懷孕前後 今日: 0 | 主題: 330671

積分: 142

1^#

發表於 22-2-13 12:04 |只看該作者 |正序瀏覽 |打印

我高0，我老公想要小朋友，我地做ivf好不容易先中左。

而家11周，我由7周開始成個人都好唔舒服，作嘔得好緊要，好多野都食唔到，長期肚餓，但一食就作嘔，後來連飲清水都想嘔，個口食咩都淡到一個頂點。

未中之前，屋企大部份家務都係我做，雖然唔算勤力做，但洗衫拖地吸塵執都係我，老公做洗廁所。

但我係唔鐘意煮飯，一直都唔煮個種，老公識煮飯，有時佢會煮，但近年夜晚個餐都係返佢媽個到食多（住得好近的）

0 0 0

私人傳訊

jjff619

別墅

積分: 708

29^#

發表於 22-2-14 19:50 |只看該作者

覆診時你地有冇一齊見醫生？佢未代入到個轉變嘅模式，而女人就好快面對個轉變，你哋步伐未一致而已，如果咁樣傷咗原本有嘅好感情就太傻了。妳帶埋佢下次覆診一齊，就算唔入得去見醫生都陪妳去，等佢開始感受到新家庭嘅感覺，同有做爸爸嘅感覺。聽妳描述佢應該係一個好有諗法嘅人嚟嘅，妳試下每樣嘢都從問佢意見入手，佢應該好樂意表達自己，你哋又可以多咗心聲交流，有機會講出妳嘅難處。例如唔洗碗住先都問下，表達妳嘅抱歉同辛苦，同期望佢嘅體諒，可以發揮男人嘅體貼嘅話，只要俾到個好嘅切入點，男人都樂意的。俾佢唔洗發現有碗先望到妳無聲無息躺下休息，其實可能佢突然覺得好寂寞，另一半突然行動力變零亦有擔心是一定的。
對佢嚟講，呢段時間，佢冇咗嘅係妳平日嘅温柔，陪伴，一起生活時的點滴樂趣。只要妳明白，就知道佢可能唔係表現出來嘅小氣，而係有原因有心事。
你哋一定可以開心渡過，做好爸爸好媽媽的。

私人傳訊

ruby0322

別墅

積分: 844

28^#

發表於 22-2-14 13:35 |只看該作者

其實佢應該體諒下你，初期既孕吐真係好辛苦，由其係想嘔又嘔唔出咁樣真係最慘，所以我好明你，我個陣又係咩都唔想食，但淨係鐘意食辣野同酸野，希望你同你老公傾下佢會明白多D

私人傳訊

maylee630

積分: 399

27^#

發表於 22-2-14 09:14 |只看該作者

回覆樓主:

你老公同我個件好似,成日話其他大肚婆都係咁會唔舒服,又話覺得唔舒服先叫正常,叫我so be it and suck it up! 聽完實會唔高興,不過唔理會佢咁多,下次唔想食想嘔反胃肚餓肚痛,我照發牢騷,以自己感受行先,想食就食,可以做家務就做。我同你一樣高0 IVF岩岩11週,6週時試過迫自己洗下碗,結果洗完就大出血,系湧出黎果種過哂底面褲同防漏尿個種護墊,到急症後三個半鐘又流左兩個night pads。個次之後,我老公怕啦,無再話我唔做野,改用洗碗機。不過依然唔太體諒我食唔到野,所以頭一兩次見醫生一定拉埋佢去,佢去唔都要佢facetime出席,當醫生同我傾早孕反應,醫生講0既佢至少無得同我拗。加油，對自己好D,一切會好的

私人傳訊

蘋果姐姐^_^

珍珠宮

積分: 34148

26^#

發表於 22-2-14 07:53 |只看該作者

cephoebe 發表於 22-2-14 01:16
我同你情況真係好似！！醫生話我食緊黃體銅藥係有影響，會嘔得勁d。我衰到出前一丁都食唔到，呢排食太少野 ...

