吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 嫁唔出姑仔係最煩

婆媳關係今日: 0|主題: 27770

收藏本版

發帖

返回列表

跳至頁

查看: 42590 | 回覆: 103

嫁唔出姑仔係最煩

[複製鏈接]

12 3 4 5...6

boboyeung

男爵府

積分: 5747

Xmas吸收勳章

1^#

發表於 21-4-30 13:36 |只看該作者 |正序瀏覽 |打印

我同老公拍拖到結婚一直好恩愛, 直至老爺奶奶姑仔搬過黎係隔壁屋苑住後, 就經常同老公嘈, 唔係因為老爺奶奶, 係因為姑仔, 話說佢地原本一家四口住西貢唐樓, 冇lift, 奶奶年紀大, 行動不便, 姑仔就建議搬過黎我地附近住, 惡夢就開始了, 首先阿哥咩都聽佢妹講, 人地"媽寶", 老公就"妹寶", 佢妹叫我老公買樓俾佢地住, 老公就買,唔緊要, 係俾老爺奶奶住, 唉, 佢地一人一間房, 我地請埋工人俾佢地用, 我地就4個人迫住一間房, 細女未出生時, 日日去奶奶家, 而姑仔是管家婆, 阿仔阿女飲水, table manner, 沖涼, 教育, 補習, 搵學校, 咩都要插手, 我唔理佢, 佢就繼續薰陶我老公, 而老公同佢一齊生活左咁多年, 思想係同我姑仔似, 同埋佢覺得姑仔SMART, 講野係o岩, 所以咩芧頭都指向我, 到細女出生後, 我地自己另請工人, 就開始少返去, 一星期一次, 但阿仔每天放學都去爺爺家, 我老公每天早上都過去爺爺家, 我呢個新抱每星期六去爺爺家食晚飯, 之後極力爭取後, 我先可以改星期五晚食飯, (1900-2145左右), 因為想星期六family day, 最近疫情, 幾個月先返娘家一次, 我提出stay 一日係娘家, 老公就俾說話我聽, 話我去爺爺食完飯就走, 係娘家就STAY 一日, 我話幾個月冇返WOR, 爺爺個個星期都返, 就算疫情, 佢老公一家視親情重要過疫情, 老爺座大廈有人中招, 同老爺病左, 我地一家4口都要在疫情期間繼續返爺爺家, 冇得唔返, 我老公俾說話我聽, 我知姑仔在背後投訴, 我親耳聽過, 佢好醒, 唔會正面去攻擊我, 但會潤下我老公, 老公最介意係家人話佢不孝, 姑仔成日嫌我地一星期一次返去好少, OR 應該STAY LONGER, 應該要同佢地outing , 等姑仔可以同我對仔女玩耐D,仲成日拉我對仔女入佢房, 想Separate them from me, 佢嫁唔出, 點解好似咩都要包埋姑仔, 唔係買一送一, 佢好想 involve 我地 family (但唔想預我), 我同佢唔o岩左好耐, 兩年幾都冇講過野...
我想話做人阿媽, 唔希望有人成日插手自己家庭事, 你插手唔緊要, 仲要影響埋我豬隊友, 我SEND 過WHATSAPP 俾姑仔叫佢唔好插手我仔女既野, 因為咁樣做好影響我同老公感情, 姑仔直頭FORWARD 個MESSAGE 俾我老公, 自此, 佢唔尊重我, 我都冇再同佢講野, 大家當大家透明,

我地一家算中產家庭, 老公每月俾家用姑仔(奶幻走左) 成萬幾蚊, 姑仔收西貢唐樓租金都萬幾, 而我老公只俾我呢邊家用是工人SALARY, 買送同仔學費, 其餘都唔想俾, 話仔女補習費同興趣班唔係佢要求, 所以拒絕俾, 我叫佢俾埋阿仔校車費, 佢話間學校唔係佢選, 唔俾, 我想話阿仔升小一, 佢冇理過,大抽獎時我同佢講過填邊幾間, 佢冇出聲, 最後阿仔派到寶校,老公就將Blame for me, 話我填得太進取，所以我一家五口, 老公成日拒絕俾額外費用, 但爺爺一家三口(爺爺, 姑仔, 工人), 佢就俾家用俾得好鬆手, 話爺爺要食貴魚架, 但一家三口, 我當姑仔冇俾家用, 要一個月成3萬家用咁多? 我地一家五口(我, 老公, 阿仔阿女, 工人)呢, 2個小朋友學費, 校車, 補習, 興趣班呢, 佢咩都唔肯俾, 惟有我自己俾, 老公之前仲話要cut 阿仔興趣班, 孝順係好, 但我老公係咪盲左, 我幾個月返娘家一次, 想stay whole day, 都俾人話, 我唔係只孝順你一邊夫家, 我娘家呢?

