Love is when the other person’s happiness is more important than your own ~ H. Jackson Brown

私人傳訊

MandyPigg

別墅

積分: 856

81^#

發表於 20-12-16 02:56 |只看該作者

858D 發表於 20-11-30 01:18
我會將責任視為愛的一種。
無需去分得那麼清，是責任還是愛，享受當下他給你的好「處」。
...

我同意呀。

樓主，你老公話理想型係個位，但行動上都同左你一齊啦，最寶貴嘅時間青春都擺咗係你身上，你仲想佢點呢？我老公夠話周秀娜王祖賢係佢理想型啦，咪又係要同我一齊。。。

你想佢心都係向住你，係冇錯，但你調返轉諗，如果佢心係一d都冇你既存在，你綁佢都唔會留得底咁多年，佢既然都選擇左你，留係你身邊照顧/陪伴，這已是男人最好既表達方式，口講幾愛你冇用，實際行動最重要，而你老公已經做到了。

所以樓主，放寬心情，好好咁相處啦～

私人傳訊

歌莉亞

伯爵府

積分: 17767

80^#

發表於 20-12-15 22:18 |只看該作者

yy_chow1210 發表於 20-11-30 11:57
男人真係需要被崇拜，小三唔一定靚，但一定可以令佢有成功感

睇卡米拉就知啦
肯定日日讚到查理斯飛上天

私人傳訊

Lily88

複式洋房

積分: 186

79^#

發表於 20-12-15 00:54 |只看該作者

beckyng444 發表於 20-11-30 01:29
回覆 858D 的帖子

我好容易諗埋一邊，亦都好硬頸…我覺得好難過，原來一直以嚟嘅讚美說話都係假，

他對你的讚美是真嘅，他講所謂理想對象也是真嘅，你唔可以阻止人地有想法，唔通只是講下都唔得，他咁多年同你一齊已經證明他最愛是你啦

私人傳訊

藴藴

男爵府

積分: 9819

78^#

發表於 20-12-14 00:31 |只看該作者

喺之後嘅日子，佢對我真係好好，冇再對我唔住，
成日讚我，話我份人真係好好，
啲同事都好羨慕佢老婆咁好，
佢仲成日讚我身材好，讚我靚，
我依十幾年一直覺得好幸福。

我因為有抑鬱症，之後發展成抑鬱＋驚恐＋焦慮症，
加上體弱多病，所以我十幾年嚟都返唔到工，亦生唔到小朋友。

十幾年如一日，你仲可以有咩要求？我相信做到既人唔多，至少我做唔到，放過自己吧，繼續下去，萬一對方離你而去點算？你又情緒病又身體弱又生唔到小朋友，真係唔可以怪佢，亦唔係佢責任。