少年成長今日: 0|主題: 16108

收藏本版

發帖

返回列表

跳至頁

查看: 13641 | 回覆: 0

被忽視的小目標 [複製鏈接]

csir3290

子爵府

積分: 12558

1^#

發表於 22-11-13 11:48 |只看該作者 |正序瀏覽 |打印

我哋做家長對自己嘅細路仔都有好多期望，最簡單例如讀書成績，興趣班嘅成績，或者做事成唔成功等等。但好多時呢啲期望或者目標都係著眼於成果，好多時就只係望到啲好大嘅目標，例如考試成績，考到乜嘢學校或者比賽結果等等。但係講真有陣時要達到家長期望嘅成績或者目標其實唔係咁容易。上星期我哋就講正正就係因為唔係咁容易達到，好多時家長就會用啲比較負面嘅說話去面對細路仔達唔到家長定嘅目標。

其實我哋做家長或者造成年人都應該要明白所有個大目標其實都係由無數嘅小目標堆砌而成，細路仔冇可能一步登天，可能只有好少數嘅細路仔佢天生就讀書好叻所以自細就可以考得好好成績，又或者運動天份好高用好短時間就已經達到參加比賽仲要攞獎呢一個目標。正正就係因為大部分嘅細路仔唔係咁樣，佢哋需要時間慢慢去做好，但係好多家長就係忽略咗呢一樣嘢，佢哋一開始就會幫細路仔定一個好高嘅目標但係過程中就忽略咗幫佢哋訂立啲細嘅目標。西目標點解咁重要啦因為細目標相對比較短期亦都容易啲達到，細路仔越快見到自己嘅成果，越快見到能夠達到目標，再加上父母畀佢哋嘅信心慢慢堆積建立自信就會更加容易慢慢達到一啲更長遠更大嘅目標。

我個仔為例細個幼稚園一年班溫默書係溫到想死，因為太多生字要默，初頭佢經常都唔合格，但係我同老婆後來都發現一次過幫佢溫十幾個生詞根本佢就溫得唔開心亦都好難做到好高分，所以我哋定嘅目標係例如要默十個生字今次我哋只係主力同佢溫四個，其他你可以話放棄又或者可以話係溫少啲。大因為只係四個生字所以佢嗰四個一定默到可能到頭來都係唔合格但係細路仔就會見到佢係能夠搵得到，下一次就可以加多一個畀佢，每一次同佢講對你嘅期望就係溫嗰幾個生字佢要識默，結果佢又真係可以因為溫嘅數量少啲，可能有啲家長會覺得咁佢都係唔合格但係有陣時我哋真係要重視過程多個成果，而我個仔亦都真係見到每一次佢重點溫嗰幾個生遲都係默到嘅，而每一次加多一個之後，對佢嚟講亦都可以完成其實可能係用多咗時間但係慢慢佢接受咗自己能夠溫到默書要溫嘅過程亦都唔會唔開心最終佢嘅默書係一年班下學期嘅時候其實次次都有九十幾分以上。雖然係用多咗時間但係建立咗信心之後我仔亦都相信自己係做得到之後幫佢溫習就會容易咗好多。如果又開始嘅時間我同老婆度嘅要求都係希望次次合格或者甚至乎係要八九十分以上可能其實佢一路都達唔到而且越嚟越冇信心。最終可能畀我而家用嘅時間更多都做唔到家長想要嘅成果。

又好似我個仔咁，佢一年班初頭返學嘅時候日日都喊，甚至乎喊到喺學校門口唔肯入去要社工出嚟接佢，其實嗰陣時我同老婆都覺得好煩惱。但係我哋都知道就算點鬧同迫都冇用，始終佢都係衝破唔到個障礙。最後我同老婆就用咗一個蓋印仔嘅方法，做咗一個好大嘅日曆貼喺佢房門度，同阿仔講只要佢第二日唔喊我哋就會給一個好靚嘅印仔蓋喺佢嗰個嘅日曆上面，其實開頭都唔係好得，但我哋慢慢將個要求再降低啲，例如佢肯行入學校，就算有喊我哋都蓋一個印仔畀佢，有陣時真係要將個要求定到好低甚至乎係監硬畀個印仔佢，但係個效果就係咁得意，當佢有咗第一個印仔佢就會想有第二第三個。佢有第一個嘅時候我哋下一個目標就係可唔可以連續有兩個印仔，因為喺個大嘅日曆上面佢好具體見到自己嘅成果，慢慢佢又真係克服咗唔再喊，成個過程其實大約用咗兩三個禮拜就已經過渡到。

其實講咁多就係想講好多時我哋做家長只係在意啲好大嘅目標，但係對於細路仔嘅發展嚟講其實小目標小成功就更加重要，因為呢一啲小目標同小成功就係幫佢哋慢慢建立自信令佢哋相信自己係可以做得到嘅重要組成部分。再加上我覺得做家長唔應該只係將重點放喺成果上，更加重要嘅係應該將個重點放喺過程入面，令到細路仔覺得佢付出嘅努力家長係睇到亦都欣賞到，雖然未必達到目標，但係我哋欣賞嘅係佢付出嘅努力，咁細路仔就會慢慢肯去嘗試，嘗試其實就係成功嘅第一步。所以大目標好多家長都會識得定，但係我覺得家長更重要學習嘅或者需要諗嘅係點樣將呢個大目標慢慢有意義地分拆成無數嘅小目標去幫助細路仔學習同埋成長。只重大目標而忽略細目標到頭來好多時係乜嘢目標都達唔到。