婦女醫護 今日: 0 | 主題: 34278

積分: 333

1^#

發表於 24-4-13 22:24 |只看該作者 |正序瀏覽 |打印

我一向M量好多，所以有貧血，上樓梯會喘氣，久唔久會頭暈，有次仲暈咗喺公司。醫生check到我嚴重貧血，血指數得7，差點要輸血，所以建議我戴藥用子宮環。

未戴環之前，M come左三日（量多），第4日開始少，便戴環，一戴環立即重新M come，不過量就冇之前咁多，但都係鮮紅色，要用M巾的，一直流足兩星期。另外，醫生有開鐵丸比我食。兩個星期後明顯條氣好左，上樓冇再氣喘，個感覺好正！

第二次M come隔咗3 X日才來，量明顯少了。

戴環個多月後再覆診抽血，D血指數升返去13，好開心，今次有救啦！

第三次來M隔2 X日（少過28日），只來了3日，量好少，心諗慢慢就會越嚟越少量，盼望着。

到第4次只隔1 X日就來而且D量多返，但都比未戴的量少，來左3日停左1日，又好似重新M come 咁，又量多返，一直流左差唔多兩星期，慢慢開始少，心諗忍耐下，慢慢個子宮會適應的。

誰知第二日又好似重新嚟M甘量多返，今日仲痾左環出嚟，跟住就血崩了，好多血塊湧出來，我好驚。

因為我在瑪麗戴環的，所以立即上瑪麗急症，佢安排我入院。脫環後大量出血大約一小時就開始清了。醫生話可能我M量多把個環沖左出來，建議我重新再戴，咁我問醫生會唔會再沖出嚟，醫生話唔排除，但見我戴左環後，冇食鐵丸，血指數升返晒，仲有11，代表個環有效，所以幫我戴返。希望今次不會再脱落啦！

請問大家有冇我這情況？

0 0 0

私人傳訊回覆引用

積分: 333

41^#

發表於 25-7-16 09:51 |只看該作者

水果茶發表於 25-7-16 09:49
第二個環甩咗大約半年後，我再到瑪麗覆診，佢抽我子宮內膜組織化驗，結果話我係典型子宮內膜增生（20年內變 ...

唉！做女人真係麻煩，但都冇辦法，醫生話我第三個環甩返出嚟嘅機會都好大，唉！唔理咁多試多次先算啦！起碼戴環冇食荷爾蒙藥咁多副作用，而且食荷爾蒙藥都唔可以食得長，最多食半年。半年後再做抽子宮內膜檢查，如果冇改善，就真係考慮切咗個子宮佢就算。

私人傳訊回覆引用

積分: 333

40^#

發表於 25-7-16 09:49 |只看該作者

回覆樓主：

本帖最後由水果茶於 25-7-16 09:51 編輯

第二個環甩咗大約半年後，我再到瑪麗覆診，佢抽我子宮內膜組織化驗，結果話我係典型子宮內膜增生（20年內變成癌症的機會率少於5 ％），佢鼓勵我去私家先做刮宮及內窺鏡檢查，全面check清楚啲組織，然後叫我食荷爾蒙，之前我一直抗拒食荷爾蒙怕有副作用，但現在冇辦法，要解決子宮內膜增生，唯有聽醫生講開始食，但一食咗荷爾蒙真係好多副作用，又頭暈又作嘔，個胸又脹住痛，仲要係日日流血，每朝都要湧一堆血出來，搞到我日日瞓得好差

我睇咗兩個私家醫生，其實佢哋都建議我不如切咗個子宮一了百了，但係非緊急的。最後我都係決定保留子宮，唔想輕易切除子宮住。於是我決定戴多一次過還上去，代替食荷爾蒙藥去解決子宮內膜增生嘅問題。
而家做完刮宮及內窺鏡檢查，下星期攞報告。但係就帶咗第三個還上去，已經一星期，都係有流血嘅現象，不過就冇食荷爾蒙咁多副作用，只係流血，唔似食荷爾蒙咁係湧啲血出嚟，至少我晚晚可以一覺瞓天光。

私人傳訊回覆引用

積分: 333

39^#

發表於 25-5-8 22:19 |只看該作者

Nbs 發表於 25-5-5 00:22
海扶刀係處理個肌瘤，等個肌瘤凋謝，咁就唔會再失血咁多。不過唔係人人適合做，亦都唔係個個都有效。你可 ...

明白了！謝謝你解釋

私人傳訊回覆引用

積分: 333

38^#

發表於 25-5-8 22:18 |只看該作者

nganfung 發表於 25-5-5 10:32
回覆 Nbs 的帖子

請問單食止血丸可唔可以令經血完全停止? 因為我D月經唔識停, 又唔想成日食荷爾蒙藥. ...

係唔得架！其實我食左完全唔覺得有止血，但醫生話總會有，反而食中藥仲快過佢

點評

nganfung

發表於 25-5-9 11:24

私人傳訊回覆引用

Nbs

積分: 62230

37^#

發表於 25-5-5 10:38 |只看該作者

nganfung 發表於 25-5-5 10:32
回覆 Nbs 的帖子

請問單食止血丸可唔可以令經血完全停止? 因為我D月經唔識停, 又唔想成日食荷爾蒙藥. ...

止血丸通常只係減少流量，唔會完全停晒

點評

nganfung

發表於 25-5-5 11:45

私人傳訊回覆引用

nganfung

男爵府

積分: 5024

36^#

發表於 25-5-5 10:32 |只看該作者

回覆 Nbs 的帖子

請問單食止血丸可唔可以令經血完全停止? 因為我D月經唔識停, 又唔想成日食荷爾蒙藥.

私人傳訊回覆引用

Nbs

積分: 62230

35^#

發表於 25-5-5 00:22 |只看該作者

本帖最後由 Nbs 於 25-5-5 00:22 編輯

水果茶發表於 25-5-4 22:56
什麼叫海扶刀？

海扶刀係處理個肌瘤，等個肌瘤凋謝，咁就唔會再失血咁多。不過唔係人人適合做，亦都唔係個個都有效。你可以上網再研究下，香港會做嘅私家醫生唔多。政府以我所知就冇嘅。

私人傳訊回覆引用

積分: 333

34^#

發表於 25-5-4 23:11 |只看該作者

回覆樓主：

本帖最後由水果茶於 25-5-4 23:13 編輯

第二個環甩咗之後，我連續三個月都冇M來，不知幾舒服，我仲以為唔通剛剛係更年期停經，係就唔駛煩。

誰知第4個開始來返經，開頭量好少的。

到第5個月慢慢多返，仲來足10日，但係識得乾淨的，不像戴環時沒完沒了咁滲血。

到第6個月量越來越多，我就去睇中醫，一食中醫係會撳住佢冇流咁多㗎喎，好過食止血丸完全唔見效。所以打算下個月一來M就去睇中醫。

至於啲鐵丸，醫院又俾唔夠數量我，食晒就停食咗個幾兩個月。

過兩個星期就要去抽血複診，睇吓到時我啲血指數會唔會低返，睇吓情況點囉。

仲有呀，瑪麗嗰度同我check過肌瘤有9cm大，佢係用唧啫喱起肚腩面嗰隻超聲波，我去睇私家，佢用一支棍伸入陰道照嗰隻超聲波，一照話我只有5cm大，個醫生叫我帶埋個超聲波幅相去複診。想想吓都覺得政府醫院啲嘢都幾求其，不過我窮就冇辦法啦，繼續會去政府醫院複診的。

私人傳訊回覆引用

積分: 333

33^#

發表於 25-5-4 22:56 |只看該作者

Nbs 發表於 24-12-1 19:34
Ic
唔得嘅可以考慮下海扶刀

什麼叫海扶刀？

私人傳訊回覆引用

sillything

積分: 69046

2024年龍年勳章 HiPP勳章(1) 開心吸收勳章美好大世界2017勳章想生BB熱投好媽媽勳章醒目開學勳章畀面勳章大廚勳章 BK Milk勳章

32^#

發表於 24-12-22 02:21 |只看該作者

水果茶發表於 24-12-1 19:33
不算正式咁食，只係多血才食，食咗都唔見止血，又不是跟足指示連續食5日
...

你信唔信中成藥架？我都好多時嚟得勁，嚟到血崩咁我中醫教我食雲南白藥嚟止血，我都係嚟得勁多我先食，你信嘅可以試吓，丸裝好易吞

我們都以為，很努力去做，就可以做好一件事。但原來我們是很用力地，去做錯一件事。

私人傳訊回覆引用

karenhyy

男爵府

積分: 6543

31^#

發表於 24-12-11 02:24 |只看該作者

回覆水果茶的帖子

你好我之前都有同你傾談過我現在個情況都係個個月血崩得好勁已經冇停過咁睇中醫加針灸都完全冇改善我現在都係靠止血藥同鐵丸真係唔知點處理啲肌瘤

私人傳訊回覆引用

crystal媽咪

寶石宮

積分: 339732

2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 2018母親節勳章 2018父親節勳章畀面勳章環保接龍勳章 BK Milk勳章

30^#

發表於 24-12-8 09:23 |只看該作者

水果茶發表於 24-12-1 16:03
好了！一切都完結了！
我戴第一個藥環4個月甩咗出嚟，於是戴第二個。

咁可能個位置唔適合戴

不要從別人的嘴裡去認識我

私人傳訊回覆引用

Nbs

積分: 62230

29^#

發表於 24-12-1 19:34 |只看該作者

水果茶發表於 24-12-1 19:33
不算正式咁食，只係多血才食，食咗都唔見止血，又不是跟足指示連續食5日
...

Ic
唔得嘅可以考慮下海扶刀

私人傳訊回覆引用

積分: 333

28^#

發表於 24-12-1 19:33 |只看該作者

Nbs 發表於 24-12-1 18:43
你上環前冇試過止血丸呢個方法?

不算正式咁食，只係多血才食，食咗都唔見止血，又不是跟足指示連續食5日

私人傳訊回覆引用

Nbs

積分: 62230

27^#

發表於 24-12-1 18:43 |只看該作者

回覆樓主：

本帖最後由 Nbs 於 24-12-1 18:44 編輯

你上環前冇試過止血丸呢個方法?

私人傳訊回覆引用