夫婦情感 今日: 0 | 主題: 42805

積分: 86

1^#

發表於 22-4-17 17:13 |只看該作者 |正序瀏覽 |打印

本帖最後由 Cycletime 於 22-4-17 17:50 編輯

超長文

我同老公結婚3年到，拍左5年幾拖，佢大我9年，佢一直係返shift 而我係office工。近排我對呢段婚姻愈黎愈冇信心，有時甚至會好灰咁覺得總有日會離婚，想問下大家有冇曾經/而家有呢種感覺？

我自己覺得係有以下既因素或者心事令我咁負面，唔知大家有冇經歷過，最後點樣解決，或者令自己睇開啲？

我同老公性需求不一致
由結婚到而家，我都係比較主動話想要果個，或者有時咸濕下佢，令佢話想要。我地為此曾經冷戰過，同佢傾過，佢了解我對性既諗法，而家其實都改善左。我為左令佢有多啲新鮮感，都買左啲性感睡衣上場，佢都受落，但始終冇我預想中更加主動話想要咩咩。由結婚直到而家，我都仲未真正第一次，我地有試既，不過暫時未成功，大家生理上正常，我唔想俾壓力佢，但有時諗諗下自己真係會好唔開心。早期我會因為佢既唔主動而嬲佢，但係而家，我唔知係我心灰意冷，定睇開左，當我真係好想要時，我會自己靜靜雞搞掂。我唔想搞到自己好似好淫咁，定其實我呢種諗法係有問題呢？係唔係因為我有條刺係個心度？

同老公難有交集既時間
因為大家工作既時間唔同，所以我地其實每日得好少時間見面。以前拍拖時佢都係返shift，但果時我適應到。結婚後，好多時星期六日同公眾假期，佢都要返工，我有時都會覺得寂寞，好似嫁左等於冇嫁咁。。。亦因為咁我地連咩咩既時間都少。。。當我地一齊放假時，佢會鍾意一齊出街或者做家事，咁樣唔係唔好，但係有時我都想可以係屋企咩都唔做，淨係大家係床sweet一下。當佢返工時，我會自己打發下時間，或者揾下frd，更多時我會返去自己原生屋企，返去做下女，同屋企人傾下計，又唔使避忌，講咩都得（我同屋企人關係好好）。呢排，我強烈地覺得做女好過而家，屋企人係會care我所有野，包括我既身體狀況、我既工作狀況。。。我對住老公反而會比較少野講，佢都好少問。。。

老公講明生小朋友生活壓力較大，即使不生，二人世界也可幸福
近期我有同佢傾過生育問題，佢就話生bb責任好大，要使好多錢。言談間，佢講到如果真係生，會想我繼續出黎做野，將bb交俾工人或者我媽媽湊。佢無提及過自己都會落手湊，或者會專登調更為左多啲family time。。。聽到佢咁講，我即刻對生bb冇哂幻想（之前曾經為生唔生苦惱過），對有小朋友既生活冇哂幻想。。。其實我地既財政情況容許我做full time mum，佢實際地睇錢冇錯，只不過係情感上打擊左我，會令我覺得佢一啲都唔重視我地既愛情結晶品，而佢亦都唔渴望有。係呢件事上，我突然對老公有啲陌生，原來佢冇渴望過成為一個爸爸既角色。我覺得呢段婚姻好冇安全感，就好似如果一方想退出既話，就可以了無牽掛咁走，完全冇手尾跟，然後我就諗：咁我地呢段婚姻既意義係咩？

有時不禁諗起離婚二字，覺得好似好遠又好似好近
呢排我開始為自己諗多少少，例如要更加努力揾份高人工啲既工，為左日後至少可自行support自己、然後又諗要再進修、要再扮靚自己，更加有諗過不如而家就去外國進修。。。以上呢啲野我諗有啲係一時意氣，而且亦都應該係為左自己做，唔係為離婚後既生活做。。。但係我諗我就係入左條死巷，行唔返出黎。。。

生左小朋友既你地/打算唔生既你地，婚姻對你地既意義係咩呢？係日子都係咁過？忍忍下妥協下就一世？定係你地發現左婚姻裡面一啲無可取替既野呢？多謝你地睇到呢度

0 0 0

私人傳訊

kaman06

男爵府

積分: 7271

25^#

發表於 22-4-19 16:02 |只看該作者

Cycletime 發表於 22-4-19 10:07
多謝咁多位既留言，當中有啲留言我都好同意，同埋有新既領悟，感謝！

以前做女果時的確係最自在，但係結左 ...