我以前成日在老公面前話姑仔, 我蠢左, 之後唔再講, 我當佢透明, 你不犯我, 我不犯你, 但佢係都要插手我家事, 要我老公要involve 埋佢地, 佢唔想一個人, 我唔犯佢, 點解佢仲要黎犯我, 因為姑仔, 我同老公已經嘈好多次, 我積極BUILD UP FAMILY, 又STAYCATION , 之前去旅行, ALL IS PAID BY ME, 我唔同老公計, 點解老公因為想佢妹開心就又同我計呢?

試問我老公做足孝順仔, 我仔日日去爺爺到, 我俾爺爺去接女放學, 爺爺唔接JA WOR, 新抱每星期五過去食飯,未有疫情時, 我提出過老爺奶奶去濕地公園, 科學園, 我仲帶埋爺爺去過disneyland 2次, 姑仔要我老公買樓俾佢地住, 老公就買樓, 請埋工人俾佢地用(以我姑仔收入, 冇可能請到工人), 俾萬幾家用佢地, 西貢租金是佢妹落袋, 點解佢妹仲complaint 我地STAY 時間太短? 試問現在有幾多年青人做到一星期返夫家一次呢? 我覺得我姑仔好貪, 得一想二

不好意思, 不知不覺間呻左咁長文, 如你有耐性睇, 請問你地有何對策呢?

0 0 0

私人傳訊

肥肥寶

伯爵府

積分: 18867

104^#

發表於 21-6-23 18:58 |只看該作者

回覆樓主:

睇晒你個post,替你難過不值，如果係我一定忍唔到(我已經好多年冇見男家)，其實與其死忍難忍，不如拼死一博，同你c6爭過，可能爭到對仔女，以後過幸福生活

私人傳訊

marronc

男爵府

積分: 8162

103^#

發表於 21-6-21 18:17 |只看該作者

boboyeung 發表於 21-6-15 09:30
回覆 yingying0917 的帖子

謝謝你一口氣睇哂, 我既係因為姑仔搬近我地而開始變得好可悲

樓主，我覺得如果你係要同你姑仔鬥落去，你就要改變你懦弱嘅性格，要真係堅強及堅持起嚟。男家就係睇死你呢個性格及「唔想頭家散」呢個想法，睇死你無膽反抗，先會變本加厲咁去對付你。你對仔女唔好再俾男家單獨接觸，就算你幾唔鍾意去男家都好，都要為仔女而跟去，睇實對仔女，揸實返你個大權，男家若有說話比你聽，你就攤大條數同佢地計，睇下究竟邊個照顧、負責緊呢頭家及小朋友！樓主唔硬起來，我估不出三年你對子女就會變成你男家嘅翻版，你將會失去佢地。
另外建議樓主買個錄音機，錄低男家對你所作出嘅「言語虐待」，有咗呢d証據，男家要同你爭嬴仔女嘅機會會好微。

私人傳訊

yingying0917

別墅

積分: 645

102^#

發表於 21-6-18 06:36 |只看該作者

boboyeung 發表於 21-6-15 09:30
回覆 yingying0917 的帖子

謝謝你一口氣睇哂, 我既係因為姑仔搬近我地而開始變得好可悲

人生唔應該為左兩個唔值得既人咁樣過
為何要辛苦自己

私人傳訊

boboyeung

男爵府

積分: 5747

Xmas吸收勳章

101^#

發表於 21-6-15 09:30 |只看該作者

回覆 yingying0917 的帖子

謝謝你一口氣睇哂, 我既係因為姑仔搬近我地而開始變得好可悲

我一次又一次期望老公會為我在姑仔面前發聲...但相反, 一次又一次老公是會為姑仔在我面前發聲, 導致姑仔更得戚, 更加不放我在眼內..., 是我笨, 唔應該再旨意個老公會企係我個邊, 一個唔會為老婆發聲既老公..算吧啦

我已經去到一個點....冇左個意欲去挽救婚姻, 我亦接受活在同一屋簷下

若我唔離婚, 我既下半生就只有同姑仔去鬥.....姑仔做初一, 我做十五..

