婆媳關係今日: 1|主題: 27767

收藏本版

發帖

返回列表

跳至頁

查看: 44110 | 回覆: 102

未結婚就已經同99關係破裂

[複製鏈接]

12 3 4 5...6

Tiff_00

洋房

積分: 52

1^#

發表於 21-7-10 10:07 |只看該作者 |正序瀏覽 |打印

本帖最後由 Tiff_00 於 21-7-10 13:10 編輯

未做會員時..係呢度睇好多婆媳關係嘅post..又上網搵過好多資料..
到底婆媳糾紛係咪真係一個解決唔到嘅問題😩

講少少背景
本身自己都係小小康之家長大
未結婚，同男朋友打算明後年結
男朋友爸爸媽媽離婚接近20年
近年各自再婚
但無小朋友
得我男朋友同佢個妹
同男朋友知道佢爸爸要結婚
我哋就同埋妹妹搬左出嚟住
再加上我做補習..好需要自己嘅工作同私人空間
就搬左出嚟住..

近日覺得佢媽媽(99)係trouble maker
上年10月問我男朋友借10萬
我男朋友要創業就借左7萬比佢
然後我就借左3萬..
佢無返工..咁就當然..影都無..
3萬話多唔係多少又唔係少
佢真係一句唔該都冇講過.
唔緊要嘅我係後輩可能係應份嘅..

因為男朋友創業無穩定收入
我好努力返工我自僱一個星期返7日工
所以上個月考試我就不停上堂
諗住多啲養家. 萬一無錢

我可以返自己屋企但佢同佢妹妹真係無地方住

然後.. 年初我自己細佬結婚..
媽咪買咗條細細條鑽石頸鏈比我..
點知阿99 妙咀妙舌..
仲大聲講話你媽買呢啲粗帶咋喎.
我當堂無言.. 我借比你3萬又唔見你出聲？
當然.. 我忍..

明明間屋企係我哋租嘅
99 bossy嘅程度係
上至客廳下至浴室塊玻璃廚房嘅碗碟
都要用佢嗰啲..
唔緊要.. 儘管我已經開始覺得係我寄人籬下緊..

99每個禮拜上嚟煮飯煮3次每晚12:30先走
沖埋涼我都2點先訓第二日8點起身
加上上次佢話我媽之後..我就每次佢上尼煮飯
我就返自己屋企訓我住九龍
因為方便我男朋友同佢阿妹返工租屋就係新界
等佢走都已經無車坐.

99每次上嚟話上嚟就上嚟
我就每日揹住個電腦同啲卷因為唔知佢幾時嚟
結果頂唔順變左腰痛
我就wtsapp99
可唔可以早一日話我知你第二日上嚟呀
結果佢話唔可以
我嗰下真係…自此我無再覆佢啲錄音..
到底呢度係邊個屋企..
我只係想辛苦返工放工返尼有私人空間
可以早啲瞓第二日精神啲返工搵錢.. 點解咁難
我不如搬返自己屋企啦..

上個禮拜我男朋友爸爸個老婆(姨姨)嗌離婚..
原因係..99原來成日都打去我男朋友爸爸度借錢
一借又10萬，又9萬，然後就拎我男朋友做借口..
借就次次都有借.. 本身唔係有錢要問銀行借比佢
搞到姨姨激到差啲爆血管..

每次同男朋友講佢都話我唔尊重99
我真係唔知我邊度唔尊重佢
佢妹妹性格又係好自私..
每日起身都會搵個衣架敲度門
有時好難得返晏瞓多陣..佢都會大聲聽歌
叫姨媽姑姐朋友親戚上尼開賭局無通知過我哋
每日都洗衫我就要wtsapp問佢可唔可以洗衫
屋企好通風佢食煙飲酒 99炸嘢就關曬啲窗
晾曬啲衫焗到間屋又油又煙能見度係好浪漫嗰隻
食完飯d骨放係度等我執做家務就抹個表面
有蟲就淨係識大嗌過時過節就叫長輩買雪糕月餅等等比佢.. 但芳齡就近30..

每次同我男朋友傾佢都係得一個答案
我媽係咁我妹係咁
仲要話係我逼佢地用我生活嗰套
話佢妹比我擺書係廳已經要感恩

我有時都會覺得可能我都有問題..
我會唔會真係逼佢哋用自己生活方式？
但我又會覺得我過到尼住你哋3個我1個
生活環境唔同當然會有唔一樣
我真係融入唔到.. 定係我真係寄人籬下緊
我應該點做

多謝你睇到呢度