恭喜你地有溝通，不過都係漫漫長路的開始。至於溝通有問題，大家有心去講，但唔知方向，真係可以揾婚輔/社工，佢地都有d 方法幫助你地，我身邊有朋友都揾過，都有幫助的

私人傳訊

積分: 86

24^#

發表於 22-4-19 10:07 |只看該作者

本帖最後由 Cycletime 於 22-4-19 10:18 編輯

多謝咁多位既留言，當中有啲留言我都好同意，同埋有新既領悟，感謝！

以前做女果時的確係最自在，但係結左婚就真係要望未來，學識同老公相處，諗野要諗兩個人。

我同佢尋日有傾過性既問題，大家係溝通既過程中發現看似係性既問題其實由好多細問題慢慢形成。而我亦都係第一次聽到佢心碎咁問我，我係咪已經冇以前咁愛佢。。。我聽到佢既諗法之後都覺得自己有啲位真係忽略左佢既付出，或者冇以前對佢咁温柔。。。

我地尋日既溝通一啲都唔温柔，不過亦冇大吵大鬧，但係講既野其實都係互相傷害緊，我諗我地之後要更加聰明咁嗌交，更加好咁溝通。。。而呢樣野我到而家仲參透緊，例如：究竟點樣先可以係表達自己需求/不滿/負面情緒既時候，令對方覺得我唔係blame緊佢呢？

有時我表達唔開心，坦白感受時，佢會好敏感，覺得我質疑佢既付出，然後會好嬲，或者突然冷言冷語。尤其講關於性呢樣野，我地每次傾佢都唔會有好下場，所以我而家有啲驚，同埋對於佢既話題都好不安。。。。（揾性治療師會係我其中一個最後既方案）。

私人傳訊

ss921

別墅

積分: 567

23^#

發表於 22-4-19 00:26 |只看該作者

我都有同樣問題.....唉...

私人傳訊

PTMCYS

積分: 18287

馬年勳章

22^#

發表於 22-4-18 12:56 |只看該作者

Cycletime 發表於 22-4-17 18:38
回覆肥肥寶的帖子

見佢都唔想生咁既款。。。我覺得我都開始心淡。。。haha我會再等下佢既，因為呢排我地 ...

你又話佢身體正常, 即係勃得起, 可以唔帶套都入唔到? 除非你好乾, 但都無理由, 如果嚴重都有潤滑劑, 聽你講唔係女方問題.

唔通要掃住背話乖仔咁

, 以男人角到正正常常臨入即縮, 除非面對的係捕野獸器或碎肉機o者, 一入即渣都無.

私人傳訊

PTMCYS

積分: 18287

馬年勳章

21^#

發表於 22-4-18 12:42 |只看該作者

Cycletime 發表於 22-4-17 18:20
回覆 kwhkwh 的帖子

呢點係我堅持既，係我想婚後先有真正第一次呢個行為，而佢一直都好尊重我，我地拍拖時 ...

你老公以前拍過拖未? 仲係青頭仔嗎? 但係青頭仔都會識做, 只不過會論盡D 咁解.

我懷疑你老公可能是同性戀或無性戀者

, 男人應該在適當的時候, 要表現出對女性的渴望和慾望, 叫激情, 雙方會感到更高層次的溝通,了解和享受. 如對女性/愛的人無慾望, 同性戀或無性戀的機會是有的.

私人傳訊

秋天與楓葉

珍珠宮

積分: 32599

20^#

發表於 22-4-18 12:27 |只看該作者

回覆樓主：

本帖最後由秋天與楓葉於 22-4-18 12:28 編輯

性問題要搵性治療師
雙方有性行為，即男方有性需要，但未能進入女方身體，要專業人士搵出原因
唔好再拖，已經拖咗3年

生育理念唔一致係大問題，依加先話突然覺得老公好陌生，奇怪婚前雙方無了解過對方生育理念？你哋之間溝通亦出現好大問題

至於婚後發現做女好過，因自己父母永遠無限包容同遷就、處處為你着想、得到家人無微不至嘅照顧
做女係舒服自在

伴侶相處無得要求對方無限包容同遷就
做人老婆多咗責任，要照顧老公，相處時遇到問題要解決，解決唔到要學識妥協，雙方慢慢磨合
正正因為人要成長，婚後唔應該有做女嘅心態，否則總會埋怨婚姻生活強差人意
心態好重要

私人傳訊

CCHINGC

子爵府

積分: 12137

19^#

發表於 22-4-18 11:54 |只看該作者

性生活唔協調，長時間自己試唔成功，建議搵性治療師幫忙，搵下生理、心理有咩地方出左錯誤，可以有人指點一下就會有好轉，另外，心靈上溝通呢？

我自己就好喜歡同另一半分享睇法、心事，我老公同其他人好少講咁多野，有時仲有少少口吃問題，唯獨對我多野講、說話仲好流利，溝通真係好重要，有時不坊用幽默手法同佢講你嘅憂慮

至於返工時間唔夾，我覺得前兩個問題唔解決，呢個問題就算解決左，幫助都唔大，反而加劇離婚念頭，生小朋友就更加唔使諗住，小朋友成長係考驗夫婦婚姻，大家一定要唔計較，共同付出才可以渡過難關

私人傳訊

kaman06

男爵府

積分: 7271

18^#

發表於 22-4-18 06:22 |只看該作者

Cycletime 發表於 22-4-17 18:38
回覆肥肥寶的帖子

見佢都唔想生咁既款。。。我覺得我都開始心淡。。。haha我會再等下佢既，因為呢排我地 ...