私人傳訊

cathngai

伯爵府

積分: 15317

100^#

發表於 21-6-9 21:50 |只看該作者

本帖最後由 cathngai 於 21-6-9 23:04 編輯

whatsuphk 發表於 21-6-7 06:53
我老婆係媽寶，嫁5出姑仔寶，姨媽寶。我老婆個邊住得我地近，所以經常都要搵我個仔同老婆，電話zoom出街， ...

嘗試同太太講出你嘅感受，你想有一家三口嘅家庭樂。

私人傳訊

yingying0917

別墅

積分: 645

99^#

發表於 21-6-8 23:14 |只看該作者

boboyeung 發表於 21-5-31 14:24
回覆 boboyeung 的帖子

仲有... 我之前同我姑仔有唔妥時, 我同老公呻, 佢根本唔係睇件事, 佢對我講: "先撩 ...

樓主，我一口氣睇哂你既post, 你既婚姻真係好可悲。

既然關係已經去到咁差，冇需要再比面佢。仔女係點教去邊到食飯，做阿媽絕對有權力去控制。我相信你離婚，一定會係一場戰爭，我會勸你將所有事同財務記錄哂去，將來萬一要打官司爭撫養權，都多d 勝數。要比個官知道你有能力比好既生活一對仔女。

分佢身家加比膳養費，等佢講說話咁惡毒。

樓主，你咁樣既屋企環境，你一對仔囡絕對會受影響，性格係一世，你宜家睇落好似冇事，有機會佢地收埋係心入面，到時影響真係會好深遠。加上你姑仔咁，佢對住你一對仔囡係後面落你針，令到仔囡對你有誤會，到時你就後悔莫及。

私人傳訊

whatsuphk

別墅

積分: 577

98^#

發表於 21-6-7 06:53 |只看該作者

boboyeung 發表於 21-4-30 13:36
我同老公拍拖到結婚一直好恩愛, 直至老爺奶奶姑仔搬過黎係隔壁屋苑住後, 就經常同老公嘈, 唔係因為老爺奶奶 ...

我老婆係媽寶，嫁5出姑仔寶，姨媽寶。我老婆個邊住得我地近，所以經常都要搵我個仔同老婆，電話zoom出街，週日family day 都不放過，覺得好煩好干擾。

私人傳訊

Bicanna

男爵府

積分: 7040

97^#

發表於 21-6-6 13:29 |只看該作者

boboyeung 發表於 21-5-31 13:30
回覆 Bicanna 的帖子

"其實你心淡到一個位，C6 講d野傷害吾到你就是你最高境界，嘈冇用，咁就不出聲，軟皮 ...

sorry 用10年時間對付你 Lee 句咩都吾洗講離婚啦。吾好講咩維持頭家完整的家

點評

cathngai

發表於 21-6-6 14:20

私人傳訊

kwhkwh

公爵府

積分: 29561

2026勳章 2025勳章 2025勳章蛇年勳章 2024年龍年勳章牛年勳章

96^#

發表於 21-5-31 14:41 |只看該作者

jm, 你知道自己想點就行了。錢, 要儲, 要cap, 為自己打算, 為母則強

請勿轉載。搬字過紙不是記者的工作，未經同意, 即屬抄襲。

私人傳訊

boboyeung

男爵府

積分: 5747

Xmas吸收勳章

95^#

發表於 21-5-31 14:24 |只看該作者

回覆 boboyeung 的帖子

仲有... 我之前同我姑仔有唔妥時, 我同老公呻, 佢根本唔係睇件事, 佢對我講: "先撩者賤" , <---邊個complaint 先就邊個賤, 呢句說話真係好傷人....
仲有, 老公不大想生第二個, 佢話生左第二個之後, 要我promise 佢" 做死無怨".....

依家老公都會咁remind me 你當初promise " 做死無怨", 我同佢講: 咁不如妹妹以後都唔好去爺爺姑仔到啦, 開心野佢就領哂, 點解衰野要我哽哂?

我老公真係好毒舌, 這些話我真係忘記唔到, 仲要因老公要為佢妹出頭, 而要報復老婆一百倍, 下半生只對付老婆...

試問有幾多女人頂到? 可以聽後唔發火? 發火都唔係因為愛佢, 而係真係嬲....

我真係做唔到咁大方去同佢過下半生, 我都預左我自己一個人, 依家同佢嘈, 想自己儲返個錢傍身, 同男人講感情......算吧啦....我唔係冇努力過, 男人不珍惜老婆, 佢眼中只有佢妹, 佢關心只係佢妹開唔開心, 老婆傷心可以唔理，咁佢下半生攬住佢妹過世啦....

佢話我計較,點解佢唔諗下仔女補習班興趣班校車費都唔肯俾, 我俾足3年, 我先同佢屋企人計, 老公簡直是又盲又聾, 佢只見佢妹既好, 佢完全睇唔到佢妹既問題, 睇到都可以扮睇唔到, 聽到都可以扮聽唔到 (就算奶奶在生時都投訴姑仔唔會尊重人.....)

私人傳訊

boboyeung

男爵府

積分: 5747

Xmas吸收勳章

94^#

發表於 21-5-31 13:44 |只看該作者

回覆 jojo1234 的帖子

離婚已經唔重要

我同佢唔離婚, 只是大家都有利益關係, 老公利用我去照顧小朋友, 而我亦都利用老公在金錢上既support... 這樣的婚姻...真係好可悲...

我真係忘記唔到老公曾經對我說出傷害性既說話....我餵人奶餵得辛苦, 只拋下一句:你自己攞黎, 冇人叫你餵人奶" 老公係完全唔可以SHARE 我既唔開心.反而令我更難受...

我老公底線是唔可以對佢家人差, 但我話老爺奶奶都對我冇意見, 只因佢妹.....我嫁佢一個男人, 而唔係佢家人....可惜, 佢已俾姑仔啦老爺啦洗哂腦

老公簡直是老爺翻版, 老爺當伯爺(老爺大佬)神咁拜, 話佢大佬講野冇錯, 話老婆如衣服.... 依家我老公就學哂老爺, 覺得佢妹講咩都O岩, 冇錯, 老婆如衣服...所以老爺奶奶關係極度惡劣, 我姑丈都頂唔順姑奶, 要離婚, 我姑仔嫁唔出, 依家我老公同我關係都極之惡劣, 我真係想講原生家庭既影響好大, 老公一家都唔識咩叫尊重, 所以我唔會俾我對仔女俾個姑仔洗腦...

私人傳訊

boboyeung

男爵府

積分: 5747

Xmas吸收勳章

93^#

發表於 21-5-31 13:30 |只看該作者

回覆 Bicanna 的帖子

"其實你心淡到一個位，C6 講d野傷害吾到你就是你最高境界，嘈冇用，咁就不出聲，軟皮蛇過軟皮蛇" 呢句真係好用, 可惜我未有咁高道行....

我發脾氣是因為老公說話太過份, 我嬲唔係因為愛佢, 而係自覺對家庭付出多, 但老公仍然可以講出一些傷人說話....

昨晚我再次要求佢俾多D費用in my family, 唔知講到咩..老公就話你對我家人唔好, 我會十倍還返俾你, 仲話佢下半生只對付我一個人...試問你聽左可以唔嬲嗎?

其實我同老爺奶奶冇野, 老公指屋企人咪就係佢妹, 我姑仔, 我同姑仔完全當大家透明, 冇正面鬧過交, 老公竟然為佢妹出頭可以咁對我, 而不會為老婆出頭, 真係忍唔住講:你搵你妹做老婆!!!