真係好難得，祝你一切順利

私人傳訊

蘋果姐姐^_^

珍珠宮

積分: 34148

25^#

發表於 22-2-14 07:52 |只看該作者

鄧你難過，懷孕初期真係好難受。唔嘔唔代表唔辛苦，胃頂果種感覺唔會比嘔吐好好多。但部分男人唔明，因為佢無經歷過，係佢立場，佢覺得煮飯俾你食，做家務，佢都付出好多，但佢唔明你究竟攰係邊度。
大家心情好既時候，不妨同佢講下你感受，具體d盡量用佢都經歷過既感受去講。如果wfh，盡量坐得耐果陣，企起身，洗洗碗郁動下，有時我覺得洗碗都減壓。

私人傳訊

cpycpyhelen

男爵府

積分: 7103

24^#

發表於 22-2-14 05:45 |只看該作者

cephoebe 發表於 22-2-13 12:20
第二樣，就係佢煮俾我食，我好多謝佢。但我作嘔得好厲害，根本每次食唔多，佢就不斷話我煮完又唔食。我解 ...

唔好理佢，佢唔會理解到你
因為第一胎佢都冇咩經驗，
盡量控制下個情緒，你甘樣會影響個胎架

私人傳訊

積分: 142

23^#

發表於 22-2-14 01:16 |只看該作者

tracysex0123 發表於 22-2-13 15:50
我同妳一樣係高0 (4x)，早幾年小產左，上年開始做 IVF，採卵前又打針又食藥又抽血，到抽完卵先睇返個肚皮已 ...

我同你情況真係好似！！醫生話我食緊黃體銅藥係有影響，會嘔得勁d。我衰到出前一丁都食唔到，呢排食太少野，真係好無精神，胃氣多到一個頂點。

我早幾日抽左血驗T21，黎緊兩日應該知結果，心情又期待又緊張。

其實我放完胎14日驗左兩次係陰性，以為唔中，過多兩日仲黎埋m，血量勁多，到經後去檢查打算再放，點知陰超見到原來有著床成功，我同老公個刻係呆左，完全消化唔到，醫生話我之前驗係假陰性。到4至6周都仲長期留啡，擔心到死，不過每次檢查都見到bb有長大緊，先安心一點。其實今次係一波九萬幾節先中到，我都好想好好保護到佢。

祝你好孕！一切平安順利！

私人傳訊

鼠女神

積分: 2356

22^#

發表於 22-2-14 00:59 |只看該作者

未陀BB之前我同老公嘅家務分配同你差唔多，分別在於有時煮飯嗰個都係我。我冇你咁慘去到嘔，但我而家去到23週都仲係好多胃氣胃口唔好，試過買個海南雞飯食咗幾啖已經完全唔想食，但係食pizza就無論胃口幾差都食得哂，所以我明白你嘅困難。而家我都係繼續負責大部分家務，但好在懶啲唔做咁密我老公唔會出聲，間中我都搵下鐘點幫下手。
老公唔明白唔體諒你呢個好難搞⋯⋯ 你老公係咪啲專業人士只明白自己嗰範？佢咁想要BB，叫佢上網或者睇書了解下和諧家庭對BB有幾重要，唔好成日激你啦。

私人傳訊

shelliemay519

積分: 1847

21^#

發表於 22-2-13 23:17 |只看該作者

cephoebe 發表於 22-2-13 12:04
我高0，我老公想要小朋友，我地做ivf好不容易先中左。

而家11周，我由7周開始成個人都好唔舒服，作嘔得好 ...

本帖最後由 shelliemay519 於 22-2-13 23:18 編輯

有時都唔會完全明白另一半，你老公煮飯俾你食，怕你出去食嘢唔健康，都有關心你嘅，只係講嘢比較直腸直肚。ivf 過程非常辛苦辛酸,好難得先有BB, 記住你要好好管理情緒，如果唔係會影響BB，咁就得不償失。點都好，積極樂觀，保重身體！

私人傳訊

Csmcsm

積分: 1078

20^#

發表於 22-2-13 22:55 |只看該作者

cephoebe 發表於 22-2-13 12:04
我高0，我老公想要小朋友，我地做ivf好不容易先中左。

而家11周，我由7周開始成個人都好唔舒服，作嘔得好 ...