睇完你的文，我覺得係大家溝通有問題，性只係溝通方法一種，如果性有問題，就應該直接溝通，可能華人一般唔會開口講，太好多人會監介，又怕傷害佢，事實係大家只會越走越遠，你同你先生生唔生已經存在好大問題，我覺得你地要好好傾一下，你可以先私人找社工傾下，有需要找婚輔

另外，你開始為自己打算，我唔可以話唔啱，但你要諗你已經結婚，唔係一個人，係諗你地，唔係你一個人。身邊見太多開始打算就預備離婚，只係timing 未到，只要有機會讀書，遇啱的人就會出軌，希望你諗清楚

私人傳訊

owla

子爵府

積分: 10143

17^#

發表於 22-4-18 01:02 |只看該作者

你地拍拖既時候冇討論過生小朋友既問題?
點解好似去到而家先突然發現大家對生小朋友冇共識?

你話你會做主動, 又可以引到佢話想要,
性感睡衣佢又受落, 咁唔成功既原因係咩?

私人傳訊

Happy1209

大宅

積分: 3913

16^#

發表於 22-4-18 00:12 |只看該作者

你地8年已經性生活唔協調，如果一直唔改善，你會好辛苦，趁無小朋友狠心啲喇，你睇隔離板就知，幾多為個小朋友唔離婚，但兩個人性關係又有問題，死局

And if you give me what I want， Then I'll give you what you like

私人傳訊

alicewong18

積分: 19934

15^#

發表於 22-4-17 23:00 |只看該作者

其實未完成第一次即係咩意思，未進入你體內射呢個動作？

私人傳訊

cathngai

積分: 15317

14^#

發表於 22-4-17 20:55 |只看該作者

本帖最後由 cathngai 於 22-4-17 20:56 編輯

Cycletime 發表於 22-4-17 18:32
回覆 crystal媽咪的帖子

佢暫時仲係鍾意呢份工，短期內應該唔會轉，不過佢可以調個早啲既更，例如返8：00 ...

佢長期返夜，少見太陽，呢個都係會影響生理，嘗試放幾日假同佢慢活渡假，去下沙灘游下水，吸收陽光會有幫助。
我贊成crystal媽咪嘅意見，你哋仲未磨合到，未解決到問題，唔好諗生B住。

私人傳訊

kwhkwh

珍珠宮

積分: 30598

2026勳章 2025勳章蛇年勳章 2024年龍年勳章牛年勳章

13^#

發表於 22-4-17 19:04 |只看該作者

你同佢9年, 又大你9年, 你是佢初戀嗎? :donutwonder:
照計男應該已有經驗才是...

請勿轉載。搬字過紙不是記者的工作，未經同意, 即屬抄襲。

私人傳訊

積分: 86

12^#

發表於 22-4-17 18:38 |只看該作者

回覆肥肥寶的帖子

見佢都唔想生咁既款。。。我覺得我都開始心淡。。。haha我會再等下佢既，因為呢排我地都有啲進度，只係仲未得。。。我冇諗過咁難架其實，不過男人又有自尊心，所以當嘗試失敗後我都會安慰佢，我地會傾下次點樣會做得更好。。。只不過，佢唔夠主動我真係冇辦法。。。

私人傳訊

積分: 86

11^#

發表於 22-4-17 18:32 |只看該作者

回覆 crystal媽咪的帖子

佢暫時仲係鍾意呢份工，短期內應該唔會轉，不過佢可以調個早啲既更，例如返8：00 放 4：00咁，不過佢返開夜，要佢轉佢一定好辛苦，除非我逼佢，但咁樣大家都冇癮。。。我其實都處於好矛盾狀態，老公返工返得舒服啲同陪我多啲之間，心態上我仲未balance到架

私人傳訊

cupid0627

侯爵府

積分: 21261

馬年勳章 2025勳章蛇年勳章

10^#

發表於 22-4-17 18:28 |只看該作者

先睇性治療師
性是婚姻重要一環
多年沒性生活，你們關係已經變為親人了
所以，你開始有離婚的念頭

私人傳訊

積分: 86

9^#

發表於 22-4-17 18:27 |只看該作者

回覆 aryemyem 的帖子

我覺得係老公既原生家庭影響得佢太深，佢父母婚姻不順但冇離婚，佢自細就冇乜家庭温暖，所以可能真係唔太識去用言語表達愛同表達自己，不過佢好理人感受既，如果我唔開心佢一定會問我感受。。。而big day果日我見到佢同啲frd友誼亦好好，只係對於婚姻我同佢都係新手，仲未揾到相同既步伐。。。

私人傳訊

肥肥寶

積分: 19173

8^#

發表於 22-4-17 18:26 |只看該作者

回覆樓主:

你連第一次都未得仲講生仔？試下去見治療師

私人傳訊