本帖最後由 Giant 於 21-1-19 16:12 編輯
我習慣早睡早起，放假都依舊7:00就起身梳洗然後獨自去食早餐；兩仔爺就鍾意晏睡晏起，11:00至起身去食"早餐"，到2:00我餓喇，又獨自去食下午茶。
晚上飯後我就睇書，仔就繼續陶醉於網上世界，相公就係超級電視迷，乜都睇得一餐，我就唔鍾意睇電視嘅；兩仔爺各有各"忙"，食埋宵夜都凌晨至瞓；我睇書睇到10:00就瞓。
一間豆潤咁大嘅屋，住咗三個人，分別活於三種生活模式中。
本身性格鍾意躝街買嘢，但相公鍾意宅，我一出街就黑面、冷言冷語，我懶到唔想出聲唔想嘈，所以假期我都係響屋企望住條街發呆，一係瞓覺，仔就上網，相公就睇電視，我嘅活動範圍只係樓下快餐店、街市、超市；同我講得最多嘢嘅，就係餐廳侍應姐姐同賣菜姐姐；我好變態，好鍾意返工，雖然份工都係唔開心，但，總叫有個理由可以離開屋企10小時，放飯嗰一個鐘就係我最期待的自由時間，可以一個人周圍行；最討厭就係放假，因放假就等於坐監，嚟緊過年又要連坐4日監喇。~~呻完~~
孩子之心有如泥膠，當它還是柔軟可塑時，請好好把握時間，塑造你心中所愛。「忙碌」、「疲倦」永遠不是好借口，孩子大得很快，今日拿不出時間會變成明日的遺憾！
發表於 
你唔好太理佢講咩啦，痴線放假想自己去行下街啫，又唔係去鈎佬，你都已經唔係叫佢陪你去la。你太就佢喇，已經為左佢留喺屋企連玩下電話都有野講。唔係叫你同佢嘈，放假你咪出去行下囉，返到黎佢阿支阿jor咪當佢唱歌，唔彩佢。人生都過左一半有多，個仔又大，梗係襯行得走得周圍去，做d令自己開心嘅事。
返回列表
