吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 忍左6年，我終於爆左我奶奶

婆媳關係今日: 0|主題: 27765

收藏本版

發帖

返回列表

跳至頁

查看: 61381 | 回覆: 25

忍左6年，我終於爆左我奶奶 [複製鏈接]

Ws1234

複式洋房

積分: 309

1^#

發表於 23-1-30 22:14 |只看該作者 |正序瀏覽 |打印

本帖最後由 Ws1234 於 23-1-30 22:19 編輯

未結婚之前，我已搬入去同佢仔同佢地一家住，果陣佢話我仔應該配呀邊個你配下邊個！有次行山我約左一班女性朋友咁岩佢仔又放假佢又話做咩唔同我仔行山，你根本就唔想同佢行，面對這些說話我已經唔開心但寄人離下我只好忍！但我地諗住結婚，但因為疫情一拖再拖，係我地煩緊婚宴時，佢又加把口話其實結唔結婚都無所謂都住埋一齊啦仲話金器比唔比都無所謂，同埋都知埋一齊生小朋友都無問題，我心諗：你緊要想一個錢都唔使拎我無名無份同你仔生仔啦結唔結都無所謂咁阿99你做咩結婚呀？咪因為你想落黎香港炸！佢咁講野我真係好嬲都我都選擇隱佢！我心諗你自己都有個女你係咪可以接受到佢個女都好似佢所講咁呀！到結完婚生左bb 佢係好開心好想我返佢家坐月我打死都唔去因為佢煮野好難食我返左阿媽到坐月有一日佢黎探孫我老公都係到佢竟然當住我媽同我面前話佢個仔瘦左呀！我媽聽完當然唔開心又係咁講個孫好似佢個仔咁靚仔似佢個仔眼大鼻高成日係孫面前講我聽完都想嘔那裡來的自信呀好似全世界得佢個仔最靚仔咁！到我坐完月帶埋bb返去佢家 bb 一喊佢成日抱同佢抱唔好抱佢佢唔聽又要搶住餵奶我扮聽唔到佢唔識餵又要爭住餵果次bb訓左佢仲繼續餵我睇唔過眼我搶返黎仲話我係咪佢飽得濟唔飽我同佢講：99格左5個鐘啦無飲奶啦！佢即刻收聲唔識湊又要爭住湊！我同我老公講左同埋99知我唔鐘意佢黎抱孫因為佢愈幫愈忙佢成日係我房彈出彈入我真心覺得佢好煩！到最近我地一家食飯佢話個孫瘦左，）我即刻爆左，我好大聲話係阿婆唔識湊湊到個孫愈來愈瘦呀！佢當場收聲！我即刻返左房我老公見唔對路！叫佢媽收聲唔好再講埋九唔搭8既野！我嬲既係佢無資格話孫瘦左因為佢無湊過婆婆咁辛苦湊佢係到話個孫瘦今次比我聽到都咁大反應如果兩家人食飯佢咁講人地聽到人地都覺得佢會怪緊阿婆湊得唔好！我之從生完之後我真係好憎佢以前我咩都隱隱左6年！年年生日佢地三仔那都會一齊過生日佢地一家從來唔會同我過生日我爆埋我老公佢地竟然話唔知我生日 6年佢地一齊過住生日我年年出席仲買埋蛋糕有一年希望佢地記得我生日我自己買蛋糕同佢地一齊慶祝自己生日結果下一年佢地都無搞我真係好唔開心佢阿媽仲講麻麻爸爸姑姐同乖孫一齊過生日淨係唔講我！我真係受夠！唔係因為經濟問題我都唔想住係到到生完我情緒變化仲大先將咁多年受既氣爆佢！99同我老公講：估唔到我咁大反應佢講野唔岩聽我可以即刻出聲停止佢！我心諗：佢點同個仔講都得啦到時我真係出聲你又唔鐘意嫁啦99 ！我老公仲要幫住佢阿媽話佢媽講野唔經大腦成日都講野錯佢無機心的但成日係我面前講埋咁既野有冇心大家心照佢係仔同我面前又講一套有冇心同經唔經大腦佢咁大個人點會分唔到呀！真係好憎佢好想走！

0 0 0

私人傳訊

Minnacat

公爵府

積分: 26732

26^#

發表於 23-6-2 01:26 |只看該作者

Ws1234 發表於 23-1-30 22:14
未結婚之前，我已搬入去同佢仔同佢地一家住，果陣佢話我仔應該配呀邊個你配下邊個！有次行山我約左一班 ...

樓主，其實你未結婚已經搬入去住已經比人地呀媽已經唔鐘意啦！你生日冇人同你慶祝，我覺得最大問題果個係你老公而不是你奶奶或者任何人，一日要痴你奶奶屋企住一日都要睇人面色，不如儲下錢搬出去啦！

私人傳訊

YanSuen1989

複式洋房

積分: 106

25^#

發表於 23-5-18 17:54 |只看該作者

Ws1234 發表於 23-1-30 22:14
未結婚之前，我已搬入去同佢仔同佢地一家住，果陣佢話我仔應該配呀邊個你配下邊個！有次行山我約左一班 ...

呢D99對新抱好似外人咁, 仲要同佢地一齊住, 其實都幾難受

私人傳訊

newc9

子爵府

積分: 12856

24^#

發表於 23-2-14 23:02 |只看該作者

mcs74 發表於 23-1-31 01:25
公道d講
1.生日問題應該係爆你老公
2.你老公唔係幫住你呀媽，只係你地又無能力搬走，佢只係作調解姐

生日真係你老公問題喎，吾同屋企人溝通好你生日，煮好小小，老公買埋蛋糕

私人傳訊

lojo11

翡翠宮

積分: 97944

2024年龍年勳章牛年勳章

23^#

發表於 23-2-11 18:36 |只看該作者

既然係咁就搬，老公唔肯搬你只有繼續同99住！其實你錯過左有得選擇嘅時機，無得怨

私人傳訊

littlefunpig

珊瑚宮

積分: 105696

2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章減齡達人勳章牛年勳章

22^#

發表於 23-2-6 16:00 |只看該作者

樓主可以的話都係快D搬

私人傳訊

littlefunpig

珊瑚宮

積分: 105696

2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章減齡達人勳章牛年勳章

21^#

發表於 23-2-6 15:59 |只看該作者

我唔會要男家同我興祝生日囉
老公同仔女同我一齊興祝就夠

私人傳訊

yeung_ma

水晶宮

積分: 61879

2023年兔年勳章虎到金來勳章

20^#

發表於 23-2-5 13:11 |只看該作者

無同你慶祝生日 , 唔通你老公都忘記你生日? 男家既人唔同你慶祝都算, 連你老公也忘記就過份了

私人傳訊

Chloe199401

男爵府

積分: 9449

牛年勳章

19^#

發表於 23-2-4 13:12 |只看該作者

我bb比較曳，唔識聽指令。
出街會跑得好快，無咩安全意識。
馬路都會照衝果種。
我用bb車推出街。安全問題。
都比人話我睇個bb都睇唔掂，
你睇得掂就唔洗用車仔拉。
用車仔推出街同無出街有咩分別呢。
就係因為你能力有問題囉。
又話車仔推住我有更多時間玩電話，
方便自己，唔識教小朋友。
佢自己帶我小朋友出街都用車仔。
鬧我既人對小朋友都係無咩耐性，
更唔會幫手湊，
玩下就可以。
真係咩都有人講。