一個男人搵既人工是我既雙倍, 但我呢三年付出既家庭開支比我老公還要多, 昨晚佢只答應比我付出既家庭恆常開支多出$5000, 仲話如果要再多, 就自己升職, 唔好問佢拎, 但點解老公可以縱容姑仔呢? 老公又冇要求我姑仔升職, 老公比我姑仔既家用多$8000 左右(姑仔俾$5000左右, 老公俾$13000左右, 但我老公一星期返一次老爺到, 而姑仔是長住老爺), 老公解釋是因為姑仔搵唔多, 老公唔介意俾多D家用去老爺到, 我唔知我是否太計較, 我都要求我同老公俾既家庭支出都是$8000 Difference, 但老公唔肯...

坦白講, 不用等十年, 我已經覺得枕邊人是陌路人, 我地一齊放假, 都不會一齊食早餐(但我地2個都是出去食早餐), 但老公放假會同佢妹食早餐, 其實我同老公生活不知不覺間已經是各自各, 我承認小朋友出生後, 我是一隻牛, 唔似佢妹咁識哄我老公開心, 但老公一次又一次的傷害說話, 已經冇得返轉頭了, 因裂痕已長在....

現在outing 只因小朋友, 或許,小朋友長大後, 我同老公就會離婚 (我相信姑仔等呢日等左好耐), 我不離婚, 唔係因為愛佢, 愛已經在多次傷害中消失了, 因為我為了阿仔, 阿仔喊因為唔想同妹妹分開住....我太鍚我一對仔女, 唔想佢地分開...

私人傳訊

Astra00

水晶宮

積分: 65103

92^#

發表於 21-5-21 14:49 |只看該作者

jojo1234 發表於 21-5-20 00:13
如果你老公係愛你我硬吾信鬥吾過你姑仔，只不過你為左家庭和睦而選擇忍讓，又擔心離婚冇咗個仔，但你諗吓， ...

同意。

私人傳訊

Astra00

水晶宮

積分: 65103

91^#

發表於 21-5-21 14:48 |只看該作者

jojo1234 發表於 21-5-20 09:04
越冇能力越開口埋口一家人，咪想其他兄弟姊妹做佢後盾羅

同意。

私人傳訊

Astra00

水晶宮

積分: 65103

90^#

發表於 21-5-21 14:48 |只看該作者

sumpo 發表於 21-4-30 17:28
你姑仔幾大？
梗有一個呢啲咁嘅姑仔係左近，真係好討厭

同我件毒姑有得揮喎！好彩最終件野有人要，佢有頭家之後先沒時間插手理我屋企。

私人傳訊

jojo1234

侯爵府

積分: 20599

89^#

發表於 21-5-20 09:04 |只看該作者

小晴bbma 發表於 21-5-20 07:09
其實d “毒姑”嫁唔嫁得出都一樣咁煩同乞人憎，開口埋口都“大家一家人……”真係難聽過粗口，如果真係一家 ...

越冇能力越開口埋口一家人，咪想其他兄弟姊妹做佢後盾羅

私人傳訊

小晴bbma

子爵府

積分: 12180

88^#

發表於 21-5-20 07:09 |只看該作者

其實d “毒姑”嫁唔嫁得出都一樣咁煩同乞人憎，開口埋口都“大家一家人……”真係難聽過粗口，如果真係一家就唔會搞咁多小動作啦！

私人傳訊

jojo1234

侯爵府

積分: 20599

87^#

發表於 21-5-20 00:13 |只看該作者

如果你老公係愛你我硬吾信鬥吾過你姑仔，只不過你為左家庭和睦而選擇忍讓，又擔心離婚冇咗個仔，但你諗吓，如果個老公為咗姑仔而同自己老婆離婚，呢啲老公你要來做乜嘢，一個和諧嘅家庭唔係靠一方面去死忍。

你搵錢小過你老公，但你喺屋企付出嘅錢多過你老公，而你老公俾佢細妹啲錢仲多過你個家庭，呢樣真係冇可能可以接受，我覺得你依家首先比仔女嘅洗費繼續比，其他錢一毫子都唔好出，睇你c6點

。

比個限期自己，再冇改善寜願離婚，一個愛個妹仲多過老婆嘅男人唔係你嘅Mr Right.