懷孕前後今日: 0|主題: 330461

收藏本版

發帖

返回列表

跳至頁

查看: 9040 | 回覆: 3

疫情下瑪嘉烈生產記 [複製鏈接]

carmenalice

複式洋房

積分: 180

1^#

發表於 22-3-7 15:00 |只看該作者 |正序瀏覽 |打印

好想開post分享下呢5日4夜嘅經歷，亦都好想同疫情下準備入公立醫院分娩嘅媽媽打打氣，更加好想多謝一班PMH婦產科嘅醫護人員。
40w4嘅早上返健康院覆診，由於bb過期居留，我感覺胎動少咗，加上我bp有啲高、腳腫、體重跌咗，一籃子因素下醫生即刻transit我上PMH產房檢查。疫情之下原本嘅C1收症改咗A3，呢個亦都係一個由病房改成嘅臨時產房，原本嘅產房聞說用咗黎收covid case。

大終1pm我上到A3門口，姑娘經對講機問過資料、求診原因同身體狀況就叫我拎埋行李一個人入黎，安排床位駁機聽bb心跳，同時間即刻有護士full gear過黎同我做RAT+留口水sent去做PCR，確認冇問題而喺PCR -ve result出之前我會一直留喺產房，同格有兩個媽媽準備生bb，雖然大家用簾分格，但我都全程參與佢哋嘅分娩過程，對我來講係一個Rehearsal。

一路等會聽到姑娘，助產士嘆好辛苦，因為好多同事中咗/close contact 返唔到工，產房setting 轉咗佢哋要重新適應，好多設備/物資都唔齊甚至冇（包括笑氣）。等到夜晚8點，因為臨時收咗好多case準備分娩，我要讓返張床出嚟，嗰下好徬徨無助，我問咗姑娘一句「唔知幾有result呢」，可能佢覺得好offensive語氣唔太好回咗句「全間醫院咁多人做，我哋自己Staff嗰啲都未出呀」就走咗。（係難受嘅）之後我唯有乖乖等，唔再出聲。
期間有個小插曲，大約半夜A3門鐘響要收症，姑娘用對講機問痛人資料同情況，問到個孕婦有燒，自己做咗RAT+ve，但冇見紅穿水作動，俾A&E 喺冇通知嘅情況下send上黎，嗰下成個產房姑娘好嬲，即刻call返落去叫佢哋接返個PT，然後收症嘅sister大嗌咗句「全部同事即刻同我上返個N95，宜家打緊仗呀」，嗰下你會明白佢哋承受緊幾大壓力。

等到半夜2:30，終於有姑娘嚟同我講陣間會送過C1產前病房，聽朝會有醫生過嚟同我檢查宮頸。好開心我終於可以去瞓覺。

病房床位都幾full，第2朝7:00病房開大燈，派早餐，八點醫生巡房，佢見我橫掂足月，血壓又有啲高，不如催生啦。中午塞藥軟化宮頸，下就沖左個涼，徬晚食完晚餐就開始痛，姑娘話係好事，即係粒藥有反應，有機會聽朝可以吊藥催生。

第二朝8點，冇再痛，醫生探過宮頸夠軟薄可以上A3產房吊藥催生。（好開心，唔洗塞多日藥）。去到產房，醫生先幫我人手穿水，之後種豆落催生藥。又聽到姑娘佢哋分享好辛苦，咩都冇，好多setting唔同晒，冇笑氣，冇瑜珈波etc. 佢地都要重新適應。儘管辛苦，但佢哋都好正面安撫同鼓勵陣痛到癲嘅媽媽，同我哋講「能夠俾嘅我哋都會盡量安排，我哋一齊加油」「你已經做得好好，嗱宜家我較你點樣再好啲，你要信我」，嗰份同行感覺，真係好感動。

結果我就喺冇陪產，冇探病，冇笑氣嘅情況下頭尾用咗12個鐘催生順產。好想多謝一班產房助產士，產前產後房嘅姑娘，母乳姑娘，多謝你哋嘅專業精神，冇你哋，我諗我冇咁大勇氣。