我又係怕自己嘅經歷嚇親其他人，加上唔想放負影響到人，點知大家傾吓傾吓越講越多，冇諗過經歷咁似，真係有啲surprise

唔知點解，經歷咁多又揾唔到原因都好，我仍然覺得自己會成功㗎，可能係我樂觀，又或者輸唔起，唔相信自己會生唔到掛。但係從吸引力法則嚟講，點都係好事，對自己有信心，相信一定會成功就終有一日會成功㗎啦！你哋都係！

私人傳訊

meiei

大宅

積分: 1115

58^#

發表於 24-5-7 23:09 |只看該作者

本帖最後由 meiei 於 24-5-7 23:16 編輯

pigx3 發表於 24-5-7 22:43
我諗你同我真係exactly 嘅同路人，經歷都一樣，由唔係高齡搞到高齡都仲未得，亦唔知邊度出問題導致多次小 ...

有時都想搵人圍爐分享下但身邊點會搵到有人都係流左咁多次呀自己都唔好意思講比人聽
所以都唔會留言費事影響人地又攪到自己諗多左野

不過有時大家唔講只係大家面對緊唔同問題係同一條路上搵到同行的JM 互相支持下講下笑下個人真係會放鬆d

就係冇原因所以依家都係調理住先咋
不過你地的分享同留言真係激勵我想再次向前有人一齊努力的感覺是很好的！

私人傳訊

pigx3

別墅

積分: 879

57^#

發表於 24-5-7 23:05 |只看該作者

Chanlamlala 發表於 24-5-7 22:19
係呀，因為其實我唔難受孕，
之前我bingo左都未有開心感覺，因為真係要去到抱係手先叫有實感
同埋我後尾都 ...

睇完你哋嘅分享，真係覺得I’m not alone，我都係曾經寧願唔著床都唔想搞到要小產，每次驗到有咗都唔敢開心，唔敢講比人聽，每次作小產，明知打嗰支痛到死嘅油針都保唔住個胎都係會選擇打，好驚自己唔盡力保住佢會自責後悔，要同父母奶奶解釋點解會冇咗即使佢哋不停安慰我都覺得係二次傷害……

仲有好多好多依啲hard time，不過就係因為經歷過依啲嘢先知自己好tough，唔想後悔，唔想將來覺得自己冇盡全力，所以我都會再試多次。見到你哋都仍然努力緊，對我真係好大嘅鼓勵，希望我哋終有一日都得償所願！

私人傳訊

pigx3

別墅

積分: 879

56^#

發表於 24-5-7 22:49 |只看該作者

本帖最後由 pigx3 於 24-5-8 04:25 編輯

Chanlamlala 發表於 24-5-7 21:51
我都想講小小自己經驗
我頭2次小產都驗唔到心跳，係6weeks就停左發育
之後有開始中醫調理，只係調左2個月又 ...

多謝你嘅分享！因為經歷過，明白要幾強大嘅內心先可以再提往事！我覺得你好叻，當時一定好傷心，依家捱過咗又可以出嚟鼓勵其他人，希望你今次順順利利，抱個bb返屋企！

你4月尾去初診，點解準備6月先開針呀？

私人傳訊

pigx3

別墅

積分: 879

55^#

發表於 24-5-7 22:43 |只看該作者

meiei 發表於 24-5-7 21:50
欣賞你的理性分析～我由唔係高齡試到高齡，醫生由一開始話不幸叫我再試，試到話我高齡都可以係原因。咩都 ...

我諗你同我真係exactly 嘅同路人，經歷都一樣，由唔係高齡搞到高齡都仲未得，亦唔知邊度出問題導致多次小產…… 我以前都好摺，齋睇唔多留言，因為好驚影響到自己嘅情緒……

咁你睇咗中醫都係唔成功？揾到原因未？你打算點呀？

私人傳訊

Chanlamlala

複式洋房

積分: 360

54^#

發表於 24-5-7 22:19 |只看該作者

meiei 發表於 24-5-7 22:05
多謝你分享好正面同好有同感。
我一開始都驗好多野好希望是但搵到d 原因去解釋呢件事。
有時仲寧願唔中 ...

係呀，因為其實我唔難受孕，
之前我bingo左都未有開心感覺，因為真係要去到抱係手先叫有實感
同埋我後尾都已經唔敢同人講我bingo左，怕一講完轉個頭冇左又要解釋反，對自己係二次傷害
呢條路係孤獨，但又同時知道好多人都一樣孤獨行緊，只係大家面對既情況唔同
所以一定要有懷有希望咁去行，可能再堅持多一下，就會成功。。。一齊加油！