你老公真係好小家，做多d都計較

你襯大肚反佢枱，食唔到唔食好正常，連普通同理心都無去指責你都有

你試下唔好係廁所嘔，係廳嘔，嘔完叫佢執，睇佢仲會唔會請你唔食

私人傳訊

crazycrazy

男爵府

積分: 6286

19^#

發表於 22-2-13 20:10 |只看該作者

cephoebe 發表於 22-2-13 12:20
第二樣，就係佢煮俾我食，我好多謝佢。但我作嘔得好厲害，根本每次食唔多，佢就不斷話我煮完又唔食。我解 ...

我明白你，我老公之前又係煮野俾我，又帶我食好野，我唔係食唔到就係食完嘔哂出黎。跟住佢帶我食麥記就無事，佢開頭都接受唔到，但佢見我嘔左幾次就明白食唔到就食唔到，不如由我食麥記，至少有d 野落肚。

私人傳訊

mcs74

珍珠宮

積分: 34230

18^#

發表於 22-2-13 20:02 |只看該作者

你老公真係無同理心又計較

同佢講，如果可以真係希望佢負責懷孕!其實宜家懷孕真係好辛苦，兩個都多左壓力，所以要分擔的，唔可以一路keep住以前果種生活。遲d換片洗唔洗計住一人換左幾多塊呀？不過老公係自己ge，呢種情況都無辦法，唯有多d教佢灌輸佢思想。好男人都係調教出黎ge

私人傳訊

uckukuku

男爵府

積分: 9071

17^#

發表於 22-2-13 17:22 |只看該作者

佢已經唔諒解，用自己角度點呻都無用，好似口同鼻拗咁
我試過搵講懷孕反應的文章俾佢睇，好似由第三者去講孕婦係會有呢啲嗰啲唔舒服，佢比較了解呢個係FACT，而唔係我紙紥、借啲易偷懶
或者試下搵啲 youtube 片，手機睇但開到大大聲俾佢聽
或者下次睇醫生，對住醫生呻，話我真係好攰呀攰到唔想郁，「係咪有咗就會咁架應該點算呀」，「聞到個味都想嘔呀正唔正常呀？係咪好多人有咗都係咁架？」明知啲答案會係ｙｅｓ，借醫生把口講佢知

私人傳訊

積分: 142

16^#

發表於 22-2-13 16:46 |只看該作者

HK2GOU 發表於 22-2-13 12:29
真係經歷過先知有幾辛苦，你自己出去食啦。我老公初時都有話唔見其他女人咁辛苦，我即刻話，頭幾個月怕小氣 ...

我直頭想自己搬走，我自己攪掂我自己。可能呢段時間大家互相都適應緊，但成日磨擦真係令我好攰。

私人傳訊

積分: 142

15^#

發表於 22-2-13 16:39 |只看該作者

jeannietsui 發表於 22-2-13 12:26
你先放鬆啲先
你地一心想有bb而家如願以償係一件好開心嘅事
你老公唔明白你

我真係覺得唔明，點講都唔明，佢覺得我唔「努力」做任何野，唔「努力」食野，唔「努力」食得健康d，唔「努力」令自己唔好脾氣。

我都唔知自己到底要努力d咩，我係同事眼中係好勤力嘅一個人，係佢眼中就係懶到出汁。

私人傳訊

積分: 142

14^#

發表於 22-2-13 16:34 |只看該作者

Chloe199401 發表於 22-2-13 12:23
回覆 cephoebe 的帖子

好明白你，我岩岩有左既時候。一日嘔兩次，連飲水都想嘔。

多謝你，呢排疫情咁勁，我都係屋企好多日，每日得半個鐘會落去空曠地方行下，雖然wfh係自由d，但都好野要處理，可以休息嘅時間唔多。

成個人都好似好多煩惱咁，我老公成日叫我睇開d，做野係咁, 總係我好攰好煩個時不斷balabala....

其實我老公唔係唔好嘅，或者呢段時間我同佢都要適應。

私人傳訊

Yin807