＋
Baby Kingdom - 親子王國 香港 討論區 › 首頁 › 少年成長› 觀賽

少年成長

收藏本版
發帖
返回列表
跳至頁
觀賽 [複製鏈接]

首頁
1

尾頁
   0
csir3290


子爵府

積分: 12776


1#
發表於 22-10-30 10:29 |只看該作者
上星期講開運動，咁啱呢個禮拜趁有時間就同阿仔阿女去咗泳池游水，因為係平日所以冇咁多人。但係去到點知咁啱又撞到原來有學界游泳比賽，冇得游主池，諗住都嚟到所以點都入去游下啦！本來都冇乜特別，但點知喺度玩下玩下就成日聽到泳池喺度開咪嗌，開頭都冇乜留意，因為主要都係宣佈下啲游泳比賽成績，但當中成日都聽到個主持人喺度嗌咪提醒啲家長話因為疫情一早已經通知曬學校學界比賽係閉門進行，請看台上面啲家長要離開。咁阿仔就即刻講話佢學校學界比賽之前都有提醒啲同學唔好請啲家長去比賽場地，因為今年所有學界比賽都係閉門進行。咁我哋就明曬即係話有啲家長唔守規矩自己走咗入看台，所以先搞到個主持人要成日開咪提醒家長要離開，但係好明顯好多家長唔守規矩先至要重複咁多次。我哋臨走仲見到應該有個家長喺泳池嘅通道同緊比賽嗰啲工作人員喺度爭拗，又係嗰句點解咁多家長走咗入去點解唔畀佢入咁上下啦。我哋都冇留心聽跟住就走咗喇。


我明白家長好緊張自己仔女嘅比賽，尤其是嗰啲培養咗仔女好耐覺得佢比賽可以攞獎嘅家長。緊張仔女比賽當然冇問題啦亦都好啱添，但係既然人哋規則都講明今年嘅學界比賽因為疫情所以閉門進行，即係不設觀眾啦，咁做家長係咪應該要明白同體諒呢！但係做家長嘅竟然喺學界比賽公然違反人哋嘅規矩仲要覺得自己大條道理，咁又係嗰句啦！究竟教緊自己嘅細路仔啲乜嘢呢？其實要個主持不停開咪咁宣佈提醒啲家長要離開，都應該已經覺得好醜怪，如果仲要理直氣壯唔走或者同人爭拗，咁究竟又係乜嘢心態呢？最好笑係其實細路仔參加比賽正正就係要教佢哋守規矩同公平競爭，但係佢哋嘅家長就喺佢哋面前唔守規矩，講真作為一個中學生嘅學界比賽如果我係仔女可能連自己都會覺得有啲醜！你緊張自己仔女嘅成績，但係偏偏就令到自己仔女出醜仲要喺仔女面前做一個壞榜樣咁係咪得不償失呢！


又係嗰句好多父母都係雙重標準，總之就以自己仔女為中心，比賽期間就睇到實人哋有冇犯規，有冇影響自己仔女比賽。但係當啲規矩影響到自己嘅仔女或者影響到自己，咁就乜嘢規矩都可以唔理！咁樣嘅做法當細路仔長大嘅時候一係就會學咗父母以自己為中心嘅做法，一係就因為父母嘅做法搞到自己仔女都覺得越嚟越醜怪而唔想同父母一齊！總之做家長嘅就唔好再攞仔女嚟做藉口去破壞規矩，仲要理直氣壯啦！
私人傳訊

maymay220hk


水晶宮

積分: 51900

馬年勳章 2024年龍年勳章 好媽媽勳章 醒目開學勳章 畀面勳章


4#
發表於 22-11-12 09:55 |只看該作者
csir3290 發表於 22-10-30 10:29
上星期講開運動，咁啱呢個禮拜趁有時間就同阿仔阿女去咗泳池游水，因為係平日所以冇咁多人。但係去到點知咁 ...

今年游泳學界D1至D3入場人士丶系攜票才可進場、亦系認票不認人丶所以應該系問家長從何得票進埸、入場票系直接發放於學校丶才到泳員手上丶家長票又說從何得來？
私人傳訊

Poyau


寶石宮

積分: 293127

母親節2025勳章 2025勳章蛇年勳章 2023年兔年勳章


3#
發表於 22-11-8 08:28 |只看該作者
csir3290 發表於 22-10-30 10:29
上星期講開運動，咁啱呢個禮拜趁有時間就同阿仔阿女去咗泳池游水，因為係平日所以冇咁多人。但係去到點知咁 ...

據報道 學校自行分配入場門票
有家長收到學校門票 有家長無?

「據知賽會向每間學校分發一定數量門票供入場用，由校方自行分配予師生、舊生等，而門票數量約為疫情前的8成。」

原文網址: 學界D1游泳｜復常的學界看台　啦啦隊回歸　聖保羅氣勢冠絕全場 | 香港01 https://www.hk01.com/article/830464
私人傳訊

無知人


大宅

積分: 4200


2#
發表於 22-11-6 07:46 |只看該作者
本帖最後由 無知人 於 22-11-6 07:56 編輯
csir3290 發表於 22-10-30 10:29
上星期講開運動，咁啱呢個禮拜趁有時間就同阿仔阿女去咗泳池游水，因為係平日所以冇咁多人。但係去到點知咁 ...

樓主帖依系統資料該是10月31日，咁10月31前的一周非周末及周日即係10月24-28，咁即係HKSSF的D2的Day2(27Oct)及D1的Day1(28Oct)。咁熱烈既情況，到底是D2還是D1？都有可能吧，27日星期四是D2，定28日星期五便是D1。

至於學界游泳，家長是否遺規停留觀看，可以說家長的文明程度，同仔女游泳能力是完全無關的。其實游泳很易估到賽果，游水係計時定輸贏的個人項目，乜野人出賽，在HKASA的時間多少，一睇出賽表，名次是八九不離十，只有小數NS，DQ、手指篤贏亦係唔多的，何必呢？

其實如果D1，係有直播的，起碼往年，好似有2間男校有直播。游個HKASA長/短池Champ，Open Champ，HK Games好成績的一樣好用(Open Champ, HK Games不分齡，無3分3，上唔到樑山)，同D1學界一樣，都係FINA認可的(D2，D3學界唔係FINA認可)，代表香港出賽的都是要FINA認可成績，無得在家裡自娛自樂。
話時話，現在6Nov2022 7:50am，LCC第3天的往昔隊友仔已陸續到九公了。

私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy